ໃນຂະນະທີ່ການປະທ້ວງ ຍັງດໍາເນີນສືບຕໍ່ມາ ຢູ່ໃນເມືອງຫຼວງ
ບາງກອກຂອງໄທ ການແບ່ງແຍກອອກເປັນສອງຂົ້ວການເມືອງ
ທີ່ຂະຫຍາຍຕົວອອກໄປນັບມື້ນັ້ນ ກໍກໍາລັງສ້າງຄວາມແຕກແຍກ
ຢູ່ໃນຫຼາຍໆຄອບຄົວໃນ ທົ່ວປະເທດ. ແລະດັ່ງທີ່ຜູ້ສື່ຂ່າວວີໂອເອ
Steve Sandford ລາຍງານ ຈາກຊຽງໃໝ່ ກໍແມ່ນວ່າ ມີການ
ຢ້ານກົວຫຼາຍຂຶ້ນນັບມື້ວ່າ ການແບ່ງແຍກທາງການເມືອງທີ່ເລິກ
ລົງໄປເລື້ອຍໆນັ້ນ ອາດນໍາໄປສູ່ຄວາມຮຸນແຮງທີ່ແຜ່ລາມກວ້າງ
ອອກໄປອີກໄດ້. ດາຣາມີລາຍລະອຽດມາສະເໜີທ່ານ.
ເຖິງແມ່ນ ການຊຸມນຸມປະທ້ວງຕໍ່ຕ້ານລັດຖະບານ ຢູ່ໃນນະຄອນຫຼວງບາງກອກ ຈະມີ
ບັນຍາກາດແບບມ່ວນຊື່ນລື່ນເລີງຢູ່ໃນບາງແຫ່ງກໍຕາມ ແຕ່ຄວາມຮູ້ສຶກເປັນປໍລະປັກກັນ
ລະຫວ່າງພວກສະໜັບສະໜຸນລັດຖະບານ ແລະພວກສະໜັບສະໜຸນຝ່າຍຄ້ານນັ້ນ ກໍ
ແມ່ນປະກົດວ່າ ຂະຫຍາຍກ້ວາງອອກ ໄປນັບມື້.
ຄວາມໂກດແຄ້ນທີ່ຢູ່ເບື້ອງຫຼັງ ທີ່ໄດ້ຮັບການຊຸກຍູ້ໂດຍການສະແດງຄວາມກຽດຊັງກັນ
ອອກມາຢ່າງເປີດເຜີຍນັ້ນ ຍັງຜົນໃຫ້ພວກນັກສັງເກດການບາງຄົນເປັນຫ່ວງວ່າ ເຫດ
ການກໍ່ຄວາມຮຸນແຮງຢ່າງກວ້າງຂວາງ ອາດຈະລະເບີດຂຶ້ນຢູ່ພາຍໃນປະເທດ ກໍໄດ້.
ບາງຄົນໃຫ້ທັດສະນະວ່າ ບັນຫາຄວາມຂັດແຍ້ງກັນແມ່ນສືບເນື່ອງມາຈາກການແບ່ງແຍກລະຫວ່າງ ພວກຄົນທຸກຈົນໃນເຂດຊົນນະບົດແລະພວກຮັ່ງມີຊັ້ນສູງຢູ່ໃນຕົວເມືອງ
ແລະນັກວິເຄາະບາງຄົນເວົ້າວ່າ ມັນກໍາລັງທໍາລາຍໂຄງສ້າງທາງສັງຄົມຂອງໄທ ຢ່າງໜັກ.
ທ່ານ ສຸໄນ ຜາສຸກ ນັກຄົ້ນຄວ້າອາວຸໂສແຫ່ງອົງການສິ້ງຊອມສິດທິມະນຸດ Human
Rights Watch ເຕືອນວ່າ ເວລານີ້ ຄວາມກຽດຊັງທີ່ຝັງຮາກເລິກນັ້ນ ກໍາລັງແຜ່ລາມ
ໄປທົ່ວເຂດຊຸມຊົນ ໃນທົ່ວປະເທດ. ທ່ານ ສຸໄນ ເວົ້າວ່າ:
“ເຮົາເຫັນວ່າ ການແບ່ງແຍກກັນທາງການເມືອງນີ້ ໄດ້ເຂົ້າໄປໃນຫຼາຍໆຄອບ
ຄົວ. ມັນເປັນການແຕກແຍກກັນ ລະວ່າງອ້າຍເອື້ອຍນ້ອງແລະໝູ່ເພື່ອນ ທີ່ບໍ່
ປາກບໍ່ເວົ້ານໍາກັນ ແຕ່ເບິ່ງເຫັນກັນເປັນສັດຕູ ທີ່ຢູ່ຮ່ວມກັນບໍ່ໄດ້ອີກຕໍ່ໄປ. ນີ້
ເປັນການປ່ຽນແປງທີ່ຮຸນແຮງ ໃນການປະເຊີນໜ້າກັນທາງການເມືອງຢູ່ໄທ
ແລະຖ້າປ່ອຍໃຫ້ເລື້ອງນີ້ ສືບຕໍ່ແກ່ ຍາວອອກໄປເທົ່າໃດ ມັນກໍຍິ່ງຈະເປັນປັດ
ໃຈທີ່ອັນຕະລາຍຫຼາຍ ທີ່ຈະກໍ່ໃຫ້ເກີດການຂັດແຍ້ງກັນໃນໝູ່ຊຸມຊົນ ໃນຂອບ
ເຂດກວ້າງຂວາງໄດ້.“
ຢູ່ບ້ານໃໝ່ ທາງພາກເໜືອຂອງໄທ ການກ່າວຫາເລື້ອງການສໍ້ລາດບັງຫຼວງຂອງລັດຖະ
ບານນັ້ນ ໄດ້ສ້າງຄວາມແຕກແຍກ ຢູ່ໃນບາງຄອບຄົວ.
ຊາວນາຄົນນຶ່ງ ທ້າວດວງກຽນ ແກ້ວວັນນາ ໄດ້ປ່ຽນຄວາມຈົ່ງຮັກພັກດີທາງການເມືອງ
ຫຼັງຈາກລັດຖະບານບໍ່ສາມາດຈ່າຍເງິນຄ່າເຂົ້າໃຫ້ແກ່ພວກຊາວນາ ຕາມໂຄງການຈໍາ
ນໍາເຂົ້າ ທີ່ເປັນເລື້ອງໂຕ້ແຍ້ງກັນນັ້ນ.
ບັດນີ້ ທ້າວດວງກຽນໄດ້ຫັນມານິຍົມເບິ່ງລາຍການໂທລະພາບ Blue Sky ຊຶ່ງເປັນຕາ
ນ່າງຂ່າວທີ່ຄົນນິຍົມ ແລະອອກອາກາດລາຍການຕໍ່ຕ້ານລັດຖະບານ 24 ຊົ່ວໂມງ. ລາວເວົ້າວ່າ:
“ທໍາອິດນັ້ນ ລັດຖະບານຮັບປາກວ່າ ຈະຊື້ເຂົ້າໃນລາຄາ ສິບຫ້າພັນບາດ
ຕໍ່ເຂົ້ານຶ່ງໂຕນ ແຕ່ໃນທີ່ສຸດແລ້ວ ເຂົາເຈົ້າກໍບໍ່ໄດ້ເຮັດຕາມສັນຍາ ຄືພວກ
ເຮົາຍັງບໍ່ໄດ້ຮັບເງິນຫຍັງເລີຍ ຈາກໂຄງການນີ້.”
ແຕ່ຢູ່ເຮືອນກົງກັນຂ້າມນັ້ນ ທ້າວສຸຣິນ ປລູກຄໍາ ລູກເຂີຍຂອງນາຍດວງກຽນ ແມ່ນຍັງ
ຄົງເປັນຜູ້ສະໜັບສະໜຸນລັດຖະບານຢ່າງແຂງຂັນຢູ່.
ແຕ່ທ້າວສຸຣິນຍອມຮັບວ່າ ຕົນຮູ້ສຶກເມື່ອຍໃຈຫຼາຍຂຶ້ນເລື້ອຍໆ ກັບການຂັດແຍ້ງທາງ
ການເມືອງ ທີ່ໄດ້ສ້າງຄວາມບາດໝາງໃຫ້ແກ່ຄອບຄົວນັ້ນ ແລະຢ້ານວ່າ ມັນອາດບານ
ປາຍ ກາຍເປັນຄວາມຮຸນແຮງເຕັມຮູບແບບໄດ້. ທ້າວສຸຣິນ ເວົ້າວ່າ:
“ພວກເຮົາຈະບໍ່ເວົ້າເລື້ອງການເມືອງນໍາກັນ. ຖ້າຫາກວ່າ ຕອນທີ່ພວກເຮົາ
ລົມກັນ ມີເລື້ອງການເມືອງແຊກຂຶ້ນມາ ພວກເຮົາກໍ ພະຍາຍາມປ່ຽນໄປລົມ
ກັນເລື້ອງອື່ນ. ພວກເຮົາກໍເວົ້າການເມືອງກັນຢູ່ໜ້ອຍນຶ່ງ ແຕ່ຖ້າພວກເຮົາ
ຄິດວ່າມັນຈະເກີດຜິດຖຽງກັນ ພວກເຮົາກໍຍຸດແລະເຊົາລົມກັນ.”
ສໍາລັບເວລານີ້ ການຕໍ່ສູ້ຍາດແຍ່ງອໍານາດຢູ່ພາຍໃນປະເທດ ແມ່ນສົງຄາມຄໍາເວົ້າ ຫລື
ສົງຄາມວາຈາກັນຫຼາຍກວ່າ ແຕ່ກໍບໍ່ເປັນທີ່ແຈ້ງຂາວວ່າ ຄວາມໂກດແຄ້ນທີ່ມັນສ້າງຂຶ້ນ
ນັ້ນ ຈະສາມາດຍຸຕິລົງໄດ້ ຖ້າຫາກວ່າ ສະຖານະການຮ້າຍແຮງລົງ ໄປກວ່ານີ້.
ວີດີໂອກ່ຽວກັບ ໂຄງການຈໍານໍາເຂົ້າ ຂອງລັດຖະບານໄທ:
ບາງກອກຂອງໄທ ການແບ່ງແຍກອອກເປັນສອງຂົ້ວການເມືອງ
ທີ່ຂະຫຍາຍຕົວອອກໄປນັບມື້ນັ້ນ ກໍກໍາລັງສ້າງຄວາມແຕກແຍກ
ຢູ່ໃນຫຼາຍໆຄອບຄົວໃນ ທົ່ວປະເທດ. ແລະດັ່ງທີ່ຜູ້ສື່ຂ່າວວີໂອເອ
Steve Sandford ລາຍງານ ຈາກຊຽງໃໝ່ ກໍແມ່ນວ່າ ມີການ
ຢ້ານກົວຫຼາຍຂຶ້ນນັບມື້ວ່າ ການແບ່ງແຍກທາງການເມືອງທີ່ເລິກ
ລົງໄປເລື້ອຍໆນັ້ນ ອາດນໍາໄປສູ່ຄວາມຮຸນແຮງທີ່ແຜ່ລາມກວ້າງ
ອອກໄປອີກໄດ້. ດາຣາມີລາຍລະອຽດມາສະເໜີທ່ານ.
ເຖິງແມ່ນ ການຊຸມນຸມປະທ້ວງຕໍ່ຕ້ານລັດຖະບານ ຢູ່ໃນນະຄອນຫຼວງບາງກອກ ຈະມີ
ບັນຍາກາດແບບມ່ວນຊື່ນລື່ນເລີງຢູ່ໃນບາງແຫ່ງກໍຕາມ ແຕ່ຄວາມຮູ້ສຶກເປັນປໍລະປັກກັນ
ລະຫວ່າງພວກສະໜັບສະໜຸນລັດຖະບານ ແລະພວກສະໜັບສະໜຸນຝ່າຍຄ້ານນັ້ນ ກໍ
ແມ່ນປະກົດວ່າ ຂະຫຍາຍກ້ວາງອອກ ໄປນັບມື້.
ຄວາມໂກດແຄ້ນທີ່ຢູ່ເບື້ອງຫຼັງ ທີ່ໄດ້ຮັບການຊຸກຍູ້ໂດຍການສະແດງຄວາມກຽດຊັງກັນ
ອອກມາຢ່າງເປີດເຜີຍນັ້ນ ຍັງຜົນໃຫ້ພວກນັກສັງເກດການບາງຄົນເປັນຫ່ວງວ່າ ເຫດ
ການກໍ່ຄວາມຮຸນແຮງຢ່າງກວ້າງຂວາງ ອາດຈະລະເບີດຂຶ້ນຢູ່ພາຍໃນປະເທດ ກໍໄດ້.
ບາງຄົນໃຫ້ທັດສະນະວ່າ ບັນຫາຄວາມຂັດແຍ້ງກັນແມ່ນສືບເນື່ອງມາຈາກການແບ່ງແຍກລະຫວ່າງ ພວກຄົນທຸກຈົນໃນເຂດຊົນນະບົດແລະພວກຮັ່ງມີຊັ້ນສູງຢູ່ໃນຕົວເມືອງ
ແລະນັກວິເຄາະບາງຄົນເວົ້າວ່າ ມັນກໍາລັງທໍາລາຍໂຄງສ້າງທາງສັງຄົມຂອງໄທ ຢ່າງໜັກ.
ທ່ານ ສຸໄນ ຜາສຸກ ນັກຄົ້ນຄວ້າອາວຸໂສແຫ່ງອົງການສິ້ງຊອມສິດທິມະນຸດ Human
Rights Watch ເຕືອນວ່າ ເວລານີ້ ຄວາມກຽດຊັງທີ່ຝັງຮາກເລິກນັ້ນ ກໍາລັງແຜ່ລາມ
ໄປທົ່ວເຂດຊຸມຊົນ ໃນທົ່ວປະເທດ. ທ່ານ ສຸໄນ ເວົ້າວ່າ:
“ເຮົາເຫັນວ່າ ການແບ່ງແຍກກັນທາງການເມືອງນີ້ ໄດ້ເຂົ້າໄປໃນຫຼາຍໆຄອບ
ຄົວ. ມັນເປັນການແຕກແຍກກັນ ລະວ່າງອ້າຍເອື້ອຍນ້ອງແລະໝູ່ເພື່ອນ ທີ່ບໍ່
ປາກບໍ່ເວົ້ານໍາກັນ ແຕ່ເບິ່ງເຫັນກັນເປັນສັດຕູ ທີ່ຢູ່ຮ່ວມກັນບໍ່ໄດ້ອີກຕໍ່ໄປ. ນີ້
ເປັນການປ່ຽນແປງທີ່ຮຸນແຮງ ໃນການປະເຊີນໜ້າກັນທາງການເມືອງຢູ່ໄທ
ແລະຖ້າປ່ອຍໃຫ້ເລື້ອງນີ້ ສືບຕໍ່ແກ່ ຍາວອອກໄປເທົ່າໃດ ມັນກໍຍິ່ງຈະເປັນປັດ
ໃຈທີ່ອັນຕະລາຍຫຼາຍ ທີ່ຈະກໍ່ໃຫ້ເກີດການຂັດແຍ້ງກັນໃນໝູ່ຊຸມຊົນ ໃນຂອບ
ເຂດກວ້າງຂວາງໄດ້.“
ຢູ່ບ້ານໃໝ່ ທາງພາກເໜືອຂອງໄທ ການກ່າວຫາເລື້ອງການສໍ້ລາດບັງຫຼວງຂອງລັດຖະ
ບານນັ້ນ ໄດ້ສ້າງຄວາມແຕກແຍກ ຢູ່ໃນບາງຄອບຄົວ.
ຊາວນາຄົນນຶ່ງ ທ້າວດວງກຽນ ແກ້ວວັນນາ ໄດ້ປ່ຽນຄວາມຈົ່ງຮັກພັກດີທາງການເມືອງ
ຫຼັງຈາກລັດຖະບານບໍ່ສາມາດຈ່າຍເງິນຄ່າເຂົ້າໃຫ້ແກ່ພວກຊາວນາ ຕາມໂຄງການຈໍາ
ນໍາເຂົ້າ ທີ່ເປັນເລື້ອງໂຕ້ແຍ້ງກັນນັ້ນ.
ບັດນີ້ ທ້າວດວງກຽນໄດ້ຫັນມານິຍົມເບິ່ງລາຍການໂທລະພາບ Blue Sky ຊຶ່ງເປັນຕາ
ນ່າງຂ່າວທີ່ຄົນນິຍົມ ແລະອອກອາກາດລາຍການຕໍ່ຕ້ານລັດຖະບານ 24 ຊົ່ວໂມງ. ລາວເວົ້າວ່າ:
“ທໍາອິດນັ້ນ ລັດຖະບານຮັບປາກວ່າ ຈະຊື້ເຂົ້າໃນລາຄາ ສິບຫ້າພັນບາດ
ຕໍ່ເຂົ້ານຶ່ງໂຕນ ແຕ່ໃນທີ່ສຸດແລ້ວ ເຂົາເຈົ້າກໍບໍ່ໄດ້ເຮັດຕາມສັນຍາ ຄືພວກ
ເຮົາຍັງບໍ່ໄດ້ຮັບເງິນຫຍັງເລີຍ ຈາກໂຄງການນີ້.”
ແຕ່ຢູ່ເຮືອນກົງກັນຂ້າມນັ້ນ ທ້າວສຸຣິນ ປລູກຄໍາ ລູກເຂີຍຂອງນາຍດວງກຽນ ແມ່ນຍັງ
ຄົງເປັນຜູ້ສະໜັບສະໜຸນລັດຖະບານຢ່າງແຂງຂັນຢູ່.
ແຕ່ທ້າວສຸຣິນຍອມຮັບວ່າ ຕົນຮູ້ສຶກເມື່ອຍໃຈຫຼາຍຂຶ້ນເລື້ອຍໆ ກັບການຂັດແຍ້ງທາງ
ການເມືອງ ທີ່ໄດ້ສ້າງຄວາມບາດໝາງໃຫ້ແກ່ຄອບຄົວນັ້ນ ແລະຢ້ານວ່າ ມັນອາດບານ
ປາຍ ກາຍເປັນຄວາມຮຸນແຮງເຕັມຮູບແບບໄດ້. ທ້າວສຸຣິນ ເວົ້າວ່າ:
“ພວກເຮົາຈະບໍ່ເວົ້າເລື້ອງການເມືອງນໍາກັນ. ຖ້າຫາກວ່າ ຕອນທີ່ພວກເຮົາ
ລົມກັນ ມີເລື້ອງການເມືອງແຊກຂຶ້ນມາ ພວກເຮົາກໍ ພະຍາຍາມປ່ຽນໄປລົມ
ກັນເລື້ອງອື່ນ. ພວກເຮົາກໍເວົ້າການເມືອງກັນຢູ່ໜ້ອຍນຶ່ງ ແຕ່ຖ້າພວກເຮົາ
ຄິດວ່າມັນຈະເກີດຜິດຖຽງກັນ ພວກເຮົາກໍຍຸດແລະເຊົາລົມກັນ.”
ສໍາລັບເວລານີ້ ການຕໍ່ສູ້ຍາດແຍ່ງອໍານາດຢູ່ພາຍໃນປະເທດ ແມ່ນສົງຄາມຄໍາເວົ້າ ຫລື
ສົງຄາມວາຈາກັນຫຼາຍກວ່າ ແຕ່ກໍບໍ່ເປັນທີ່ແຈ້ງຂາວວ່າ ຄວາມໂກດແຄ້ນທີ່ມັນສ້າງຂຶ້ນ
ນັ້ນ ຈະສາມາດຍຸຕິລົງໄດ້ ຖ້າຫາກວ່າ ສະຖານະການຮ້າຍແຮງລົງ ໄປກວ່ານີ້.
ວີດີໂອກ່ຽວກັບ ໂຄງການຈໍານໍາເຂົ້າ ຂອງລັດຖະບານໄທ:
