ລິ້ງ ສຳຫລັບເຂົ້າຫາ

logo-print

ການສຶກສາໃນ ອອສເຕຣເລຍ ຈະກວດນໍ້າເສຍ ໃນເຮືອບິນ ສຳລັບ COVID-19


ໂຮງລະຄອນ ໂອເປຣາ ແລະ ຕົວເມືອງນະຄອນ ຊິດນີ ໃນຂະນະທີ່ໄວຣັສໂຄໂຣນາ ກຳລັງແຜ່ລະບາດ. 20 ເມສາ, 2020.

ອົງການວິທະຍາສາດແຫ່ງຊາດຂອງ ອອສເຕຣເລຍ ໄດ້ພັດທະນາລະບົບການກວດສອບຂຶ້ນມາ ທີ່ຈະວິເຄາະຕົວຢ່າງນໍ້າເສຍເພື່ອກວດຫາ COVID-19 ໃນຖ້ຽວບິນທາງໄກ. ນັກຂ່າວວີໂອເອ ຟິລ ເມີເຊີ ມີລາຍງານ ຈາກນະຄອນ ຊິດນີ, ເຊິ່ງ ພຸດທະສອນ ຈະນຳລາຍລະອຽດມາສະເໜີທ່ານໃນອັນດັບຕໍ່ໄປ.


ບັນດານັກຄົ້ນຄວ້າ ໃນ ອອສເຕຣເລຍ ເວົ້າວ່າ ການກວດການໍ້າເສຍແມ່ນການປ້ອງກັນອີກອັນນຶ່ງຕໍ່ COVID-19. ປະເທດດັ່ງກ່າວໄດ້ປິດເຂດຊາຍແດນຂອງເຂົາເຈົ້າຕໍ່ຄົນຕ່າງປະເທດສ່ວນຫຼາຍໃນເດືອນມີນາ 2020, ແລະ ໄດ້ຫ້າມການເຂົ້າ ແລະ ອອກປະເທດຕໍ່ຄົນ ອອສເຕຣເລຍ ເພື່ອຫຼຸດຜ່ອນການແຜ່ລາມຂອງໄວຣັສ. ແນວໃດກໍຕາມ, ການຫ້າມຕ່າງໆແມ່ນຈະເລີ່ມຜ່ອນລົງໃນເດືອນພະຈິກນີ້. ໃນຂະນະທີ່ການເດີນທາງໃນທົ່ວໂລກກັບຄືນມາ, ອົງການວິທະຍາສາດຂອງລັດຖະ ບານ, ອົງການວິທະຍາສາດເຄືອຈັກກະພົບ ແລະ ການຄົ້ນຄວ້າ ອຸດສາຫະກຳ, ຫຼື CSIRO, ເຊື່ອວ່າການກວດນໍ້າສົກກະປົກໃນຖ້ຽວບິນທີ່ເດີນທາງເຂົ້າປະເທດສາມາດເປັນວິທີທີ່ມີປະສິດທິຜົນຕໍ່ການກວດຫາ COVID-19 ໃນຜູ້ໂດຍສານ.

ຜູ້ອຳນວຍການຂອງ CSIRO ທີ່ຮັບຜິດຊອບ ກ່ຽວກັບ ດິນ ແລະ ນໍ້າ ດຣ. ພອລ ເບີດສ໌, ເວົ້າວ່າ ການກວດຫາບໍ່ໄດ້ໃຊ້ເວລາຫຼາຍ.

ທ່ານ ເບີດສ໌ ກ່າວວ່າ “ພວກເຮົາສາມາດນຳຜົນການກວດຕົວຢ່າງອອກມາໃນເວລາສັ້ນເຖິງ 4 ຊົ່ວ ໂມງ. ແຕ່ສິ່ງນຶ່ງທີ່ພວກເຮົາກຳລັງເຮັດຢູ່ແມ່ນວິທີທີ່ໄວກວ່າຫຼາຍ ສະນັ້ນພວກເຮົາພວກເຮົາຈຶ່ງໄດ້ຜົນອອກມາໄວກວ່ານັ້ນອີກ. ສະນັ້ນການວິເຄາະຕ່າງໆແທ້ຈິງແລ້ວສາມາດເຮັດສຳເລັດໃນຂະນະທີ່ຜູ້ໂດຍສານກຳລັງຜ່ານການກວດຄົນເຂົ້າເມືອງ ແລະ ໄປຮັບເອົາຫີບຂອງເຂົາເຈົ້າ ແລະ ອື່ນໆ.”

ການສຶກສາດັ່ງກ່າວໄດ້ວິເຄາະຕົວຢ່າງນໍ້າເສຍຈາກຫ້ອງນໍ້າຂອງຖ້ຽວບິນສົ່ງຄົນກັບປະເທດຂອງລັດຖະບານ ອອສເຕຣເລຍ 37 ຖ້ຽວ ຈາກຫຼາຍປະເທດທີ່ບັນດາເຈົ້າໜ້າທີ່ໄດ້ຈັດເປັນຈຸດສູນກາງ ຂອງ COVID, ລວມມີ ອິນເດຍ, ຝຣັ່ງ, ອັງກິດ, ອາຟຣິກາໃຕ້, ການາດາ ແລະ ເຢຍຣະມັນ ທີ່ໄດ້ລົງຈອດຢູ່ສະໜາມບິນສາກົນ ດາວິນ ໃນລະຫວ່າງເດືອນທັນວາ 2020 ແລະ ມີນາປີນີ້.

ການຄົ້ນຄວ້າໄດ້ພົບວ່າ 65 ເປີເຊັນຂອງຖ້ຽວບິນໄດ້ສະແດງໃຫ້ເຫັນ “ສັນຍານທີ່ເປັນຜົນບວກສຳລັບໄວຣັສທີ່ເປັນສາເຫດຂອງ COVID-19” ເຖິງແມ່ນວ່າຜູ້ໂດຍສານທຸກຄົນ, ຍົກເວັ້ນເດັກນ້ອຍອາຍຸຕໍ່າກວ່າ 5 ປີ, ໄດ້ກວດເປັນຜົນລົບຕໍ່ໄວຣັສ 48 ຊົ່ວໂມງກ່ອນຂຶ້ນເຮືອບິນກໍຕາມ.

ດຣ. ເບີດສ໌ ເຊື່ອວ່າລະບົບດັ່ງກ່າວອາດມີຄຸນຄ່າ.

ດຣ. ເບີດສ໌ ກ່າວວ່າ ອົງການອະນາໄມໂລກໄດ້ສືບຕໍ່ສະເໜີຕໍ່ພວກເຮົາວ່າພວກເຮົາຕ້ອງກຽມພ້ອມສຳລັບສາຍພັນໃໝ່ທີ່ບາງເທື່ອອາດຈະເປັນສິ່ງທ້າທາຍກວ່າສາຍພັນ ແດລຕ້າ. ແທ້ຈິງແລ້ວພວກເຮົາສາມາດກວດພົບສາຍພັນຕ່າງໆໃນນໍ້າເສຍເຊັ່ນກັນ, ສະນັ້ນມັນຍັງຈະສະໜອງສັນຍານ ກ່ຽວ ກັບ ເວລາທີ່ສາຍພັນທີ່ເຈາະຈົງໃດນຶ່ງທີ່ເກີດຂຶ້ນຢູ່ບ່ອນອື່ນໃນໂລກແທ້ຈິງແລ້ວໄດ້ເຂົ້າມາໃນ ອອສເຕຣເລຍ.”

ສາຍພັນ ແດລຕ້າ ຖືກລະບຸເປັນຄັ້ງທຳອິດໃນປະເທດ ອິນເດຍ ແລະ ເປັນນຶ່ງໃນຫຼາຍສາຍພັນທີ່ໜ້າເປັນຫ່ວງ, ອີງຕາມການກ່າວຂອງບັນດານັກຊ່ຽວຊານດ້ານສາທາລະນະສຸກ. ອົງການອະນາໄມໂລກໄດ້ໃຊ້ຄຳວ່າ “ສາຍພັນທີ່ໜ້າເປັນຫ່ວງ” ຫຼື ສາຍພັນທີ່ໜ້າສົນໃຈ” ເພື່ອເຕືອນຕໍ່ສາຍພັນທີ່ອາດແຜ່ລາມໄດ້ຢ່າງງ່າຍດາຍ.

ບັນດານັກຊ່ຽວຊານດ້ານສາທາລະນະສຸກຂອງ ອອສເຕຣເລຍ ຫວັງວ່າຈະສາມາດກວດພົບໄວຣັສ ດ້ວຍການສຶກສາທີ່ຖືກຕີພິມໃນວາລະສານວິທະຍາສາດຊື່ ວ່າ Environmental International ຫຼືແປວ່າສິ່ງແວດລ້ອມສາກົນ. ການສຶກສາດັ່ງກ່າວແມ່ນການຮ່ວມມືລະຫວ່າງ CSIRO, ສາຍການບິນແຫ່ງຊາດຂອງ ອອສເຕຣເລຍ Qantas ແລະ ມະຫາວິທະຍາໄລ ຄວີນສແລນ.

ອ່ານລາຍງານນີ້ເປັນພາສາອັງກິດ

ທ່ານອາດຈະມັກເລື້ອງນີ້ຄືກັນ

XS
SM
MD
LG