ລິ້ງ ສຳຫລັບເຂົ້າຫາ

ວັນພະຫັດ, ໓໐ ພຶດສະພາ ໒໐໒໔

ທ່ານນາງຊູຈີວ່າ ການປະຕິຮູບ ໃນມຽນມາ ຕ່າວປິ້ນຄືນບໍ່ໄດ້ ຖ້າຝ່າຍທະຫານຮັບເອົາ


ທ່ານນາງອອງຊານ ຊູຈີ ຂະນະກ່າວຄໍາປາໄສ ແລະຕອບຄໍາຖາມ ນັກສຶກສາທີ່ມະຫາວິທະຍາໄລ Tokyo ເວລາທ່ານນາງຢ້ຽມຢາມ ຍີ່ປຸ່ນ ໃນອາທິດແລ້ວນີ້.
ທ່ານນາງອອງຊານ ຊູຈີ ຂະນະກ່າວຄໍາປາໄສ ແລະຕອບຄໍາຖາມ ນັກສຶກສາທີ່ມະຫາວິທະຍາໄລ Tokyo ເວລາທ່ານນາງຢ້ຽມຢາມ ຍີ່ປຸ່ນ ໃນອາທິດແລ້ວນີ້.
ທ່ານນາງອອງຊານ ຊູຈີ ຫົວໜ້າພັກຝ່າຍຄ້ານຂອງມຽນມາ ໄດ້
ບອກ ບັນດາຜູ້ຟັງຄໍາ​ປາ​ໄສ​ຂອງ​ທ່ານ​ນາງ ຢູ່ຍີ່ປຸ່ນ​ໃນ​ລະຫວ່າງ​
ການ​ຢ້ຽມຢາມ​ເມື່ອ​ອາທິດ​ແລ້ວ​ນີ້ ວ່າການປະຕິຮູບປະຊາທິປະ
ໄຕຂອງປະເທດ ຂອງ ທ່ານນາງນັ້ນ ບໍ່ແມ່ນວ່າຈະຕ່າວປິ້ນຄືນບໍ່
ໄດ້​ແລ້ວໃນເວລານີ້ ແລະກໍຍັງຂຶ້ນຢູ່ກັບຝ່າຍທະຫານທີ່ມີອໍານາດ
ທີ່​ໄດ້ປົກຄອງປະເທດມາ​ເປັນ​ເວລາຫຼາຍສິບປີນັ້ນຢູ່. ບັນດານັກວິ ເຄາະການເມືອງເວົ້າວ່າ ຄໍາປາໄສຂອງທ່ານນາງ ​ແມ່ນ​ເປັນ​ອີກ
ຮ່ອງຮອຍນຶ່ງທີ່ສະ​ແດງ​ໃຫ້​ເຫັນ​ວ່າຜູ້ໄດ້ຮັບລາງວັນໂນແບລທ່ານ
ນີ້ ພະຍາຍາມຈະສ້າງຄວາມສົມດຸນໃນ​ລະຫວ່າງ​ສາຍ​ພົວພັນ​ກັບ
ຝ່າຍທະຫານ ແລະຄວາມ​ໄຝ່ຝັນທາງການເມືອງຂອງພັກ​ຂອງ​
ທ່ານນາງ. Daniel Schearf ຜູ້ສື່ຂ່າວວີໂອເອ ລາຍງານຈາກ
ບາງກອກ ຊຶ່ງທອງປານມີລາຍ​ລະອຽດມາສະເໜີທ່ານ.

ໃນລະຫວ່າງກ່າວຄໍາປາໄສບັ້ນນຶ່ງ ທີ່ມະຫາວິທະຍາໄລໂຕກຽວຂອງຍີ່ປຸ່ນ ເມື່ອວັນພຸດ
ອາທິດຜ່ານມານີ້ ທ່ານນາງອອງຊານ ຊູຈີ ຜູ້ນໍາຝ່າຍຄ້ານຂອງມຽນມາ ຮັບຮູ້ວ່າມຽນມາ
ໄດ້ເລີ່ມຕົ້ນເດີນໄປບົນເສັ້ນທາງຂອງປະຊາທິປະໄຕແລ້ວ ແຕ່ກໍກ່າວວ່າຄວາມ​ກ້າວໜ້າ
ທີ່ໄດ້ກະທໍາມານັ້ນ ຍັງແຕກຫັກໄດ້ງ່າຍຢູ່.

ທ່ານນາງຊູຈີ ເວົ້າວ່າ: “ມີຫຼາຍຄົນຖາມຂ້າພະເຈົ້າວ່າ ການດໍາເນີນການໄປສູ່
ປະຊາທິປະໄຕໃນມຽນມານັ້ນ
​ແມ່ນຕ່າວປິ້ນຄືນ ບໍ່ໄດ້​ແລ້ວ​ແມ່ນ​ບໍ່? ຊຶ່ງຂ້າ
ພະເຈົ້າ
ຍາມ​ໃດ ກໍຈະເວົ້າໂລດວ່າ ມັນຈະຕ່າວປິ້ນຄືນບໍ່ໄດ້ ຖ້າຫາກຝ່າຍ
ທະຫານຮັບຮອງເອົາມັນ ແລ້ວ.”


ບັນດາຜູ້ນໍາຂອງມຽນມາ ໄດ້ຮັບຄໍາຍ້ອງຍໍສັນເສີນຈາກບັນດານັກການເມືອງຕ່າງປະເທດ
ແລະປະມຸກປະເທດຕ່າງໆ ຜູ້ທີ່ຮັບເອົາການປະຕິຮູບທາງການເມືອງຂອງ​ມຽນມາ ວ່າ ເປັນຮ່ອງຮອຍຂອງການເປີດກວ້າງປະຊາທິປະໄຕ.

ແຕ່ຄໍາເວົ້າທີ່ມີນໍ້າ​ສຽງ​ບອກ​ເຕືອນຂອງທ່ານນາງຊູຈີໃນອາທິດຜ່ານມານັ້ນ ໄດ້ເນັ້ນຢໍ້າ ເຖິງຄວາມສໍາພັນອັນສະ​ລັບ​ຊັບຊ້ອນ ທີ່ທ່ານນາງແລະພັກສັນນິບາດແຫ່ງຊາດເພື່ອປະ ຊາທິປະໄຕ ຫຼື NLD ຂອງທ່ານນາງ ຍັງມີກັບຝ່າຍທະຫານ ທີ່ຍັງເປັນຝ່າຍທີ່​ມີອໍານາດ ຫລາຍທີ່ສຸດໃນປະເທດຢູ່​ນັ້ນ.

ບັນດານັກວິເຄາະການເມືອງເວົ້າວ່າ ຄວາມຕ້ອງການຂອງພັກ NLD ເພື່ອປ່ຽນແປງລັດ ຖະທໍາມະນູນສະບັບປີ 2008 ທີ່ຮ່າງໂດຍຝ່າຍທະຫານ ເພື່ອ ເຮັດໃຫ້ມີຄວາມຍຸຕິທໍາ ຫຼາຍຂຶ້ນນັ້ນ ອາດພາ​ໃຫ້ມີການປານີປານອມຫລາຍ ເກີນຂອບເຂດ ຈາກ​ຝ່າ​ຍ NLD. ລັດຖະທໍາມະນູນ ແຍກເອົາປະມານນຶ່ງ ສ່ວນສີ່ ຂອງບ່ອນ​ນັ່ງທັງ​ໝົດ​ໃນສະພາໄວ້​ໃຫ້ ຝ່າຍທະຫານ ແລະກໍບໍ່ອະນຸ ຍາດໃຫ້ ທ່ານນາງ ອອງຊານ ຊູຈີ ສະໝັກເລືອກຕັ້ງເປັນ ປະທານາທິບໍດີ.

ອ່ອງ ທູນວຽນ ຜູ້ອໍານວຍການສະຖາບັນການພັດທະນາ Vahu ທີ່​ເປັນອົງການ​ຄົ້ນ​ຄວ້າ​
ຂອງ​ມຽນມາ ເວົ້າວ່າ ພັກຝ່າຍຄ້ານແມ່ນຢູ່ໃນທ່າທີທີ່ລໍາບາກພໍສົມຄວນ ຍ້ອນວ່າຕົນ
ຕ້ອງການການສະໜັບສະໜຸນຈາກຝ່າຍທະຫານນັ້ນຢູ່.

ທ່ານ ນວຽນ ເວົ້າວ່າ: “ມັນເປັນເລຶ່ອງທີ່ລໍາບາກຫຼາຍສໍາລັບທ່ານນາງ ທີ່ຈະຕໍ່ຮອງ ກັບຝ່າຍທະຫານ ຍ້ອນວ່າ 25 ເປີເຊັນຂອງພວກຜູ​ແທນທີ່ບໍ່ໄດ້ຮັບເລືອກຕັ້ງນັ້ນ
ຍັງມີໜ້າຢູ່ໃນສະພາ ແລະກໍມີອິດທິພົນພໍສົມຄວນ
ໃນການທີ່​ຈະປະຕິຮູບລັດຖະ
ທໍາມະນູນ
. ໃນຂະນະດຽວກັນ ບັນດາກະຊວງທີ່ສໍາຄັນໆຕ່າງໆ ເຊັ່ນກະຊວງກິດ
ຈະການພາຍໃນປະເທດ ແລະກິດຈະການຊາຍແດນນັ້ນ
ກໍຍັງຖືກຄວບຄຸມໂດຍ
ຝ່າຍທະຫານຢູ່.”


ທ່ານນາງອອງຊານຊູຈີແລະພັກ NLD ຂອງທ່ານນາງ ຖືກກ່າວໂຈມຕີຢ່າງໃຫຍ່ມາຕະຫຼອດ
ໂດຍບັນດານັກເຄຶ່ອນໄຫວດ້ານການເມືອງແລະສິດທິມະນຸດ ວ່າບໍ່ໄດ້ທ້າທາຍ ຫຼືຄັດຄ້ານ
ຢ່າງພຽງພໍ ຕໍ່ພັກຂອງລັດຖະບານຂອງປະທານາທິບໍດີ ເທນ ເຊນ ນັບຕັ້ງແຕ່ທ່ານນາງ ແລະ
ສະມາຊິກພັກ NLD ໄດ້ຖືກເລືອກຕັ້ງ​ໃຫ້​ເຂົ້າ​ໄປນັ່ງໃນສະພາແຫ່ງຊາດ ເປັນຕົ້ນມານັ້ນ.

ປະວິນ ຊັດຊະວານພົງພັນ ​ເປັນອາຈານສອນປະຈໍາສູນກາງສຶກສາເອເຊຍຕາເວັນອອກ
ສຽງໃຕ້ ທີ່ມະຫາວິທະຍາໄລກຽວໂຕ.

ທ່ານປະວິນ ເວົ້າວ່າ: “ມັນເປັນສະຖານະ​ການ​ທີ່ໜ້າຕະລົກຫຼາຍ ທີ່..ຕອນ​ທີ່ທ່ານ
ນາງຖືກກັກບໍລິເວນຢູ່ນັ້ນ ສໍາລັບຂ້າພະເຈົ້າແລ້ວ ຂ້າພະເຈົ້າຄິດວ່າທ່ານນາງ
ກ້າປາກກ້າເວົ້າຫຼາຍ
​ແຕ່​ມາ​ເວລາ​ນີ້ ທ່ານນາງຖືກປ່ອຍຕົວ ແລະ ເປັນແມ່ຍິງທີ່
ມີເສລີພາບເຕັມຕົວ
​ແຕ່ພວກເຮົາກັບໄດ້ຍິນສຽງຂອງ​ທ່າ​ນນາງໜ້ອຍລົງ ໜ້ອຍ
ລົງເນາະ
ກ່ຽວ​ກັບບັນຫາຕ່າງໆທີ່ພວກເຮົາຄາດໝາຍ​ກັນວ່າ ທ່ານນາງຈະຍົກ
ຂຶ້ນມາ
​ເວົ້ານັ້ນ ເຖິງແມ່ນວ່າການຍົກເອົາບັນຫາເຫຼົ່ານີ້ ຂຶ້ນມາເວົ້າມັນຈະເຮັດ
ໃຫ້ທ່ານນາງເກີດຂັດແຍ້ງກັບຝ່າຍທະຫານກໍຕາມ.”


ທ່ານນາງອອງຊານ ຊູຈີ ໄດ້ຖືກຕໍາໜິຕິຕຽນ ທີ່ບໍ່​ໄດ້​ອອກ​ປາກ​ອອກສຽງຕໍ່ຕ້ານການປະຫັດ
ປະຫານບັນດາຊົນສ່ວນນ້ອຍທາງສາສະໜາ ໃນລະຫວ່າງເຫດການກໍ່ຄວາມຮຸນແຮງ
ທາງສາສະໜາ ທີ່​ໄດ້​ຍັງຜົນໃຫ້ປະຊາຊົນຫຼາຍກວ່ານຶ່ງແສນຄົນຕ້ອງພັດພາກຈາກຖິ່ນຢູ່
ອາ​ໄສນັ້ນ.

ເຖິງແມ່ນ​ວ່າການ​ກໍ່​ຄວາ​ມຮຸນ​ແຮງ​ດັ່ງກ່າວ​ໄດ້​ເປັນການໂຈມຕີພຽງຝ່າຍດຽວ ໂດຍສ່ວນ
ໃຫຍ່ກໍຕາມ ທ່ານນາງອອງຊານ ຊູຈີ ກໍ​ບໍ່ຍອມ​ເອີ່​ຍປາກ​ກ່າວ​ປ້ອງກັນປະຊາຄົມຊາວ
ມຸສລິມ ຫຼືວ່າກ່າວປະນາມພະສົງຊາວພຸດທັງຫຼາຍ ຜູ້ທີ່ຊຸກຍູ້​ໃຫ້​ມີ​ການກໍ່ເຫດການໂຈມຕີນັ້ນ.

ໃນຕອນສິ້ນສຸດການຢ້ຽມຢາມຍີ່ປຸ່ນເປັນເວລາດົນນຶ່ງອາທິດນັ້ນ ທ່ານນາງໄດ້ບອກບັນດາ
ນັກສຶກສາທີ່ມະຫາວິທະຍາໄລໂຕກຽວວ່າ ສິ່ງທ້າທາຍສໍາລັບມຽນມານັ້ນ ກໍຍັງ​ແມ່ນເລື້ອງ​
ການຈັດຕັ້ງການ​ປົກຄອງ​ດ້ວຍຕົວບົດກົດໝາຍ ນັ້ນຢູ່.

ທ່ານນາງ ຊູຈີ ເວົ້າວ່າ: “ພວກເຮົາບໍ່​ໄດ້​ມີ​ການ​ປົກ​ຄອງ​ດ້ວຍຕົວບົດກົດໝາຍ
ຢູ່ໃນມຽນມາ ຕະຫຼອດໄລຍະ 50 ປີຜ່ານມາ ​ແຕ່ພວກເຮົາ​ໄດ້ມີການປົກຄອງ
​ໂດຍລັດຖະບານຜະເດັດການ ແລະຕົວບົດກົດໝາຍ​ໄດ້ຖືກເຮັດ​ໃຫ້ອ່ອນແອ
ລົງ ໄປ
ຈົນເຖິງຈຸດທີ່ວ່າ ພວກເຮົາບໍ່ມີກົດໝາຍແລ້ວ. ​ເວລາ​ນີ້ ພວກເຮົາ​ແມ່ນ​
ກໍາ ລັງ
ພະຍາຍາມຈະສ້າງຕັ້ງມັນ ຂຶ້ນມາໃໝ່.”

ບັນດານັກວິເຄາະການເມືອງເວົ້າວ່າ ທ່ານນາງອອງ ຊານ ຊູ​ຈີ ຍັງເປັນຫ່ວງວ່າ ການອອກ
ປາກອອກສຽງເພື່ອຊົນກຸ່ມນ້ອຍຊາວມຸສລິມນັ້ນ ອາດເຮັດໃຫ້ຜູ້ສະໜັບສະໜຸນທ່ານນາງ
ໃນຊົນກຸ່ມໃຫຍ່ຊາວພຸດຂອງມຽນມານັ້ນ ເຫີນຫ່າງຈາກທ່ານນາງໄດ້.

ມີການຄາດໝາຍກັນຢ່າງກວ້າງຂວາງວ່າ ທ່ານນາງຈະສະໝັກເລືອກຕັ້ງເປັນປະທານາທິບໍດີ
ໃນປີ 2015.

ພັກສັນນິພາບແຫ່ງຊາດເພື່ອປະຊາທິປະໄຕ ຫຼື NLD ໄດ້ຊະນະການເລືອກຕັ້ງທົ່ວປະເທດ
ບັ້ນສຸດທ້າຍຂອງມຽນມາໃນປີ 1990 ແຕ່ຝ່າຍທະຫານປະຕິເສດບໍ່ຮັບຮູ້ຜົນການເລືອກຕັ້ງ
ໃນຄັ້ງນັ້ນ ແລະ​ໄດ້ກັກບໍລິເວນທ່ານນາງ ມາຕະຫຼອດ​ເວລາສ່ວນໃຫຍ່ຂອງໄລຍະ 20 ປີ ທີ່ຜ່ານມາ.
XS
SM
MD
LG