ລິ້ງ ສຳຫລັບເຂົ້າຫາ

ວັນອັງຄານ, ໑໙ ມີນາ ໒໐໒໔

ປະຊາຄົມລາວ ຫາລາຍໄດ້ ຊ່ວຍອົງການເກັບກູ້ລະເບີດ MAG ຢູ່ໃນລາວ (ວີດີໂອ)


ເມື່ອໄວໆມານີ້ ບັນດາສະມາຊິກປະຊາຄົມລາວ ໃນຂົງເຂດນະຄອນຫລວງວໍຊິງຕັນ ໄດ້ຈັດ ງານຫາລາຍໄດ້ ເພື່ອນໍາເງິນໄປສົມທົບເຂົ້າໃສ່ການໃຊ້ຈ່າຍ ໃນການເກັບກູ້ລະເບີດບໍ່ທັນແຕກ ທີ່ຕົກຄ້າງມາແຕ່ປາງສົງຄາມຢູ່ໃນປະເທດລາວ. ກິ່ງສະຫວັນໄດ້ໄປຮ່ວມໃນງານນີ້ ແລະມີ ລາຍລະອຽດມາເລົ່າສູ່ທ່ານຟັງ.

ວີດີໂອພາສາອັງກິດ ເລື້ອງ Surviving the Peace ທີ່ນໍາມາສະເໜີໃຫ້ຊົມ
ໃນງານຫາລາຍໄດ້:

ລາວເປັນ​ປະ​ເທດ​ທີ່ໄດ້​ຮັບ​ເຄາະ​ຮ້າຍ​ຈາ​ກການ​ຖີ້ມລະ​ເບີດ​ໃສ່ຫລາຍທີ່​ສຸດ​ໃນສ​ະໄໝ
ສົງ​ຄາມອິນ​ໂດ​ຈີນ​. ອິງຕາມ​ຕົວ​ເລກ​ຂອງອົງການ MAG ກໍ​ແມ່ນ​ວ່າ ​ໃນ​ລະຫວ່າງ​ປີ
1964 ຫາ 1975 ລະ​ເບີດຈໍາ​ນວນສອງ​ລ້ານ​ຕັນ ​ໄດ້​ຖືກຖີ້ມລົງໃສ່​ປະ​ເທດລາວ. ໃນ​ນັ້ນ
​ແມ່ນ​ຮວມ​ທັງລະ​ເບີດລູກ​ຫວ່ານ ຫລື bombies 270 ລ້ານ​ໜ່ວຍ ຊຶ່ງ​ຍັງ​ມີປະມານ 80
ລ້ານລູກ​ ທີ່​ຍັງຕົກ​ຄ້າງ ​ບໍ່ທັນ​ແຕກຢູ່​ໃນ​ແຜ່ນ​ດີ​ນລາວ.

MAG ​ຫລື Mines Advisory Group ເປັນອົງການ​ເກັບ​ກູ້​ລະ​ເບີດຂອງເອກະ​ຊົນ​ ເພື່ອ
ຊ່ວຍ​ເຫລືອດ້ານ​ມະນຸດສະ​ທໍາ ​ແລະບໍ່​ສ້າງ​ຜົນ​ກໍາ​ໄລ ມີ​ສໍານັກງານ​ໃຫຍ່​ຢູ່ທີ່​ເມືອງ
Manchester ປະ​ເທດ​ອັງກິດ ​ແລະມີ​ຫ້ອງການ​ຕາງໜ້າ​ທີ່ນະ​ຄອນ​ຫລວງ​ ວໍ​ຊິງ​ຕັນ ດີ​.ຊີ​.
​ຊຶ່ງໄດ້ຕັ້ງ​ຂື້ນ​ມາ​ໃນ​ປີ 2000. ປັດຈຸບັນນີ້ MAG ​ກໍາລັງ​ປະຕິບັດ​ງານ​ຢູ່​ໃນສາມ​ຂົງ​ເຂດ ຄື
ອາ​ຟຣິກາ ພາກຕາ​ເວັນ​ອອກ​ກາງ ​ແລະເອ​ເຊຍ ຮວມທັງ​ໝົດ​ 17 ປະ​ເທດ​ ໂດ​ຍ​ນໍາພາ
​ແລະຝຶກ​ສອນປະຊາຊົນ​ທ້ອ​ງຖີ່​ນໃຫ້ ເປັນ​ຜູ້ເຮັດ​ວຽກ​ເກັບ​ກູ້​ລະ​ເບີດ​ເອົາ​ເອງ ຢູ່​ໃນ​ປະ​ເທດ​
ຂອງ​ເຂົາ​ເຈົ້າ.

ອົງການ MAG ໄດ້ເລີ້ມປະ​ຕິ​ບັດງານ​ຢູ່ໃນ​ລາວມາແຕ່ຕົ້ນຊຸມ​ປີ 1990 ໂດຍ​ເຈາະຈົງ​ເກັບ
​ກູ້​ແລະທໍ​າລາຍລະເບີດ ຢູ່​ໃນ​ເຂດ​ທີ່​ມີ​ປະ​ຊາຊົນອາ​ໃສ​ຢູ່ ແລະທໍາ​ມາ​ຫາກີ​ນຢູ່ເທົ່າ​ນັ້ນ​.
​ລະຫວ່າງ​ປີ ​ 2007-2011 ອົງການ MAG ໄດ້​ເກັບ​ກູ້​ແລະ​ຍົກຍ້າຍ​ລະ​ເບີດ ຈໍານວນ​
23.778 ໜ່ວຍ ​ແລະ ທໍາລາຍ 145.000 ໜ່ວຍ​ ຊຶ່ງ​ໄດ້ຊ່ວຍ​ໃຫ້ປະຊາກອນ​ລາວ ຈໍາ​ນວນ
330.000 ຄົນ​ ສາມາດສ້າ​ງສາ​ປະຊາ​ຄົມໃຫ້​ເປັນ​ບ່ອນ​ ທໍາ​ມາ​ຫາ​ກິນ ​ແລະດໍາລົງ​ຊີວິດຢູ່
ດ້ວຍ​ຄວາມ​ປອດ​ໄພ.

ແຕ່ລະ​ປີ ອົງການ MAG ​ໄດ້​ຮັບ​ທຶນ​ຈາກ​ ກະ​ຊວງ​ການ​ຕ່າງປະ​ເທດຂອງສະຫະລັດອາ​ເມ
ຣິ​ກາ ​ເປັນ​ຈໍານວນ​ຫລາຍ​ລ້ານ​ໂດ​ລາ. ​ນອກນັ້ນ​ຍັງໄດ້​ມາ​ຈາກສ່ວນ​ບຸກຄົນ ອົງການ​ຈັດ​ຕັ້ງ
ແລະ​ບໍລິ​ສັດ​ຕ່າງໆ ​ໂດຍ​ສະ​ເພາະ​ຢ່າງ​ຍິງ​ແມ່ນ​ການ​ຫາ​ລາຍໄດ້​ປະ​ຈໍາ​ປີມາ​ສົມທົບທຶນບໍລິ
ຫານວຽກງານ​ເກັບ​ກູ້​ລະ​ເບີດ​ທັງ​ໝົດ.

ການສະແດງຟ້ອນດອກຈໍາປາ ພາຍໃຕ້ການບັນເລງດົນຕີແລະຮ້ອງປະກອບໂດຍເດັກ
ນັກຮຽນລາວ-ອາເມຣິກັນ ຂອງສະມາຄົມສະຕີລາວ-ອາເມຣິກັນແຫ່ງຂົງເຂດນະຄອນ
ຫລວງວໍຊິງຕັນ.

ງານ​ຫາ​ລາຍ​ໄດ້​ໃນ​ເດືອນ​ແລ້ວ​ນີ້ ​ແມ່ນເທື່ອ​ທໍາ​ອິດທີ່ຈັດ​ຂຶ້ນ​ຢູ່​ວໍ​ຊິງ​ຕັນ ​ດີ​ຊີ ​ຂອງອົງການ
MAG ສໍາລັບ​ປີ 2012 ນີ້​ ​ທີ່​ຮ້ານ​ອາຫານ​ຈີນແຫ່ງ​ນຶ່ງ​ ​ໂດຍໄດ້​ຮັບ​ການປະສານ​ງານຈາກ
ທ່ານກາຍ​ຍະ​ສິດ ຣັດຕະນະ​ວົງກົດ ​ທີ່ເປັນ​ຫລັກ​ອຸດ​ໜຸນ​ທາງ​ດ້ານການ​ເງິນ ​ແລະ​ດ້ວຍ​ການ
ຮ່ວມ​ມືຈາກອົງການ​ຈັດ​ຕັ້ງ​ອື່ນໆ​ຂອງ​ຊາວ​ລາວໃນເຂດ​ນີ້ ​ໂຮມ​ທັງ​ສະມາຄົມ​ສະຕີ ​ລາວ​-
ອາ​ເມຣິກັນ ທີ່​ໄດ້ຈັດການ​ສະ​ແດງສິນ​ລະ​ປະ​ພື້ນ​ເມືອງ​ລາວ ​ເຊ່​ນວ່າ ການ​ເສບດົນ​ຕີ​ພື້ນ​ເມືອງ
ການ​ຟ້ອນ​ພື້ນ​ເມືອງ​ ຂອງບັນດາລູກ​ຫລານ​ສະມາຊິກ ແລະອົງການ Legacies of War
ຫລື​ມູນ​ມໍລະດົກ​ຈາກ​ສົງຄາມ ທີ່​ນໍາພາ​ໂດຍ​ຍານາງ​ຈັນ​ນະພາ ຄໍາ​ວົງສາ ຊຶ່ງ​ເປັນອີກ​ອົງການ​
ນຶ່ງທີ່​ພະຍາ​ຍາມ​ຫາ​ທາງ​ຊ່ວຍ​ກໍາຈັດ​ມູນ​ມໍລະດົກ​ທີ່​ຕົດ​ທອດ​ມາ​ຈາກ​ສົງຄາມ ກໍ​ຄື​ລະ​ເບີດ​ບໍ່​
ທັນ​ແຕກ​ທີ່​ຍັງ​ຕົກ​ຄ້າງຢູ່​ໃນ​ລາວ​ນັ້ນ. ນອກ​ນີ້​ແລ້ວ ກໍ​ມີລາຍການສະ​ແດງດົນຕີ​ແລະເຕັ້ນ​ລໍາ​ ​
ໂດຍນັກ​ຮ້ອງລາວ ຈາກ​ລັດ​ອື່ນໆ ແລະຮອດ​ຈາກການ​າດາ ​ທີ່ໄດ້​ເດີນທາ​ງ​ມາ​ຮ່ວມ​ສົມທົບ
ສ້າງ​ຄວາມ​ມ່ວນ​ຊື່ນ.

ບັນດາແຂກ​ຜູ້ມີ​ກຽດ​ ທັງ​ລາວແລະ​ຕ່າງປະ​ເທດ ທີ່​ໄດ້ເຂົ້າ​ຮ່ວມ ກໍມີອົງການ​ຈັດຕັ້ງຕ່າງໆ
ຫົວໜ້າ​ບໍລິສັດຕ່າງໆ ​ແລະ​ເຈົ້າ​ໜ້າ​ທີ່​ຈາກສະຖາ​ນ​ເອກ​ອັກຄະ​ລັດຖະທູດ ສປປ ລາວ ປະ​
ຈໍາ​ນະຄອນຫລວງ​ວໍ​ຊິງ​ຕັນ ດີ​ຊີ. ພາຍ​ໃນ​ຫ້ອງ​ອາຫານ ມີ​ການວາງສະ​ແດງ​ຮູບ​ພາບຂອງ
ຜູ້​ໄດ້​ຮັບ​ເຄາະ​ຮ້າຍຈາກ​ລະ​ເບີດ​ ແລະສາຍ​ຮູບ​ເງົາ​ສາລະ​ຄະດີ​ Surviving the Peace
ກ່ຽວ​ກັບການປະຕິບັດ​ງານຂອງ​ MAG ​ຢູ່​ໃນ​ລາວ ແລະຜົນ​ກະທົບ​ຈາກ​ລະ​ເບີດ​ບໍ່ທັນແຕກ
ຕໍ່​ປະຊາຊົນ​ລາວ ຊຶ່ງ​ໃນ​ແຕ່ລະ​ປີ ມີ​ຫລາຍ​ຮ້ອຍ​ຄົນ​ເສຍ​ອົງຄະ​ແລະ​ເສຍ​ຊີວິດ​ໄປ​ ກໍ​ມີ.

ອຸບປະກອນທີ່ໃຊ້ໃນການຊອກຫາລະເບີດທີ່ບໍ່ທັນແຕກ ຢູ່ຕາມທົ່ງໃຮ່ທົ່ງນາ ໃນປະເທດລາວ.
ອຸບປະກອນທີ່ໃຊ້ໃນການຊອກຫາລະເບີດທີ່ບໍ່ທັນແຕກ ຢູ່ຕາມທົ່ງໃຮ່ທົ່ງນາ ໃນປະເທດລາວ.

“ຂ້າພະ​ເຈົ້າຊື່​ Jennifer Lachman.
ຂ້າພະ​ເຈົ້າ​ເປັນຜູ້​ອໍານວຍ​ການບໍລິຫານ
ຂອງ MAG America. ພວກ​ເຮົາ​ຈັດ​
ງານ​ຫາລາຍ​ໄດ້ ຢູ່​ໃນ​ນະຄອນຫລວງ
​ວໍຊິງ​ຕັນ ປະມານ 4 ​ເທື່ອ​ຕໍ່​ປີ. ການ​ຫາ​
ລາຍ​ໄດ້​ເທື່ອ​ຕໍ່​ໄປ​ຈະ​ແມ່ນ​ ​ໃນເດືອນ​ມີຖຸ
ນາ ຊຶ່ງພວກ​ເຮົາ​ຈະ​ມີ​ການ​ແຂ່ງຂັນ​ຕີ​ກອ໊​ຟ.
ພວກ​ເຮົາ​ພະຍາຍາມ​ຫາ​ລາຍ​ໄດ້ໃນ​ຮູບ
​ແບບທີ່​ແຕກ​ຕ່າ​ງກັນ ສໍາ​ລັບ​ແຕ່​ລະ​ກຸ່​ມຊົນ ​
ແລະເທື່ອນີ້​ແມ່ນ​ເທື່ອ​ທໍາ​ອິດ ທີ່​ເຮົາ​ເຮັດ​
ໃນ​ປີນີ້. ພວກ​ເຮົາ​ຫວັງ​ຢ່າ​ງຍິ່ງ​ວ່າ ປະຊາ
​ຄົມ​ລາວຈະ​ໃຫ້ການ​ຮ່ວມ​ມື​ອີກ​ປີໜ້າ ຫລັງ​
ຈາກ​ທີ່​ເຂົາ​ເຈົ້າ​ໄດ້​ເຫັນຮູບ​ເງົາ​ສາລະ​ຄະດີ​
ຂອງ​ພວກ​ເຮົາ ​ແລະ​ໄດ້​ຮຽນ​ຮູ້​ກ່ຽວ​ກັບ​ວຽກ​ງານ​ຂອງ​ພວກ​ເຮົາ​ແລ້ວ. ​ຫວັງ​ວ່າ ເຂົາ​ເຈົ້າ​ມີ​
ຄວາມ​ຮູ້​ສຶກສົງສານ ​ແລະ​ຮູ້ສຶກ​ຖືກ​ດົນ​ຈິດດົນ​ໃຈ​ໃຫ້​ສືບ​ຕໍ່​ສະໜັບສະໜຸນພວກ​ເຮົາ ແລະ
ຊ່ວຍ​ປຸກລະດົມ​ໃຫ້​ມີ​ການ​ຕຶ່ນ​ໂຕ​ກ່ຽວ​ກັບວຽກ​ການ​ທີ່ພວກ​ເຮົາກໍາລັງ​ເຮັດ​ຢູ່​ນີ້. ພວກ​ເຮົາ
​ໄດ້​ເລີ້ມປະຕິບັດ​ງານຢູ່ໃນ​ລາວ​ມາ​ແຕ່​ປີ 1993.

ພວກ​ເຮົາແມ່ນ​ນັບ​ຈໍາ​ນວນ​ລູກ​ລະ​ເບີດ​ທີ່ເກັບ​ກູ້ ຫລືຂຸດຂຶ້ນ​ມາ ​ແລະ​ນັບ​ລູກ​ລະ​ເບີດ​ແຕ່ລະ
​ໜ່ວຍ​ທີ່ພວກ​ເຮົາ​ທໍາລາຍ. ປັດຈຸບັນ​ນີ້​ ພວກ​ເຮົາ​ປະຕິບັດ​ງານ​ຢູ່​ໃນ 17 ປະ​ເທດ. ຫ້ອງ
ການ​ຂອງ​ພວກ​ເຮົາ​ຢູ່​ອາ​ເມຣິກາ​ນີ້​ມີໜ້າ​ທີ່​ຫາ​ລາຍ​ໄດ້ ​ແລະເຜີຍ​ແຜ່​ໃຫ້​ຜູ້​ຄົນ​ຕື່ນ​ໂຕ​ ​ເພື່ອ
ດຶງ​ເອົາ​ກາ​ນ ສະໜັບ​ສະ​ໜຸນ ສໍາລັບ​ວຽກ​ງານ​ຂອງ​ເຮົາຢູ່​ຕ່າງ​ປະ​ເທດ. ສໍານັກງານ​ໃຫຍ່
ຂອງ​ພວກ​ເຮົາ​ ​ແມ່ນຕັ້ງ​ຢູ່​ເມືອງ Manchester ປະ​ເທດອັງກິດ ​ທີ່ເປັນ​ບ່ອນຄວບ​ຄຸ​ມວຽກ
​ງານ​ທັງ​ໝົດ​ຂອງ​ພວກ​ເຮົາທີ່ຢູ່​ຕ່າງປະ​ເທດ. ທຶນສ່ວນ​ໃຫຍ່ ​ແມ່ນ​ພວກເຮົາ​ໄດ້​ມາ​ຈາກລັດ
ຖະບານ​ຂອງ​ຫລາຍໆ​ປະ​ເທດ ​ແລະ ກະ​ຊວງ​ການ​ຕ່າງປະ​ເທດຂອງສະຫະລັດ ​ແມ່ນ​ເປັນ
​ຜູ້​ສະໜັບສະໜຸນ​ລາຍ​ໃຫຍ່​ທີ່​ສຸດ​ຂອງ​ພວກ​ເຮົາ ຄື​ປະມານ 17 ລ້ານ$ ຕໍ່ປີ. ກໍ​ໜ້າ​ເສຍ​ໃຈ
​ຢູ່ ທີ່ໂຄງການ​ນີ້​ຈະ​ເປັນ​ໂຄງການ​ອັນ​ຍາວ​ນານ ​ເພາະວ່າ ຈໍາ​ນວນ​ລະ​ເບີດ​ທີ່​ໄດ້​ຖືກ​ກວາດ
ລ້າງ​ອອກ​ຈາກ​ລາວນັ້ນ ມີພຽງ​ໜ້ອຍ​ດຽວ​ເທົ່າ​ນັ້ນ​. ຂ້າ​ພະ​ເຈົ້າ​ຍັງ​ບໍ່​ມີ​ໂອກາດ​ໄດ້​ໄປ​ເມືອງ
​ລາວ ຂ້າພະ​ເຈົ້າ​ໄດ້ໄປເຫັນ​ໂຄງການຂອງ​ພວກ​ເຮົາ​ທີ່ ກໍາປູ​ເຈຍ ອີຣັກ ​ແລະ ​ເລ​ບາ​ນອນ
​ແຕ່​ວ່າ​ຍັງ​ບໍ່​ມີ​ໂອກາດ​ໄດ້ໄປ​ເມືອງ​ລາວ​ເທື່ອ. ຂ້າ​ພະ​ເຈົ້າ ຢາກໄປເມືອງ​ລາວຫລາຍ. ປັດ​ຈຸ​
ບັນ​ນີ້ ​ເຮົາກໍ​ກໍາລັງຈັດ​ລາຍການ​ເດີນ ທາງ​ໄປ​ລາວ ສໍາລັບ​ຜູ້​ມີ​ຄວາມ​ສົນ​ໃຈ ​ຢາກໄປ​ເບິ່ງ​
ການ​ປະຕິບັດ​ງານ​ຂອງ​ພວກ​ເຮົາ ຢູ່​ໃນ​ລາວ ກໍາ​ປູ​ເຈຍ ​ແລະ​ຫວຽດນາມ ​ໃນ​ເດືອນ​ພະ​ຈິກ​
ຂອງ​ປີ​ນີ້ ​ຊຶ່ງ​ເຮົາ​ຈະ​ພາ​ໄປຢາມທີ​ມງານ​ຂອງ​ພວກ​ເຮົາທີ່ເຮັດ​ວຽກຢູ່​ສະໜາມ ແລະ​ເບິ່ງວ່າ
​ເຂົາ​ເຈົ້າ​ເຮັດ​ວຽກແນວ​ໃດ. ​ໂຄງການຢ້ຽ​ມຢາມ​ທີ່​ວ່າ​ນີ້ ຈະມີ​ກໍານົດສາມ​ອາ​ທິດແລະ​ພວກ
​ເຮົາ​ຫວັງ​ວ່າ ຈະມີ​ໃນ​ລະຫວ່າງ 15 ຫາ 20 ຄົນເດີນທາງ​ໄປ​ນໍາ”.

ບຸກຄົນ​ສໍາຄັນອີກຄົນ​ນຶ່ງ ຈາກ​ປະຊາ​ຄົ​ມລາວ-ອາ​ເມຣິ​ກັນ ທີ່​ໄປຮ່ວມ ​ໃນ​ງານ​ຫາ​ລາຍ​ໄດ້​
ຄືນ​ນັ້ນ ຄື ທ່ານ​ນາງ Mee Moua ອ​ະດີດສະມາ​ຊິກ​ສະພາ​ສູງລັດ​ມີ​ນີ​ໂຊ​ຕາ ເຊື້ອສາຍ
ລາວມົ້ງ-ອາ​ເມ​ຣິ​ກັນຄົນ​ທໍາ​ອິດ. ປັດຈຸບັນ​ ທ່ານນາງເປັນ​ຜູ້ອໍານວຍ​ການ​ບໍລິຫານ ສູ​ນກາງ​
ຍຸ​ຕິ​ທໍາ​ເອ​ເຊຍ​ອາ​ເມ​ລິ​ກັນ (Asian American Justice Center) ທີ່​ນະ​ຄອນ​ຫລວງ​ວໍ​ຊິງ​
ຕັນ ດີ​ຊີ. ທ່ານ​ນາງ​ໄດ້​ໃຫ້ເຫດຜົນ​ໃນການມາ​ຮ່ວມ​ງານຄັ້ງ​ນີ້ ​ພ້ອມ​ກັບ​ເລົ່າ​ເຖິງເບື້ອງ​ຫລັງ
​ຄວາມ​ເປັນ​ມາ ຂອງ​ທ່ານ​ນາງ​ເອງວ່າ:

ອະດີດສະມາຊິກສະພາສູງລັດມິນນີໂຊຕາ ທ່ານນາງ Mee Mua (ສອງຈາກຂວາ) ກັບແຂກຄົນອື່ນໆໃນງານຫາລາຍໄດ້ໃຫ້ອົງການ MAG ຢູ່ Falls Church ລັດເວີຈີເນຍ, ເມື່ອວັນທີ 17 ມີນາ 2012.
ອະດີດສະມາຊິກສະພາສູງລັດມິນນີໂຊຕາ ທ່ານນາງ Mee Mua (ສອງຈາກຂວາ) ກັບແຂກຄົນອື່ນໆໃນງານຫາລາຍໄດ້ໃຫ້ອົງການ MAG ຢູ່ Falls Church ລັດເວີຈີເນຍ, ເມື່ອວັນທີ 17 ມີນາ 2012.

“ຂ້າພະ​ເຈົ້າ​ໄດ້​ຖືກ​ເຊື້ອ​ເຊີນໃຫ້
ມາຊ່ວຍ​ຫາ​ລາຍ​ໄດ້ໃຫ້ MAG ​
ເພື່ອ​ໃຫ້​ເຂົາ​ເຈົ້າ​ມີ​ເງິນທຶນສືບ​ຕໍ່​
ຊ່ວຍ​ເຫລືອໃນການ​ກໍາຈັດ​ລະ
​ເບີດ​ທີ່ຍັງ​ບໍ່​ທັນ​ແຕກ​ຢູ່​ທົ່ວ​ໂລກ ​
ໂດ​ຍສະ​ເພາະ​ຢ່າງ​ຍິ່ງຄວາມພະ
ຍາຍາມຂອງ​ເຂົາ​ເຈົ້າ ຢູ່​ໃນ​ລາວ. ​
ໃນ​ນາມ​ເປັນຜູ້ນຶ່ງ​ທີ່​ເກີດ​ຢູ່​ລາວ
ຂ້າພະ​ເຈົ້າ​ຍັງ​ມີ​ຍາດຕິ​ພີ່ນ້ອງ
ຫລາຍໆ​ຄົນ​ຢູ່​ເມືອງ​ລາວ. ຂ້າ
ພະ​ເຈົ້າ​ຄິດ​ວ່າ ມັນເປັນ​ໜ້າ​ທີ່​
ແລະ​ຄວາມ​ຮັບຜິດຊອບ​ທີ່​ຕ້ອງ​
ມາ​ໃນງານມື້​ແລງນີ້ ​ເພື່ອ​ຊ່ວຍສະໜັບສະໜຸນ ​ການ​ຫາ​ລາຍ​ໄດ້ນີ້. ຂ້າພະ​ເຈົ້າຍັງ​ບໍ່​ເຄີຍ​ກັບ​ໄປ
​ຢ້ຽມຢາມ​ເມືອ​ງລາວ ​ແຕ່​ກໍ​ຄິດ​ວ່າ ຈະ​ສາມາດ​ກັບ​ຄືນ​ໄປ​ຢາມ​ໄດ້ ​ໃນ​ອີກ 2-3 ​ປີ​ນີ້​ແຫລະ. ຂ້າ
ພະ​ເຈົ້າ​ເກີດ​ຢູ່​ເມືອງ​ນ້ອຍໆ​ໃນແຂວງ​ຊຽງ​ຂວາງ ຊຶ່ງ​ອາດ​ຈະ​ບໍ່​ມີຢູ່​ແລ້ວ​ເວລາ​ນີ້. ຄອບ​ຄົວ​ຂອງ​
ຂ້າພະ​ເຈົ້າໜີ​ອອກ​ຈາກເມຶ​ອງລາວ ​ໃນ​ປີ 1975. ພວກ​ເຮົາ​ໄດ້​ໄປ​ຢູ່​ສູນ​ອົບ​ພະ​ຍົບທີ່​ປະ​ເທດໄທ
ປະມານ​ສາມ​ປີ ​ແລະ​ໃນ​ປີ 1978 ພວກ​ເຮົາ​ໄດ້​ມາ​ເຖິງ ສະຫະ​ລັດ ອາ​ເມຣິກາ. ພວກ​ເຮົາ​ພາ
ກັນ​ຕັ້ງ​ຖິ່ນ​ຖານ​ລົງ​ຢູ່​ລັດ Rhode Island ​ແລະ​ຫລັງ​ຈາກ​ນັ້ນ ພໍ່​ແມ່ໄດ້​ຍ້າຍ​ມາ​ຢູ່​ລັດ
Wisconsin ​ແລະ​ຫລັງ​ຈາກ​ຮຽນ​ຈົບ​ອຸດົມ​ແລ້ວ ພວກ​ເຮົາ​ໄດ້​ຍ້າຍ​ໄປ​ຢູ່​ລັດ Minnesota.


ບາດ​ແລ້ວ ​ຂ້າພະ​ເຈົ້າ​ ໄປ​ຮຽນ​ໜັງ​ສື​ທີ່ມະຫາວິທະຍາ​ໄລຢູ່​ລັດ​ອື່ນ​ແລະ​ໄດ້​ກັບ​ຄືນ​ໄປ​ລັດ
Minnesota ​ເພື່ອເຂົ້າ​ໂຮງຮຽນ​ກົດໝາຍ. ຫລັງ​ຈາກຮຽນ​ຈົບ​ແລ້ວ ​ກໍ​ໄດ້​ເຮັດ​ວຽກ​ຢູ່​ໃນ​ຫ້ອງ
ການ​ທະນາຍຄວາມ​ ເປັນ​ເວລາ​ເກືອບ​ສາມ​ປີ. ​ພໍດີ​ມີ​ບ່ອນ​ນັ່ງຫວ່າງ​ລົງ ຢູ່ສະພາ​ສູງ​ຂອງ​ລັດ
​ມິນ​ນີ​ໂຊ​ຕາສໍາ​ລັບ​ເຂດ​ທີ່ຂ້າພະ​ເຈົ້າ​ຢູ່ອາ​ໃສ ​ຂ້າພະ​ເຈົ້າ​ກໍ​ເລີຍ​ລອງ​ສະມັກ​ເບິ່ງ ​ເພາະ​ຄິດ​ວ່າ
ເປັນ​ໂອກາດ​ອັນ​ດີ​ໃນ​ການ​ເຂົ້າພົວພັນ​ໃນ​ຂັ້ນ​ຕອນດ້ານ​ການ​ເມືອງ. ​ທຸກ​ຄົນ​ພາກັນແປກ​ໃຈ
ຮວມ​ທັງ​ຕົວ​ຂອງ​ຂ້າພະ​ເຈົ້າ​ເອງ ທີ່ຂ້າພະ​ເຈົ້າ​ໄດ້​ຮັບ​ໄຊຊະນະໃນການ​ເລືອກ​ຕັ້ງ​ປີ 2002 ນັ້ນ.
ຂ້າພະ​ເຈົ້າ​ໄດ້​ຮັບໃຊ້​ມາຈົນ​ເຖິງເດືອນພຶດສະພາ ​ປີ 2011. ຂ້າພະ​ເຈົ້າສາມາດ​ທີ່​ຈະສະໝັກ​
ເລືອກຕັ້ງໃໝ່​ໄດ້​ອີກ ແຕ່​ກໍໄດ້ຕັດ​ສີນໃຈ​ບໍ່​ສະມັກ ​ເພາະຂ້າ​ພະ​ເຈົ້າ​ຄິດ​ວ່າ ​ໂຕ​ເອງ​ມີ​ພັນທະ​ຕໍ່​
ຄອບ​ຄົວ ​ແລະ​ປະຊາ​ຄົມ ທີ່​ຈະ​ຕ້ອງຊອກສະ​ແຫວ​ງຫາ​ໂອກາດ​ອື່ນໆ ​ເພື່ອ​ຕາງໜ້າ​ປະຊາ​ຄົມ
ໃນ​ວຽກ​ງານ​ທີ່​ແຕກ​ຕ່າງໄປ. ຂ້າພະ​ເຈົ້າກໍ​ເລີຍຕັດ​ສີນ​ໃຈຍ້າຍ​ມາຢູ່​ວໍ​ຊິງ​ຕັນ ດີຊີ ຫວ່າງ​ໜໍ່ໆ​
ມາ​ນີ້ ​ໂດຍ​ໄດ້​ຖືກ​ມອບ​ໝາຍ​ໜ້າ​ທີ່​ອັນ​ມີ​ກຽດ​ໃຫ້​ເປັນ​ຜູ້​ອໍາ ນວຍ​ການ​ບໍລິຫານ​ຂອງອົງການ
ສິດທິ​ມະນຸດ​ແລະ​ສິດທິ​ພົນລະ​ເມືອງທີ່​ສໍາຄັນທີ່​ຊື່ວ່າ Asian American Justice Center
ຫລື ສູນ​ກາງ​ຍຸດ​ຕິ​ທໍາເອ​ເຊຍ-ອາ​ເມຣິກັນ ​ທີ່ເປັນ​ຜູ້ຕາງໜ້າບັນດາປະຊາຄົມ​ເອ​ເຊຍ-ອາເມຣິ
ກັນ. ຂ້າພະ​ເຈົ້າມີ​ຄວາມຕື່ນເຕັ້ນກັບ​ວຽກ​ໃໝ່ນີ້​ຫລາຍ ​ແລະດີ​ໃຈ​ນໍາໂອກາດ​ທີ່​ຈະ​ໄດ້​ເປັນ​ຜູ້
ຕາງໜ້າ ປະຊາ​ຄົມ​ເອ​ເຊຍ-ອາ​ເມຣິກັນ ທົ່ວ​ປະ​ເທດ ກ່ຽວ​ກັບ​ດ້ານ​ສິດທິ​ມະນຸດ ຢູ່​ໃນ​ນະ​
ຄອນ​ຫລວງວໍ​ຊິງ​ຕັນ ດີຊີ ນີ້.

ງານ​ຫາ​ລາຍ​ໄດ້​ສົມທົບ​ທຶນໃນ​ການ​ເກັບ​ກູ້​ລະ​ເບີດ​ທີ່​ບໍ່​ທັນ​ແຕກ​ຢູ່​ປະ​ເທດ​ລາວ​ໃນ​ຄືນນັ້ນ
ດໍາ​ເນິນ​ໄປຈົນ​ເຖິງທ່ຽງ​ຄືນ ທ່າມກາງບັນຍາກາດ​ແຫ່ງ ຄວາມມ່​ວນຊື່​ນລື້​ນ​ເລີງ​ ໄມຕີ​ຈິດ
ມິດຕະພາບ​ອັນ​ອັນ​ແຈ່ມ​ໃສ ແລະ ຄວາມ​ອິ່ມ​ອົກ​ອິ່ມ​ໃຈ​ຂອງ​ບັນດາ​ຜູ້​ທີ່​ໄປ​ຮ່ວມ ທີ່​ໄດ້ເຮັດ
ບຸ​ນ​ແລະຊ່ວຍ​ເຫລື​ອສະໜັບສະ​ໜຸນວຽກ​ງານ​ດ້ານ​ມະນຸດສະ​ທໍາຢູ່​ໃນ​ປະ​ເທດ​ລາວ ຊຶ່ງ​ເປັນ
ບ້ານ​ເກີດ​ເມືອງ​ນອນຂອງ​ຫລາຍໆ​ຄົນ ທີ່​ໄປ​ຮ່ວມ​ງານ​ນັ້ນ.

ວີດີໂອ Surviving the Peace ເປັນພາສາລາວ:

ເບິ່ງວີດີໂອ ກ່ຽວກັບຄໍາໃຫ້ການຕໍ່ລັດຖະສະພາສະຫະລັດຂອງ ຈັນນະພາ ຄໍາວົງສາ
ຜູ້ອໍານວຍການ ອົງການ Legacies of Wars ກ່ຽວກັບບັນຫາລະເບີດບໍ່ທັນແຕກ
ໃນລາວ, ເມື່ອວັນທີ 22 ເມສາ 2012:

XS
SM
MD
LG