ລິ້ງ ສຳຫລັບເຂົ້າຫາ

logo-print

ມີ 2 ຄົນແລ້ວ ເສຍຊີວິດ ຍ້ອນໄຂ້ຫວັດ ສັດປີກ ຢູ່ກຳປູເຈຍ ປີນີ້


ຮູບໂປດສະເຕີ້ທີ່ແນໃສ່ເພື່ອສ້າງຄວາມຕື່ນຕົວກ່ຽວກັບໄຂ້ຫວັດສັດປີກ ໄດ້ຕິດຢູ່ທີ່ກະຊວງສາທາລະນະສຸກ ໃນກຸງພະນົມເປັນ (6 ເມສາ 2006)

ມີຊາວກຳປູເຈຍ 2 ຄົນແລ້ວ ເສຍຊີວິດຍ້ອນໄຂ້ຫວັດສັດປີກ ໃນປີ 2013 ນີ້ ຊຶ່ງເຮັດໃຫ້ການເລີ້ມຕົ້ນຂອງປີໃໝ່ນີ້ ເປັນການເລີ້ມຕົ້ນ ທີ່ໜ້າວິຕົກກັງວົນ. Robert Carmichael ຜູ້ສື່ຂ່າວ ຂອງວີໂອເອ ມີລາຍງານ ກ່ຽວກັບເລື່ອງນີ້ ຈາກນະຄອນຫລວງພະນົມເປັນ.

ເວລານີ້ ເດັກຍິງກຳປູເຈຍອາຍຸ 2 ຂວບຄົນນຶ່ງ ພວມມີອາການ
ສາຫັດ ຢູ່ທີ່ນະຄອນຫຼວງພະນົມເປັນ ຫຼັງຈາກໄດ້ເຂົ້າຮັບການ
ປິ່ນປົວຢູ່ທີ່ໂຮງໝໍຍ້ອນຕິດເຊື້ອໄວຣັສ H5N1 ຊຶ່ງຮູ້ກັນໃນອີກ
ຊື່ນຶ່ງວ່າ ໄຂ້ຫວັດສັດປີກນັ້ນ.

ທ່ານ Sonny Inbaraj Krishnan ເຈົ້າໜ້າທີ່ປະຊາສຳພັນຂອງ
ອົງການອະນາໄມໂລກທີ່ພະນົມເປັນກ່າວວ່າເຫດການດັ່ງກ່າວ
ນີ້ໄດ້ສ້າງຄວາມວິຕົກກັງວົນໃຫ້ແກ່ເຈົ້າໜ້າທີ່ສາທາລະນະສຸກ.

ທ່ານ Krishnan ເວົ້າວ່າ “ນີ້ແມ່ນ ການຕິດໄຂ້ຫວັດສັດປີກ
ກໍລະນີທີ 4 ພາຍໃນເດືອນນີ້. ໃນປີກາຍນີ້ ພວກເຮົາພົບ
ເຫັນ 3 ກໍລະນີດ້ວຍກັນແຕ່ພາຍໃນໄລຍະນຶ່ງເດືອນຂອງ
ປີໃໝ່ ພວກເຮົາມີ 4 ກໍລະນີແລ້ວ ແລະພວກເຮົາກໍມີຄວາມເປັນຫ່ວງທີ່ສຸດ ກ່ຽວ ກັບເລື່ອງນີ້.”


ເຊື້ອ H5N1 ຊຶ່ງສາມາດແຜ່ລະບາດຈາກສັດປີກທີ່ຕິດເຊື້ອ ໄປຫາຜູ້ຄົນໄດ້ນັ້ນ ໄດ້ຖືກພົບ ເຫັນເທື່ອທຳອິດ ຢູ່ໃນມະນຸດທີ່ຮົງກົງ ໃນປີ 1997. ມັນເປັນເຊື້ອໄວຣັສທີ່ເປັນອັນຕະລາຍ ຮ້າຍແຮງ ຊຶ່ງມາຮອດເວລານີ້ ແມ່ນໄດ້ເອົາຊີວິດຜູ້ຄົນໄປແລ້ວປະມານ 360 ຄົນຢູ່ໃນທົ່ວ ໂລກຄືຫຼາຍກວ່າເຄິ່ງນຶ່ງຂອງຈໍານວນພວກທີ່ໄດ້ຮັບການຢືນຢັນວ່າຕິດເຊື້ອໄວຣັສດັ່ງກ່າວ.

ຜູ້ເຄາະຮ້າຍຄົນຫຼ້າສຸດຢູ່ກຳປູເຈຍ ແມ່ນເດັກຍິງໄວ 15 ປີທີ່ເສຍຊີວິດເມື່ອນຶ່ງອາທິດຜ່ານ ມາ ແລະຜູ້ຊາຍອາຍຸ 35 ປີ ທີ່ເສຍຊີວິດ ໃນມື້ວັນພຸດແລ້ວ. ສ່ວນເດັກທາລົກຄົນນຶ່ງ ທີ່ລົ້ມ ປ່ວຍໃນຕົ້ນເດືອນນີ້ ໄດ້ຫາຍດີແລ້ວ.

ໃນທ້າຍສັບປະດາຜ່ານມານີ້ ພວກເຈົ້າໜ້າທີ່ໄດ້ຂ້າ ແລ້ວກໍເຜົາໄກ່ແລະເປັດ ປະມານ 4 ພັນໂຕທີ່ບ້ານແຫ່ງນຶ່ງ ບ່ອນທີ່ເດັກຍິງໄວ 15 ປີເສຍຊີວິດ.

ແຕ່ແນວໃດກໍຕາມ ພະຍາດອື່ນໆເຊັ່ນໄຂ້ເລືອດອອກແລະໄຂ້ຍຸງ ແມ່ນເຮັດໃຫ້ມີຜູ້ເສຍຊີ ວິດຫຼາຍກວ່າເຊື້ອໄວຣັສ H5N1 ອີກດັ່ງນັ້ນຈຶ່ງໄດ້ມີການຖາມທ່ານ Krishnan ວ່າແມ່ນ ຫຍັງທີ່ພາໃຫ້ມີຄວາມກັງວົນໃຈກ່ຽວກັບໄຂ້ຫວັດສັດປີກ.

ທ່ານ Krishnan ເວົ້າວ່າ “ສິ່ງທີ່ພວກເຮົາມີຄວາມເປັນຫ່ວງໂດຍສະເພາະກໍຄືເຊື້ອ ໄວຣັສ H5N1 ອາດສາມາດປັບປ່ຽນ ໃນອັນທີ່ພວກເຮົາເອິ້ນວ່າ ການຮວມຕົວ ເຂົ້າ ແລະປະສົມປະສານ ກັບເຊື້ອໄວຣັສໄຂ້ຫວັດຊະນິດອື່ນ ແລະອາດເຮັດໃຫ້
ກາຍເປັນເຊື້ອໄວຣັສໃໝ່ທີ່ສາມາດແຜ່ລະບາດໃນໝູ່ມວນມະນຸດນັ້ນຄືສິ່ງທີ່ພວກ ເຮົາມີຄວາມເປັນຫ່ວງທີ່ສຸດ.”


ກຳປູເຈຍເປັນປະເທດມີການກະສິກຳເປັນຫຼັກແລະທຸກໆບ້ານກໍແມ່ນຈະລ້ຽງໄກ່ແລະເປັດ. ພວກເຈົ້າໜ້າທີ່ກະຊວງສາທາລະນະສຸກກຳລັງຕິດຕາມເບິ່ງຢູ່ວ່າ ມີຜູ້ໃດແດ່ໄດ້ສຳຜັດກັບ ພວກທີ່ລົ້ມປ່ວຍຍ້ອນຕິດເຊື້ອໄວຣັສນີ້ ແລະພວກເຈົ້າໜ້າທີ່ຂອງກະຊວງກະສິກຳກໍພວມ ທຳການກວດກາເບິ່ງສັດປີກ ໃນບ້ານຕ່າງໆທີ່ໄດ້ຮັບຜົນກະທົບ ແລະກໍໄດ້ທຳລາຍສັດປີກ ທີ່ປ່ວຍເຫຼົ່ານັ້ນຖິ້ມ.

ໃນມື້ວັນສຸກແລ້ວລັດຖະມົນຕີກະຊວງສາທາລະນະສຸກກຳປູເຈຍທ່ານ Mam Bunheng ໄດ້ຮຽກຮ້ອງໃຫ້ພວກພໍ່ແມ່ເດັກນ້ອຍ ກຳກັບເບິ່ງແຍງນຳພວກລູກເຕົ້າເຂົາເຈົ້າ ໃຫ້ລ້າງມື ເປັນປະຈຳແລະບໍ່ໃຫ້ເຂົ້າໄປໃກ້ສັດປີກທີ່ປ່ວຍຫຼືຕາຍແລ້ວ. ນອກນັ້ນທ່ານຍັງໄດ້ແນະນຳ ໃຫ້ພໍ່ແມ່ພາພວກເດັກນ້ອຍທີ່ເລີ້ມມີອາການຫາຍໃຈຍາກນັ້ນໄປປິ່ນປົວຢູ່ທີ່ສຸກສາລາຫຼືຄລີ ນິກທີ່ໃກ້ບ້ານໂດຍໄວ.

ທ່ານ Krishnan ກ່າວວ່າ ໄດ້ມີການນຳໃຊ້ໂທລະພາບແລະວິທະຍຸໃນການປະກາດຂ່າວ ດັ່ງກ່າວນີ້.

ທ່ານ Krishnan ເວົ້າວ່າ “ນັບແຕ່ອາທິດນີ້ໄປ ພວກເຮົາຈະເພີ້ມ ການອອກຂ່າວ ທາງວິທະຍຸແລະໂທລະພາບປະກາດເຕືອນໃຫ້ປະຊາຊົນຮູ້ຈັກກ່ຽວກັບວ່າຄວນ ຈະປ້ອງກັນແບບໃດ ເພື່ອບໍ່ໃຫ້ເຂົາເຈົ້າແລະຄອບຄົວ ຕິດເຊື້ອໄຂ້ຫວັດສັດປີກ ໂດຍສະເພາະແລ້ວໃຫ້ລະວັງບໍ່ໃຫ້ພວກເດັກນ້ອຍຫຼິ້ນໄກ່ຕາຍແລະສີ່ງທີ່ສຳຄັນ ອີກຢ່າງນຶ່ງ ກໍຄືລ້າງມືໃຫ້ສະອາດ.”

ກຳປູເຈຍລາຍງານເປັນເທື່ອທຳອິດກ່ຽວກັບກໍລະນີການຕິດເຊື້ອ H5N1 ໃນປີ 2005 ເວ ລາ 4 ຄົນເສຍຊີວິດ ຍ້ອນພະຍາດດັ່ງກ່າວ. ມາຮອດປັດຈຸບັນ ປີທີ່ໄດ້ຮັບຜົນກະທົບແຮງ ທີ່ສຸດແມ່ນ 2011 ຊຶ່ງມີຜູ້ຕິດເຊື້ອທັງໝົດ 8 ຄົນ ແລະໝົດທັງ 8 ຄົນ ໄດ້ເສຍຊີວິດ.

ພາກສ່ວນສາທາລະນະສຸກ ທີ່ອ່ອນແອຂອງກຳປູເຈຍ ເປັນອຸບປະສັກຢ່າງນຶ່ງ ແລະກໍເປັນ
ເຫດຜົນໃຫຍ່ທີ່ອະທິບາຍວ່າ ເປັນຫຍັງອັດຕາການເສຍຊີວິດຍ້ອນໄຂ້ຫວັດສັດປີກຂອງ ກຳປູເຈຍ ຈຶ່ງສູງເກືອບເຖິງ 90% ຄື 21 ຄົນເສຍຊີວິດຈາກຈຳນວນຜູ້ຕິດເຊື້ອທັງໝົດ 24 ຄົນ ຊຶ່ງສູງກວ່າອັດຕາສະເລ່ຍຂອງໂລກ ທີ່ຢູ່ໃນລະດັບປະມານ 60% ນັ້ນ.

ແຕ່ທ່ານ Krishnan ເຈົ້າໜ້າທີ່ຝ່າຍປະຊາສຳພັນຂອງອົງການອະນາໄມໂລກ ໄດ້ເຕືອນ ໃຫ້ລະມັດລະວັງກ່ຽວກັບການສະລຸບດັ່ງກ່າວ ໂດຍຊີ້ໃຫ້ເຫັນວ່າ ຕົວຢ່າງແມ່ນໜ້ອຍເກີນ ໄປ. ຢ່າງໃດກໍຕາມ ທ່ານເວົ້າວ່າ ມີຫລາຍປັດໄຈຢູ່ໃນທ້ອງຖິ່ນທີ່ເພິ່ມໃສ່ບັນຫາ. ເຊັ່ນວ່າ ເວລາຜູ້ຄົນລົ້ມປ່ວຍ ບ່ອນທຳອິດທີ່ຍາດພີ່ນ້ອງເຂົາເຈົ້າພາໄປ ກໍແມ່ນຮ້ານຂາຍຢາຫຼືຄລີ ນິກເອກກະຊົນໃນເຂດທ້ອງຖິ່ນ ແທນທີ່ຈະໄປໂຮງໝໍໃນທັນທີ.

ເຊື້ອໄວຣັສ H5N1 ສາມາດເອົາຊີວິດຜູ້ຄົນໄດ້ໃນເວລາບໍ່ຮອດນຶ່ງອາທິດຫຼັງຈາກຕິດເຊື້ອ ແລ້ວ ດັ່ງນັ້ນການເສຍເວລາສອງສາມມື້ ໃນການປິ່ນປົວທີ່ບໍ່ໄດ້ຜົນແລະການວິນິດໄສອາ ການທີ່ບໍ່ຖືກຕ້ອງ ສາມາດພາໃຫ້ຜູ້ປ່ວຍເສຍຊີວິດໄດ້.

ທ່ານ Krishnan ເວົ້າວ່າ “ເວລາອາການຊຸດໂຊມລົງ ແລະຄລີນິກທ້ອງຖິ່ນຫຼືຮ້ານ ຂາຍຢາບໍ່ສາມາດສັ່ງຢາປົວໃຫ້ຫາຍໄດ້ຕໍ່ໄປແລ້ວ ນັ້ນແຫຼະຄືເວລາທີ່ພວກເຂົາ ເຈົ້າຖືກບອກໃຫ້ພາເດັກນ້ອຍຫຼືຄົນເຈັບໄປໂຮງໝໍແລະເວລາໄປເຖິງໂຮງໝໍແລ້ວ ໂອກາດແມ່ນມີໜ້ອຍເຕັມທີ ທີ່ພວກເຂົາເຈົ້າຈະລອດຊີວິດໄດ້.”

ເຫດການທີ່ຈະເພິ່ມບັນຫາໃຫ້ອີກອັນນຶ່ງກໍຄືບຸນກຸດຈີນ ຊຶ່ງຈະເລີ້ມໃນວັນທີ 10 ກຸມພານີ້. ມັນເປັນເວລາ ທີ່ຈະມີການສົ່ງສັດປີກເປັນຈຳນວນຫຼວງຫຼາຍ ໄປຂາຍຢູ່ຕະຫຼາດ ແລະພາ ໃຫ້ມີຄວາມສ່ຽງຫຼາຍຂຶ້ນ ທີ່ວ່າສັດປີກຊຶ່ງຕິດເຊື້ອ H5N1 ແລ້ວນັ້ນ ອາດຈະເຮັດໃຫ້ເຊື້ອ ພະຍາດ ແຜ່ຂະຫຍາຍອອກໄປ. ພວກເຈົ້າໜ້າທີ່ສາທາລະນະສຸກຫວັງວ່າ ຄວາມພະຍາ ຍາມໃນການເຜີຍແຜ່ຂໍ້ມູນທີ່ພວມດຳເນີນຢູ່ໃນເວລານີ້ຈະໃຫ້ຜົນໃນການຊ່ອຍສະກັດກັ້ນ ໂຣກໄຂ້ຫວັດສັດປີກໄວ້ໄດ້.

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ
XS
SM
MD
LG