ລິ້ງ ສຳຫລັບເຂົ້າຫາ

logo-print

ສ​ຫລ ບໍ່​ເຂົ້າ​ຮ່ວມ​ການ​ເຈ​ລະ​ຈາ ຂະ​ນະ​ທີ່ ​​ບັນ​ດາຜູ້​ນຳ​ ປະ​ເທດເອ​ເຊຍ ​ຫາ​ທາງເຮັດ​ຂໍ້​ຕົກ​ລົງ ການ​ຄ້າ​ສະ​ບັບໃໝ່


ທ. ໂຣ​ເບີດ ໂອ​ໄບ​ຣ​ແອັນ (ທີ 2 ຈາກ​ຊ້າຍ), ​ນາ​ຍົກ ທອງ​ລຸນ ສີ​ສຸ​ລິດ (ຊ້າຍ​ສຸດ), ​ນາ​ຍົກປ​ຣະ​ຢຸດ ຈັນ​ໂອ​ຊາ ແລະນາ​ຍົກ Nguyen Xuan Phuc (ຂວາ​ສຸດ) ກຳ​ລັງ​ຈະ​ຈັບ​ມື​ກັນ​ຢູ່ກອງຊຸມສຸດຍອດຂອງປະເທດໃນເຂດເອເຊຍຕາເວັນອອກ ແລະເອເຊຍຕາເວັນອອກສຽງໃຕ້ ທີ່​ຈັດ​ຂຶ້ນ​ໃນ​ອາ​ທິດນີ້ ທີ່​ບາງກອກ

ປະ​ທາ​ນາ​ທິ​ບໍ​ດີ​ ດໍ​ໂນ​ລ ທ​ຣຳ ໄດ້​ສົ່ງ​ຄະ​ນະ​ຜູ້​ແທນ​ລະ​ດັບ​ຕ່ຳ​ໄປ​ຮ່ວມ ກອງ​ປະ​ຊຸມສຸດຍອດ​ທີ່​ສຳ​ຄັນ ກັບ​ບັນ​ດາ​ຜູ້​ນຳ​ປະ​ເທດ​ໃນ​ເຂດເອ​ເຊຍ​ຕາ​ເວັນ​ອອກ​ສຽງ​ໃຕ້​ໃນ​ອາ​ທິດ​ນີ້ ຊຶ່ງ​ໄດ້​ເຮັດ​ໃຫ້​ມີ​ຄວາມ​ເປັນ​ຫ່ວງ​ກ່ຽວ​ກັບ​ຄວາມ​ໝັ້ນ​ໝາຍ​ຂອງວໍ​ຊິງ​ຕັນຕໍ່​ຂົງ​ເຂດ​ດັ່ງ​ກ່າວ​ໃນ​ຖ​າ​ນະທີ່​ເປັນ​ຄູ່​ພາ​ຄີ​ທາງ​ຍຸດ​ທະ​ສາດ. ນັກ​ຂ່າວ​ວີ​ໂອ​ເອປະ​ຈຳ​ທຳ​ນຽບ​ຂາວ, Patsy Widakuswara ມີ​ລາຍ​ລະ​ອຽດ​ກ່ຽວ​ກັບ​ເລື້ອງນີ້ ຊຶ່ງ​ບົວ​ສະ​ຫວັນ ຈະ​ນຳ​ມາ​ສະ​ເໜີ​ທ່ານ​ໃນ​ອັນ​ດັບ​ຕໍ່​ໄປ.

ຢູ່​ໃນ​ເວ​ທີ​ສາ​ກົນ​ນັ້ນ ການ​ໄປ​ປາ​ກົດ​ໂຕຂອງ​ຄົນແມ່ນ​ມີ​ຄວາມ​ໝາຍ​ຫລາຍ. ຢູ່​ໃນກອງ​ປະ​ຊຸມສຸດຍອດຂອງບັນ​ດາ​ປະ​ເທດ​ໃນ​ເຂດເອ​ເຊຍ​ຕາ​ເວັນ​ອອກ​ ແລະ ເອ​ເຊຍ​ຕາ​ເວັນ​ອອກ​ສຽງ​ໃຕ້​ທີ່​ຈັດ​ຂຶ້ນໃນ​ອາ​ທິດ​ນີ້, ປະ​ທາ​ນາ​ທິ​ບໍ​ດີ ທ​ຣຳ ບໍ່​ໄດ້​ໄປ​ຮ່ວມ ແລະ​ທ່ານ​ກໍ​ບໍ່​ໄດ້​ສົ່ງ​ຮອງປະ​ທາ​ນາ​ທິ​ບໍ​ດີ ຫລື​ລັດ​ຖະ​ມົນ​ຕີ​ກະ​ຊວງ​ການ​ຕ່າງ​ປະ​ເທດ​ໄປ​ຮ່ວມ​ເລີຍ.

ໂດຍປະ​ຕິ​ບັດ​ຕາມ​ພິ​ທີ​ການ​ທາງ​ການ​ທູດ, ບັນ​ດາຜູ້​ນຳ​ປະ​ເທດ​ໃນ​ເຂດເອ​ເຊຍ​ຕາ​ເວັນ​ອອກ​ສຽງ​ໃຕ້ ກໍ​ບໍ່​ໄດ້​ປາ​ກົດ​ໂຕ​ຢູ່ກອງ​ປະ​ຊຸມ​ລະ​ຫວ່າງສະ​ຫະ​ລັດກັບອາ​ຊຽນ​ເຊັ່ນ​ກັນ ໂດຍ​ໄດ້​ສົ່ງ​ລັດ​ຖະ​ມົນ​ຕີ​ກະ​ຊວງ​ການ​ຕ່າງ​ປະ​ເທດ​ຂອງ​ປະ​ເທດ​ຕົນ ໄປ​ພົບ​ກັບ​ທີ່​ປຶກ​ສາ​ດ້ານ​ຄວາມ​ໝັ້ນ​ຄົງ​ແຫ່ງ​ຊາດ, ທ່ານ ໂຣ​ເບີດ ໂອ​ໄບ​ຣ​ແອັນ (Robert O'Brien) ຊຶ່ງ​ເປັນ​ທູດ​ພິ​ເສດ​ຂອງ​ທ່ານທ​ຣຳ​ສຳ​ລັບ​ກອງ​ປະ​ຊຸມ​ສຸດຍອດນີ້.

ທ່ານ ໂອ​ໄບ​ຣແ​ອັນກ່າວ​ດັ່ງ​ນີ້:
"ດັ່ງ​ທີ່​ໄດ້​ເວົ້າ​ຢູ່​ໃນ​ຈົດ​ໝາຍ​ຂອງ​ທ່ານນັ້ນ, ປະ​ທາ​ນາ​ທິ​ບໍ​ດີທ​ຣຳ ຢາກ​ຮັບ​ປະ​ກັນກັບບັນ​ດາ​ທ່ານໄດ້​ວ່າ ມີ​ຄວາມ​ໝັ້ນ​ໝາຍ​ຂອງ​ອາ​ເມ​ຣິ​ກາທີ່​ໝັ້ນ​ຄົງ​ແຂງ​ແກ່ນ ທັງ​ຢູ່ໃນ​ຄຳ​ເວົ້າ ແລະ​ໃນການ​ກະ​ທຳຕໍ່ເພື່ອ​ນ​ມິດ, ຕໍ່​ພັນ​ທະ​ມິດ ແລະ​ຄູ່​ພາ​ຄີ​ຂອງ​ພວກ​ເຮົາ​ຢູ່​ໃນ​ອາ​ຊຽນ​."

ທ່ານ ໂອ​ໄບ​ຣແ​ອັນ (O'Brien) ໄດ້​ຍື່ນ​ການເຊື້ອ​ເຊີນ​ຂອງທ່ານທ​ຣຳ ໃຫ້​ແກ່ ບັນ​ດາ​ຜູ້​ນຳຂອງ​ປະ​ເທດເອ​ເຊຍ​ຕາ​ເວັນ​ອອກ​ສຽງ​ໃຕ້ເພື່ອ​ໄປ​ຮ່ວມກອງ​ປະ​ຊຸມ​ສຸດຍອດ​ ໃນສະ​ຫະ​ລັດ​ ໃນ​ປີ​ໜ້າ.

ທ່ານໄບ​ຣ​ອັນ ຮາດ​ດິງ, (Brian Harding) ຈາກ​ສູນ​ກາງ​ສຶກ​ສາ​ດ້ານ​ຍຸດ​ທະ​ສາດ ແລະ​ສາ​ກົນໃຫ້​ຄຳ​ເຫັນ​ວ່າ:
"ຂ້າ​ພະ​ເຈົ້າ​ໝັ້ນ​ໃຈ​ວ່າ ພວກ​ເພິ່ນ​ຈະ​ຮັບ​ເອົາ​ການ​ເຊື້ອ​ເຊີນນັ້ນຢ່າງ​ຈິງ​ຈັງ. ມີ​ຜົນ​ປະ​ໂຫຍດອັນ​ນຶ່ງ​ຢູ່ໃນການ​ທີ່ມີ​ສະ​ຫະ​ລັດ​ພົວ​ພັນ​ຢ່າງ​ເລິກ​ເຊິ່ງ​ຂຶ້ນ ແລະ​ເພື່ອ ເດີນ​ທາງ​ຮ່ວມ​ກັນ​ໄປ​ຍັງ​ສະ​ຫະ​ລັດ.”

ຕາບ​ໃດ​ທີ່​ຍັງ​ບໍ່ເຖິງ​ເວ​ລານັ້ນ, ບັນ​ດາ​ພວກ​ຕຳ​ໜິກໍເວົ້າ​ວ່າ ຄວາມ​ຄິ​ດ​ເຫັນ​ຂອງ ວໍ​ຊິງ​ຕັນແມ່ນ​ໄດ້​ຂາດຫາຍ​ໄປ​ຢູ່​ໃນ​ການ​ເຈ​ລ​ະຈາລະ​ດັບ​ຂົງ​ເຂດ ລວມ​ທັງ​ການ​ຄ້າ​ເສ​ລີທີ່​ຈີນ​ເປັນ​ຜູ້​ຄວບ​ຄຸມນັ້ນ.

ຂໍ້​ຕົກ​ລົງ​ເສດ​ຖະ​ກິດ​ໃໝ່ ທີ່​ໄດ້​ລິ​ເລີ້ມ​ຂຶ້ນ​ໂດຍ​ປັກ​ກິ່ງ​ກຳ​ລັງ​ດຳ​ເນີນ​ໄປ​ຢູ່​ໃນ​ກອງ​ປະ​ຊຸມ​ສຸດຍອດ​ດັ່ງ​ກ່າວ. "ການ​ເປັນພາ​ຄີ​ດ້ານ​ເສດ​ຖະ​ກິດ​ຮອບ​ດ້ານຢູ່ໃນ​ຂົງ​ເຂດ" ຫລື RCEP ຄາດ​ວ່າ​ຈະ​ເລີ້ມ​ຕົ້ນ​ຂຶ້ນ​ໃນ​ປີ​ໜ້ານີ້. ມັນ​ຈະ ...… ກວາມ​ເອົາ 1/3 ຂອງ​ຜະ​ລິດ​ຕະ​ພັນ​ລວມ​ຂອງ​ໂລກ ແລະ​ປະ​ຊາ​ຊົນຂອງ​ໂລກເກືອບ ຮອດ​ເຄິ່ງ​ນຶ່ງຂອງ​ໂລກ.

ທ່ານ ລີ​ ຢູເຈງ (Yucheng), ຮອງ​ລັດ​ຖະ​ມົນ​ຕີ​ກະ​ຊວງ​ການ​ຕ່າງ​ປະ​ເທດ​ຈີນ ກ່າວ​ເປັນ​ພາ​ສາ​ຈີນ​ກາງວ່າ:
"ແນ່ນອນມັນ​ຈະ​ມີ​ບົດ​ບາດ​ສຳ​ຄັນ​ທີ່​ສຸດ​ ຢູ່​ໃນ​ການ​ສົ່ງ​ເສີມ​ໃຫ້​ມີການ​ເຊື່ອມ​ໂຍງ​ທາງ​ເສດ​ຖະ​ກິດ ແລະ​ການ​ຮ່ວມ​ມື​ຢູ່​ທົ່ວຂົງ​ເຂດ ໂດຍ​ສະ​ເພາະ​ແມ່ນ​ກ່ຽວ​ກັບ​ເລື້ອງ​ການ​ຄ້າ ແລະ​ການ​ລົງ​ທຶນ."

ຂໍ້​ຕົກ​ລົງ​ຫລາຍ​ຝ່າຍ​ອີກ​ອັນ​ນຶ່ງ​ກໍ​ຄື ຂໍ້​ຕົກ​ລົງ​ຮອບ​ດ້ານ ແລະ​ກ້າວ​ໜ້າສຳ​ລັບ​ການ​ເປັນ​ພາ​ຄີ​ຂ້າມ​ມະ​ຫາ​ສະ​ໝຸດ​ປາ​ຊີ​ຟິກ ກໍ​ໄດ້ກ້າວ​ໄປ​ຂ້າງໜ້າ​ໂດຍ​ປາດ ​ສ​ະຈາກການ​ກ່ຽວ​ພັນ​ຂອງວໍ​ຊິງ​ຕັນເຊັ່ນ​ກັນ.

ລັດ​ຖະ​ບານ​ທ່ານ ທ​ຣຳ​ມັກ​ເຮັດ​ຂໍ້​ຕົກ​ລົງ​ສອງ​ຝ່າຍ​ຫລາຍກວ່າ ຫລາຍ​ຝ່າຍ ແຕ່​ກໍ​ຍັງ​ບໍ່​ເຫັນ​ມີ​ການ​ເຊັນ​ຂໍ້​ຕົກ​ລົງ​ອັນ​ໃດ​ຢູ່​ໃນ​ພາກ​ພື້ນນັ້ນ​.

ທ່ານຮາດ​ດິງ, ຈາກ​ສູນ​ກາງ​ສຶກ​ສາ​ດ້ານ​ຍຸດ​ທະ​ສາດ ແລະ​ສາ​ກົນໃຫ້​ຄຳ​ເຫັນ​ອີກວ່າ:
"ຍີ່​ປຸ່ນ​ພະ​ຍາ​ຍາມ​ທີ່​ຈະເຈ​ລະ​ຈາ​ຂໍ້​ຕົກ​ລົງ​ສອງ​ຝ່າຍ ແບບບໍ່​ຟ້າວ​ຟັ່ງທີ່​ສຸດເທົ່າ​ທີ່​ຈະ​ເຮັດ​ໄດ້. ຫວຽດ​ນາມ​ຊຶ່ງ​ເປັນ​ປະ​ເທດ​ທີ່ປາ​ກົດ​ວ່າອາດຈະ​ເປັນ​ໄປ​ໄດ້ ແຕ່​ກໍ​ບໍ່​ໄດ້​ໃຫ້​ຄວາມສົນ​ໃຈຫຍັງເລີຍ. ຟີ​ລິບ​ປິນ​ບໍ່​ໄດ້​ສົນ​ໃຈ. ພວກ​ເຂົາ​ເຈົ້າ​ພາ​ກັນ​ເບິ່ງ​ວິ​ທີ​ທີ່​ສະ​ຫະ​ລັດ​ປະ​ຕິ​ບັດ​ຕໍ່​ພັນ​ທະ​ມິດ ແລະ​ຄູ່​ພາ​ຄີ​ທີ່​ໃກ້​ຊິດ​ທີ່​ສຸດຂອງ​ຕົນ, ກາ​ນາ​ດາ, ເມັກ​ຊິ​ໂກ, ຢູ​ໂຣບ, ເກົາ​ຫລີ, ແລະ​ພວກ​ເຂົາ​ເຈົ້າກໍ​ບໍ່​ຢາກ​ມີ​ສ່ວນ​ກ່ຽວ​ຂ້ອງ​ຫຍັງ​ກັບເລື້ອງ​ນີ້."

ໃນ​ຂະ​ນະ​ດຽວ​ກັນ ສົງ​ຄາມ​ການ​ຄ້າລະ​ຫວ່າງສະ​ຫະ​ລັດ​ກັບ​ຈີນສືບ​ຕໍ່​ເຮັດ​ໃຫ້ບັນ​ດາ​ຜູ້​ນຳຂອງ​ປະ​ເທດເອ​ເຊຍ​ຕາ​ເວັນ​ອອກ​ສຽງ​ໃຕ້ເປັນ​ຫ່ວງ…

… ໂດຍ​ທີ່ມີ​ບາງ​ທ່ານ​ກໍສະ​ແດງ​ຄວາມ​ຄິດ​ເຫັນ​ອອກ​ມາ​ຢ່າງ​ແຮງກວ່າຄົນ​ອື່ນ. ທ່ານ ມະ​ຫາ​ເທຍ ໂມຮໍາ​ມັດ (Mahathir Mohamad), ນາ​ຍົກ​ລັດ​ຖະ​ມົນ​ຕີ​ຂອງ​ມາ​ເລ​ເຊຍ​ເວົ້າ​ວ່າ:
"ອາ​ເມ​ຣິ​ກາ​ອະ​ນຸ​ຍາດ​ໃຫ້​ປະ​ທາ​ນາ​ທິ​ບໍ​ດີ​ແຕ່​ລະ​ຄົນ​ດຳ​ລົງ​ຕຳ​ແໜ່ງ​ໄດ້​ພຽງ​ສອງ​ສະ​ໄໝ​ເທົ່າ​ນັ້ນ. ສະ​ນັ້ນ ເວົ້າ​ແບບ​ຂີ້​ຮ້າຍ​ສຸດ​ກໍ​ແມ່ນ ເລື້ອງນີ້​ຈະ​ສືບ​ຕໍ່ມີ​ໄປ​ອີກ 5 ປີ ຖ້າ​ຫາກ​ທ່ານ​ຊະ​ນະ​ການ​ເລືອກ​ຕັ້ງ."

ເບິ່ງວີ​ດິ​ໂອ​ເປັນ​ພາ​ສາ​ອັງ​ກິດ​ເພີ້ມ​ກ່ຽວ​ກັບ​ຂ່າວນີ້

ອ່ານ​ຂ່າວນີ້​ເພີ້ມ​ເປັນ​ພາ​ສາ​ອັງ​ກິດ​ຢູ່​ລຸ່ມນີ້:

President Donald Trump sent a low-ranking delegation to important summits with Southeast Asian leaders this week, triggering concerns about Washington's commitment to the region as a strategic partner. White House Correspondent Patsy Widakuswara has the story.

On the world stage, showing up matters. At this week's East Asia and ASEAN Summits, President Trump did not attend nor did he send his Vice President or Secretary of State.

Adhering to diplomatic protocol, Southeast Asian leaders did not show up for the US-ASEAN meeting either, sending their foreign ministers to meet National Security Adviser Robert O'Brien, Trump's special envoy for the summits.

Robert O'Brien, U.S. National Security Adviser:
"As he said in his letter, President Trump wants to assure you of the rock solid American commitment in word and deed to our friends, allies and partners in ASEAN."

O'Brien extended Trump's invitation to Southeast Asian leaders to a summit in the U.S. early next year.

Brian Harding, Center for Strategic and International Studies:
"I'm sure they'll take the the invitation seriously. There is an interest in the United States being more deeply engaged, and for making a joint trip to the United States."

Until then, critics say Washington's viewpoint is missing on regional negotiations including on free trade, where China is dominating.

A new economic agreement initiated by Beijing is underway at the summit. The "Regional Comprehensive Economic Partnership" or RCEP is expected to launch next year. It will ...
… account for a third of global gross domestic product and nearly half the world's population.

Le Yucheng, Chinese Vice Foreign Minister:
"It definitely will play a crucial role in promoting regional economic integration and cooperation across the board especially on trade and investment."

Another multilateral deal, the Comprehensive and Progressive Agreement for Trans-Pacific Partnership, is also moving along without Washington.

The Trump administration prefers bilateral trade agreements, but has not yet struck any in the region.

Brian Harding, Center for Strategic & Internatl. Studies:
"Japan has really slow walked the bilateral trade negotiations as much as they can. Vietnam who seemed to be a possibility is just not interested. The Philippines is not interested. They look at how the United States has treated its closest allies and partners, Canada, Mexico, Europe, Korea, and they don't want anything to do with it."

Meanwhile the trade war between the U.S. and China continues to worry ASEAN leaders…

… with some expressing their opinion more strongly than others.

Mahathir Mohamad, Malaysian Prime Minister:
"America allows only two terms to each president. So at the very worst, this is going to go on for another five years. If he wins."

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG