ລິ້ງ ສຳຫລັບເຂົ້າຫາ

logo-print

ກຳປູເຈຍ ຂຶ້ນຄ່າຈ້າງ ຕ່ຳສຸດ ຈາກ 128 ໂດລາ ເປັນ 140 ໂດລາ ຕໍ່ເດືອນ


ພວກພະນັກງານ ໂຮງງານຕັດຫຍິບ ນັ່ງພັກຜ່ອນ ໃນໂຮງງານແຫ່ງນຶ່ງ ຫຼັງຈາກ ເວລາອາຫານທ່ຽງ ຢູ່ທີ່ນະຄອນຫຼວງ ພະນົມເປັນ, ວັນທີ 8 ຕຸລາ 2015.

ລັດຖະບານ​ກຳປູ​ເຈຍ ກ່າວ​ໃນ​ວັນ​ພະຫັດ ອາທິດ​ແລ້ວ​ນີ້ ວ່າ
ຈະ​ຂຶ້ນຄ່າ​ຈ້າງ​ຂັ້ນຕ່ຳ ​ໃຫ້​ເປັນ 140 ​ໂດ​ລາ ຕໍ່​ເດືອນ ສຳ​ຫລັບ
ພາກອຸດສາຫະກຳ​ ໂຮງການຕັດ​ຫຍິບ ທີ່​ສ້າງ​ລາຍ​ຮັບ​ຈາກ​
ການ​ສົ່ງ​ອອກ​ ທີ່​ສຳຄັນ ​ແລະ ​ເປັນ​ອຸດສາຫະກຳ​ ທີ່​ວ່າ​ຈ້າງ​
ຄົນງານ​ຫຼາຍທີ່​ສຸດຂອງ​ປະ​ເທດ. ​ການເພີ້​ມຂຶ້ນ​ນັ້ນ ສະ​ເລ່ຍ
ແລ້ວ ແມ່ນ​ເກືອບ 10 ​ເປີ​ເຊັນ ເຊິ່ງ ຫຼາຍກວ່າ ບັນດາ​ຜູ້​ຜະລິດ
ຕ້ອງການຢາກໃຫ້ຂຶ້ນ ​ແຕ່​ຕ່ຳ​ເກີນ​ກວ່າ ສະຫະພັນກຳມະບານ
ຢາກ​ໃຫ້​ຂຶ້ນ. ຜູ້ສື່​ຂ່າວ​ວີ​ໂອ​ເອ Robert Carmichael ລາຍ​ງານ
​ຈາກ​ນະຄອນຫຼວງພະນົມ​ເປັນ ​ເຊິ່ງ ໄຊ​ຈະ​ເລີ​ນສຸກ ຈະ​ນຳ​ມາ
ສະ​ເໜີ​ທ່ານ ​ໃນ​ອັນ​ດັບ​ຕໍ່​ໄປ. ​



ການ​ປະກາດ​ເມື່ອ​ວັນ​ພະຫັດ ຜ່ານ​ມາ ​ໂດຍ​ກະຊວງ​ແຮງ​ງານ ທີ່​ວ່າ ຈະ​ຂຶ້ນຄ່າ​ຈ້າງ​ຂັ້ນ
ຕ່ຳສຸດ ​ໃຫ້​ເປັນ 140 ​ໂດ​ລາ ຕໍ່​ເດືອນ ​ສຳລັບ ພະນັກງານ 700,000 ຄົນ ​ໃນພາກສ່ວນ
ອຸດສາຫະກຳ ໂຮງງານ​ຕັດຫ​ຍິບ ຈະ​ມີ​ຜົນ​ບັງຄັບ​ໃຊ້ ໃນ​ເດືອນມັງກອນ ​ປີໜ້າ​ນີ້.

ການເພີ້ມຂຶ້ນຄ່າຈ້າງ ຈາກຕົວເລກເມື່ອກ່ອນ ຄື 128 ໂດລານັ້ນ ມີຂຶ້ນ ຫຼັງຈາກທີ່ໄດ້ມີ
ການເຈລະຈາຢ່າງຫຍຸ້ງຍາກ ເປັນເວລາຫຼາຍອາທິດ ລະຫວ່າງ ລັດຖະບານ ບັນດາ
ຜູ້ຜະລິດ ກັບ ສະຫະພັນກຳມະບານ.

ສະມາຄົມຜູ້ຜະລິດເສື້ອຜ້າໃນກຳປູເຈຍ ຫຼື GMAC ທີ່ຕາງໜ້າໃຫ້ 600 ໂຮງງານ ທີ່ສົ່ງ
ອອກເສື້ອຜ້າ ແລະ ເກີບ ກ່າວວ່າ ອົງກອນ​ນີ້ ຍອມຮັບເອົາການຂຶ້ນຄ່າຈ້າງ ເຖິງແມ່ນຈະ
ໄດ້ທຳການຕໍ່ລອງກັນ​ມາ ເພື່ອໃຫ້ໄດ້ຕົວເລກ ທີ່ຕ່ຳກວ່ານັ້ນ ກໍ​ຕາມ.

ທ່ານ Ken Loo ເລຂາທິການໃຫຍ່ຂອງ GMAC ເວົ້າວ່າ “ໃນຖານະເປັນອົງກອນ ຫຼື
ບໍລິສັດ ທີ່ປະກອບການ ພາຍໃນ ສະພາບແວດລ້ອມ ເຊັ່ນນີ້ ພວກເຮົາກໍຕ້ອງ​ໄດ້
ປະຕິບັດຕາມຄຳຕັດສິນ ຂອງລັດຖະບານ. ເຖິງຢ່າງໃດກໍຕາມ ພວກເຮົາກໍຢາກ
ເຕືອນ ຫຼື ຍົກຂຶ້ນມາ ໃຫ້ທຸກພາກສ່ວນກ່ຽວຂ້ອງ ເອົາໃຈໃສ່ວ່າ ຖ້າການຜະລິດ
ຂອງພວກເຮົາ ບໍ່ເພີ້ມຂຶ້ນ​ ແລະ​ ບໍ່​ມີປະສິດທິພາບ ທີ່ສອດຄ່ອງກັບ ການຂຶ້ນຄ່າ
ຈ້າງ ແລະ ຖ້າຜູ້ຮັບຊື້ ສືບຕໍ່ຈ່າຍຄ່າໃຫ້ ຄຳໝັ້ນສັນຍາຈະສະໜັບສະໜູນປາກເປົ່າ
ຫຼື ສືບຕໍ່ຫລອກລວງ ກ່ຽວກັບການຂຶ້ນລາຄາຂອງພວກເຂົາ ໂດຍອ້າງວ່າ ພວກເຂົາ
ຕ້ອງຈ່າຍ ໃຫ້ແກ່ພວກໂຮງງານ ຢູ່ທີ່ແຫ່ງນີ້ ​ແລ້ວ ພວກເຮົາກໍຈະເຫັນ ໂຮງງານ
ປິດກິດຈະການ ຫຼາຍຂຶ້ນ ພວກເຮົາກໍຈະເຫັນໂຮງງານໃໝ່ ຫຼື ບັນດາຜູ້ລົງທຶນໃໝ່
ເຂົ້າມາລົງທຶນໃນກຳປູເຈຍ ໜ້ອຍລົງ ​ແລະ ອັນ​ນີ້ ​ມັນແມ່ນ​ເລື້ອງ​ແທ້​ຈິງ​.”

ບົດລາຍງານ ສື່ມວນຊົນ ຊີ້ໃຫ້ເຫັນວ່າ ສະຫະພັນກຳມະບານສ່ວນໃຫຍ່ ລວມທັງພວກ
ທີ່ມີແນວທາງດຽວ​ກັນກັບລັດຖະບານ ໄດ້ລົງນາມ ​ໃນຂໍ້ຕົກລົງໃໝ່ດັ່ງກ່າວ. ແຕ່ຢ່າງນ້ອຍ
ສອງສະຫະພັນກຳມະບານ ຍັງບໍ່ໄດ້ ລົງນາມເທື່ອ.

ທ່ານ Ath Thorn ຫົວໜ້າຂອງສະຫະພັນແຮງງານກຳປູເຈຍ ທີ່ເປັນນຶ່ງໃນສອງສະຫະພັນ
ກຳມະບານດັ່ງກ່າວນັ້ນ ອ້າງວ່າ ຕົນມີສະມາຊິກ 70,000 ຄົນ. ທ່ານ ກ່າວວ່າ ກຳມະບານ
ຂອງທ່ານ ຈະສືບຕໍ່ກົດດັນ ໃຫ້ຄົນ​ງານ​ຂອງ​ຕົນໄດ້ຮັບ​ຄ່າ​ຈ້າງ 160 ໂດລາ ແລະຈະປຶກສາ
ຫາລື ກັບບັນດາສະມາຊິກ ຂອງຕົນ ໃນສອງສາມອາທິດຈະມາເຖິງນີ້ ເພື່ອຮັບຟັງຄຳເຫັນ
ຕ່າງໆ ກ່ອນທີ່ຈະຕັດສິນໃຈວ່າຈະທຳ​ການ​ນັດ​ຢຸດ​ງານຫຼືບໍ່.

ການຕັດສິນຂັ້ນສຸດທ້າຍ ກ່ຽວກັບການຂຶ້ນຄ່າຈ້າງຂັ້ນຕ່ຳສຸດ ແມ່ນນອນຢູ່ກັບລັດຖະບານ.

ຫຼັງຈາກໄດ້ຕົກລົງວ່າ​ຈະ​ຮັບ​ເອົາຕົວເລກ 135 ໂດລາ ແລ້ວ ນາຍົກລັດຖະມົນຕີ ກຳປູເຈຍ
ທ່ານ Hun Sen ກໍໄດ້ອອກຄຳສັ່ງ ໃຫ້ເພີ້ມຕື່ມອີກ 5 ໂດລາຕໍ່ເດືອນ ໃສ່ຈຳນວນດັ່ງກ່າວນັ້ນ
ເຊິ່ງລວມ ເປັນ 140 ໂດລາ.

ຄຳ​ສັ່ງ​ຂອງ​ນາຍົກລັດຖະມົນຕີ ທີ່ເພີ້​ມ​ເງິນ​ຄ່າ​ຈ້າງຂຶ້ນນັ້ນ ເປັນໜ້າ​ແປກ​ໃຈ​ໜ້ອຍ​ນຶ່ງ ​ເຊິ່ງ
ທ່ານ​ໄດ້​ເຮັດ​ເຊັ່ນ​ດຽວ​ກັນ ​ເມື່ອ​ປີ​ກາຍ​ນີ້ ອັນ​ເປັນຕົວ​ບົ່ງ​ບອກ​ວ່າ ​ເລື້ອງ​ຄ່າ​ຈ້າງ​ຂັ້ນຕ່ຳສຸດນີ້
​ແມ່ນ​ເປັນ​ເລື້ອງ​ທີ່ມີ​ຄວາມ​ລະອຽດ​ອ່ອນ​ ​ດ້ານ​ການ​ເມືອງ.

ສຳ​ຫລັບ ບົດບາດ​ຂອງ​ພັກ​ທີ່​ປົກຄອງ​ຢູ່​ ​ແມ່ນ​ຕົກ​ຢູ່​ໃນ​ລະຫວ່າງ ການ​ສ້າງຄວາມພໍ​ໃຈໃຫ້ແກ່
ຊາວ​ກຳປູ​ເຈຍ ຜູ້​ທີ່​ມີສິດອອກສຽງ​ເລືອກຕັ້ງ ຈຳນວນ 10 ລ້ານ​ຄົນ ຊຶ່ງ​ພວກ​ຄົນ​ງານ​ເປັນ​
ພາກສ່ວນທີ່​ສຳຄັນ ​ແລະ ເຮັດ​ໃຫ້​ບັນດາ​ຜູ້​ລົງທຶນ​ທັງຫຼາຍ ດີ​ອົກ​ດີ​ໃຈ​.

ພັກ​ຂອງ ທ່ານ Hun Sen ​ເກືອບ​ເສຍ​ໄຊຊະນະ ​ໃນ​ການ​ເລືອກ​ຕັ້ງທົ່ວ​ໄປ ​ເມື່ອ​ປີ 2013
​ແລະ​ການ​ເລືອກ​ຕັ້ງຄັ້ງ​ໃຫຍ່​ຕໍ່​ໄປ ​ໄດ້​ຖືກກຳນົດ​ໄວ້​ ໃນ​ປີ 2018 ​ເຊິ່ງຕົນ​ຮູ້​ວ່າ ຕົນ​ຕ້ອງ​ສົ່ງ​ເສີມ
ພາບ​ພົດ​ຂອງ​ຕົນ ພາຍ​ໃນບັນດາ​ພະນັກງານ ​ໃນ​ໂຮງງານ​ຕັດຫຍິບ ທີ່​ສ່ວນ​ໃຫຍ່​ແລ້ວ ​ແມ່ນ​
ພວກ​ຍິງ​ສາວ ຊຶ່ງ​ເງິນ​ຄ່າ​ຈ້າງ​ຂອງ​ພວກ​ເຂົາ​ເຈົ້າ ​ຈະ​ໄປ​ອູ້ມຊູ ຊີວິດ​ການ​ເປັນ​ຢູ່​ ຂອງບັນດາ
ຄອບຄົວ​ໃນ​ເຂດ​ຊົນນະບົດ ​ແລະຕາມ​ປະ​ເພນີ​ແລ້ວ ພວກ​ເຂົາ​ເຈົ້າ​ກໍ​ແມ່ນ​ຈະ​ໄປ​ສະໜັບ
ສະໜູນ ພັກ​ຝ່າຍ​ຄ້ານ.

ອຸດສາຫະກຳ ​ໂຮງງານ​ຕັດຫຍິບ ​ແມ່ນ​ເປັນ​ສູນ​ກາງ ​ເສດຖະກິດ ຂອງກຳປູ​ເຈຍ ​ແລະບໍ່ພຽງ​ແຕ່
​ເປັນ​ຜູ້​ວ່າ​ຈ້າງ​ທີ່​ໃຫຍ່​ທີ່​ສຸດ​ເທົ້າ​ນັ້ນ ​ແຕ່​ຍັງ​ເປັນລາຍ​ໄດ້​ຈາກ​ການ​ແລກປ່ຽນ​ເງິນຕາ​ຕ່າງປະ​ເທດ
ທີ່​ສຳຄັນ​ອີກ​ດ້ວຍ ທີ່​ມີ​ມູນ​ຄ່າ ຫຼາຍກວ່າ 5 ຕື້​ໂດ​ລາ ​ໃນ​ການ​ສົ່ງ​ອອກ​ແຕ່ລະ​ປີ ສ່ວນ​ໃຫຍ່​
ແມ່ນ​ສົ່ງ​ອອກ​ມາ ສະຫະລັດ ​ແລະ ສະຫະພາບ​ຢູ​ໂຣບ.

ຫຼາຍສິບ ຍີ່​ຫໍ້​ທີ່ໂດ່​ງດັງ ຂອງຕາ​ເວັນ​ຕົກ ​ເປັນ​ແຫ​ລ່ງຜະລິດ ຈາກ​ກຳປູ​ເຈຍ.

ພາກສ່ວນ ທີ່​ກາງ​ຕໍ່ ​ຍີ່​ຫໍ້​ທີ່​ມີຊື່ສຽງ​ໂດ່​ງດັງ ​ເຊັ່ນ​ວ່າ H&M, Adidas, Gap ​ແລະ Armani ​
ແຕ່​ພາບ​ພົດ​ຂອງ​ຍີ່​ຫໍ້​ດັ່ງກ່າວ ​ໄດ້ປະສົບຜົນ​ເສຍ​ຫາຍ ​ເມື່ອສອງ​ສາມ​ປີ ຜ່ານ​ມາ ດ້ວຍການ​
ຂັດ​ແຍ້​ງ​ເລື້ອ​ງ​ແຮງ​ງານ ​ແລະ ການ​ຂົ່ມ​ເຫັງ​ຂອງ​ສະຫະພັນກຳມະບານ​ທີ່​ເປັນ​ອິດສະຫລະ.
ອັນ​ນັ້ນ​ແມ່ນ​ໄດ້​ຂຶ້ນຮອດ​ຈຸດ​ສູງ​ສຸດ ​ໃນຕົ້ນປີ 2014 ​ໃນ​ເວລາ ​ບັນດາເຈົ້າໜ້າທີ່​ຂອງ​ກຳປູ​ເຈຍ
ຍິງ​ພະນັກງານ 5 ຄົນ​ຕາຍ ​ໃນ​ລະຫວ່າງ​ ຄວາມ​ບໍ່​ສະຫງົບ ທີ່​ເກີດ​ຂຶ້ນ ກ່ຽວ​ກັບ​ເລື້ອງຄ່າຈ້າງ
​ຂັ້ນຕ່ຳ ​ສຸດແລະ ສະພາບ​ຕ່າງໆ​ໃນການ​ທຳ​ງານ.

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG