ລິ້ງ ສຳຫລັບເຂົ້າຫາ

logo-print

ຈີນ ພັດທະນາ ອຸດສາຫະກໍາຍົນໂດຣນ ຢ່າງໃຫຍ່ (ວີດິໂອຮຽນພາສາອັງກິດ)


ຍົນ Drone ຫຍີ່ຫໍ້ Yilong ແລະ Xianglong ຂອງຈີນ.
ວັນເສົາມື້ນີ້ ເຮົາຂໍສະເໜີ ສາລະຄະດີເທັກໂນໂລຈີຂອງພະ
ແນກພາສາອັງກິດພິເສດແທນການແພດ ຊຶ່ງມື້ນີ້ ຈະແມ່ນ
ເລື້ອງກ່ຽວກັບການພັດທະນາອຸດສາຫະກໍາ ເຮືອບິນບໍ່ມີຄົນ
ຂັບ ຫລືຍົນ Droneຂອງຈີນ ຄືເມື່ອໄວໆມານີ້ ຈີນໄດ້ເປີດ
ເຜີຍໃຫ້ຮູ້ວ່າ ຕົນໄດ້ພິຈາລະນາວ່າ ຈະໃຊ້ເຮືອບິນບໍ່ມີຄົນ
ຂັບ ໂຈມຕີທ້າວໜໍ່ຄໍາ ພໍ່ຄ້າຢາເສບຕິດໃຫຍ່ ຢູ່ໃນມຽນມາ
ຊຶ່ງຜູ້ກ່ຽວຖືກຈີນຕາມລ່າໂຕ ໃນຂໍ້ຫາໂຈມຕີເຮືອສິນຄ້າຂອງ
ຈີນ ຢູ່ເຂດສາມຫລ່ຽມຄໍາ ທີ່ເຮັດໃຫ້ລູກເຮືອຊາວຈີນ ເສຍ
ຊີວິດຫລາຍຄົນນັ້ນ. ທ້າວໜໍ່ຄ້າໄດ້ຖືກຈັບຢູ່ໃນລາວເມື່ອປີ
ກາຍນີ້ ແລະຖືກປະຫານຊີວິດຢູ່ຈີນ ເມື່ອບໍ່ດົນມານີ້ ບົວສະ
ຫວັນ ມີລາຍງານມາສະເໜີທ່ານ.


ເບິ່ງວີດິໂອຂ່າວນີ້ ແລະຮຽນພາສາອັງກິດໄປພ້ອມ:



ຈີນເວົ້າໃນອາທິດແລ້ວນີ້ວ່າ ຕົນໄດ້ພິຈາລະນາຈະສົ່ງເຮືອບິນ ບໍ່ມີຄົນຂັບ ໄປໂຈມຕີ ພໍ່ຄ້າຢາເສບຕິດໃຫຍ່ຂອງມຽນມາ ທີ່ຈີນຕ້ອງ ການຕົວ ຍ້ອນໄດ້ສັງຫານລູກເຮືອຈີນ 13 ຄົນ.

ເຈົ້າໜ້າທີ່ຂັ້ນສູງສຸດຝ່າຍຢາເສບຕິດຂອງຈີນ ທ່ານ Liu Yuejin ເວົ້າວ່າ ແຜນການກໍແມ່ນ
ຖິ້ມລະເບີດໃສ່ບ່ອນລີ້ຊ່ອນຂອງລາຊາຢາເສບຕິດຄົນນັ້ນ ຢູ່ທາງພາກຕາເວັນອອກສຽງເໜືອ
ຂອງມຽນມາ ໂດຍໃຊ້ເຮືອບິນບໍ່ມີຄົນຂັບ.

ເຈົ້າໜ້າທີ່ດັ່ງກ່າວເວົ້າວ່າ ຄວາມຄິດໃນການໃຊ້ເຮືອບິນບໍ່ມີຄົນຂັບທໍາການໂຈມຕີ ໄດ້ຖືກ
ປະຖິ້ມໃນບັ້ນສຸດທ້າຍ ເພື່ອຈັບເປັນທ້າວໜໍ່ຄໍາ. ຜູ້ກ່ຽວຖືກຈັບໄດ້ໃນເດືອນເມສາ ປີກາຍ
ນີ້ ໃນການປະຕິບັດງານຮ່ວມກັນກັບລາວ.

ຄໍາເຫັນຂອງເຈົ້າໜ້າທີ່ທ່ານນີ້ ແມ່ນເປັນຮ່ອງຮອຍບອກໃຫ້ຮູ້ວ່າ ຈີນມີການພັດທະນາເທັກ
ໂນໂລຈີການບິນທີ່ບໍ່ໃຊ້ຄົນຂັບຫລາຍຂຶ້ນເລື້ອຍໆ. ຄໍາເຫັນ ດັ່ງກ່າວຍັງເປັນການສະເໜີ
ແນະໃຫ້ຮູ້ວ່າ ຈີນກໍາລັງພິຈາລະນາຢ່າງຈິງຈັງ ໃນການໃຊ້ການໂຈມຕີດ້ວຍເຮືອບິນ ບໍ່ມີ
ຄົນຂັບ ຢູ່ນອກເຂດຊາຍແດນຂອງຕົນ.

ທ່ານ Peter Dutton ທີ່ວິທະຍາຄານທະຫານເຮືອສະຫະລັດ ເວົ້າວ່າ ຈີນກໍາລັງກ້າວໜີ
ໄປຈາກນະໂຍບາຍຂອງຕົນໃນເມື່ອກ່ອນ ທີ່ບໍ່ແຊກແຊງເຂົ້າໃນກິດຈະການຂອງສາກົນ.

ທ່ານ Dutton ເວົ້າວ່າ: “ນີ້ແມ່ນເປັນການປ່ຽນແປງໃໝ່. ນີ້ແມ່ນປະເທດຈີນທີ່ມີ
ການປະພຶດຢ່າງຫ້າວຫັນຂຶ້ນໃນເວທີສາກົນ ຫລາຍກວ່າທີ່ເຄີຍມີມາໃນເມື່ອ
ກ່ອນ ເພື່ອປົກປ້ອງຜົນປະໂຫຍດຂອງຕົນຢູ່ນອກເໜືອເຂດຊາຍແດນຂອງຕົນ.”


ເປັນເວລາຫລາຍປີມາແລ້ວ ທີ່ສະຫະລັດເປັນຜູ້ນໍາໜ້າໃນຕະຫລາດເຮືອບິນ ບໍ່ມີຄົນຂັບ
ຂອງໂລກ. ເປັນທີ່ຮູ້ກັນວ່າ ສະຫະລັດເຄີຍໃຊ້ ຍານອາກາດທີ່ບໍ່ມີຄົນຂັບ ຫລື UAV ທໍາ
ການໂຈມຕີ ຕໍ່ເປົ້າໝາຍຕ່າງປະເທດ.

ໃນຊຸມປີໝໍ່ມານີ້ໆ ຈີນໄດ້ປັບປຸງເທັກໂນໂລຈີເຮືອບິນບໍ່ມີຄົນຂັບຂອງຕົນຢ່າງຫລວງຫລາຍ
ແລະໄດ້ອວດອ້າງສະແດງເຮືອບິນບໍ່ມີຄົນຂັບລຸ້ນໃໝ່ໆ ຂອງຕົນຫລາຍອັນ ຢູ່ໃນງານ
ວາງສະແດງຍານອາກາດ ຢູ່ໃນປະເທດ ເມື່ອໄວໆມານີ້. ເຮືອບິນບໍ່ມີຄົນຂັບລໍານຶ່ງ ໃນ
ຫລາຍໆລໍານັ້ນ ສາມາດໄປ ໄກໄດ້ ເຖິງ 3.200 ກິໂລແມັດ.

ນອກນັ້ນ ຈີນຍັງກໍາລັງປັບປຸງລະບົບນໍາທາງໃນໂລກ ຫລື global navigation system
ຂອງຕົນໃຫ້ທັນສະໄໝຂຶ້ນ ເພື່ອໃຫ້ສາມາດແຂ່ງຂັນໄດ້ກັບລະບົບຂອງສະຫະລັດ, ຣັດເຊຍ ແລະ ຢູໂຣບ.

ສະຫະລັດໄດ້ໃຫ້ເຫດຜົນໃນການໂຈມຕີດ້ວຍການໃຊ້ເຮືອບິນບໍ່ມີຄົນຂັບ ຢູ່ໃນປາກິສຖານ,
ເຢແມນ ແລະໂຊມາເລຍວ່າ ລັດຖະບານຂອງປະ ເທດເຫລົ່ານັ້ນບໍ່ເຕັມໃຈ ຫລືບໍ່ ກໍບໍ່ມີຄວາມ
ສາມາດທີ່ຈະລະງັບໄພຂົ່ມຂູ່ ຈາກພວກບຸກຄົນ ທີ່ຕົກເປັນເປົ້າໝາຍນັ້ນ.

ທ່ານ Stephen Vladeck ອາຈານສອນວິຊາກົດໝາຍ ທີ່ມະຫາວິທະຍາໄລ ອາເມຣິກັນ
ຢູ່ນະຄອນຫລວງວໍຊິງຕັນ ເວົ້າວ່າ ລັດຖະບານວໍຊິງຕັນ ຈະຕ້ອງບອກໃຫ້ຮູ້ຢ່າງລະອຽດ
ເຈາະຈົງຫລາຍຂຶ້ນ ກ່ຽວກັບເງື່ອນໄຂຂອງຕົນ ໃນການໃຊ້ຍານອາກາດບໍ່ມີຄົນຂັບ ທີ່ຕິດ
ອາວຸດຂອງຕົນ.

ອາຈານ Stephen Vladeck ເວົ້າວ່າ: “ສ່ວນນຶ່ງຂອງບັນຫາກໍຄື ຍ້ອນວ່າລັດຖະ
ບານສະຫະລັດ ມີການພົວພັນກັບສິ່ງທີ່ປະກົດວ່າ ເປັນການໂຈມຕີດ້ວຍເຮືອບິນ
ບໍ່ມີຄົນຂັບໃນຈໍານວນຫລວງຫລາຍ, ແລະບໍ່ໄດ້ເວົ້າອອກມາຢ່າງໂຈ່ງແຈ້ງກ່ຽວ
ກັບຫລັກເກນໃນການໃຊ້ເຮືອບິນປະເພດດັ່ງກ່າວ ສະນັ້ນ ມັນກໍເປັນໄປໄດ້ທີ່ປະ
ເທດອື່ນໆ ເຊັ່ນຈີນ ທີ່ຈະຊີ້ໃສ່ຕົວຢ່າງຂອງສະຫະລັດ ແລະເວົ້າວ່າ ຖ້າພວກ
ເຂົາເຈົ້າເຮັດຈັ່ງຊັ້ນໄດ້ ເຮົາກໍເຮັດໄດ້ຄືກັນ.”


ສະຫະລັດສົ່ງອອກເຮືອບິນບໍ່ມີຄົນຂັບ ໃຫ້ແຕ່ພັນທະມິດທີ່ໃກ້ຊິດທີ່ສຸດຂອງຕົນ ພຽງບໍ່
ເທົ່າໃດປະເທດເທົ່ານັ້ນ. ດຽວນີ້ ມີການເບິ່ງເຫັນຈີນວ່າ ເປັນຜູ້ສະໜອງສິນຄ້າປະເພດ ນີ້ທີ່
ກາງຕໍ່ນໍາໄດ້ຫລາຍຂຶ້ນເລື້ອຍໆ ແລະກໍມີລາຄາຖືກ. ມີຫລາຍປະເທດທີ່ຊື້ ຫລືບໍ່ກໍສ້າງເຮືອ
ບິນບໍ່ມີຄົນຂັບເອົາເອງ ຊຶ່ງສ່ວນໃຫຍ່ແລ້ວ ແມ່ນເພື່ອໃຊ້ໄວ້ບິນລາດຕະເວນ. ອາຈານ ເຫັນ
ວ່າການເຮັດແບບນີ້ ແມ່ນສິ່ງທີ່ ໜ້າເປັນຫ່ວງ.

ອາຈານ Vladeck ອະທິບາຍວ່າ: “ບັນຫາກໍຄືວ່າ ເທັກໂນໂລຈີດ້ານນີ້ ໄດ້ກາຍ
ມາເປັນ ສິ່ງທີ່ມີກັນຢ່າງແຜ່ຫລາຍຂຶ້ນ ແລະກໍລາຄາຖືກຫລາຍ ຈົນຂ້າພະເຈົ້າ
ຄິດວ່າ ມັນເລື້ອງຂອງເວລາເທົ່ານັ້ນ ຄືບໍ່ໄວກໍຊ້າ ທີ່ບັນດາປະເທດທີ່ມີກໍາລັງ
ທະຫານໃນຂະໜາດນ້ອຍໆທີ່ສຸດ ປະເທດທີ່ມີລະບອບການປົກຄອງທີ່ມີຄວາມ
ຮັບຜິດຊອບໜ້ອຍທີ່ສຸດ ຈະກ້າວຂຶ້ນມາຢູ່ໃນຖານະທີ່ວ່າ ເຂົາເຈົ້າກໍຢາກຈະໃຊ້
ເທັກໂນໂລຈີເຫລົ່ານີ້ເຊັ່ນກັນ.”

ເບິ່ງຄວາມເຫັນ (2)

ຟໍຣັມສະແດງຄວາມເຫັນ ກ່ຽວກັບເລື່ອງນີ້ ອັດແລ້ວ

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG