ລັດຖະມົນຕີການຕ່າງປະເທດ ສະຫະລັດ ທ່ານ ແອນໂທນີ ບລິງເຄັນ ໄດ້ຮຽກຮ້ອງ ອິສຣາແອລ ໃນວັນພຸດມື້ນີ້ ໃຫ້ໃຊ້ໂອກາດນີ້ເພື່ອສິ້ນສຸດສົງຄາມໃນເຂດ ກາຊາ ຫຼັງຈາກການຕາຍຂອງຜູ້ນຳກຸ່ມຮາມາສ ທ້າວ ຢາຢາ ຊິນວາ ແລະ ການທຳລາຍຄວາມສາມາດສ່ວນຫຼາຍຂອງກຸ່ມດັ່ງກ່າວ ໃນລະຫວ່າງຄວາມຂັດແຍ້ງດົນກວ່ານຶ່ງປີ.
ທ່ານ ບລິງເຄັນ ໄດ້ກ່າວວ່າ ອິສຣາແອລ ໄດ້ບັນລຸຫຼາຍເປົ້າໝາຍຂອງເຂົາເຈົ້າ ລວມທັງໄດ້ທຳລາຍກຸ່ມຮາມາສ ເປັນສ່ວນຫຼາຍເຊັ່ນ ກຳລັງທະຫານ ແລະ ກຳຈັດການນຳສ່ວນຫຼາຍຂອງພວກເຂົາ, ລວມທັງທ້າວ ຊິນວາ, ແລະ ຄວນພະຍາຍາມທີ່ຈະນຳເອົາຕົວປະກັນທີ່ຍັງເຫຼືອຢູ່ໃນເຂດກາຊາກັບຄືນບ້ານ ແລະ ສິ້ນສຸດການຕໍ່ສູ້.
ທ່ານໄດ້ກ່າວຕໍ່ບັນດານັກຂ່າວໃນຂະນະທີ່ທ່ານກະກຽມທີ່ຈະເດີນທາງອອກໄປນະຄອນຫຼວງ ຣີຢາດ ປະເທດ ຊາອຸດີ ອາຣາເບຍ ໃນຂັ້ນຕອນຕໍ່ໄປຂອງການຢ້ຽມຢາມເຂດຕາເວັນອອກກາງຂອງທ່ານວ່າ “ຕອນນີ້ແມ່ນເວລາທີ່ຈະຫັນປ່ຽນຄວາມສຳເລັດທີ່ວ່ານັ້ນໃຫ້ເປັນຄວາມສຳເລັດດ້ານຍຸດທະສາດທີ່ຍືນຍົງ.”
ທ່ານກ່າວວ່າ “ຈຸດເພັ່ງເລັງຈະຕ້ອງເປັນການນຳເອົາຕົວປະກັນກັບບ້ານ, ສິ້ນສຸດສົງຄາມນີ້ ແລະ ມີແຜນການທີ່ກະຈ່າງແຈ້ງສຳລັບສິ່ງທີ່ຈະເກີດຂຶ້ນພາຍຫຼັງ.”
ທ່ານເວົ້າວ່າ ສິ່ງທີ່ຈະເກີດຂຶ້ນຕໍ່ໄປໃນເຂດກາຊາ ແມ່ນສຳຄັນ ແລະ ມັນຕ້ອງ “ເປັນແຜນການທີ່ຈະແຈ້ງ ແລະ ແນ່ນອນ” ສຳລັບອະນາຄົດຂອງເຂດຊາຍຝັ່ງທີ່ຖືກປິດລ້ອມນັ້ນ, ເຊິ່ງຈະບໍ່ຖືກຄວບຄຸມໂດຍທັງກຸ່ມຮາມາສ ຫຼື ອິສຣາແອລ.
ທ່ານກ່າວວ່າ “ພວກເຮົາຕ້ອງສິ້ນສຸດສົງຄາມໃນວິທີທີ່ຈະຮັກສາໃຫ້ກຸ່ມຮາມາສຢູ່ຫ່າງອອກໄປ ແລະ ຮັບປະກັນວ່າ ອິສຣາແອລ ຈະບໍ່ຢູ່ໃນນັ້ນ. ອິສຣາແອລ ບໍ່ໄດ້ຢາກຢູ່ໃນທີ່ນັ້ນ.”
ທ່ານ ບລິງເຄັນ ຍັງໄດ້ກ່າວວ່າ ອິສຣາແອລ ຕ້ອງເຮັດຫຼາຍກວ່າເກົ່າເພື່ອຮັບປະກັນວ່າ ສິ່ງຂອງການຊ່ວຍເຫຼືອດ້ານມະນຸດສະທຳທີ່ພຽງພໍ ໄດ້ເຂົ້າໄປຮອດປະຊາຊົນທີ່ອາໄສຢູ່ໃນສະພາບທີ່ເປັນຕາຢ້ານ, ເຊິ່ງຫຼ້າສຸດນີ້ແມ່ນໃນພາກເໜືອຂອງເຂດ ກາຊາ ບ່ອນທີ່ ອິສຣາແອລ ໄດ້ກົດດັນໃຫ້ປະຊາຊົນອົບພະຍົບໜີ.
ທ່ານເວົ້າວ່າ “ພວກເຮົາໄດ້ເຫັນຄວາມກ້າວໜ້າ ແຕ່ມັນບໍ່ພຽງພໍ.”
ການຕໍ່ສູ້ຂອງ ອິສຣາແອລ, ທີ່ຖືກກະຕຸ້ນໂດຍການໂຈມຕີໂດຍກຸ່ມຮາມາສ ທີ່ໄດ້ສັງຫານປະມານ 1,200 ຄົນ ແລະ 251 ຄົນຖືກຈັບເປັນຕົວປະກັນເມື່ອວັນທີ 7 ຕຸລາ 2023 ນັ້ນ, ໄດ້ເຮັດໃຫ້ຊາວປາແລັສໄຕນ໌ ຫຼາຍກວ່າ 42,000 ຄົນໃນເຂດກາຊາເສຍຊີວິດ, ທຳລາຍເຂດທີ່ຖືກປິດລ້ອມນັ້ນ ແລະ ໄດ້ບັງຄັບປະຊາກອນສ່ວນໃຫຍ່ຂອງເຂົາເຈົ້າອອກຈາກບ້ານເຮືອນຂອງເຂົາເຈົ້າ ໄປຢູ່ບ່ອນລີ້ໄພຊົ່ວຄາວ. ມັນຈະຮຽກຮ້ອງຄວາມພະຍາຍາມຄັ້ງໃຫຍ່ຈາກສາກົນເພື່ອສ້າງສາເຂດດັ່ງກ່າວຄືນ.
ອ່ານຂ່າວນີ້ເປັນພາສາອັງກິດ
U.S. Secretary of State Antony Blinken urged Israel on Wednesday to use the opportunity to end the war in Gaza created by the death of Hamas leader Yahya Sinwar and the destruction of much of the group's capacity during more than a year of conflict.
Blinken said Israel had achieved many of its goals including largely destroying Hamas as a military force and eliminating most of its leadership, including Sinwar, and should be looking to bring home the remaining Gaza hostages and end the fighting.
"Now is the time to turn those successes into an enduring strategic success," he told reporters as he prepared to leave for Riyadh on the next stage of his visit to the Middle East.
"The focus needs to be on getting the hostages home, ending this war and having a clear plan for what follows," he said.
What comes next in Gaza will be critical and there needs to be "clear and concrete plans" for the future of the coastal enclave, which would not be controlled either by Hamas or Israel, he said.
"We have to end the war in a way that keeps Hamas out and makes sure that Israel doesn't stay. Israel does not want to stay," he said.
Blinken also said Israel needed to do more to ensure that adequate humanitarian supplies reached people living in dire conditions, most recently in the northern section of Gaza where Israel has been pressing people to evacuate.
"We've seen progress but it's not enough," he said.
Israel's campaign, triggered by the Oct. 7, 2023 attack by Hamas that killed some 1,200 people and saw 251 taken as hostages, has killed more than 42,000 Palestinians in Gaza, devastated the enclave and forced most of its population out of their homes into temporary shelters. It will require a major international effort to rebuild.
ຟໍຣັມສະແດງຄວາມຄິດເຫັນ