ພວກກະບົດໃນສາທາລະນະລັດອາຟຣິກາກາງ ໄດ້ເຂົ້າຍຶດ
ເອົານະຄອນຫຼວງ ບັງກີ ຂອງປະເທດແລ້ວ ຊຶ່ງໄດ້ບັງຄັບ
ໃຫ້ປະທານາທິບໍດີ Francois Bozize ຕ້ອງໄດ້ຫລົບໜີ ອອກຈາກນະຄອນຫຼວງໄປ.
ພວກທີ່ເຫັນເຫດການລາຍງານວ່າ ມີການສູ້ລົບກັນຢ່າງໜັກ
ຢູ່ໃນຕົວເມືອງດັ່ງ ກ່າວ ໃນຕອນເຊົ້າໆຂອງວັນອາທິດມື້ນີ້ ໃນ
ຂະນະທີ່ພວກກະບົດຕໍ່ສູ້ກັບທະຫານ ເພື່ອບຸກຜ່ານໃຈກາງ
ເມືອງໄປຍຶດເອົາທໍານຽບປະທານາທິບໍດີ.
ພວກເຈົ້າໜ້າທີ່ບໍ່ໄດ້ກ່າວຢ່າງເປັນທາງການວ່າ ປະທານາທິບໍດີ
Francois Bozize ໄດ້ຫຼົບໜີໄປຢູ່ໃສກັນແທ້. ອົງການຂ່າວ Reuters ກ່າວອ້າງຄໍາເວົ້າ
ຂອງທີ່ປຶກສາປະທານາທິບໍດີທີ່ບໍ່ບອກຊື່ ທີ່ເວົ້າວ່າ ທ່ານປະທານາທິບໍດີ ໄດ້ຂ້າມຊາຍ
ແດນໄປຍັງສາທາລະນະລັດປະຊາທິປະໄຕຄອງໂກ ໃນຕອນເຊົ້າມືດ ວັນອາທິດມື້ນີ້.
ພວກກະບົດໃນເບື້ອງຕົ້ນ ໄດ້ເລີ້ມຕົ້ນບຸກເຂົ້າໄປໃນນະຄອນຫຼວງບັງກີ ໃນວັນເສົາວານ
ນີ້ ໂດຍບໍ່ໄດ້ເອົາຫົວຊາຕໍ່ຄໍາຮຽກຮ້ອງຂອງນາຍົກລັດຖະມົນຕີຂອງປະເທດ ທີ່ຂໍໃຫ້ທໍາ
ການເຈລະຈາກັນ ເພື່ອຫລີກລ່ຽງການນອງເລືອດ.
ກ່ອນໜ້ານັ້ນ ໃນວັນເສົາວານນີ້ເຊັ່ນກັນ ໃນການໃຫ້ສໍາພາດກັບພະແນກພາສາຝຣັ່ງ
ທີ່ກະຈາຍສຽງໄປຍັງຂົງເຂດອາຟຣິກາຂອງວີໂອເອ ໂຄສົກລັດຖະບານ ຄົນນຶ່ງເວົ້າວ່າ
ນາຍົກລັດຖະມົນຕີ Nicolas Tiangaye ໄດ້ຂໍໃຫ້ສະມາຊິກຂອງກຸ່ມພັນທະມິດກະບົດ Seleka ພົວພັນກັບລັດຖະບານສາມັກຄີແຫ່ງຊາດ ເພື່ອຫາຊ່ອງທາງແກ້ໄຂບັນຫາແບບ
ສັນຕິວິທີ. ແຕ່ພວກກະບົດ Seleka ເວົ້າວ່າ ມີສິ່ງດຽວທີ່ພວກເຂົາເຈົ້າຢາກຈະເຈລະຈາ
ນັ້ນກໍຄືການໜີອອກໄປ ຂອງປະທານາທິບໍດີ Bozize.
ເບິ່ງວີດິໂອກ່ຽວຂ້ອງກັບເລື້ອງນີ້:
ເອົານະຄອນຫຼວງ ບັງກີ ຂອງປະເທດແລ້ວ ຊຶ່ງໄດ້ບັງຄັບ
ໃຫ້ປະທານາທິບໍດີ Francois Bozize ຕ້ອງໄດ້ຫລົບໜີ ອອກຈາກນະຄອນຫຼວງໄປ.
ພວກທີ່ເຫັນເຫດການລາຍງານວ່າ ມີການສູ້ລົບກັນຢ່າງໜັກ
ຢູ່ໃນຕົວເມືອງດັ່ງ ກ່າວ ໃນຕອນເຊົ້າໆຂອງວັນອາທິດມື້ນີ້ ໃນ
ຂະນະທີ່ພວກກະບົດຕໍ່ສູ້ກັບທະຫານ ເພື່ອບຸກຜ່ານໃຈກາງ
ເມືອງໄປຍຶດເອົາທໍານຽບປະທານາທິບໍດີ.
ພວກເຈົ້າໜ້າທີ່ບໍ່ໄດ້ກ່າວຢ່າງເປັນທາງການວ່າ ປະທານາທິບໍດີ
Francois Bozize ໄດ້ຫຼົບໜີໄປຢູ່ໃສກັນແທ້. ອົງການຂ່າວ Reuters ກ່າວອ້າງຄໍາເວົ້າ
ຂອງທີ່ປຶກສາປະທານາທິບໍດີທີ່ບໍ່ບອກຊື່ ທີ່ເວົ້າວ່າ ທ່ານປະທານາທິບໍດີ ໄດ້ຂ້າມຊາຍ
ແດນໄປຍັງສາທາລະນະລັດປະຊາທິປະໄຕຄອງໂກ ໃນຕອນເຊົ້າມືດ ວັນອາທິດມື້ນີ້.
ພວກກະບົດໃນເບື້ອງຕົ້ນ ໄດ້ເລີ້ມຕົ້ນບຸກເຂົ້າໄປໃນນະຄອນຫຼວງບັງກີ ໃນວັນເສົາວານ
ນີ້ ໂດຍບໍ່ໄດ້ເອົາຫົວຊາຕໍ່ຄໍາຮຽກຮ້ອງຂອງນາຍົກລັດຖະມົນຕີຂອງປະເທດ ທີ່ຂໍໃຫ້ທໍາ
ການເຈລະຈາກັນ ເພື່ອຫລີກລ່ຽງການນອງເລືອດ.
ກ່ອນໜ້ານັ້ນ ໃນວັນເສົາວານນີ້ເຊັ່ນກັນ ໃນການໃຫ້ສໍາພາດກັບພະແນກພາສາຝຣັ່ງ
ທີ່ກະຈາຍສຽງໄປຍັງຂົງເຂດອາຟຣິກາຂອງວີໂອເອ ໂຄສົກລັດຖະບານ ຄົນນຶ່ງເວົ້າວ່າ
ນາຍົກລັດຖະມົນຕີ Nicolas Tiangaye ໄດ້ຂໍໃຫ້ສະມາຊິກຂອງກຸ່ມພັນທະມິດກະບົດ Seleka ພົວພັນກັບລັດຖະບານສາມັກຄີແຫ່ງຊາດ ເພື່ອຫາຊ່ອງທາງແກ້ໄຂບັນຫາແບບ
ສັນຕິວິທີ. ແຕ່ພວກກະບົດ Seleka ເວົ້າວ່າ ມີສິ່ງດຽວທີ່ພວກເຂົາເຈົ້າຢາກຈະເຈລະຈາ
ນັ້ນກໍຄືການໜີອອກໄປ ຂອງປະທານາທິບໍດີ Bozize.
ເບິ່ງວີດິໂອກ່ຽວຂ້ອງກັບເລື້ອງນີ້: