ຄວາມບໍ່ສະເໝີພາບດ້ານຄ່າແຮງງານ ແລະການຄາດຄະເນວ່າຈະມີການຫລຸດລົງ
ຢ່າງຫລວງຫລາຍໃນຂະແໜງອຸດສະຫະກໍາດ້ານກໍ່ສ້າງ ໄດ້ເກີດເປັນບັນຫາໃຫຍ່ອັນ
ນຶ່ງ ທີ່ໂຜ່ຕົວຂຶ້ນມາກ່ອນຈະມີການເລືອກຕັ້ງຂອງປະຊາຊົນໃນທ້ອງຖິ່ນໃນກໍາປູເຈຍ
ທີ່ຈະມີຂຶ້ນໃນເດືອນມີນາ ທີ່ຈະມາເຖິງນີ້.
ບັນຫາຄ່າແຮງງານຕໍ່າ ໃນຂະແໜງອຸດສະຫະກໍາກໍ່ສ້າງ ທີ່ກໍາມະກອນໄດ້ຮັບ
ພຽງແຕ່ $2.50 ຕໍ່ມື້ນັ້ນ ແມ່ນບໍ່ມີການປ່ຽນແປງຫຍັງ ເຖິງແມ່ນວ່າ ການກໍ່ສ້າງໃນປະ
ເທດ ຈະຂະຫຍາຍຕົວຢ່າງສູງ ແລະກໍຢູ່ໃນໄລຍະທີ່ປະເທດມີການຂະຫຍາຍຕົວທາງເສດຖະກິດ ໃນຊຸມປີໝໍ່ໆ ມານີ້ກໍຕາມ. ທະນາຄານໂລກເວົ້າວ່າ ກໍາປູເຈຍໄດ້ມີລະ
ດັບການຂະຫຍາຍຕົວທາງເສດຖະກິດ ໃນອັດຕາສະເລ່ຍ 7.6 ເປີເຊັນຕໍ່ປີໃນຊ່ວງ
ໄລຍະປີ 1994 ຫາ 2015 ແລະຄາດວ່າຍັງຈະສືບຕໍ່ ການຂະຫຍາຍຕົວຢ່າງແຮງໃນ
ໄລຍະສອງປີຂ້າງໜ້າ.
ເຖິງແມ່ນວ່າຄ່າແຮງງານຍັງຕໍ່າແບບບໍ່ເຄີຍປ່ຽນແປງຈັກເທື່ອ ລັດຖະບານຂອງນາຍົກ ລັດຖະມົນຕີ Hun Sen ມັກຈະຍົກໃຫ້ຂະແໜງການກໍ່ສ້າງວ່າເປັນຂະແໜງການທີ່
ສ້າງວຽກ ເຮັດງານທໍາໃຫ້ແກ່ປະຊາຊົນຜູ້ທຸກຍາກ ຢູ່ໃນເຂດຊົນນະບົດ ຊຶ່ງເປັນພາກ
ສ່ວນທີ່ຂາດບໍ່ໄດ້ຂອງຍຸດທະສາດດ້ານເສດຖະກິດຂອງປະເທດ ທີ່ອີງໃສ່ 4 ເສົາຄໍ້າ
ຊຶ່ງລວມມີ ອຸດສະຫະກໍາຕັດຫຍິບ, ການປູກເຂົ້າຂາຍ, ການທ່ອງທ່ຽວ ແລະການກໍ່ສ້າງ.
ເຖິງຢ່າງໃດກໍຕາມ ການວິເຄາະອະສັງຫາລິມະຊັບຂອງ EPenh ທີ່ຄາດຄະເນການ
ສິ້ນສຸດລົງຂອງການຂະຫຍາຍຕົວຢ່າງສູງຂອງຕະຫລາດອະສັງຫາລິມະຊັບ ວ່າ
ຍ້ອນມີການຫລຸດລົງຢ່າງໜັກຫລາຍເຖິງ 50 ເປີເຊັນຂອງຕະຫລາດດັ່ງກ່າວທີ່ມີຢູ່ໃນ
ປັດຈຸບັນໃນຕະຫລອດປີນີ້ ເຮັດໃຫ້ບັນຫານີ້ມີຄວາມສັບສົນ
ບັນຫາຄວາມສະເໝີພາບດ້ານຄ່າແຮງງານ ສໍາລັບແມ່ຍິງໃນສະຖານທີ່ກໍ່ສ້າງຕ່າງໆ
ແມ່ນປະກົດພໍໃຫ້ເຫັນໜ້ອຍນຶ່ງ ຊຶ່ງສ່ວນນຶ່ງກໍເປັນຍ້ອນການປຸກລະດົມເພື່ອໃຫ້ມີ
ການປັບປຸງ ມາດຕະຖານຂອງອຸດສາຫະກໍາ ກ່ອນໜ້າຈະມີການເລືອກຕັ້ງຂອງປະ
ຊາຊົນໃນທ້ອງຖິ່ນໃນວັນທີ 4 ມີຖຸນາ ແລະການປັດບັດເລືອກຕັ້ງແຫ່ງຊາດທີ່ຈະມີຂຶ້ນ
ໃນ ເດືອນກໍລະກົດປີໜ້າ.
ນາງ Chork Yeurn, ທີ່ເປັນກໍາມະກອນທີ່ບໍ່ເປັນທາງການ ແລະກໍບໍ່ມີສີມື ທີ່ເຮັດວຽກ
ກັບສາມີຂອງນາງຢູ່ສະຖານທີ່ກໍ່ສ້າງແຫ່ງນຶ່ງໃນນະຄອນຫລວງພະນົມເປັນ ໃນມື້ນຶ່ງ
ແມ່ນໄດ້ຮັບ ບໍ່ເກີນ $4.50 ຫາ $5.00 ແລະທັງໄດ້ຮັບ 50 ຕໍ່ຊົ່ວໂມງເພີ້ມອີກ ຖ້າຫາກ
ລາວເຮັດວຽກ ລ່ວງເວລາ. ແຕ່ລາວກໍບໍ່ຄ່ອຍໄດ້ຮັບເງິນຄ່າຈ້າງຕາມກໍານົດ ຈຶ່ງເຮັດໃຫ້
ລາວພົບຄວາມຫຍຸ້ງຍາກ ທີ່ຈະໄດ້ຮັບການປິ່ນປົວສຸຂະພາບ ແລະການບໍລິການອື່ນໆ
ທີ່ລາວມີຄວາມຕ້ອງການ.
