ໜ່ວຍຍາມຝັ່ງຍີ່ປຸ່ນກ່າວວ່າ ກໍ່າປັ່ນລັດຖະບານຈີນສາມລໍາ ໄດ້ແລ່ນເຂົ້າໄປໃນເຂດນ່ານນໍ້າ ຢູ່ໃກ້ໝູ່ເກາະທີ່ເປັນຂໍ້ຂັດແຍ້ງກັນຢ່າງຮຸນແຮງ ໃນເຂດທະເລຈີນຕາເວັນອອກ.
ໃນຖະແຫຼງການສະບັບນຶ່ງ ເມື່ອວັນພຸດມື້ນີ້ ໜ່ວຍຍາມຝັ່ງຍີ່ປຸ່ນກ່າວວ່າ ກໍ່າປັ່ນຈີນ ບໍ່ໄດ້ເອົາຫົວຊາຄໍາຕໍ່ເຕືອນຈາກກໍ່າປັ່ນລາດຕະເວນຍີ່ປຸ່ນແຕ່ຢ່າງໃດ ແລະກໍໄດ້ແລ່ນລ່ວງລໍ້າເຂົ້າໄປໃກ້ເຂດໝູ່ເກາະທີ່ຄວບຄຸມໂດຍຍີ່ປຸ່ນ. ໜ່ວຍຍາມຝັ່ງກ່າວຕື່ມວ່າ ກໍ່າປັ່ນຂອງຍີ່ປຸ່ນໄດ້ທວງໃຫ້ກໍ່າປັ່ນຂອງຈີນຈົ່ງໜີອອກຈາກເຂດດັ່ງກ່າວ ແຕ່ກໍປະກົດວ່າຍັງບໍ່ໄດ້ຮັບຄໍາຕອບໃດໆ ຈາກຈີນ.
ລັດຖະບານປັກກິ່ງໄດ້ປະຕິຍານວ່າ ຈະສືບຕໍ່ດໍາເນີນການໃນອັນທີ່ຕົນເອີ້ນ ວ່າ ການລາດຕະເວນເປັນປະຈໍາ ຢູ່ໃກ້ເຂດໝູ່ເກາະດັ່ງກ່າວ ຊຶ່ງຈີນກ່າວວ່າ ເປັນພາກສ່ວນນຶ່ງຂອງເຂດນໍ້າແດນດິນຂອງຕົນ. ຄວາມເຄັ່ງຕຶງລະ ຫວ່າງຈີນແລະຍີ່ປຸ່ນໄດ້ເພີ່ມທະວີຂຶ້ນໄປນັບມື້ ຫຼັງຈາກໂຕກຽວໄດ້ຊື້ບາງ ສ່ວນຂອງໝູ່ເກາະຫີນນ້ອຍໆເຫຼົ່ານີ້ ຈາກເຈົ້າຂອງທີ່ເປັນເອກກະຊົນຊາວຍີ່ປຸ່ນເມື່ອເດືອນຜ່ານມາ.
ໃນຂະນະດຽວກັນ ທ່ານນາງ Christine Lagarde ຫົວໜ້າອົງການກອງທຶນສາກົນ ຫຼື IMF ໄດ້ຮຽກຮ້ອງໃຫ້ຈີນແລະຍີ່ປຸ່ນຈົ່ງຫາທາງແກ້ໄຂຂໍ້ຂັດແຍ່ງກັນດັ່ງກ່າວນີ້ໂດຍໄວ ໂດຍກ່າວວ່າຄວາມບໍ່ທຸ່ນທ່ຽງຂອງເສດຖະກິດໂລກທີ່ເປັນໄປຢູ່ໃນຂະນະນີ້ແມ່ນຕ້ອງການໃຫ້ມະຫາອໍານາດທາງເສດຖະ ກິດທັງສອງເປັນຜູ້ມີສ່ວນພົວພັນໂດຍເຕັມ.
ໃນຖະແຫຼງການສະບັບນຶ່ງ ເມື່ອວັນພຸດມື້ນີ້ ໜ່ວຍຍາມຝັ່ງຍີ່ປຸ່ນກ່າວວ່າ ກໍ່າປັ່ນຈີນ ບໍ່ໄດ້ເອົາຫົວຊາຄໍາຕໍ່ເຕືອນຈາກກໍ່າປັ່ນລາດຕະເວນຍີ່ປຸ່ນແຕ່ຢ່າງໃດ ແລະກໍໄດ້ແລ່ນລ່ວງລໍ້າເຂົ້າໄປໃກ້ເຂດໝູ່ເກາະທີ່ຄວບຄຸມໂດຍຍີ່ປຸ່ນ. ໜ່ວຍຍາມຝັ່ງກ່າວຕື່ມວ່າ ກໍ່າປັ່ນຂອງຍີ່ປຸ່ນໄດ້ທວງໃຫ້ກໍ່າປັ່ນຂອງຈີນຈົ່ງໜີອອກຈາກເຂດດັ່ງກ່າວ ແຕ່ກໍປະກົດວ່າຍັງບໍ່ໄດ້ຮັບຄໍາຕອບໃດໆ ຈາກຈີນ.
ລັດຖະບານປັກກິ່ງໄດ້ປະຕິຍານວ່າ ຈະສືບຕໍ່ດໍາເນີນການໃນອັນທີ່ຕົນເອີ້ນ ວ່າ ການລາດຕະເວນເປັນປະຈໍາ ຢູ່ໃກ້ເຂດໝູ່ເກາະດັ່ງກ່າວ ຊຶ່ງຈີນກ່າວວ່າ ເປັນພາກສ່ວນນຶ່ງຂອງເຂດນໍ້າແດນດິນຂອງຕົນ. ຄວາມເຄັ່ງຕຶງລະ ຫວ່າງຈີນແລະຍີ່ປຸ່ນໄດ້ເພີ່ມທະວີຂຶ້ນໄປນັບມື້ ຫຼັງຈາກໂຕກຽວໄດ້ຊື້ບາງ ສ່ວນຂອງໝູ່ເກາະຫີນນ້ອຍໆເຫຼົ່ານີ້ ຈາກເຈົ້າຂອງທີ່ເປັນເອກກະຊົນຊາວຍີ່ປຸ່ນເມື່ອເດືອນຜ່ານມາ.
ໃນຂະນະດຽວກັນ ທ່ານນາງ Christine Lagarde ຫົວໜ້າອົງການກອງທຶນສາກົນ ຫຼື IMF ໄດ້ຮຽກຮ້ອງໃຫ້ຈີນແລະຍີ່ປຸ່ນຈົ່ງຫາທາງແກ້ໄຂຂໍ້ຂັດແຍ່ງກັນດັ່ງກ່າວນີ້ໂດຍໄວ ໂດຍກ່າວວ່າຄວາມບໍ່ທຸ່ນທ່ຽງຂອງເສດຖະກິດໂລກທີ່ເປັນໄປຢູ່ໃນຂະນະນີ້ແມ່ນຕ້ອງການໃຫ້ມະຫາອໍານາດທາງເສດຖະ ກິດທັງສອງເປັນຜູ້ມີສ່ວນພົວພັນໂດຍເຕັມ.
