ໃນຂະນະທີ່ຈີນກຽມຕົວ ສໍາລັບກອງປະຊຸມຫລວງປະຈໍາປີ
ຂອງສະພາປະຊາຊົນແຫ່ງຊາດ ທີ່ຈະໄຂຂຶ້ນໃນມື້ວັນເສົາມື້
ອື່ນນີ້ ທາງລັດຖະບານໄດ້ກ່າວວ່າ ການປະຄັບປະຄອງຮັກ
ສາໄວ້ຊຶ່ງສະຖຽນລະພາບຂອງສັງຄົມນັ້ນ ແມ່ນຄວາມເປັນ ຫ່ວງອັນດັບສູງສຸດຂອງຕົນ.
ໃນການໂອ້ລົມສົນທະນາທາງອິນເທີເເນັດກັບປະຊາຊົນຈີນ
ເມື່ອໝໍ່ໆມານີ້ ນາຍົກລັດຖະມົນຕີ ເຫວິນ ເຈ້ຍບາວ ກ່າວ
ວ່າ ວິທີທາງນຶ່ງທີ່ລັດຖະບານຫວັງທີ່ຈະປ້ອງກັນບັນຫາສັງ
ຄົມຕ່າງໆນັ້ນ ກໍຄືການໃຫ້ຄວາມຊ່ວຍເຫລືອແກ່ພວກຄົນ ທຸກຈົນ. ທ່ານ ເຫວິນ ເວົ້າວ່າ
//ສຽງ//
“ບັນຫາຂອງການຍົກລະດັບມາດຕະຖານການຄອງ
ຊີບຂອງປະຊາຊົນນັ້ນ ແມ່ນຈະເປັນຈຸດເລີ່ມຕົ້ນຂອງ
ທຸກໆກົດເກນໃນແຜນການຫ້າປີຕໍ່ໜ້າຂອງປະເທດ ຄືຈາກປີ 2011 ຫາ ປີ 2015.”
ໃນລະຫວ່າງກອງປະຊຸມປະຈໍາປີນີ້ ທີ່ໃຊ້ເວລານຶ່ງອາທິດນັ້ນ
ຝ່າຍນິຕິບັນຍັດຈະໃຫ້ການອະນຸມັດຂັ້ນສຸດທ້າຍແກ່ແຜນ
ການຫ້າປີດັ່ງກ່າວ ທີ່ໄດ້ກໍານົດເປົ້າໝາຍຫລາຍໆຢ່າງສໍາລັບປະເທດຊາດ ຂອງພັກຄອມມີວ
ນີສທີ່ປົກຄອງປະເທດຢູ່ໃນເວລານີ້ ຊຶ່ງເປົ້າໝາຍເຫລົ່ານັ້ນແມ່ນໄດ້ຮັບການອະນຸມັດແລ້ວ ຢູ່
ໃນກອງປະຊຸມຂອງຄະນະນໍາພາຂອງພັກ ເມື່ອປີຜ່ານມານີ້.
ລັດຖະບານຈີນກ່າວວ່າ ໃນປີ
2009 ນັ້ນ ປະຊາຊົນເກືອບ
36 ລ້ານຄົນມີ ຊີວິດຄວາມເປັນ
ຢູ່ທີ່ຕໍ່າກວ່າລະດັບຄວາມທຸກຈົນ
ຄືປະມານ 180 ໂດລາຕໍ່ຄົນຕໍ່ປີ
ຫລືປະມານສີ່ພັນກີບຕໍ່ມື້ ຊຶ່ງເທົ່າ
ກັບພຽງແຕ່ນຶ່ງສ່ວນສາມຂອງ
ຈໍານວນ ທີ່ທະນາຄານໂລກໃຊ້
ເປັນຂີດໝາຍລະດັບຄວາມທຸກ
ຈົນນັ້ນ ຊຶ່ງຕາມມາດຕະຖານ
ທີ່ວ່ານີ້ ກໍຈະມີປະຊາຊົນຈີນ
ຫລາຍເຖິງ 150 ລ້ານຄົນທີ່
ຕົກຢູ່ໃນສະພາບທຸກຈົນທີ່ສຸດ.
ນອກນີ້ແລ້ວ ນາຍົກລັດຖະມົນຕີ
ເຫວິນ ຍັງໃຫ້ຮ່ອງຮອຍວ່າ ລັດ
ຖະບານ ມີແຜນຈະຈັດການກັບ
ບັນຫາທີ່ອ່ອນໄຫວທີ່ສຸດທາງການເມືອງສອງບັນຫາ ຄືການສໍ້ລາດບັງຫລວງ ແລະສະພາວະ ເງິນເຟີ້. ທ່ານເຫວິນ ເຈ້ຍບາວ ກ່າວວ່າ
//ສຽງ//
“ເນຶ່ອງຈາກສະພາວະເງິນເຟີ້ມີຜົນກະທົບ ຕໍ່ຊີວິດຄວາມເປັນຢູ່ຂອງປະຊາຊົນແລະ
ຍັງສາມາດກະທົບກະເທືອນ ຕໍ່ສະຖຽນລະພາບດ້ານສັງຄົມໄດ້ນໍານັ້ນ ລັດຖະບານ
ຈີນຈຶ່ງຖືວ່າ ການຮັກສາສະຖຽນລະພາບດ້ານລາຄາເອົາໄວ້ ເປັນບັນຫາໃຫຍ່.”
ສະພາວະເງິນເຟີ້ໃນເດືອນມັງກອນຜ່ານມາ ແມ່ນ 4.9 ເປີເຊັນ ແຕ່ລາຄາເຂົ້າປາອາຫານ
ໄດ້ຖີບຕົວສູງຂຶ້ນ ຫລາຍກວ່າ 10 ເປີເຊັນ.
ທ່ານ ຮວງ ຈິງ ອາຈານສອນວິຊານະໂຍບາຍສາທາລະນະ ທີ່ມະຫາວິທະຍາໄລສິງກະໂປ
ຫລື University of Singapore ກ່າວວ່າ ທ່ານຄິດວ່າການປາບປາມການສໍ້ລາດບັງ
ຫລວງ ຄວນຈະເປັນນຶ່ງໃນບັນດາບຸລິມະສິດ ອັນດັບສູງສຸດ ຂອງລັດຖະບານຈີນ.
//ສຽງ//
“ສໍາລັບລັດຖະບານຈີນນັ້ນ ຄວາມຈິງແລ້ວ ມັນເປັນການເລືອກທີ່ຍາກຫລາຍ
ແຕ່ມັນກໍງ່າຍຫລາຍ ຄືເຂົາເຈົ້າຈະຕາຍໄປ ພ້ອມກັບການສໍ້ລາດບັງຫລວງ
ຄືກັນກັບໂຣກມະເຮັງ ຫລືວ່າຈະຕັດມັນຖິ້ມໄປໂລດ. ບັນຫາສໍາລັບເຂົາເຈົ້າ
ກໍແມ່ນວ່າ ຈະຕັດບ່ອນໃດກ່ອນ?”
ທ່ານ ຮວງ ກ່າວຕໍ່ໄປວ່າ ບັນຫາໃຫຍ່ອີກປະການນຶ່ງສໍາລັບລັດຖະບານຈີນ ທີ່ຈະຕ້ອງແກ້
ໄຂ ກໍຄືຊ່ອງຫວ່າງຂອງຄວາມຮັ່ງມີທີ່ກໍາລັງກວ້າງອອກນັບມື້ ທີ່ສະແດງໃຫ້ເຫັນວ່າ ພວກ
ຄົນທີ່ອາໃສຢູ່ໃນຕົວເມືອງນັ້ນ ມີລາຍໄດ້ຫລາຍກວ່າພວກທີ່ອາໃສຢູ່ຕາມຊົນນະບົດ ເຖິງ
ສາມເທົ່າຕົວ. ທ່ານຮວງ ກ່າວອີກວ່າ ຈີນແມ່ນໄດ້ສະສົມຄວາມມັ່ງມີຂຶ້ນຢ່າງຫລວງຫລາຍ
ຕະຫລອດໄລຍະ 30 ປີຜ່ານມາ ຈາກການເປີດກວ້າງເສດຖະກິດຂອງຕົນນັ້ນ ແຕ່ເວລານີ້ ແມ່ນຕ້ອງມີການປະຕິຮູບທາງການເມືອງ ຖ້າຫາກລັດຖະບານຕ້ອງການຈະກະຈາຍຄວາມ
ມັ່ງມີໃຫ້ສະໝໍ່າສະເໝີກັນ ໃນໝູ່ປະຊາຊົນ.
//ສຽງ//
“ທ່ານກໍຮູ້ວ່າ ເວລາທີ່ພວກເຮົາພະຍາຍາມຈະສ້າງຄວາມມັ່ງມີນັ້ນ ເຮົາບໍ່ຈໍາເປັນ
ຕ້ອງມີລະບົບການເມືອງໃໝ່ ຢູ່ສະເໝີໄປ ແຕ່ຖ້າຫາກເຮົາຢາກຈະກະຈາຍຄວາມ
ມັ່ງມີ ພວກເຮົາຈໍາເປັນຕ້ອງມີລະບົບການເມືອງໃໝ່ຢູ່ສະເໝີ. ຖ້າເຮົາພິຈາລະນາ
ເບິ່ງ ການປະຕິຮູບທາງການເມືອງທັງໝົດ ແລະການປະຕິວັດທາງການເມືອງ ມັນລ້ວນແລ້ວແຕ່ມີສາເຫດມາຈາກການແຈກຢາຍຄວາມມັ່ງມີທັງນັ້ນ.”
ລັດຖະບານຈີນຖືວ່າ ການປະຕິຮູບທາງການເມືອງໝາຍເຖິງການບໍ່ມີສະຖຽນລະພາບທາງ
ສັງຄົມ ແລະດັ່ງນັ້ນ ຈຶ່ງໄດ້ດໍາເນີນພະຍາຍາມຢ່າງໃຫຍ່ຫລວງ ເພື່ອຍັບຍັ້ງການຮຽກຮ້ອງ
ຂອງປະຊາຊົນ ທີ່ທວງໃຫ້ລັດຖະບານມີຄວາມຮັບຜິດຊອບຫລາຍຂຶ້ນນັ້ນ.
ການຮັກສາຄວາມປອດໄພຢ່າງໜາແໜ້ນ
ເຂັ້ມແຂງໃນຕົວເມືອງຕ່າງໆຂອງຈີນເວລານີ້
ໄດ້ຂັດຂວາງບໍ່ໃຫ້ປະຊາຊົນໄປໂຮມຊຸມນຸມ
ເພື່ອປະທ້ວງຕໍ່ຄວາມບໍ່ຍຸຕິທໍາ ແລະສະແດງ
ຄວາມເຫັນອົກເຫັນໃຈຕໍ່ການປະຕິວັດດອກ
ມະລິ ທີ່ໄດ້ລຸກລາມໄປທົ່ວຂົງເຂດຕາເວັນ ອອກກາງນັ້ນ.
ຢູ່ສະຖານທີ່ແຫ່ງນຶ່ງ ທີ່ອາດຈະໄດ້ເປັນຈຸດປະ
ທ້ວງບັ້ນນຶ່ງໃນກຸງປັກກິ່ງເມື່ອ ວັນອາທິດທີ່
ຜ່ານມານັ້ນ ກໍາລັງຮັກສາຄວາມປອດໄພໄດ້
ທຸບຕີ ຮາວີພວກນັກຂ່າວຕ່າງປະເທດທີ່ພະ
ຍາຍາມຈະເອົາຂ່າວ. ພວກນັກເຄຶ່ອນໄຫວ
ຫລາຍສິບຄົນໄດ້ຖືກຈັບໄປຄວບຄຸມໂຕໄວ້
ລ່ວງໜ້າ ເພື່ອຂັດຂວາງບໍ່ໃຫ້ພວກເຂົາເຈົ້າ ທໍາການປະທ້ວງ.
ນັກເຄຶ່ອນໄຫວຍິງທີ່ປັກກິ່ງຄົນນຶ່ງ ທີ່ບໍ່ຂໍ
ເປີດເຜີຍຊື່ ກ່າວວ່າ ນາງອາດໄດ້ໄປຮ່ວມ
ນໍາການປະທ້ວງ ຖ້າຫາກວ່າພວກເຈົ້າໜ້າທີ່ບໍ່ໄດ້ເອົາຕົວນາງໄປກັກໄວ້ທີ່ໂຮງແຮມປັກກິ່ງ
ແຫ່ງນຶ່ງ ໃນມື້ກ່ອນການປະທ້ວງທີ່ໄດ້ວາງແຜນໄວ້ແລ້ວນັ້ນ ແຕ່ນາງກໍສາມາດໂທລະສັບ
ໄດ້ ເຖິງແມ່ນຈະໜີອອກຈາກໂຮງແຮມໄປ ບໍ່ໄດ້ກໍຕາມ.
//ສຽງ//
ນາງເວົ້າວ່າ ພວກຕໍາຫລວດບອກນາງວ່າ ນາງຈະອອກຈາກໂຮງແຮມໄປໄດ້ ໃນວັນທີ່ 20
ເດືອນມີນານີ້ ຫລັງຈາກກອງປະຊຸມຫລວງຂອງພັກປະຊາຊົນແຫ່ງຊາດ ສິ້ນສຸດລົງ.
ນາຍ ບາວ ຕົງ ຜູ້ທີ່ຄັດຄ້ານລັດຖະບານ ເປັນອະດີດເຈົ້າໜ້າທີ່ອັນດັບສູງສຸດທີ່ຖືກຈໍາຄຸກ ໃນຂໍ້ຫາຄັດຄ້ານການໃຊ້ກໍາລັງປາບປາມພວກປະທ້ວງເພື່ອປະຊາທິປະໄຕທີ່ຈະຕຸລັດ ທຽນ ອັນເມິນ ໃນປີ 1989 ນັ້ນ.
ນາຍ ບາວ ຕົງ ມີຄວາມເຫັນກ່ຽວກັບປະຕິກິລິຍາດັ່ງກ່າວຂອງຕໍາຫລວດ ວ່າເປັນຮ່ອງ
ຮອຍທີ່ສະແດງເຖິງຄວາມຫວາດຫວັ່ນວິຕົກກັງວົນຂອງລັດຖະບານ ກ່ຽວກັບສຽງຄັດ ຄ້ານ
ລັດຖະບານນັ້ນ.
//ສຽງ//
ນາຍ ບາວ ຕົງ ເວົ້າວ່າ ລາວຄິດວ່າ ລັດຖະບານບໍ່ຄວນຈະກັງວົນໃຈນໍາເລື້ອງນີ້ ແລະຄວນ
ຈະເອົາພະລັງເຫື່ອແຮງຂອງຕົນ ໄປວິຕົກກັງວົນກ່ຽວກັບວ່າ ເຮັດວິທີໃດຈຶ່ງຈະແກ້ໄຂບັນຫາ ຂອງປະເທດຊາດໄດ້ນັ້ນແທນ.
