ລິ້ງ ສຳຫລັບເຂົ້າຫາ

ວັນພະຫັດ, ໓໐ ພຶດສະພາ ໒໐໒໔

ກໍາປູ​ເຈຍ ຍົກເລີກ ຄຳ​ສັ່ງ​ ຫ້າມອອກ​ອາກາດ ລາຍການຂອງ​ ສະຖານີ ຕ່າງປະ​ເທດ


ນາຍົກລັດຖະມົນຕີ ຮຸນ ເຊນ ແລະພັນລະຍາຂອງທ່ານ, ທ່ານນາງ Bun Rany (ຂວາ) ໄປເຖິງຂົງເຂດຫາສຽງເລືອກຕັ້ງ ແຫ່ງນຶ່ງ ໃນນະຄອນພະນົມເປັນ ໃນວັນທີ 27 ມິຖຸນາ 2013.
ນາຍົກລັດຖະມົນຕີ ຮຸນ ເຊນ ແລະພັນລະຍາຂອງທ່ານ, ທ່ານນາງ Bun Rany (ຂວາ) ໄປເຖິງຂົງເຂດຫາສຽງເລືອກຕັ້ງ ແຫ່ງນຶ່ງ ໃນນະຄອນພະນົມເປັນ ໃນວັນທີ 27 ມິຖຸນາ 2013.
ກໍາປູ​ເຈຍ ໄດ້ຕ່າວປີ້ນ​ໂດຍ​ໄວ ຄຳ​ສັ່ງ​ຂອງລັດຖະບານ​ ທີ່ຫ້າມ
ບໍ່​ໃຫ້​ສະຖານີ​ວິທະຍຸ​ທ້ອງ​ຖິ່ນອອກ​ອາກາດ​ລາຍການຂ່າວ​
ຕ່າງໆ​ຂອງສື່​ມວນຊົນ​ຕ່າງປະ​ເທດ ໃນ​ໄລຍະ​ກ່ອນ​ການ​ເລືອກ​
ຕັ້ງທົ່ວໄປ ​ໃນ​ເດືອນກໍລະກົດນີ້ ລຸນຫລັງທີ່ມີການປະທ້ວງຈາກ
ພວກສະຖານີ​ຕ່າງ ປະ​ເທດ, ສາທາລະນະຊົນ ແລະສະຫະລັດ.

ໃນທ້າຍອາທິດແລ້ວນີ້ ກະຊວງຖະແຫລງຂ່າວຂອງກໍາປູເຈຍ
ໄດ້ເກືອດຫ້າມ ບໍ່​ໃຫ້​ສະຖານີ ວິທະຍຸ​ທ້ອງ​ຖິ່ນ ຖ່າຍ​ທອດ​ຂ່າວ​
ຈາກສື່​ມວນຊົນ​ຕ່າງປະ​ເທດ ເປັນເວລາ 31 ວັນ ກ່ອນ​ການ​
ເລືອກ​ຕັ້ງທົ່ວໄປ ທີ່ຈະຈັດຂຶ້ນ​ໃນວັນທີ 28 ​ເດືອນກໍລະກົດນີ້
ຊຶ່ງນາຍົກລັດຖະມົນຕີ ຮຸນ ເຊນ ຈະລົງ​ແຂ່ງຂັນ​ເພື່ອຮັກສາ
ອໍານາດຂອງທ່ານໄວ້. ຄໍ​າສັ່ງສະບັບ​ນີ້ ຍັງ​ສັ່ງ​ໃຫ້​ສະຖານີຕ່າງໆ ຢຸດ​ອອກລາຍ​ງານ​ກ່ຽວ​ກັບບັນດາ​ຊາວ​ຕ່າງປະ​ເທດທີ່​ມີ​ບົດບາດ​ໃດ​ໆກໍ​ຕາມ ຢູ່​ໃນການ​ໂຄ​ສະ​ນາ​ຫາ​ສຽງ. ແຕ່​ວ່າ
ໃນ​ຕອນ​ແລງ​ວັນ​ເສົາ​ວານ​ນີ້ ກະຊວງ​ຖະ​ແຫລ​ງຂ່າວ​ໄດ້​ອອກ​ຄໍາ​ຖະ​ແຫລ​ງ ​ເວົ້າ​ວ່າ ຕົນ​ຈະ​ອະນຸຍາດ​ໃຫ້​ບັນດາ​ສະຖານີ​ທ້ອງ​ຖິ່ນ ອອກ​ອາກາດລາຍການ​ທີ່​ຜະລິດ​ໂດຍ​ບັນດາ​ສະຖານີ​ຕ່າງປະ​ເທດ​ນັ້ນ ​ຄືນໄດ້​ຕາມ​ປົກກະຕິ.

ບັນດາສື່​ຂ່າວຕ່າງໆ ທີ່ຈະໄດ້ຮັບ​ຜົນ​ກະທົບຈາກການ​ຫ້າມດັ່ງກ່າວ​ນີ້ ແມ່ນມີຮວມທັງວິ
ທະຍຸ​ສຽງອາ​ເມຣິກາ ຫລື ວີ​ໂອ​ເອ ແລະເອ​ເຊຍ​ເສລີ ​ທີ່ໄດ້ຮັບທຶນດໍາ​ເນີນ​ການຈາກສະ
ຫະລັດ.

​ໂຄສົກ​ກະຊວງ​ຕ່າງປະ​ເທດສະຫະລັດ ທ່ານ Patrick Ventrell ​ໄດ້ເອີ້ນ​ຄໍາ​ສັ່ງ​ນີ້​ວ່າ ເປັນ​
ການ​ຝ່າ​ຝືນ​ຢ່າງຮ້າຍ​ແຮງຕໍ່​ສິດ​ເສລີພາບ​ໃນ​ດ້ານ​ການ​ຂ່າວ ທີ່ພາ​ເຮັດ​ໃຫ້​ເກີດ​ມີຄໍາຖາມ​
ຂຶ້ນມາວ່າ ການ​ປ່ອນ​ບັດ​ໃນ​ຄັ້ງ​ນີ້ຈະເປັນ​ໄປແບບເສລີ ​ແລະ​ທ່ຽງ​ທໍາຫລື​ບໍ່? ແລະບັນນາ
ທິການ​ຝ່າຍ​ບໍລິການ​ຂອງວີ​ໂອ​ເອ ທ່ານ​ Steve Redisch ກ່າວ​ວ່າ ຂ່າວ​ແລະ​ຂໍ້​ມູນ​ທີ່​ໜ້າ​ເຊື່ອ​ຖື ຖືກ​ຕ້ອງ ​ແລະ​ກໍ້າ​ເກິ່ງ ​ແມ່ນເປັນ​ສິ່ງ​ຈຳ​ເປັນທີ່​ສຸດ ກ່ອນ​ໜ້າການ​ເລືອກຕັ້ງ.
ວີ​ໂອ​ເອ ແລະເອເຊຍເສລີ ມີ​ຫລາຍໆລາຍການ ທີ່ຖືກ​ນໍາ​ໄປຖ່າຍ​ທອດ​ອອກ​ອາກາດຄືນ
​ໂດຍສະຖານີ FM ຫລາຍໆ​ແຫ່ງໃນກໍາປູເຈຍ.

ທ່ານ ຮຸນ ເຊນ ຂອງກໍາປູເຈຍ ແມ່ນນຶ່ງໃນບັນດານາຍົກລັດຖະມົນຕີ ທີ່ດໍາລົງຕໍາແໜ່ງ ດົນ​ນານ​ທີ່​ສຸດຢູ່ໃນໂລກ ຊຶ່ງທ່ານໄດ້ຂຶ້ນກໍາອໍານາດມາຕັ້ງແຕ່ປີ 1985 ຜ່ານລັດຖະບານ
ປະສົມ ຫລາຍໆຊຸດ. ​ເປັນ​ທີ່​ຄາດ​ກັນ​ວ່າ ທ່ານຈະໄດ້ຮັບໄຊຊະນະໃນການ​ເລືອກຕັ້ງທົ່ວ
ໄປ ​ໃນວັນທີ 28 ກໍລະກົດ ທີ່ຈະມາເຖິງນີ້.
XS
SM
MD
LG