ພາຍຫຼັງທີ່ໄດ້ໂຕ້ຖຽງກັນຈົນເດິກແລ້ວ ຢູ່ທີ່ກອງປະຊຸມດິນຟ້າ
ອາກາດ ຂອງອົງການສະຫະປະຊາຊາດ ທີ່ປະເທດເປຣູນັ້ນ
ໃນຕອນເຊົ້າຂອງວັນອາທິດມື້ນີ້ ບັນດາຜູ້ເຈລະຈາກໍໄດ້ບັນລຸ
ຂໍ້ຕົກລົງກັນ ທີ່ຈັດຕັ້ງຂັ້ນ ຕອນ ສຳຫລັບສັນຍາກ່ຽວກັບດິນຟ້າ
ອາກາດຂອງໂລກ ເພື່ອໃຫ້ຮັບ ຮອງເອົາ ຢູ່ກອງປະຊຸມສຸດຍອດ
ທີ່ນະຄອນຫລວງປາຣີ ໃນປີໜ້າ.
ສັນຍາ Lima ໄດ້ຖືກຮັບຮອງເອົາ ຫຼາຍໆຊົ່ວໂມງຫຼັງຈາກຮ່າງ
ສັນຍາສະບັບກ່ອນໜ້ານີ້ ໄດ້ຖືກປະຕິເສດໂດຍບັນດາປະເທດ
ພວມພັດທະນາ ທີ່ກ່າວຫາບັນດາປະເທດຮັ່ງມີ ວ່າ ຫລີກລ່ຽງ
ຄວາມຮັບຜິດຊອບຂອງພວກຕົນ ໃນການຕໍ່ສູ້ກັບພາວະໂລກຮ້ອນ ແລະຊ່ອຍອອກເງິນ
ຈ່າຍສຳຫລັບ ຜົນກະທົບຕ່າງໆຂອງມັນ.
ປາກົດວ່າຮ່າງສັນຍາສະບັບສຸດທ້າຍ ໄດ້ແບ່ງເບົາຂໍ້ກັງວັນຕ່າງໆເຫຼົ່າ ນັ້ນ ໂດຍໃຊ້ຄຳເວົ້າ
ວ່າ ບັນດາປະເທດທັງຫລາຍ ມີ “ຄວາມຮັບຜິດ ຊອບຮ່ວມກັນ ແຕ່ກໍແຕກຕ່າງກັນ”
ໃນການຮັບມືກັບບັນຫາພາວະໂລກຮ້ອນນັ້ນ. ປະເທດຕ່າງໆຈະຕ້ອງຍື່ນແຜນຮັບມືກັບ
ການປ່ຽນແປງຂອງດິນຟ້າອາກາດແຫ່ງຊາດ ເພື່ອໃຫ້ພິຈາລະນາ ລ່ວງໜ້າກອງປະຊຸມ
ສຸດຍອດທີ່ປາຣີ ໃນເດືອນທັນວາປີໜ້ານີ້.
ບັນດາຜູ້ຮ່ວມປະຊຸມ ໄດ້ໂຕ້ຖຽງກັນກ່ຽວກັບ ເນື້ອໃນຂອງຮ່າງສັນຍາສຸດທ້າຍນີ້ ມາຕັ້ງແຕ່
ວັນສຸກ ຊຶ່ງເປັນມື້ທີ່ກອງປະຊຸມໄດ້ມີກຳນົດຈະອັດລົງນັ້ນ.
ທູດຮັບຜິດຊອບດ້ານການປ່ຽນແປງ ຂອງດິນຟ້າອາກາດຂອງສະຫະລັດ ທ່ານ Todd Stern
ໄດ້ເຕືອນໃນວັນເສົາວານນີ້ ຕໍ່ບັນດາຜູ້ຮ່ວມປະເທດທີ່ຕົກລົງກັນບໍ່ໄດ້ນັ້ນວ່າ ການບໍ່ບັນລຸ
ການປານີປານອມກັນໂດຍທັນທີ ກ່ຽວກັບມາດຕະຖານການປ່ອຍອາຍພິດຄາບອນ ອອກ
ສູ່ບັນຍາກາດໂລກນັ້ນ ສາມາດທຳລາຍໂອກາດ ທີ່ຈະໄດ້ຮັບຜ່ານເອົາຂໍ້ຕົກລົງ ກ່ຽວກັບ
ດິນຟ້າອາກາດຂອງໂລກ ຢູ່ກອງປະຊຸມສຸດຍອດທີ່ປາຣີໃນເດືອນທັນວາໜ້ານັ້ນ.
