ປະທານາທິບໍດີ ສະຫະລັດ ທ່ານ ໂຈ ໄບເດັນ ໄດ້ໃຫ້ການຕ້ອນຮັບ ນາຍົກລັດຖະມົນຕີຍີ່ປຸ່ນ ທ່ານ ຟູມິໂອະ ກິຊິດະ ແລະປະທານາທິບໍດີ ຟີລິບປິນ ທ່ານ ເຟີດີນານ ມາໂກສ ຈູເນຍ ຢູ່ທີ່ທຳນຽບຂາວ ໃນວັນພະຫັດວານນີ້ ໂດຍມີເປົ້າໝາຍທີ່ຈະສົ່ງຂໍ້ຄວາມຢ່າງຈະແຈ້ງ ໄປຫາຈີນວ່າ ຈີນຈະຕ້ອງຢຸດຕິພຶດຕິກຳແບບຮຸກຮານ ໃນທະເລຈີນໃຕ້.
ທ່ານ ໄບເດັນ ກ່າວຢູ່ທີ່ກອງປະຊຸມສຸດຍອດສາມຝ່າຍວ່າ “ຄຳໝັ້ນສັນຍາດ້ານປ້ອງກັນປະເທດຂອງສະຫະລັດ ທີ່ມີຕໍ່ຍີ່ປຸ່ນ ແລະ ຟີລິບປິນ ນັ້ນໝັ້ນຄົງ.”
ມີຄວາມເຄັ່ງຕຶງເພີ່ມຂຶ້ນ ລະຫວ່າງ ມະນີລາ ແລະປັກກິ່ງ. ໃນຊ່ວງຫຼາຍອາທິດທີ່ຜ່ານມາ, ກຳປັ່ນຂອງໜ່ວຍຍາມຝັ່ງຈີນ ໄດ້ດຳເນີນການທ້າທາຍເພື່ອຂັດຂວາງການເສີມກຳລັງສຳລັບທະຫານຟີລິບປິນທີ່ປະຈຳການຢູ່ຫາດຊາຍ ໂທມັສ ທີ 2, ເຊິ່ງເຮັດໜ້າທີ່ປົກປ້ອງ ອະທິປະໄຕຂອງມານີລາ ໃນໝູ່ເກາະສແປຣດລີ (Spratly).
"ການປະເຊີນໜ້າກັບສິ່ງທ້າທາຍທີ່ຊັບຊ້ອນ ໃນຊ່ວງເວລາຂອງພວກເຮົາ ຮຽກຮ້ອງໃຫ້ຕ້ອງມີຄວາມພະຍາຍາມຮ່ວມກັນຂອງທຸກໆຄົນ, ການອຸທິດຕົນເພື່ອຈຸດປະສົງຮ່ວມກັນ ແລະ ຄຳໝັ້ນສັນຍາທີ່ບໍ່ປ່ຽນແປງຕໍ່ກົດລະບຽບສາກົນທີ່ອີງໃສ່ກົດລະບຽບ," ທ່ານ ມາໂກສ ກ່າວ, ໂດຍກ່າວເຖິງຄຳເວົ້າຂອງທ່ານ ໃນດ້ານການທູດ ທີ່ມັກຈະໃຊ້ໃນການແນ່ເປົ້າໄປໃສ່ ປັກກິ່ງ.
ທ່ານ ກິຊິດະ ໄດ້ກ່າວຍໍ້າວ່າ ການຮ່ວມມືຫຼາຍຂັ້ນ ລະຫວ່າງບັນດາປະເທດພັນທະມິດ ແລະ ບັນດາປະເທດທີ່ມີແນວຄິດຈິດໃຈດຽວກັນ ຖືກເປັນສິ່ງທີ່ສຳຄັນ ຖ້າພວກເຮົາຕ້ອງຮັກສາ ແລະ ຊຸກຍູ້ຄວາມເປັນລະບຽບຮຽບຮ້ອຍຂອງສາກົນ ທີ່ເສລີ ແລະ ເປີດກວ້າງບົນພື້ນຖານຂອງກົດໝາຍ.
ການຂົ່ມຂູ່ຂອງຈີນ ທີ່ເອີ້ນວ່າ ຍຸດທະສາດເຂດສີຂີ້ເຖົ່າ ເຂົ້າໃກ້ຈຸດອັນຕະລາຍທີ່ຈະເຮັດໃຫ້ເກີດສົນທິສັນຍາປ້ອງກັນປະເທດລະຫວ່າງວໍຊິງຕັນກັບມານີລາປີ 1951. ທ່ານ ໄບເດັນ ໄດ້ເນັ້ນຍໍ້າເຖິງຄຳໝັ້ນສັນຍາຂອງສະຫະລັດຕໍ່ຂໍ້ຕົກລົງດັ່ງກ່າວ.
ຟໍຣັມສະແດງຄວາມຄິດເຫັນ