ນາຍົກລັດຖະມົນຕີ ອອສເຕຣເລຍ ທ່ານ ແອນໂທນີ ອາລບານີສ ຢືນຢັນວ່າ ແຄນເບີຣາ ສະໜັບສະໜູນການໂຈມຕີທາງອາກາດ ຂອງສະຫະລັດ ແລະອັງກິດ ຕໍ່ກຸ່ມ ຮູຕີ ທີ່ໜູນຫຼັງໂດຍອີຣ່ານ ຢູ່ໃນເຢເມນ. ກຸ່ມກະບົດດັ່ງກ່າວ ໄດ້ດຳເນີນການໂຈມຕີ ການຂົນສົ່ງລະຫວ່າງປະເທດຢູ່ທະເລແດງ. ຈາກນະຄອນຊິດນີ, ຟີລ ເມີເຊີ (Phil Mercer) ມີລາຍງານ, ເຊິ່ງອາດນະສັກ ຈະນໍາເອົາລາຍລະອຽດມາສະເໜີທ່ານ.
ການໂຈມຕີກຸ່ມຮູຕີ ທີ່ນຳພາໂດຍສະຫະລັດ ແມ່ນເປັນການຕອບໂຕ້ຕໍ່ການໂຈມຕີດ້ວຍເຮືອບິນບໍ່ມີຄົນຂັບ ແລະລູກສອນໄຟຂີປະນາວຸດ ໃນທະເລແດງ ຊຶ່ງເປັນຊ່ອງທາງການຂົນສົ່ງທາງທະເລທີ່ສຳຄັນ.
ເຈົ້າໜ້າທີ່ຂອງອອສເຕຣເລຍ ໄດ້ຢືນຢັນວ່າ ການປົກປ້ອງເສັ້ນທາງການຄ້າໂລກນັ້ນ ແມ່ນເປັນຄວາມສຳຄັນຢ່າງຍິ່ງຕໍ່ຜົນປະໂຫຍດແຫ່ງຊາດຂອງອອສເຕຣເລຍ”. ການາດາ ແລະເນເທີແລນ ກໍເປັນສ່ວນນຶ່ງຂອງການປະຕິບັດການທາງທະຫານນີ້ເຊັ່ນກັນ.
ການສະໜັບສະໜຸນຂອງອອສເຕຣເລຍໃນການໂຈມຕີ ເປົ້າໝາຍ ກຸ່ມຮູຕີ ນັ້ນ ລວມມີກຳລັງປ້ອງກັນຊາດ ໃນອັນທີ່ເຈົ້າໜ້າທີ່ໄດ້ກ່າວວ່າເປັນ “ບົດບາດທີ່ບໍ່ແມ່ນການປະຕິບັດການ.” ໂດຍຫນ້າທີ່ ທີ່ແນ່ນອນຂອງພວກເຂົາ ບໍ່ໄດ້ຖືກເປີດເຜີຍ.
ນາຍົກລັດຖະມົນຕີ ແອນໂທນີ ອາລບານີສ ກ່າວຕໍ່ບໍລິສັດອອກອາກາດຂອງ ອອສເຕຣເລຍ ວ່າ ລັດຖະບານ ແຄນເບີຣາ ເປັນສ່ວນນຶ່ງຂອງຄວາມພະຍາ ຍາມຂອງນາໆຊາດ ເພື່ອປ້ອງກັນການໂຈມຕີ ຂອງກຸ່ມຮູຕີ ຕໍ່ການຂົນສົ່ງໃນທະເລແດງ. ໂດຍທ່ານໄດ້ກ່າວວ່າ:
"ພວກເຮົາໄດ້ສົ່ງການຊ່ວຍເຫຼືອທີ່ຈໍາເປັນ. ພວກເຮົາມີການສະຫນັບສະຫນູນການປະຕິບັດການ ຢູ່ທີ່ມີສໍານັກງານໃຫຍ່ໃນບາຫ໌ເຣນ (Bahrain). ພວກເຮົາ ມີການວິເຄາະທີ່ເໝາະສົມ ແລະພິຈາລະນາຢ່າງຄອບຄອບ ແລະດຳເນີນການເພື່ອຜົນປະໂຫຍດແຫ່ງຊາດຂອງອອສເຕຣເລຍ ແລະນັ້ນ ເປັນພື້ນຖານຂອງການສະໜັບສະໜູນຂອງພວກເຮົາ ຈົນມາຮອດຈຸດນີ້.”
ໂຄສົກ ຂອງພັກປົກປ້ອງກຣີນສ໌ອອສເຕຣເລຍ ທ່ານ ເດວິດ ຊູບຣິດຈ໌ (David Shoebridge) ກ່າວຕໍ່ສື່ມວນຊົນທ້ອງຖິ່ນວ່າ ມັນເປັນການຫຼອກລວງຂອງລັດ ຖະບານສະຫະລັດ ແລະອອສເຕຣເລຍ ທີ່ຈະທຳການໂຈມຕີທາງອາກາດໃສ່ທີ່ຕັ້ງຂອງກຸ່ມຮູຕີໃນເຢເມນ ໃນຂະນະທີ່ອ້າງວ່າພວກເຂົາຕ້ອງ ການຫຼີກລ້ຽງການແຜ່ລາມອອກຂອງຄວາມຂັດແຍ້ງຢູ່ໃນເຂດກາຊາ.
ກຸ່ມຮູຕີ ທີ່ໜູນຫຼັງໂດຍອີຣ່ານ ກ່າວວ່າ ຕົນກຳລັງສະໜັບສະໜູນກຸ່ມ ຮາມາສ ໃນສົງຄາມຕໍ່ຕ້ານອິສຣາແອລ ຢູ່ເຂດກາຊາ.
ການປະທະກັນໄດ້ເລີ່ມຂຶ້ນຫລັງຈາກທີ່ກຸ່ມຫົວຮຸນແຮງຮາມາສ ໄດ້ເປີດການໂຈມຕີຢ່າງໂຫດຮ້າຍ ໃສ່ອິສຣາແອລໃນວັນທີ 7 ຕຸລາ.
ພວກມືປືນໄດ້ສັງຫານປະຊາຊົນປະມານ 1,200 ຄົນ, ເຊິ່ງສ່ວນໃຫຍ່ແມ່ນພົນລະເຮືອນ, ແລະໄດ້ຈັບຕົວປະກັນ ເຂົ້າໄປໃນເຂດກາຊາ.
ເພື່ອເປັນການຕອບໂຕ້, ລັດຖະບານອິສຣາແອລ ຈຶ່ງໄດ້ໃຫ້ຄຳໝັ້ນສັນຍາວ່າ ຈະກຳຈັດກຸ່ມ ຮາມາສ. ໂດຍລັດຖະບານອິສຣາແອລ ໄດ້ເປີດການໂຈມຕີທາງອາກາດ ແລະການບຸກໂຈມຕີທາງພາກພື້ນດິນຂອງບໍລິເວນຊາຍຝັ່ງທະເລ.
ປະຊາຊົນຫລາຍພັນຄົນໄດ້ເສຍຊີວິດ ແລະ ຈໍານວນຫລວງຫລາຍ ໄດ້ຖືກຍົກຍ້າຍ.
ອາທິດນີ້ ລັດຖະມົນຕີການຕ່າງປະເທດອອສເຕຣເລຍ ທ່ານນາງ ເພັນນີ ວ່ອງ (Penny Wong) ຈະມາຢ້ຽມຢາມພາກພື້ນດັ່ງກ່າວ ຢ່າງເປັນທາງການ. ທ່ານນາງຈະພົບປະກັບຄອບຄົວຂອງບັນດາຕົວປະກັນຊາວອິສຣາແອລ ພ້ອມທັງຜູ້ເຄາະຮ້າຍຈາກຄວາມຮຸນແຮງຂອງຜູ້ຕັ້ງຖິ່ນຖານຊາວອິສຣາແອລ ຢູ່ໃນເຂດ ເວັສແບ້ງ ທີ່ຖືກຍຶດຄອງ.
ອອສເຕຣເລຍ ກ່າວວ່າ ອິສຣາແອລ ມີສິດທີ່ຈະປ້ອງກັນຕົນເອງ ພາຍຫຼັງການບຸກໂຈມຕີຂອງກຸ່ມຫົວຮຸນແຮງ ຮາມາສ.
ໃນທາງດ້ານການເມືອງ, ແຄນເບີຣາ ໝັ້ນໝາຍຈະແກ້ໄຂບັນຫາສອງລັດ ໂດຍທີ່ອິສຣາແອລ ແລະ ປາແລັສໄຕນ໌ ໃນອະນາຄົດ ຈະຢູ່ຮ່ວມກັນພາຍໃນຂອບເຂດ ທີ່ໄດ້ຮັບການຍອມຮັບຈາກສາກົນ.
ອ່ານລາຍງານເປັນພາສາອັງກິດຂ້າງລູ່ມນີ້:
Australian Prime Minister Anthony Albanese has confirmed that Canberra is supporting United States and British airstrikes against the Iranian-backed Houthis in Yemen. The rebel group has been attacking international shipping in the Red Sea. From Sydney, Phil Mercer reports.
U.S.-led strikes on Houthi rebels have been in retaliation for drone and missile attacks on vessels in the Red Sea, a key shipping channel.
Australian officials have insisted that defending global trade routes is “utterly central to Australia’s national interest.” Canada and the Netherlands have also been part of the military action.
Australia’s support for the raids against Houthi targets included defence personnel in what authorities have said were “non-operational roles.” Their precise duties were not disclosed.
Prime Minister Anthony Albanese told the Australian Broadcasting Corp. that the Canberra government is part of a multinational effort to prevent Houthi attacks on Red Sea shipping.
“We have sent the help that is required. We have operational support there at headquarters in Bahrain. We always give proper and considered analysis and act in Australia’s national interests and that has been the basis of our support up to this point.”
Australian Greens defense spokesperson David Shoebridge told local media that it was hypocritical of the U.S. and Australian governments to launch airstrikes on Houthi positions in Yemen while claiming they wanted to avoid the conflict in Gaza spreading.
The Iran-backed Houthis say they are supporting Hamas in the war against Israel in Gaza.
The conflict began after Hamas militants launched a brutal attack on Israel on Oct 7.
The gunmen killed about 1,200 people, most of them civilians, and took hostages into Gaza.
In response, the Israeli government has vowed to eliminate Hamas. It has launched an aerial bombardment and ground invasion of the coastal enclave.
Thousands of people have been killed and vast numbers displaced.
This week Australian Foreign Affairs Minister Penny Wong makes an official visit to the region. She will meet with the families of Israeli hostages as well as the victims of Israeli settler violence in the occupied West Bank.
Australia has said Israel has the right to defend itself after the attack by Hamas militants.
Politically, Canberra is committed to a two-state solution in which Israel and a future Palestinian state co‑exist within internationally recognized borders.
ຟໍຣັມສະແດງຄວາມຄິດເຫັນ