ປະຊາຊົນ ບຣາຊິລ ໄດ້ພາກັນໄປປ່ອນບັດເລືອກຕັ້ງຂອງເຂົາເຈົ້າ ເພື່ອເລືອກເອົາປະ
ທານາທິບໍດີຄົນໃໝ່ ໃນວັນອາທິດມື້ນີ້.
ການເລືອກຕັ້ງໃນປະເທດທີ່ມີເສດຖະກິດໃຫຍ່ທີ່ສຸດ ໃນເຂດອາເມຣິກາລາຕິນນັ້ນ ໄດ້
ມີຂຶ້ນ ລຸນຫຼັງການເປີດເຜີຍ ກ່ຽວກັບ ຂ່າວນອງນັນເລື້ອງການສໍ້ລາດບັງຫຼວງຄັ້ງໃຫຍ່
ໃນປະເທດ ບຣາຊິລ, ເຊິ່ງແມ່ນນຶ່ງຂ່າວນອງນັນ ການສໍ້ລາດບັງຫຼວງ ທີ່ໃຫຍ່ທີ່ສຸດ ໃນ
ປະຫວັດສາດຂອງເຂດ ອາເມຣິກາ ລາຕິນ.
ທ່ານ ແຈ ໂບໂລໂຊນາໂຣ (Jair Bonosonaro) ເຊິ່ງແມ່ນຜູ້ທີ່ບໍ່ຄາດວ່າ ຈະເປັນຜູ້ນຳ
ໜ້າ ໃນການຢັ່ງຫາງສຽງນັ້ນ. ທ່ານແມ່ນອະດີດຫົວໜ້າກອງທັບບົກ ທີ່ນິຍົມແນວທາງ
ຂວາຈັດ ຜູ້ທີ່ໄດ້ຍົກຍ້ອງກອງທັບຜະເດັດການຂອງປະເທດ ໃນອະດີດ ແລະ ໄດ້ເວົ້າດູ
ຖູກແມ່ຍິງ ແລະ ພວກຮັກຮ່ວມເພດ, ພ້ອມກັບປະຊາກອນຄົນຜິວດຳ ແລະ ຄົນພື້ນເມືອງ
ຂອງປະເທດ. ວິໄສທັດຂອງທ່ານ ໄດ້ເຮັດໃຫ້ເພິ່ນມີຊື່ຫຼິ້ນວ່າ “ທ່ານ ທຣຳ ແຫ່ງເຂດ
ຮ້ອນ”, ເຊິ່ງອີງໃສ່ປະທານາທິບໍດີ ສະຫະລັດ ທີ່ມີບັນຫານັ້ນ. ທ່ານຍັງໄດ້ສັນຍາວ່າ ຈະ
ປາບປາມອາຊະຍາກຳ ດ້ວຍການຫຼຸດຜ່ອນການຄວບຄຸມ ກ່ຽວກັບ ກອງກຳລັງຕຳຫຼວດ
ທີ່ໂຫດຫ້ຽມຂອງ ບຣາຊິລ.
ຄູ່ແຂ່ງທີ່ສູສີທີ່ສຸດຂອງທ່ານ ແມ່ນອະດີດເຈົ້າເມືອງ ຊາວ ປາວໂລ ທ່ານ ເຟີນັນໂດ ຮາດ
ແດັດ, ເຊິ່ງແມ່ນຕົວແທນຂອງຜູ້ກໍ່ຕັ້ງພັກກຳມະກອນ ທີ່ຖືກຈັບເຂົ້າຄຸກ, ອະດີດປະທາ
ນາທິບໍດີ ຫຼຸຍ ອິນາຊີໂອ ລູລາ ດາ ຊິລວາ (Luiz inacio Lula da Silva). ທ່ານ ຮາດ
ແດັດ ໄດ້ເປັນຄູ່ຮ່ວມລົງແຂ່ງຂັນຂອງທ່ານ ຊິລວາ, ແຕ່ໄດ້ເຂົ້າແທນທີ່ຂອງທ່ານ ດາ
ຊິລວາ ຫຼັງຈາກອະດີດປະທານາທິບໍດີຄົນດັ່ງກ່າວນັ້ນ, ໄດ້ລະຖິ້ມຄວາມພະຍາມຂອງ
ທ່ານ ທີ່ຈະຂໍອຸທອນຕໍ່ການຕັດສິນຂອງສານທີ່ຫ້າມບໍ່ໃຫ້ທ່ານລົງແຂ່ງຂັນເອົາຕຳແໜ່ງ.
ທ່ານ ດາ ຊິລວາ ແມ່ນກຳລັງຖືກຂັງຄຸກດົນ 12 ປີ ສຳລັບການສໍ້ລາດບັງຫຼວງ.
ທ່ານນາງ ໂມນິກາ ເດ ບອລເລ, ຜູ້ອຳນວຍການຂອງພະແນກການສຶກສາ ກ່ຽວກັບ
ພາກພື້ນອາເມຣິກາ ລາຕິນ ຢູ່ມະຫາວິທະຍາໄລ ຈອນສ໌ ຮັອບກິນສ໌ ໄດ້ກ່າວຕໍ່ອົງການ
ຂ່າວ AP ວ່າ “ນີ້ແມ່ນການເລືອກຕັ້ງທີ່ແປກ ເທົ່າທີ່ຂ້າພະເຈົ້າເຄີຍເຫັນມາ. ມັນກຳລັງ
ຈະກາຍເປັນການແຂ່ງຂັນລະຫວ່າງ ຜູ້ລົງແຂ່ງຂັນທີ່ອາດຈະອ່ອນແອທີ່ສຸດກໍເປັນໄດ້.”
ການລົງຄະແນນສຽງຂັ້ນຊີ້ຂາດ ຈະຖືກຈັດຂຶ້ນໃນວັນທີ 28 ຕຸລາ ຖ້າບໍ່ມີຜູ້ລົງແຂ່ງຂັນ
ຄົນໃດ ໄດ້ຮັບຄະແນນສຽງສ່ວນຫຼາຍ.
