ລິ້ງ ສຳຫລັບເຂົ້າຫາ

logo-print

ຊາວ​ປະ​ມົງ ​ຄາ​ຕາ​ໂລ​ເນຍ ເປັນ​ກຸ່ມ​ແນວ​ໜ້າ ຫັນ​ມາເກັບ​ຂີ້​ເຫຍື້ອ​ແທນ ​ເພື່ອ​ເຮັດ​ໃຫ້​ທະ​ເລ ສະ​ອາດ​ຂຶ້ນ


Ocean Plastics Fishermen - HOUSE
please wait

No media source currently available

0:00 0:03:03 0:00

ເຊີນ​ຊົມ​ວີ​ດີ​ໂອ ເປັນ​ພາ​ສາ​ອັງ​ກິດ

ໃນ​ແຕ່​ລະ​ປີ ຂີ້​ເຫຍື້ອປະ​ເພດ​ຢາງ​ພ​ລາ​ສ​ຕິກ ​ປະ​ມານ 12 ລ້ານ​ໂຕນ ໄດ້​ຖືກ​ຖິ້ມ​ລົງ​ໃນ​ມະ​ຫາ​ສະ​ໝຸດ​ຂອງ​ໂລກ ໂດຍ​ກາຍ​ເປັນ​ມົນ​ລະ​ພິດ​ໃນ​ນ້ຳ​ທະ​ເລ ສົ່ງ​ຜົນ​ໃຫ້​ສັດ​ທະ​ເລ​ລົ້ມ​ຕາຍ ແລະ​ພາ​ໃຫ້ຢາງພ​ລາ​ສ​ຕິກ​ຂະ​ໜາດ​ນ້ອຍໆ ປະປົນ​ເຂົ້າ​ໃນ​ຕ່ອງ​ໂສ້​ອາ​ຫານ. ໃນ​ປັດ​ຈຸ​ບັນ​ນີ້ ກຸ່ມ​ພວກ​ຊາວ​ປະ​ມົງໃນ​ນະ​ຄອນ​ບາເຊ​ໂລ​ນາ ປ​ະ​ເທດ​ສະ​ເປນ ໄດ້​ເລີ້ມ​ຕົ້ນໂຄງ​ການ​ປ່ຽນ​ແ​ປງ​ໃໝ່​ຂຶ້ນ ຊຶ່ງ​ພວກ​ເຂົາ​ເຈົ້າໄດ້​ຮັບ​ທຶນການ​ສະ​ໜັບ​ສະ​ໜຸນ​ ເພື່ອ​ຫາ​ຢາງພ​ລາ​ສ​ຕິກແທນການ​ຫາ​ປາ. ເຮັນ​ຣີ ຣິ​ຈ​ແ​ວ​ລ ມີ​ລາຍ​ງານ​ກ່ຽວ​ກັບ​ເລື້ອງນີ້ ຊຶ່ງ​ໄຊ​ຈະ​ເລີນ​ສຸກ ຈະ​ນຳ​ເອົາ​ລາຍ​ລະ​ອຽດ​ມາ​ສະ​ເໜີ​ທ່ານ ໃນ​ອັນ​ດັ​ບ​ຕໍ່​ໄປ.


ໃນເວ​ລາ 5 ໂມງ​ເຊົ້າ ​ອາ​ກາດ​ທີ່​ໜາວ​ເຢັນໃນເດືອນ​ກຸມ​ພາ. ​ທ່ານ​ຄາ​ໂລ​ສ ມາຕິນ ພ້ອມ​ດ້ວຍ​ລູກ​ເຮືອ​ຂອງ​ລາວ ໄດ້​ຫັນ​ເຮືອ Bonamar 2 ອອກ​ໄປ​ຈາກ​ທ່າ​ເຮືອ​ຂອງ​ບາເຊ​ໂລ​ນາ ​ມຸ້ງ​ໜ້າ​ເຂົ້າ​ສູ່​ຄວາມ​ມືດ​ຂອງ​ທະ​ເລ​ເມ​ດີແຕເຣ​ນຽນ.

​ວຽກຫາ​ປາ​ຂອງ​ພວກ​ເຂົາ ໃນ​ແຕ່​ລະປີ​ ແມ່ນ​ຍາກ​ຂຶ້ນ​ນັບ​ມື້. ລາ​ຄາ​ຮຸ້ນຕ່າງໆ​ຕົກວູບລົງ ຊຶ່ງ​ໝາຍ​ຄວາມ​ວ່າ ບໍ່​ມີ​ປາ​ຕິດມອງອີກ​ຕໍ່​ໄປ. ມັນ​ເຕັມ​ໄປ​ດ້ວຍ ຂີ້​ເຫຍື້ອ​ຢາງພ​ລາ​ສ​ຕິກ ​ທີ່ຖືກ​ດຶງ​ຂຶ້ນ​ມາ​ເທິງ​ເຮືອ.

ທ່ານ​ຄາ​ຣ​ໂລ​ສ ມາຕິນ ຊາວ​ປະ​ມົງ ກ່າວ​ເປັນ​ພາ​ສາ​ສະ​ເປນ​ວ່າ “ຂ້າ​ພະ​ເຈົ້າ​ນຳ​ເອົາ​ມອງ ​ລົງໃນ​ແມ່​ນ້ຳຫຼາຍ​ສາຍ​ ແລ້ວ​ມັນ​ເຕັມ​ໄປ​ດ້ວຍ​ຂີ້​ເຫຍື້ອ. ຢາງ​ພ​ລາ​ສ​ຕິກ​ສະ​ສົມ​ຢູ່​ໃກ້ໆ​ປາກ​ແມ່​ນ້ຳຕ່າງໆ ຫຼາຍ​ຂຶ້ນ.”

ທ່ານ​ມາຕິນ ແລ່ນ​ເຮືອ​ຂອງລາວ​ອອກ​ໄປ​ໄກ​ຈາກ​ຝັ່ງຫຼາຍ​ຂຶ້ນ​ເລື້ອຍໆ ເພື່ອ​ຫລີກ​ເວັ້ນ​ພວກ​ເສດ​ຂີ້​ເຫຍື້ອ ຊຶ່ງ​ເຮັດ​ໃຫ້​ຄ່າ​ໃຊ້​ຈ່າຍ​ເພີ້ມ​ຂຶ້ນ.

​ທ່ານ​ມາຕິນ ກ່າວ​ອີກວ່າ “ພວກ​ເຮົາ​ແຍກ​ເອົາຢາງ​ພ​ລາ​ສ​ຕິກ ​ທີ່​ເປັນ​ກ້ອນ​ອອກ ແລ້ວ​ນຳ​ເອົາ​ມັນ​ກັບ​ຂຶ້ນຝັ່ງ ແຕ່ຢາງ​ພ​ລາ​ສ​ຕິກ​ທີ່​ເປັນ​ຂີ້​ເຫຍື້ອ ໄດ້​ຕິດ​ເກາະ​ກັບ​ຂອດ​ຂອງ​ມອງ. ດັ່ງ​ນັ້ນ​ ເມື່ອ​ມັນ​ຍັງປຽກແລະ​ຕິດ​ຂີ້​ຕົມຢູ່​ນັ້ນ ມັນ​ໄດ້​ເພີ້ມ​ນ້ຳ​ໜັກ​ຕື່ມ​ໃສ່​ມ​ອງຈັບ​ປາ ຈຶ່ງ​ເຮັດ​ໃຫ້​ມອງນັ້ນ ບໍ່​ເຮັດ​ວຽກ​ຕາມ​ປົກ​ກະ​ຕິ ໃນ​ດ້ານ​ຂອງ​ລວງ​ຍາວ​ເວ​ລາມັນ​ຢູ່​ໃນ​ນ້ຳ​ ແລະ​ມັນ​ກໍ​ຈະ​ກວດ​ເອົາ​ຂີ້​ຕົມເຮັດ​ໃຫ້ມອງ​ຂາດ ​ຍ້ອນ​ວ່າ​ມັນ​ໜັກ​ເກີນ​ໄປ​.”

ລັດ​ຖະ​ບານ​ໃນ​ທ້ອງ​ຖິ່ນ ໄດ້ຫາ​ວິ​ທີ​ແກ້​ໄຂ​ໃໝ່​ຂຶ້ນ​ມາດັ່ງ​ນີ້ ຈັດ​ຕັ້ງໃຫ້ພວກ​ຊາວ​ປະ​ມົງ​ ​ເປັນ​ກຸ່ມ​ແນວ​ໜ້າ ​ໃນ​ການ​ຕໍ່​ສູ້​ກັ​ບ​ບັນ​ຫາ​ຢາງ​ພ​ລາ​ສ​ຕິກ​ໃນ​ມະ​ຫາ​ສະ​ໝຸດ.

ໃນ​ຂັ້ນ​ຕົ້ນໆ ເງິນ​ພາ​ສີ​ຂອງ​ປະ​ຊາ​ຊົນ ນຶ່ງ​ລ້ານ​ຢູ​ໂຣ ຈາກ​ສະ​ຫະ​ພາບ​ຢູ​ໂຣບ ແລະ​ລັດ​ຖະ​ບານ​ຂອງ​ຄາ​ຕາໂລເນຍ ຈະ​ສະ​ໜັບ​ສະ​ໜຸນພວກ​ຊາວ​ປະ​ມົງ​ຄືກັນ​ກັບ​ທ່ານ​ມາຕິນ ໄດ້ຫຼາຍກວ່າ 20 ກຸ່ມ. ພວກ​ເຂົາ ຈະ​ບໍ່​ໄດ້​ຮັບ​ເງິນ​ອຸດ​ໜຸນ​ໃດໆ ຫາກ​ແຕ່​ຈະ​ໄດ້​ຮັບ​ມາດ​ຕະ​ການປ​ະ​ຕິ​ບັດທີ່ໄດ້​ຜົນ ເພື່ອ​ຊ່ອຍ​ໃຫ້​ພວກ​ເຂົາ ແກ່​ເອົາ​ຂີ້​ເຫຍື້ອ​ຢາງ​ພ​ລາ​ສ​ຕິກ​ຂຶ້ນມາ.

ທ່ານ​ເຊີ​ກີ ທູ​ແດ​ລາ ຜູ້​ອຳ​ນວຍ​ການ​ໃຫຍ່ ກົມ​ການ​ປະ​ມົງ​ຂອງ​ຄາ​ຕາ​ໂລ​ເນຍ ກ່າວ​ວ່າ “ດ້ວຍ​ທຶນ​ເຫຼົ່າ​ນີ້ ພວກ​ເຂົາ​ສາ​ມາດ​ປັບ​ປຸງ ສິ່ງ​ທີ່​ພວກ​ເຂົາ​ຕ້ອງ​ການ ເພື່ອ​ບັນ​ຈຸ​ເທິງ​ເຮືອ ເພື່ອ​ທີ່ ເຈົ້າ​ຄື​ຈະ​ຮູ້ ​ເປັນ​ພວກ​ຫີບ ເປັນ​ສ​ະ​ຖານ​ທີ່​ທຸກ​ແຫ່ງ​ທີ່​ພວກ​ເຂົາ​ຕ້ອງ​ການ​ເພື່ອ​ຮອງ​ຮັບ​ກັບ​ບັນ​ຫາ​ອັນ​ນີ້. ແລະ​ຕໍ່​ຈາກນັ້ນ ແນ່ນອນ​ໃນ​ເວ​ລ​ດຽວ​ກັນ ດຳ​ເນີນ​ການ​ສຶກ​ສາ​ຄົ້ນ​ຄວ້າ​ ເພື່ອຈັດ​ປະ​ເພດ​ຕົ້ນ​ກຳ​ເນີດ​ທີ່​ມາ​ຂອງ​ມັນ ແລ້ວລະ​ບຸ​ປະ​ເພດ​ຂີ້​ເຫຍື້ອ​ທະ​ເລນີ້. ພວກ​ເຮົາ​ຫວັງ​ວ່າ ຖ້າ​ພວກ​ເຮົາ​ປະ​ສົບ​ຜົນ​ສຳ​ເລັດ​ໃນ​ໂຄງ​ການນີ້ແລ້ວ ໂຄງ​ການນີ້ ອາດນຳ​ໄປ​ໃຊ້​ຢູ່​ໃນ​ພື້ນ​ທີ່​ອື່ນໆ​ຢູ່​ໃນ ​ທະ​ເລ​ເມ​ດີ​ແຕ​ເຣ​ນຽນ.”

ຈຳ​ນວນ​ຂອງ​ຂີ້​ເຫຍື້ອ​ພ​ລາ​ສ​ຕິກ ຢູ່​ໃນ​ຊາຍ​ຫາດ​ຕ່າງໆ​ຂອງ​ສະ​ເປນ ໄດ້​ເພີ້ມ​ຂຶ້ນ​ໃນ​ອັນ​ຕາ 65 ເປີ​ເຊັນພຽງ 6 ປີ​ຜ່ານ​ມານີ້ ອີງ​ຕາມ​ຕົວ​ເລກ​ຂອງ​ລັດ​ຖະ​ບານ. ທ່ານ​ມາຕິນ ກ່າວ​ວ່າ ດຽວນີ້ ປະ​ຊາ​ຄົມ​ຊາວ​ປະ​ມົງ ເຂົ້າ​ໃຈ​ດີ​ເຖິງ​ຂະ​ໜາດ​ຂອງບັນ​ຫານີ້.

ທ່ານ​ມາຕິນ ກ່າວ​ຕໍ່​ບັນ​ຫາ​ດັ່ງ​ກ່າວ​ວ່າ “ກ່ອນ​ໜ້ານີ້ ພວກ​ເຮົາ​ບໍ່​ເຫັນ​ມັນ​ເປັນ ແນວນັ້ນ​ ພວກ​ເຮົາ​ເອົາ​ມັນ​ຂຶ້ນ​ມາ ແລ້ວ​ໂຍນ​ມັນ ​ກັບ​ຄືນ​ໄປ​ໃນ​ທະ​ເລ ພວກ​ເຮົາ​ບໍ່​ໄດ້​ຄຳ​ນຶ່ງ​ເລີຍ. ຂ້າ​ພະ​ເຈົ້າ​ຄຶດ​ວ່າ ໃນ​ບໍ່​ເທົ່າ​ໃດ​ປີນີ້ ພວກ​ເຮົາ​ໄດ້​ຮັບ​ຮູ້ຫຼາຍ​ຂຶ້ນວ່າ ບໍ່​ຖິ້ມ​ຫຍັງ​ລົງ​ໃນ​ທະ​ເລ ພວກ​ເຮົາ​ເກັບ​ເອົາ​ທຸກ​ສິ່ງ​ທຸກ​ຢ່າງ​ຂຶ້ນ​ມາ ແລ້ວ​ນຳ​ເອົາ​ມັນ​ຂຶ້ນ​ຝັ່ງ.”

​ອຸ​ປະ​ກອນ​ດ້ານ​ການ​ປະ​ມົງ​ທີ່ຖືກ​ປະ​ຖິ້ມ​ໃນ​ມະ​ຫາ​ສະ​ໝຸດ​ຂອງ​ໂລກ ແຕ່​ລະ​ປີນັ້ນ ເປັນ​ສ່ວນ​ປະ​ກອບ​ທີ່​ໃຫຍ່​ສົມ​ຄວນຂອງ​ຂີ້​ເຫຍື້ອ​ພ​ລາ​ສ​ຕິກ ທີ່​ກະ​ປະ​ມານ​ໄດ້​ວ່າ ມີ​ຢູ່ 8 ຫາ 12 ລ້ານ​ໂຕນ.

​ທ່ານ​ມາຕິນ ແລະ ປະ​ຊາ​ຄົມ​ຊາວ​ປະ​ມົງ​ຂອງ​ທ່ານ ແມ່ນ​ມຸ້ງ​ໝັ້ນ​ທີ່​ຈະ​ປ່ຽນ​ແປງ​ພາບ​ພົດ​ຂອງ​ອຸດ​ສາ​ຫະ​ກຳ​ນີ້ ແລະ​ເປັນ​ພາກ​ສ່ວນ​ນຶ່ງຂອງ​ຄວາມ​ພະ​ຍາ​ຍາມໃນ​ທົ່ວ​ໂລກ ເພື່ອ​ເຮັດ​ໃຫ້​ມະ​ຫາ​ສະ​ໝຸດ​ທັງຫຼາຍ​ ສະ​ອາດ​ຂຶ້ນ.

Every year, around 12 million tons of plastic waste are dumped into the world's oceans polluting the water, killing wildlife, and creating micro-plastics that enter the food chain. Now a group of fishermen in Barcelona, Spain has begun an innovative new project in which they are given financial support to catch plastic. Henry Ridgwell reports.

Five o'clock on a cold February morning.Carlos Martin and his crew steer the Bonamar 2' out of Barcelona's port into the dark waters of the Mediterranean.

Year by year, the job is getting tougher. Plunging stocks mean the nets are no longer stuffed with fish. Increasingly, it's plastic waste that's being hauled on board.

((Carlos Martin, Fisherman (in Spanish) ))
"I put it down to the rivers that carry a lot of garbage. More plastic accumulates near the mouths of the rivers."

Martin sails further from the shore to avoid the waste further adding to his costs.

((Carlos Martin, Fisherman (in Spanish) ))
"We separate the solid plastic and we bring it back to land, but the cellulose plastic gets hooked onto the knots of the nets. So, when it's wet and caked with mud, this adds an extra weight to the fishing nets. The net does not function properly in relation to its height in the water, and it takes on mud, causing the net to break because it weighs so much."

The local government has come up with a novel solution: the fishermen will become the front line in the battle against ocean plastics.

Initially, one million euros of taxpayers' money from the European Union and the Catalan government will support dozens of fishermen like Martin. They won't receive any money but instead, practical measures to help them haul in the plastic waste.

((Sergi Tudela, General Director, Catalonia Fisheries (in English) ))
"With these funds, they can improve what they need to carry on board in order to you know, the boxes, all the facilities they need in order to cope with the problem. And then, of course at the same time, to carry out studies to characterize the origin, the specificities of this marine litter. We are hopeful that if we are successful in this project, this project could be replicated in other areas in the Mediterranean."

The amount of plastic waste on Spanish beaches has grown by 65% in just six years, according to government figures. Martin says the fishing community now understands the scale of the problem.

((Carlos Martin, Fisherman (in Spanish) ))
"Before we didn't see it that way, we took it and threw it back into the water, we had no conscience. I think that a few years here we have become very aware, nothing is thrown into the water, we collect everything and bring it to shore."

Abandoned fishing gear makes up a big proportion of the estimated 8 to 12 million tonnes of plastic that are dumped into the world's oceans every year.

Martin and his fishing community are determined to change the industry's image and be part of the global effort to clean up our oceans.

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG