ລິ້ງ ສຳຫລັບເຂົ້າຫາ

logo-print

ຈີນ ແລະບັນດາປະເທດ ໃນລຸ່ມແມ່ນໍ້າຂອງ ຮັບຮອງເອົາແຜນການສະບັບໃໝ່


ນາຍົກລັດຖະມັນຕີຈີນ ທ່ານ ລີ ເກີຈຽງ (ກາງ) ພ້ອມດ້ວຍບັນດາ ຜູ້ນໍາ ຫ້າປະເທດລຸ່ມແມ່ນໍ້າຂອງ.

ຈີນ ແລະ 5 ປະເທດ ໃນເຂດລຸ່ມແມ່ນ້ຳຂອງ ຮັບຮອງເອົາແຜນພັດທະນາສະບັບໃໝ່
ຊຶ່ງ ກິ່ງສະຫວັນ ຈະນຳເອົາລາຍລະອຽດມາສະເໜີທ່ານໃນອັນດັບຕໍ່ໄປ.

ຢູ່​ໃນກອງ​ປະຊຸມ​ສຸດ​ຍອດ ທີ່ໄດ້ມີການປ່າວ​ປະກາດເປັນຢ່າງໃຫຍ່ ​ແຕ່​ວ່າ ມີ​ລາຍ​ລະອຽດໜ້ອຍຫລາຍ​ນັ້ນ ຈີນ​ໄດ້​ຊຸກຍູ້​ແຜນ​ພັດທະນາຫ້າ​ປີ​ຂອງ​ຕົນ ​ກັບ​ບັນດາ​ປະ​ເທດ
​ຢູ່​ຕາມ​ແຄມ​ແມ່​ນໍ້າຂອງ ທີ່​ເປັນແມ່ນໍ້າສາຍ​ສໍາຄັນ ​ແລະ​ມີ​ການ​ສູ້​ຢັນ​ກັນ​ຫລາຍ​ທີ່​ສຸດ​ໃນ
​ຂົງ​ເຂດ​ເອ​ເຊຍ​.

ບັນດາ​ຜູ້​ນໍາ​ຂອງ​ຫ້າ​ປະ​ເທດ ​ຢູ່​ເຂດແມ່​ນໍ້າຂອງຕອນ​ລຸ່ມ ຊຶ່ງລວມ​ມີ​ກໍາປູ​ເຈຍ, ມຽນມາ, ຫວຽດນາມ, ​ໄທ ​ແລະ​ລາວ​ ​ໄດ້ພົບ​ກັບທ່ານ ຫລີ ​ເຄຈຽງ (Li Keqiang) ນາຍົກ ລັດຖະ
ມົນຕີຈີນ ຢູ່​ພະລາດ​ຊະ​ວັງ​ສັນຕິພາບ (Peace Palace) ​ໃນ​ນະຄອນ​ພະນົມ​ເປັນ ​ໃນ
ວັນ​ພຸດ​ອາທິດແລ້ວນີ້ ​ຊຶ່ງ​ເປັນກອງປະຊຸມ​ກ່ຽວກັບ​ການ​ຮ່ວມ​ມືໃນ​ເຂດ​ແມ່ນໍ້າ ລ້ານ​ຊ້າງ
ກັບ​ແມ່​ຂອງ ຫລື LMC ຄັ້ງທີ​ສອງ ຂອງ​ບັນດາ​ຜູ້​ນໍາດັ່ງກ່າວ.

ທ່ານ ​ຫລີເຄຈຽງ ທີ່​ມີ​ປະ​ເທດ​ຕັ້ງຢູ່​ຕອນ​ເທິງ​ຂອງ​ແມ່​ນໍ້າ​ ທີ່​ເອີ້ນກັນໃນຊື່ພາສາຈີນ​ກາງ
ວ່າລ້ານ​ຊ້າງນັ້ນ ເວົ້າວ່າ ​ໃນນາມທີ່​ເປັນ​ປະທານ​ປະ​ຈໍາ ຂອງອົງການ LMC ທີ່​ຫາກໍ່ຕັ້ງ
ຂຶ້ນມາ​ໃໝ່ໆ ຈີນ​ຈະ​ນໍາ​ເອົາ​ຜົນ​ປະ​ໂຫຍ​ດມາ​ໃຫ້​ສະມາຊິກ​ຂອງ​ອົງການ​ດັ່ງກ່າວ​ທຸກ​
ປະ​ເທດ.

ທ່ານ​ກ່າວຢູ່​ໃນ​ກອງ​ປະຊຸມ​ນັກ​ຂ່າວ​ທີ່​ບໍ່​ໃຫ້​ຖາມ​ຄໍາ​ຖາມ​ຫຍັງ​ນັ້ນວ່າ "ການ​ຮ່ວມ​ມື​ໃນ​
ຂົງ​ເຂດ​ແມ່​ນໍ້າຂອງ ຫລື ລ້ານ​ຊ້າງ (Lancang) ບໍ່​ແມ່ນ​ຈະ​ເປັນ​ສິ່ງ​ທີ່ເວົ້າ​ແຕ່​ປາກຊື່ໆ,
" "ພວກ​ເຮົາ​ໂອ້​ລົມ​ກັນ​ກ່ຽວກັບ​ຫລັກການ​ທີ່​ສໍາຄັນ​ໃນ​ກອງ​ປະຊຸມ​ນີ້. ພວກ​ເຮົາ​ຕ້ອງ​
ໃຫ້​ຄວາມ​ນັບຖື​ຊຶ່ງ​ກັນ ​ແລະ​ກັນ ​ແລະ​ໃຫ້ການ​ພິຈາລະນາຕໍ່ກັນໃນ​ດ້ານ​ການ​ພັດທະ
ນາ​ຮ່ວມ​ກັນ​ແບບ​ສະເໝີພາບ.”

ແຜນການ​ຕົວ​ຈິງທີ່​ໄດ້​ຍື່ນ​ຢູ່​ໃນ​ກອງ​ປະຊຸມ​ນີ້ ແມ່ນ​ກວ້າງ​ຫຼາຍ ຊຶ່​ງ​ໄດ້​ກວມ​ເອົາເກືອບ
ໝົດທຸກ​ດ້ານ​ໃນ​ການ​ບໍລິຫານ ຈຶ່ງ​ເປັນ​ການ​ຍາກ​ທີ່​ຈະຊີ້​ໃຫ້​ເຫັນ​ຈຸດປະສົງ​ສະ​ເພາະ​ໃດ​
ນຶ່ງ ​ແລະ​ກໍ​ບໍ່ປາກົດ​ວ່າ​ມີ​ການ​ເອົາ​ບາດກ້າວ​ອັນໜັກ​ແໜ້ນ ​ເພື່ອ​ແກ້​ໄຂ​ໄພ​ຂົ່ມຂູ່​ ທີ່ເກີດ
​ມາ​ຈາກ​ການ​ກະທໍາ​ຂອງຜູ້​ຄົນທີ່​ນັບມື້ນັບ​ເພີ້ມຂຶ້ນ ຕໍ່ລະບົບ​ແມ່​ນໍ້າ​ດັ່ງກ່າວນັ້ນ.

ສ່ວນທ່ານ​ຮຸນ​ເຊ​ນ (Hun Sen) ນາຍົກລັດຖະມົນຕີກຳປູເຈຍ ​ໄດ້​ກ່າວ​ຕໍ່ພວກ​ນັກ​ຂ່າວ
​ວ່າ ສູນ​ກາງ​ຕ່າງໆ ​ແມ່ນ​ແນ​ໃສ່​ເພື່ອ​ເສີມ​ສ້າງການ​ຮ່ວມ​ມື​ດ້ານຊັບພະ ຍາກອນ​ນໍ້າ​ແລະ
​ສິ່ງ​ແວດ​ລ້ອມ ພ້ອມ​ທັງ​ຈະ​ມີ​ການ​ສ້າງ ​ສູນ​ກາງ​ສຶກສາກ່ຽວກັບ​ແມ່​ນໍ້າຂອງ​ໃນ​ລະດັບ
​ໂລກ ​ແຕ່​ທ່ານ​ກໍ​ບໍ່​ໄດ້​ໃຫ້​ລາຍ​ລະອຽດຫຍັງຕື່ມ ກ່ຽວກັບເລື່ອງນີ້.

​ອົງການ LMC ຊຶ່ງໄດ້ມີການສ້າງຕັ້ງ​ຂຶ້ນ​ໃນ​ປີ 2015 ພາ​ຍ​ໃຕ້​ການ​ນຳພາ​ຂອງ​ປັກ​ກິ່ງ ແມ່ນເປັນຄູ່​ແຂ່ງ ຂອງຄະນະ​ກຳມະການແມ່ນໍ້າຂອງສາກົນ ຫຼື MRC ທີ່ຕັ້ງມາກ່ອນທີ່
ຈີນ​ເປັນພຽງຄູ່​ສົນທະນາ ​ແລະດັ່ງນັ້ນຂໍ້ສະເໜີສ້າງເຂື່ອນຕ່າງໆ ຈຶ່ງໄດ້ຮັບການຍົກ
ເວັ້ນຈາກການຖືກບັງຄັບ ມາຈົນເທົ່າປັດຈຸບັນນີ້.

​ໃນ​ຂະນະ​ທີ່ອົງການ MRC ​ໄດ້​ຖືກຕ້ອງ​ຕິໂດຍບາງຄົນວ່າ​ ສ່ວນ​ໃຫຍ່ແລ້ວເປັນ ​ສະ​ຖາ
​ບັນ​ທີ່​ບໍ່ອິດທິພົນພຽງພໍ ​ຊຶ່ງບໍ່ສາມາດ ໃຫ້ການຄຸ້ມຄອງ​ຮັກສາ​ແມ່​ນໍ້າຂອງ ແລະກາງຕໍ່​
ບັນດາ​ໂຄງການທີ່​ເປັນອັນຕະລາຍ ແລະຍັງບໍ່​ມີ​ຫຍັງ​ເທື່ອທີ່​ສະ​ເໜີແນະວ່າ ອົງການ
LMC ຈະ​ເຮັດ​ໄດ້​ດີ​ຂຶ້ນແຕ່ຢ່າງ​ໃດເລີຍ.

ຜູ້​ສັງ​ເກດ​ການເຫັນ​ວ່າ ​ນີ້ເປັນ​ກົນ​ໄກ​ອີກຢ່າງນຶ່ງ ເພື່ອຂະຫຍາຍອິດທິພົນຂອງ​ປັກ​ກິ່ງ
ຢູ່ໃນ​ຂົງ​ເຂດ​ທີ່​ມີຄວາມສຳຄັນ ຕໍ່ໂຄງການນຶ່ງແລ້ວທາງນຶ່ງເສັ້ນທາງທີ່ເປັນນະໂຍບາຍ

ຕ່າງປະເທດ ອັນເປັນລາຍ​ເຊັນ ຂອງຜູ້ນຳຈີນ ທ່ານສີ ຈິ້ນຜິງຊຶ່ງໄດ້ເນັ້ນໜັກເຖິງ​ຄຸນຄ່າ
ຂອງສັນຕິພາບ ແລະ​ການ​ຮ່ວມ​ມື ຢູ່ໃນຂົງເຂດ.

​ແຕ່​ຄວາມ​ສຳພັນ​ລະຫວ່າງ​ຫົກ​ປະ​ເທດ​ ໃນທາງປະຫວັດສາດແລ້ວ ​ແມ່ນບໍ່ເຄີຍມີຄວາມ
ສຳພັນທີ່ດີ ​ແລະ​ຍຸດ​ທະ​ສາດ​ຂອງ​ຈີນໃນ​ການ​ສ້າງ​ເຂື່ອນ​ຢ່າງຫຼວງຫຼາຍ ໃສ່​ແມ່​ນໍ້າຂອງ
ເອງນັ້ນ ໃນ​ຂະນະ​ທີ່​ໃຫ້​ທຶນແກ່​ໂຄງການທີ່ຄ້າຍ​ຄື​ກັນຢູ່​ຕອນລຸ່​ມ​ແມ່​ນໍ້າຂອງ ​ແມ່ນຂົ່ມຂູ່
ທີ່ຈະກໍ່ໃຫ້ເກີດຄວາມ​ເຄັ່ງ​ຕືງ ລະຫວ່າງ​ບັນດາ​ປະ​ເທດ​ເພື່ອນ​ບ້ານ ທີ່​ຕ່າງກໍ​ອາ​ໄສແມ່ນ້ຳ
ສາຍນີ້​ຮ່ວມ​ກັນ.

​ແມ່​ນໍ້າ​ທີ່ຍາວ​ກວ່າ 4,000 ກິ​ໂລ​ແມັດ ​ເປັນແຫຼ່ງຫາປາ​ນ້ຳຈືດ ທີ່​ໃຫຍ່​ໃນ​ໂລກ ​ແລະໃຫ້
ການລ້ຽງດູ​ແກ່ຜູ້ຄົນ​ຈຳ​ນວນ 60 ລ້ານ​ຄົນ.

ກະແສຂະນາດນ້ຳແຮງ​ຂອງແມ່ນ້ຳຂອງ ໄດ້ເອົາຊະນະການປ່ອຍນ້ຳຂອງຕົງ​ເລ​ສາ​ບ
ໃນກຳປູ​ເຈຍ​ເປັນ​ເວລາ​ຫົກ​ເດືອນ​ຕໍ່​ປີຊຶ່ງ​ເປັນ​ຂັ້ນຕອນທີ່ພາໃຫ້ເກີດນ້ຳຖ້ວມຄືນ ທີ່​ບໍ່
​ພົບ​ເຫັນຢູ່​ແຫ່ງໃດໃນ​ໂລກ ຊຶ່ງກະ​ຕຸ້ນ​ໃຫ້ການ​ມີ​ການ​ແຜ່​ຂະຫຍາຍພັນປາແລະ​ຊີວະ
ນາໆພັນ ໂດຍທົ່ວໄປ.

ຈາກນັ້ນ​ ມັນກໍໄດ້ໄຫລ​ຜ່ານເຂດສາມຫລ່ຽມ​ປາກ​ແມ່​ນໍ້າຂອງ ຊຶ່ງເປັນເຂດການ​ຜະລິດ
ທີ່​ມີຊື່​ສຽງຂອງຫວຽດນາມ ບ່ອນ​ທີ່​ນໍ້າ​ທະເລ​ໄດ້ໄຫຼຍູ້ເຂົ້າມາເພີ້ມຂຶ້ນແລະ​ໄພ​ແຫ້ງ​ແລ້ງ
ທີ່​ໄດ້ສ້າງ​ຄວາມ​ເສຍ​ຫາຍຢ່າງຮ້າຍແຮງ ຊຶ່ງ​ໃນປີ 2016 ພາໃຫ້ຈີນ​ ສະ​ແດງ​ອຳນາດ​
ຂອງ​ຕົນ ​ໂດຍ​ການ​ເປີດ​ປະຕູ​ເຂື່ອນປ່ອຍນ້ຳ ​ເພື່ອ​ບັນ​ເທົາ ຄວາມ​ເຈັບ​ປວດ​ຂອງ​
ເພື່ອນ​ບ້ານ.

ຈີນ​ໄດ້​ສ້າງແປດ​ເຂື່ອນ​ໄປ​ແລ້ວ​ໃສ່່ແມ່​ນໍ້າຂອງ​ໃນ​ຂະນະ​ທີ່​ອີກ 20 ​ກວ່າເຂື່ອນ ກຳລັງ
​ຢູ່ພາຍ​ໃຕ້ການ​ກໍ່ສ້​າງ ຫລື​ກຳລັງວາ​ງ​ແຜນ​ໃນແຂວງ​ຢູນານ ທິ​ເບ​ດ ​ແລະ​ຈິງໄຮ່ ອີງ​ຕາມ​ອົງການແມ່ນໍ້າ​ສາກົນ.

ປະ​ເທດ​ລາວ ທີ່​ວາງ​ແຜນຈະເປັນ​ “ໝໍ້​ໄຟ​ເອ​ເຊຍ” ປັດຈຸບັນ​ນີ້​ ກຳລັງ​ກໍ່ສ້າງ​ເຂື່ອນ​ສ​ອງ
​ແຫ່ງ​ທີ່ສຳຄັນໃສ່​ແມ່​ນໍ້າຂອງ​ ທີ່ມີ​ການ​ໂຕ້​ແຍ້​ງກັນ ​ໃນ​ຂະນະພວມ​ກະກຽມເຂື່ອນ​ທີ​ສາມ ໂດຍບໍ່ເອົາຫົວຊາ​ຕໍ່ການ​ປະ​ທ້ວງຂອງປະ​ເທດ​ເພື່ອນ​ບ້ານ​ທີ່ອົງການ MRC ​ແລະ​ຍັງ​ມີ​ອີກຫຼາຍເຂື່ອນ ພວມຢູ່ໃນການວາງແຜນ.

​ໃນ​ຂະນະ​ດຽວ​ກັນ ​ກຳປູ​ເຈຍ​ຫາ​ກໍ​ເສັດ​ສິ້ນການ​ສ້າງເຂື່ອນເຊສານ 2 ຊຶ່ງເປັນສາຂາຂອງ
ແມ່ນ້ຳຂອງ ພ້ອມ​ດ້ວຍການສ້າງ​ເຂື່ອນ​ໃຫຍ່ໃສ່ແມ່ນ້ຳຂອງ ​ທີ່​ແຊມ​ບໍ ​ຊຶ່ງໄດ້​ວາງແຜນ
ໄວ້ເຊັ່ນ​ດຽວ​ກັນ.

ທ່ານ​ນາງ​ມໍຣີນ ​ແຮຣິສ ຜູ້ອຳນວຍການອົງການ​ແມ່​ນໍ້າ​ສາກົນເຂດ​ເອ​ເຊຍ​ອາ​ຄະ​ເນກ່າວ
​ວ່າ​ ບັນດາ​ປະຊາ​ຄົມ​ຢູ່​ປະ​ເທດ​ໄທ ​ແລະປະ​ເທດ​ລາວ ​ມີລາຍ​ງານວ່າ ໄດ້ຮັບ​ຜົນ​ກະທົບ​ຈາກບາງເຂື່ອນເຫຼົ່ານີ້ມາ​ເປັນ​ເວລາ​ຫລາຍ​ປີແລ້ວ ໂດຍ ປາດ​ສະ​ຈາກ​ການ​ຮັບ​ຮູ້​ຢ່າງ​
ເປັນ​ທາງ​ການ ຫລືແກ້ໄຂໃດໆ.

ທ່ານ​ນາງ​ກ່າວ​ວ່າ “ລະຫວ່າງ​ສອງ​ທົດ​ສະ​ວັດ​ທີ່​ຜ່ານ​ມານີ້ ບັນດາ​ເຂື່ອນ​ທີ່ຢູ່​ຕອນເທິງ
ຂອງແມ່​ນໍ້າ​ ໄດ້​ປ່ຽນແປງທຳ​ມະ​ຊາດໃນການ​ໝູນວຽນຂອງແມ່ນໍ້າຢ່າງຫຼວງຫຼາຍ ​
ແລະຕັນດິນຝຸ່ນໄວ້ ຊຶ່ງເປັນຜົນກະທົບຕໍ່ລະບົບນິເວດ ແລະການຫາປາທີ່ຢູ່ລຸ່ມເຂື່ອນ
ລົງມາ.”

ການສຶກສາ​ໃນ​ປີ 2009 ​ໂດຍ​ການ​ດຳ​ເນີນ​ຂອງ​ສະ​ຖາ​ບັນ​ວິທະຍາສາດ​ແຫ່ງ​ຊາດ​ຂອງ​ສະຫະລັດ​ອາ​ເມຣິກາ ​ໄດ້​ພົບ​ເຫັນ​ວ່າ ຖ້າ​ຫາກ​ 11 ເຂື່ອນ ທີ່ວາງ ແຜນໃສ່ແມ່​ນໍ້າຂອງ
​ແລະ 78 ເຂື່ອນ ທີ່ວາງແຜນໃສ່ແມ່ນ້ຳສາຂາ​ນັ້ນ ຖືກສ້າງຂຶ້ນມາ ​ໝູ່ປາທັງໝົດຈະຫລຸດ
ລົງ 51 ​ເປີ​ເຊັນ​.

ນາຍຍົກລັດຖະມົນຕີ ຈີນ ທ່ານ ລີ ເກີຈຽງ ລະຫວ່່າງການເປີດ ກອງປະຊຸມຮ່ວມມືແມ່ນໍ້າຂອງ ກັບບັນດາຜູ້ນຳທີ່ນະຄອນພະນົມເປັນ.
ນາຍຍົກລັດຖະມົນຕີ ຈີນ ທ່ານ ລີ ເກີຈຽງ ລະຫວ່່າງການເປີດ ກອງປະຊຸມຮ່ວມມືແມ່ນໍ້າຂອງ ກັບບັນດາຜູ້ນຳທີ່ນະຄອນພະນົມເປັນ.

ຈີນ​ໄດ້​ປະກາດໃຫ້ການ​ຊ່ວຍ​ເຫລືອ​ດ້ານ​ການ​ເງິນ​ຫລາຍ​ພັນ​ລ້ານໂດ“ສ ແກ່​ ​ໂຄງການ
ຕ່າງໆ ຢູ່ໃນ​ແມ່​ນໍ້າຂອງ ​ຜ່ານທາງອົງການ LMC.

ທ່ານອຽນ ​ແບ​ດ ຮອງ​ສາ​ດສະ​ດາ​ຈານ​ພູມສາດທີ່​ມະຫາວິທະຍາ​ໄລ​ວິສຄອນ​ຊີ​ນ ​ທີ່
ເມືອງແມ​ດີ​ສັນ ຊຶ່ງໄດ້​ສື​ກສາ​ກ່ຽວ​ກັບ​ການ​ປະ​ມົງ​ຢູ່ໃນ​ແມ່​ນໍ້າຂອງກ່າວ​ວ່າ ​ໃນ​ຂະນະ
​ທີ່ບັນດາ​ສະມາຊິກຂອງອົງການ LMC ອາດຈະພາກັນ​ດີ​ໃຈ ​ຮັບເອົາ​ເງິນ​ຈີນ ​ໂດຍໄດ້
​ຮັບ​ການ​ນັບຖື​ໃນໄລຍະຍາວ ​ແລະ​ການ​ຮ່ວມ​ມືນັ້ນ ​ເປັນ​ເລື່ອງ​ສັບ ສົນ​ຫຼາຍຂຶ້ນ.

ທ່ານ​ກ່າວ​ວ່າ “ຂ້າ​ພະ​ເຈົ້າ​ຄິດ​ວ່າ​ ເວລາ​ຈະ​ບອກໄດ້​ວ່າຈີນ​ວ່ອງ​ໄວ​ຫຼາຍປານ​ໃດ ​ໃນ​
ການຈັດ​ຕັ້ງ​ກົນ​ໄກ​ຢູ່​ຂົງ​ເຂດ. ​ເຂົາ​ເຈົ້າ​ເຕັມໃຈຫຼືບໍ່ທີ່ຈະ​ຍິນ​ຍອມມອບອຳນາດ​ຫຼາຍ
ສົມຄວນ ​ແລະ​ກ່າວ​ວ່າອິດທິພົນສຳລັບ​ປະ​ເທດ​ອື່ນໆທີ່​ເຮັດ​ໃຫ້​ເຂົາ​ເຈົ້າ​ຕ້ອງ ການສະໜັບສະໜູນ​ຂໍ້ລິ​ເລີ້ມດັ່ງກ່າວ.”

ທ່ານໃຫ້ຂໍ້ສັງເກດວ່າ ການ​ພັດທະນາຂອງ​ຈີນ​ໄດ້ລາມໄປ​ສູ່​ບັນດາ​ປະ​ເທດຕ່າງໆ ​ເຊັ່ນ​
ວ່່າ​ປະ​ເທດລາວ ທີ່​ມັກວາດ​ພາບ​ວ່າ ບໍ່ສາມາດຢຸດ​ໄດ້ ບ່ອນ​ທີ່​ຄວາມ​ຈິງນັ້ນ ແມ່ນຄວາມ
​ລົ້ມ​ແຫຼວ​ໃນ​ຄວາມ​ພໍ​ໃຈ ​ທີ່​ເປັນສຳນວນອຳນາດແຮງ​ພັກ​ດັນທ້ອງ​ຖິ່ນ ທີ່​ໄດ້​ນຳ​ໄປ​ສູ່​ໂຄງ
ການ​ຕ່າງໆ​ທີ່​ຈະ​ລົ້ມ​ແຫລວນັ້ນ.

ກຳປັ່ນຂົນສົ່ງຈີນ ກຳລັງລ່ອງຢູ່ແມ່ນໍ້າຂອງ ໃກ້ກັບສາມຫລ່ຽມຄຳ ລະຫວ່າງມຽນມາ ແລະລາວ.
ກຳປັ່ນຂົນສົ່ງຈີນ ກຳລັງລ່ອງຢູ່ແມ່ນໍ້າຂອງ ໃກ້ກັບສາມຫລ່ຽມຄຳ ລະຫວ່າງມຽນມາ ແລະລາວ.

“ນີ້ິ​ແມ່ນ​ຈຳນວນ​ນຶ່ງ​ຂອງຄວາມ​ບອບ​ບາງ ທີ່ຂ້າພ​ະ​ເຈົ້າ​ຄິດ​ວ່າ​ຜູ້ຄົນ​ມີ​ມັກ​ຫລົງ​ລືມ.
ວິ​ທີດັ່ງກ່າວ​ທີ່​ຈີນຍົກ​ເວທີ​ສ​ະ​ແດງ​ຂຶ້ນ ຊຶ່ງ​ຂ້າພະ​ເຈົ້າ​ຄິດ​ວ່າ​ບາງ​ເທື່ອ​ເວົ້າ​ໂຍກ
ເກີນ​ໄປ.”

​ເປົ້າ​ໝາຍ​ນຶ່ງ​ໃນຈຸດປະສົງທີ່​ສັບຊ້ອນຂອງຈີນ​ໃນຂົງ​ເຂດ ຄື​ຄ້ຳປະກັນການ​ສະໜັບສະ
ໜູນ ຫລື​ຢ່າງ​ໜ້ອຍ​ກໍການໝົດໄປໃນການຄັດຄ້ານ ຕໍ່ການອ້າງ​ເອົາ​ກຳມະສິດເກືອບ
ທັງໝົດຂອງຕົນໃນທະ​ເລ​ຈີນ​ໃຕ້​.

​ເຖິງ​ແມ່ນ​ວ່າ ​ກຳປູ​ເຈຍທີ່ເປັນເຈົ້າພາບຈັດກອງປະຊຸມອົງການ LMC ໄດ້​ໃຫ້ຄຳໝັ້ນ
ສັນຍາວ່າ ຈະໃຫ້ການ​ສະໜັບສະໜູ​ນຢ່າງ​ເຕັມທີ່​ ຕໍ່​ກາ​ນອ້າງເອົາກຳມະສິດ​ຂອງຈີນ
ແຕ່ປະເທດ​ອື່ນໆ​ເຊັ່ນ​ວ່າຫວຽດນາມ ຍັງ​ຄັດ​ຄ້ານ​ຢ່າງ​ຂົມ​ຂື່ນ.

ອ່ານຂ່າວນີ້ເພີ້ມເປັນພາສາອັງກິດ

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG