ກອງທັບ ຈີນ ໄດ້ເປີດເຜີຍວິດີໂອ ກ່ຽວກັບ ສິ່ງທີ່ປາກົດວ່າສະແດງໃຫ້ເຫັນເຫດການເຊິ່ງເຮືອບິນລົບຂອງເຂົາເຈົ້າ ໄດ້ເຂົ້າສະກັດກັ້ນເຮືອບິນສອດແນມຂອງ ອອສເຕຣເລຍ ຢູ່ເໜືອທະເລຈີນໃຕ້ໃນປີ 2022. ກອງກຳລັງປ້ອງກັນປະເທດ ອອສເຕຣເລຍ ໄດ້ກ່າວວ່າ ເຂົາເຈົ້າຮູ້ ກ່ຽວກັບ “ວິດີໂອທີ່ໄດ້ບໍ່ໄດ້ຖືກຢືນຢັນນັ້ນ” ທີ່ປາກົດວ່າໄດ້ສະແດງໃຫ້ເຫັນເຮືອບິນຂອງ ອອສເຕຣເລຍ ດຳເນີນການລາດຕະເວນປະຈຳວັນໃນເຂດໜ່ານຟ້າສາກົນ. ຟິລ ເມີເຊີ ມີລາຍງານຈາກນະຄອນ ຊິດນີ, ເຊິ່ງ ພຸດທະສອນ ຈະນຳລາຍລະອຽດມສະເໜີທ່ານໃນອັນດັບຕໍ່ໄປ.
ບັນດາເຈົ້າໜ້າທີ່ໃນ ປັກກິ່ງ ມີວິດີໂອ ກ່ຽວກັບ ສິ່ງທີ່ປາກົດວ່າຈະເປັນເຮືອບິນລົບ J-16 ຂອງ ຈີນ ເຂົ້າສະກັດກັ້ນເຮືອບິນສອດແນມ P-8 Poseidon ຂອງ ອອສເຕຣເລຍ ເມື່ອສອງປີທີ່ຜ່ານມາ.
ອີງຕາມວິດີໂອທີ່ອອກອາກາດໃນສາລະຄະດີຂອງໂທລະພາບລັດຖະບານ ຈີນ ເມື່ອສອງສາມວັນທີ່ຜ່ານມານີ້, “ລະເບີດແສງອິນຟຣາເຣດ” ກໍຖືກຍິງໄປໃສ່ເຮືອບິນຂອງ ອອສເຕຣເລຍ ເຊັ່ນກັນ, ແນວໃດກໍຕາມການກ່າວອ້າງດັ່ງກ່າວແມ່ນບໍ່ໄດ້ຖືກຢືນຢັນໂດຍບັນດາເຈົ້າໜ້າທີ່ໃນນະຄອນຫຼວງ ແຄນເບີຣາ.
ໃນວັນພຸດມື້ນີ້, ໂຄສົກເງົາການພົວພັນຕ່າງປະເທດທີ່ເປັນຝ່າຍຄ້ານ ທ່ານ ຊາຍມອນ ເບີມິງແຮມ ໄດ້ກ່າວຕໍ່ໂທລະພາບ ABC ວ່າມັນເປັນການກະທຳທີ່ມຸ່ງຮ້າຍໂດຍ ຈີນ.
ທ່ານ ເບີມິງແຮມ ກ່າວວ່າ “ວິດີໂອທີ່ໜ້າເປັນຫ່ວງນີ້ປາກົດວ່າໄດ້ອະທິບາຍ ອອສເຕຣເລຍ ວ່າເປັນສັດຕູ ແລະ ຄູ່ແຂ່ງ ແລະ ແນ່ນອນນັ້ນບໍ່ແມ່ນວິທີທີ່ເຮົາເຫັນຕົນເອງ ໃນອັນທີ່ກ່ຽວຂ້ອງກັບປະເພດຂອງສາຍພົວພັນທີ່ພວກເຮົາຢາກມີກັບ ຈີນ.”
ໃນລະຫວ່າງການປະເຊີນໜ້າກັນຢູ່ເໜືອທະເລຈີນໃຕ້ໃນປີ 2022 ນັ້ນ, ເຮືອບິນລົບ ຈີນ ປາກົດວ່າໄດ້ບິນຢູ່ທາງຂ້າງເຮືອບິນກອງທັບອາກາດ ອອສເຕຣເລຍ ໂດຍຍິງແສງ ແລະ “ເສດຝອນໂລຫະ,” ລວມທັງເສດອາລູມີນຽມຂະໜາດນ້ອຍ, ໃສ່ໃນເສັ້ນທາງການບິນຂອງເຂົາເຈົ້າ.
ໃນຖະແຫຼງການສະບັບນຶ່ງ, ກອງກຳລັງປ້ອງກັນປະເທດ ອອສເຕຣເລຍ ໄດ້ກ່າວຕໍ່ໂທລະພາບ ABC ວ່າເຂົາເຈົ້າ “ຈະສືບຕໍ່ການປະຕິບັດສິດທິຕໍ່ເສລີພາບໃນການເດີນເຮືອ ແລະ ການບິນ ໃນເຂດໜ່ານນ້ຳ ແລະ ໜ່ານຟ້າສາກົນ.”
ຖະແຫຼງການຂອງກອງກຳລັງປ້ອງກັນປະເທດ ອອສເຕຣເລຍ ກ່າວວ່າ “ກອງກຳລັງປ້ອງກັນປະເທດ ອອສເຕຣເລຍ ເປັນເວລາຫຼາຍທົດສະວັດມາແລ້ວ ໄດ້ດຳເນີນກິດຈະກຳສອດແນມທາງທະເລຢູ່ໃນພາກພື້ນ ແລະ ໄດ້ເຮັດແນວນັ້ນຕາມກົດໝາຍສາກົນ.”
ທະເລຈີນໃຕ້ ແມ່ນເສັ້ນທາງການຂົນສົ່ງທາງທະເລທີ່ສຳຄັນ ແລະ ມີພື້ນທີ່ຫາປາທີ່ອຸດົມສົມບູນ.
ການກ່າວອ້າງເອົາເຂດແດນທີ່ກວ້າງຂວາງຂອງ ຈີນ ໃນພາກພື້ນດັ່ງກ່າວ, ໄດ້ນຳໄປສູ່ຄວາມຂັດແຍ້ງກັບປະເທດຕ່າງໆທີ່ຍາດກັນອ້າງເອົາເຂດແດນນັ້ນ, ລວມມີ ມາເລເຊຍ, ຫວຽດນາມ ແລະ ຟີລິບປິນ.
ຈີນ ແລະ ສະຫະລັດ ໄດ້ຕົກລົງທີ່ຈະຂະຫຍາຍການສື່ສານກັນເພື່ອຫຼີກລ່ຽງຄວາມຂັດແຍ້ງໃນທະເລຈີນໃຕ້.
ຄວາມເຄັ່ງຕຶງໃນພາກພື້ນດັ່ງກ່າວແມ່ນນຶ່ງໃນຄວາມຂັດແຍ້ງທາງພູມສາດການເມືອງ ທີ່ໄດ້ເຮັດໃຫ້ສາຍພົວພັນລະຫວ່າງ ອອສເຕຣເລຍ ກັບ ຈີນ ບໍ່ໝັ້ນຄົງ, ເຊິ່ງແມ່ນຄູ່ຮ່ວມການຄ້າທີ່ໃຫຍ່ທີ່ສຸດຂອງເຂົາເຈົ້າ.
ຄວາມແຕກແຍກທາງການເມືອງທີ່ວ່ານັ້ນແມ່ນກຳລັງຫຼຸດລົງ ແຕ່ລັດຖະບານ ແຄນເບີຣາ ໄດ້ເຕືອນວ່າຄວາມແຕກຕ່າງທັງຫຼາຍ, ໃນເວລາໃດເວລານຶ່ງ, ຈະສືບຕໍ່ແບ່ງແຍກສອງປະເທດ ອິນໂດປາຊີຟິກນັ້ນ.
ອ່ານລາຍງານນີ້ເປັນພາສາອັງກິດ
Authorities in Beijing have video of what appears to be a Chinese J-16 fighter jet intercepting an Australian P-8 Poseidon surveillance aircraft two years ago.
According to the footage broadcast on a documentary on Chinese state television in recent days, a "flashing infrared bomb" was also fired toward the Australian plane, although that claim has not been verified by authorities in Canberra.
On Wednesday, opposition shadow foreign affairs spokesperson Simon Birmingham told the Australian Broadcasting Corp. that it was a hostile act by China.
“Disturbingly within this video it appears to describe Australia as an enemy and an opponent and that is certainly not how we see ourselves in relation to the type of relationship we wish to have with China.”
During the encounter over the South China Sea in 2022, the Chinese jet appeared to fly alongside the Royal Australian Airforce plane releasing flares and “chaff,” including small pieces of aluminum, into its flight path.
In a statement, the Australian Defense Force told the Australian Broadcasting Corp. that it would "continue to exercise the right to freedom of navigation and overflight in international waters and airspace.”
“The Australian Defense Force has for decades undertaken maritime surveillance activities in the region and does so in accordance with international law.”
The South China Sea is a major shipping route and has rich fishing grounds.
China has expansive claims in the region, which have led to disputes with countries with competing claims, including Malaysia, Vietnam and the Philippines.
China and the United States have agreed to increase communication to avoid conflict in the South China Sea.
Tensions in the region were among various geopolitical disputes that destabilized Australia’s relations with China, its biggest trading partner.
Those diplomatic frictions are easing but the Canberra government has warned that differences would, at times, continue to divide the two Indo-Pacific countries.
ຟໍຣັມສະແດງຄວາມຄິດເຫັນ