ລິ້ງ ສຳຫລັບເຂົ້າຫາ

ທ່ານນາງ Ashton ກ່າວວ່າ ຢູເຄຣນ ຕັ້ງໃຈຈະລົງນາມ ໃນສັນຍາການຄ້າ ກັບ ອີຢູ (ສະໄລດ໌)


ປ. Viktor Yanukovych ແຫ່ງຢູເຄຣນ ຕ້ອນຮັບທ່ານນາງ Ashton ທີ່ກຸງ Kiev, Ukraine, ວັນທີ 10 ທັນວາ 2013.
ທ່ານ​ນາງ Catherine Ashton ຫົວໜ້າຝ່າຍ​ນະ​ໂຍບາຍຕ່າງ
ປະ​ເທດ​ຂອງ​ສະຫະພາບຢູ​ໂຣບ ກ່າວ​ວ່າ​ປະທານາທິບໍດີຢູ​ເຄຣນ
ທ່ານ ViktorYanukovych ມີ​ຄວາມ​ຕັ້ງ​ໃຈ​ທີ່​ຈະລົງ​ນາມໃນ
​ຂໍ້​ຕົກລົງ​ການ​ຄ້າ​ແລະ​ການ​ຮ່ວມມື​ກັບ​ສະຫະພາບ​ຢູ​ໂຣບ ທີ່​ທ່ານ
​ໄດ້​ປະຕິ​ເສດ​ໄປ​ໃນ​ເດືອນ​ແລ້ວ​ນີ້ ສົ່ງ​ຜົນ​ໃຫ້​ມີການ​ຊຸມນຸມ​ປະ​
ທ້ວງ​ຄັດຄ້ານ​ລັດຖະບານຢ່າງ​ໃຫຍ່​ນັ້ນ.

ທ່ານ​ນາງ Ashton ​ໄດ້​ມີ​ຄວາມ​ເຫັນ​ຕໍ່​ບັນດາ​ນັກ​ຂ່າວ​ໃນ​ວັນ
​ພະຫັດ​ມື້​ນີ້ ຫຼັງ​ຈາກ​ທຳ​ການ​ໂອ້​ລົມສົນທະ​ນາ​ກັບ​ທ່ານ Yanu
kovych ທີ່​ນະຄອນຫຼວງ​ Kiev ຂອງ​ຢູ​ເຄຣນ ຊຶ່ງ​ທ່ານ​ນາງ​
ກ່າວ​ວ່າ ​ເປັນ​ທີ່​ຈະ​ແຈ້ງ​ແລ້ວ​ວ່າບັນຫາໄລຍະ​ສັ້ນດ້ານເສດ
ຖະກິດ​ແລະ​ການ​ເງິນ​ທີ່ຢູ​ເຄຣນພວມ​ປະ​ເຊີນ​ຢູ່​ໃນ​ປັດຈຸບັນນີ້​ແມ່ນສາມາດ​ຜ່ອນຄາຍ​ລົງ​ໄດ້
​ໂດຍ​ລົງ​ນາມ​ເຂົ້າຮ່ວມ​ພົວພັນກັບ​ສະຫະພາບ​ຢູ​ໂຣບ ຊຶ່ງ​ຈະນຳເອົາ​ການ​ລົງທຶນ​ໃໝ່ໆ​ຈາກ​
ບັນດາ​ປະ​ເທດ​ອີ​ຢູ ​ເຂົ້າໄປ​ຍັງ​ຢູ​ເຄຣນ.

ຂະນະ​ດຽວ​ກັນ ການ​ປະ​ທ້ວງ​ຕໍ່ຕ້ານ​ລັດຖະບານ​ກໍ​ດໍາ​ເນີນ​ສືບ​ຕໍ່​ໄປ ​ໂດຍ​ທີ່​ພວກ​ປະ​ທ້ວງ
ພາກັນ​ຮຽກຮ້ອງ​ເອົາ​ສາຍ​ພົວພັນ​ທີ່​ໃກ້ຊິດ​ຂຶ້ນ​ກ່ວາ​ເກົ່າ ກັບ​ສະຫະພາບ​ຢູ​ໂຣບ.

ຫຼັງ​ຈາກ​ຕຳຫຼວດ​ປາບ​ການ​ຈະລາຈົນ ໄດ້ປະທະ​ກັບ​ພວກ​ຊຸມນຸມ​ປະ​ທ້ວງ​ຫຼາຍ​ພັນ​ຄົນ​ຢູ່ຈະ
ຕຸ​ລັດ​ເອກະລາດ ທີ່ນະຄອນຫລວງ Kiev ​ໃນ​ວັນ​ພຸດ​ວານ​ນີ້​ແລ້ວ ສະຫະລັດ​ອາ​ເມຣິກາໄດ້​
ປະນາມ​ການ​ເຄື່ອນ​ໄຫວ​ຂອງ​ພວກ​ຕຳຫຼວດ ​ແລະ​ກ່າວ​ວ່າ ຕົນ​ກຳລັງ​ພິຈາ ລະນາ​ທຳການ
​ຕອບ​ໂຕ້ ທີ່​ອາດ​ຈະຮວມທັງ​ການ​ລົງ​ໂທດ​ນໍາ​ກໍ​ເປັນ​ໄດ້.

ບັນດາ​ຜູ້ນຳ​ຝ່າຍ​ຄ້ານ​ໃນນະຄອນຫລວງ Kiev ບໍ່​ຍອມຮັບ​ເອົາຄໍາ​ຮຽກຮ້ອງ​ຂອງ​ປະທານາທິ
ບໍດີ Yanukovych ທີ່​ໃຫ້​ທຳ​ການ​ໂອ້​ລົມ​ສົນທະນາ​ກັນ ​ແນ​ໃສ່​ເພື່ອ​ຍຸຕິ​ການ​ຊຸມນຸມ​ປະ​ທ້ວງ​
ຕໍ່ຕ້ານ​ຄວາມ​ເຄື່ອນ​ໄຫວ​ຂອງ​ທ່ານ​ຫວ່າງ​ໄວໆ​ມາ​ນີ້ ທີ່​ບໍ່​ຍອມ​ລົງ​ນາມ​ໃນ​ຂໍ້​ຕົກລົງ​ການ​ຄ້າ​ກັບ​ສະຫະພາບ​ຢູ​ໂຣບ ​ໂດຍ​ໄດ້​ເລືອກ​ເອົາ​ການ​ສົ່ງ​ເສີມ​ສາຍ​ພົວພັນ​ໃຫ້​ແໜ້ນ​ແຟ້ນຍິ່ງ​ຂຶ້ນ​ກັບຣັດ​
ເຊຍ​ນັ້ນ​ແທນ.

ທ່ານ Yanukovych ​ໄດ້​ອອກ​ຄຳ​ເຊື້ອ​ເຊີນໃນ​ຄໍ່າຄືນ​ວັນ​ພຸດ​ວານ​ນີ້​ ​ໃຫ້ຈັດການໂອ້​ລົມ​ສົນທະ
ນາ​ແຫ່ງ​ຊາດ​ຂຶ້ນ ​ກັບ​ພວກ​ຜູ້ນຳ​ຝ່າຍ​ສາສະໜາ​ແລະ​ພົນລະ​ເຮືອນ​ຝ່າຍ​ຄ້ານ ​ໃນ​ຂະນະດຽວ​ກັນ ກໍລຸກ​ຍູ້ໃຫ້​ພວກ​ປະ​ທ້ວງ​ທີ່​ພາກັນ​ຕັ້ງ​ຄ້າຍ​ຢູ່​ໃຈກາງເມືອງ​ຫລວງ​ນັ້ນ ຫຼີກ​ລ່ຽງ​ການ​ປະ​ເຊີນ​ໜ້າ​ກັນ​ ແລະການ​ຍື່ນ​ຄຳ​ຂາດ​.



XS
SM
MD
LG