ທາງການຈີນ ໄດ້ຕົກລົງໃຫ້ການຊ່ວຍເຫລືອແກ່ລັດຖະບານລາວ ໃນໂອກາດການເດີນ
ທາງມາຢ້ຽມຢາມລາວຢ່າງເປັນທາງການໂດຍ ທ່ານໂຈວ ຢົງຄັ່ງ ຄະນະປະຈໍາກົມການ
ເມືອງ ແລະປະທານຄະນະກົມການເມືອງ ແລະກົດໝາຍຂອງສູນກາງພັກຄອມມີວນິດ
ຈີນ ເມື່ອບໍ່ນານມານີ້ ໂດຍການຊ່ວຍເຫລືອໃນຄັ້ງຫລ້າສຸດນີ້ ມີມູນຄ່າລວມເຖິງ 663
ລ້ານຢວນຫລື 828.75 ຕື້ກີບ ຫລືປະມານ 104 ລ້ານໂດລາ ຊຶ່ງຈະນໍາໃຊ້ເພື່ອການ
ກໍ່ສ້າງສູນການປະຊຸມແຫ່ງຊາດລາວແຫ່ງໃໝ່ ສໍາລັບຮອງຮັບການປະຊຸມສຸດຍອດຜູ້ນໍາ
ລັດຖະບານອາຊ່ຽນກັບສະຫະພາບຢູໂຣບໃນທ້າຍປີ 2012 ຢູ່ນະຄອນວຽງຈັນ.
ນອກຈາກນັ້ນ ກໍເປັນການຊ່ວຍເຫລືອໃນ
ດ້ານເທັກນິກ ແລະອຸປະກອນຕ່າງໆ ເຊ່ນ
ອຸປະກອນສໍາລັບກວດຢາເສບຕິດ ອຸປະ
ກອນ ຫລື ເຄື່ອງໄມ້ເຄື່ອງມືສໍາລັບປ້ອງກັນ
ຄວາມສະງົບ ແລະການໃຫ້ເງິນກູ້ບໍ່ມີດອກ
ເບ້ຍ ເພື່ອນໍາໃຊ້ໃນການເພີ້ມປະສິດທິພາບ
ໃນການບໍລິຫານງານຂອງລັດຖະບານລາວ
ເພື່ອຂະຫຍາຍການຮ່ວມມື ທາງເສດຖະກິດ
ການຄ້າ ແລະການລົງທຶນກັບຕ່າງປະເທດ
ຊຶ່ງລວມເຖິງປະເທດຈີນອີກດ້ວຍ.
ແຕ່ຢ່າງໃດກໍຕາມ ໃນໂອກາດດຽວກັນນີ້
ທາງການລາວກໍໄດ້ຕົກລົງໃຫ້ສໍາປະທານ
ໂຄງການພັດທະນາໃນລາວ ແກ່ກຸ່ມທຸລະ
ກິດຈາກຈີນເຖິງ 6 ໂຄງການດ້ວຍກັນ ກໍຄື
ໂຄງການວາງຕາຂ່າຍສາຍສົ່ງກະແສໄຟຟ້າ ລະຫວ່າງເຂື່ອນເຊເຊັດ 2 ກັບແຂວງສາລະ
ວັນ ໂຄງການປັບປຸງລະບົບຕາໜ່າງສາຍໄຟຟ້າໃນນະຄອນວຽງຈັນ ໂຄງການກໍ່ສ້າງຂົວ
ຂ້າມແມ່ນໍ້າຂອງ ຢູ່ປາກແບ່ງ ແຂວງອຸດົມໄຊ ໂຄງການປັບປຸງສະໜາມບິນ ແຂວງຊຽງ
ຂວາງ ໂຄງການກໍ່ສ້າງເຂື່ອນນໍ້າອູ ແລະເຂື່ອນນໍ້າງຽບ 2.
ຍິ່ງໄປກວ່ານັ້ນ ທາງການລາວກໍຍັງໄດ້ສະ
ແດງຄວາມເຊື່ອໝັ້ນອີກດ້ວຍວ່າ ການລົງ
ທຶນຂອງກຸ່ມທຸລະກິດຈາກຈີນໃນລາວຈະ
ເພີ້ມຂຶ້ນຢ່າງຕໍ່ເນື່ອງ ແລະຈະສາມາດບັນ
ລຸເປົ້າໝາຍທີ່ວາງໄວ້ໃນທຸກໆດ້ານອີກດ້ວຍ.
ດັ່ງທີ່ທ່ານ ບຸນຍັງ ວໍລະຈິດ ປະທານປະ
ເທດໃນຖານະປະທານຝ່າຍລາວ ທີ່ໄດ້ພົບ
ປະເຈລະຈາຮ່ວມກັນກັບຄະນະຜູ້ແທນ
ຈາກຈີນ ໃນຄັ້ງນີ້ ໄດ້ຖະແຫລງຢືນຢັນໃນ
ຕອນນຶ່ງວ່າ:
“ຂ້າພະເຈົ້າ ຂໍສະແດງຄວາມຊົມເຊີຍຢ່າງສຸດອົກສຸດໃຈ ແລະຕີລາຄາຕໍ່ການ ຢ້ຽມຢາມລາວຂອງຄະນະໃນຄັ້ງນີ້ ຊຶ່ງເປັນການປະກອບສ່ວນ ອັນສໍາຄັນໃນ
ການເສີມສ້າງ ສາຍພົວພັນມິດຕະພາບ ຄວາມສາມັກຄີຖານສະຫາຍຜູ້ໃກ້
ສິດແລະການຮ່ວມມື ຮອບດ້ານລະຫວ່າງ ສອງພັກ ສອງລັດ ກໍຄືປະຊາຊົນ
ສອງຊາດ ລາວ-ຈີນ.”
ທ່ານ ທອງລຸນ ສີສຸລິດ ຮອງນາຍົກລັດ
ຖະມົນຕີ, ລັດຖະມົນຕີກະຊວງການຕ່າງ
ປະເທດລາວ ໄດ້ກ່າວຢືນຢັນວ່າ ການ
ຮ່ວມມືລະຫວ່າງລາວກັບຈີນໄດ້ມີການພັດ
ທະນາຂຶ້ນໃນທຸກໆດ້ານ. ໂດຍສະເພາະ
ແມ່ນນັບຈາກປີ 2000 ທີ່ຜູ້ນໍາຂອງທັງ
ສອງປະເທດໄດ້ເລີ່ມການເດີນທາງຢ້ຽມ
ຢາມກັນຢ່າງເປັນທາງການເປັນຕົ້ນມາ
ຊຶ່ງເຮັດໃຫ້ມີການຕົກລົງເປັນຮຸ້ນສ່ວນ
ຍຸດທະສາດໃນການພັດທະນາຮ່ວມກັນ
ຢ່າງຮອບດ້ານເມື່ອປີ 2009 ເຊີ່ງເຮັດໃຫ້ການຮ່ວມມືລະຫວ່າງສອງປະເທດໄດ້ຖືກ
ຍົກສູງຂຶ້ນສູ່ ລະດັບສູງສຸດຈົນເຖິງປັດຈຸບັນນີ້.
ປັດຈຸບັນນີ້ຈີນນັບເປັນປະເທດນຶ່ງ ທີ່ໄດ້ໃຫ້ການຊ່ວຍເຫຼືອແກ່ລາວເພີ່ມຫຼາຍຂຶ້ນນັບມື້ ເຊິ່ງ
ຖ້ານັບຈາກປີ 1990 ຈົນເຖິງທ້າຍປີ 2010 ນັ້ນ ກໍ່ປະກົດວ່າ ລັດຖະບານຈີນໄດ້ໃຫ້ການ
ຊ່ວຍເຫຼືອທາງດ້ານງົບປະມານ ແກ່ລັດຖະບານລາວຄິດເປັນມູນຄ່າລວມຫຼາຍກວ່າ 6,500
ລ້ານຢວນ ບັນດານັກທຸລະກິດຈີນ ໄດ້ພາກັນຫຼັ່ງໄຫຼເຂົ້າມາລົງທຶນຢູ່ໃນລາວຫຼາຍຂຶ້ນຢ່າງຕໍ່
ເນື່ອງ. ໂດຍສະເພາະແມ່ນໃນຊ່ວງປີ 2000-2010 ກໍປາກົດວ່າ ກຸ່ມທຸລະກິດຈີນໄດ້ເຂົ້າມາ
ລົງທຶນໃນລາວ ຄິດເປັນມູນຄ່າລວມເກີນກວ່າ 3,600 ລ້ານໂດລາ ຊຶ່ງກໍເຮັດໃຫ້ຈີນກາຍ
ເປັນຜູ້ລົງທຶນອັນດັບ 1 ໃນລາວແລ້ວໃນປັດຈຸບັນນີ້.
