ລິ້ງ ສຳຫລັບເຂົ້າຫາ

logo-print

ກາ​ນ​ປະ​ທ້ວງ​ ຕໍ່​ຕ້ານ​ລັດ​ຖະ​ບານ ຍັງ​ດຳ​ເນີນ​ຕໍ່​ໄປ​ໃນ​ປະ​ເທດ ອີ​ຣັກ


ຜູ້​ປະ​ທ້ວງ​ຕໍ່​ຕ້ານ​ລັດ​ຖະ​ບານ ຄວບ​ຄຸມ​ສິ່ງ​ກີດ​ກັ້ນ​ ທີ່​ຖືກ​ຕິດຕັ້ງ​ໂດຍກອງ​ກຳ​ລັງ​ຮັກ​ສາ​ຄວາມ​ປອດ​ໄພ ອີ​ຣັກ ເພື່ອ​ປິດ​ຂົວ​ທີ່​ນຳ​ໄປ​ສູ່​ເຂດ​ສີ​ຂຽນ ໃນ​ລະ​ຫວ່າງ​ການ​ປະ​ທ້ວງ, ນະ​ຄອນຫຼວງ ແບັກ​ແດດ, ອີ​ຣັກ. 1 ພະ​ຈິກ, 2019. (AP Photo/Khalid Mohammed)

ພວກ​ປະ​ທ້ວງ​ຕໍ່​ຕ້ານ​ລັດ​ຖະ​ບານ ໄດ້​ພາ​ກັນ​ປິດ​ຖະ​ໜົນ​ຫົນ​ທາງ​ຫຼາຍ​ສາຍ ແລະຫ້ອງ​ການຂອງລັດ​ຖະ​ບານ ໃນ​ນະ​ຄອນຫຼວງ​ແບັກ​ແດດ ຂອງ​ອີ​ຣັກ ເມື່ອ​ວັນ​ອາ​ທິດ​ວານນີ້ ຊຶ່ງ​ການ​ໂຮມ​ຊຸມ​ນຸມ​ປະ​ທ້ວງ​ທີ່ຮຽກ​ຮ້ອງ​ໃຫ້​ມີ​ການ​ປ່ຽນ​ແປງທາງ​ການ​ເມືອງ ​ທີ່​ແກ່​ຍາວ​ມານຶ່ງ​ເດືອນ ໄດ້ທະ​ວີ​ຄວາມ​ຮຸນ​ແຮງ​ຂຶ້ນ.

​ເມື່ອ​ສອງ​ສາມ​ວັນ​ຜ່ານມານີ້ ພວກ​ປະ​ທ້ວງຫຼາຍ​ສິບ​ພັນ​ຄົນ ໄດ້​ເຕົ້າ​ໂຮມ​ກັນ​ຢູ່​ທີ່​ຈະ​ຕຸ​ລັດ ຕາ​ຣີ​ຣ (Tahrir) ໃນ​ນະ​ຄອນຫຼວງ​ແບັກ​ແດດ ແລະຢູ່​ທົ່ວ​ພາກ​ໃຕ້​ຂອງ​ອີ​ຣັກ ​ໂດຍ​ເຮັດ​ໃຫ້​ຕະຫຼາດ​ຫຼາຍແຫ່ງ ໂຮງ​ຈັກ​ໂຮງ​ງານ ໂຮງ​ຮຽນ ແລະ​ມະ​ຫາ​ວິ​ທະ​ຍາ​ໄລ ​ທັງຫຼາຍຕ້ອງ​ປິດ​ລົງ ໃນ​ການ​ປະ​ທ້ວງ​ຕໍ່​ລະ​ບົບ​ການ​ເມືອງ​ທີ່​ໄດ້​ຖືກ​ຈັດ​ຕັ້ງ​ຂຶ້ນ ນັບ​ຕັ້ງ​ແຕ່​ປີ 2003 ຫຼັງ​ຈາກ​ການ​ບຸກ​ລຸກເຂົ້າ​ໃນ​ປະ​ເທດ ທີ່​ນຳ​ພາ​ໂດຍ​ສະ​ຫະ​ລັດ ຊຶ່ງ​ໄດ້ໂຄ່ນ​ລົ້ມ​ຈອມ​ຜະ​ເດັດ​ການ ຊັດດາມ ຮຸ​ສ​ເຊນ.

ນາ​ຍົກ​ລັດ​ຖະ​ມົນ​ຕີ ອາ​ແດ​ລ ອັບ​ດູ​ລ-ມາ​ດີ ໄດ້​ຮຽກ​ຮ້ອງ​ໃຫ້​ສະ​ຖານ​ທີ່​ແຫ່ງ​ຕ່າງໆ​ທີ່​ປິດ​ລົງ ໃຫ້​ເປີດ​ຄືນ​ໃໝ່ ໂດຍ​ໃຫ້​ເຫດ​ຜົນ​ວ່າ ເປັນ​ໄພ​ຂົ່ມ​ຂູ່​ຕໍ່​ບໍ່​ນ້ຳ​ມັນ ແລະ​ການ​ປິດ​ຫົນ​ທາງ ໄດ້​ສ້າງ​ຄວາມ​ເສຍ​ຫາຍ​ຕໍ່​ອີ​ຣັກ “ຫຼາຍ​ລ້ານ” ​ໂດ​ລາ ແລະ​ສົ່ງ​ຜົນ​ໃຫ້​ລາ​ຄາ​ເຄື່ອງ​ບໍ​ລິ​ໂພກໃນ​ປະ​ເທດ​ສູງ​ຂຶ້ນ.

ຜູ້​ນຳ​ຂອງ​ອີ​ຣັກ ໄດ້​ກ່າວ​ວ່າ “ມັນ​ເຖິງ​ເວ​ລາແລ້ວ ທີ່​ຊີ​ວິດ​ການ​ເປັນ​ຢູ່ ​ຄວນ​ກັບ​ຄືນ​ສູ່​ປົກ​ກະ​ຕິ.”

ພວກ​ນັກ​ສຶກ​ສາຫຼາຍ​ພັນ​ຄົນ ໄດ້​ພາ​ກັນ​ບໍ່​ໄປ​ຮ່ຳ​ຮຽນ ເພື່ອ​ເຂົ້າ​ຮ່ວມ​ໃນ​ການ​ປະ​ທ້ວງ ພວກ​ເຂົາ​ຖິ້ມ​ໂທດ​ໃສ່​ບັນ​ດາ​ຜູ້​ນຳ​ຂອງ​ປະ​ເທດ ສຳ​ລັບ​ການ​ສໍ້​ລາດ​ບັງຫຼວງ​ທີ່​ມີ​ຢ່າງ​ແຜ່​ຫຼາຍ ການ​ຫວ່າງ​ງານ​ທີ່​ສູງ​ຂຶ້ນ ແລະບໍ​ລິ​ການ​ດ້ານ​ສາ​ທາ​ລະ​ນະ​ທີ່​ຂີ້​ຮ້າຍ. ​ບັນ​ດາ​ກຸ່ມ​ຄະ​ນະເຊັ່ນ ນັກວິ​ສະ​ວະ​ກອນ ​ທ່ານ​ໝໍ ແລະ​ທະ​ນາຍ​ຄວາມ​ທັງຫຼາຍ ກໍ​ໄດ້ໃຫ້ການສະ​ໜັບ​ສະ​ໜຸນ ​ຕໍ່ການ​ປະ​ທ້ວງ​ດັ່ງ​ກ່າວ.

ພວກ​ປະ​ທ້ວງ​ໃນ​ວັນ​ອາ​ທິດ​ວານນີ້ ໄດ້​ພາ​ກັນ​ກີດກັ້ນ​ທະ​ໜົນ​ຫົນ​ທາງຫຼາຍ​ສາຍ ໃນ​ບໍ​ລິ​ເວນ​ອ້ອມ​ແອ້ມ​ສະ​ຖານ​ທີ່​ປະ​ທ້ວງ​ທີ່​ສຳ​ຄັນ ດ້ວຍ​ການ​ຈູດ​ຢາງ​ລົດ ແລະ​ໃຊ້ລວດ​ໜາມ​ໝາກ​ຈັບ. ຢູ່​ບ່ອນ​ກີດກັ້ນ​ທາງແຫ່ງ​ນຶ່ງ ພວກ​ປະ​ທ້ວງ​ໄດ້​ກາງປ້າຍ​ໂຄ​ສະ​ນາ ທີ່​ກ່າວ​ວ່າ “ທາງ​ປິດ​ຍ້ອນ​ຄຳ​ສັ່ງ​ຂອງ​ປະ​ຊາ​ຊົນ.”

ນັບ​ຕັ້ງ​ແຕ່​ຕົ້ນ​ເດືອນ​ຕຸ​ລາ ກຳ​ລັງ​ຮັກ​ສາ​ຄວາມ​ສະ​ຫງົບ ໄດ້​ຍິງ​ແກັ​ສ​ນ້ຳ​ຕາລະ​ດັບ​ຂອງ​ທະ​ຫານ ລູກ​ປືນ​ຢາງ ແລະ​ລູກ​ປືນ​ແທ້ ເຂົ້າ​ໃສ່​ພວກ​ປະ​ທ້ວງ ແລະ​ໄດ້​ສັງ​ຫານ​ປະ​ຊາ​ຊົນ​ຢ່າງ​ໜ້ອຍ 256 ຄົນ. ຫຼັງ​ຈາກທີ່​ໄດ້​ຢຸດ​ເຊົາ​ລົງ​ໄລ​ຍະ​ບໍ່​ດົນ ​ການ​ປະ​ທ້ວງ​ກໍ​ໄດ້​ເລີ້ມ​ຂຶ້ນ​ອີກ ໃນ​ວັນ​ທີ 25 ຕຸ​ລາ ໂດຍ​ມີ​ການ​ປະ​ທະ​ກັນ​ຢູ່​ເລື້ອຍໆ ເທິງ​ຂົວ​ສອງ​ແຫ່ງ ທີ່​ນຳໄປ​ສູ່​ເຂດ​ສີ​ຂຽວ ​ທີ່​ມີ​ການ​ຄຸມ​ກັນ​ຢ່າງ​ໜາ​ແໜ້ນ ຊຶ່ງ​ເປັນ​ເຂດ​ສຳ​ນັກ​ງານຂອງ​ລັດ​ຖະ​ບານ​ ແລະເປັນ​ທີ່​ຕັ້ງ​ຂອງ​ບັນ​ດາ​ສະ​ຖານ​ທູດ​ຂອງ​ຕ່າງ​ປ​ະ​ເທດ.

ລັດ​ຖະ​ບານ​ອີ​ຣັກ ໄດ້​ສະ​ເໜີ​ການ​ປະ​ຕິ​ຮູບຫຼາຍ​ຮອບ​ຜ່ານ​ມາ ທີ່​ປະ​ກ​ອບ​ດ້ວຍ ການ​ສ້າງວຽກ​ເຮັດ​ງານ​ທຳຫຼາຍ​ຂຶ້ນ ແລະ ແຜນ​ການ​ສະ​ຫວັດ​ດີ​ການ​ສັງ​ຄົມ ພ້ອມ​ດ້ວຍ ການ​ເລືອກ​ຕັ້ງ​ກ່ອນ​ກຳ​ນົດ ເມື່ອໃດ​ທີ່​ກົດ​ໝາຍ​ວ່າ​ດ້ວຍ​ການ​ປ່ອນ​ບັດ​ອອກ​ສຽງ​ສະ​ບັບ​ໃໝ່ ໄດ້​ຖືກ​ຮັບ​ຮອງ​.

ແຕ່​ພວກ​ປະ​ທ້ວງ ກໍ​ຍັງ​ສືບ​ຕໍ່​ທ້າ​ທາຍ​ລັດ​ຖະ​ບານ.

ທ່ານ​ໂມ​ຮຳ​ມັດ ອາ​ລ-ອາ​ສ​ຊາ​ດີ ລັດ​ຖະ​ກອນ​ຜູ້​ທີ່​ເຂົ້າ​ຮ່ວມ​ໃນ​ການ​ປະ​ທ້ວງ​ຢູ່​ໃນ​ເມືອງ ນາ​ຊີ​ຣີ​ຢາ ທາງ​ພາກ​ໃຕ້​ຂອງ​ປະ​ເທດ ໄດ້​ກ່າວ​ຕໍ່ ອົງ​ການ​ຂ່າວຝ​ຣັ່ງ ຫຼື AFP ວ່າ “ພວກ​ເຮົາ​ໄດ້​ຕັດ​ສິນ​ໃຈ ທີ່​ຈະ​ຂັດ​ຂືນ​ຕໍ່​ຄຳ​ສັ່ງ​ຂອງ​ທາງ​ການ ຍ້ອນ​ວ່າ ພວກ​ເຮົາ​ພໍ​ແລ້ວ​ກັບ​ການຕົວະ​ຕົ້ມ ແລະ​ການ​ໃຫ້​ຄຳ​ໝັ້ນ​ສັນ​ຕໍ່​ອັນ​ທີ່​ເອີ້ນ​ວ່າ ການ​ປະ​ຕິ​ຮູບ​ຂອງ​ລັດ​ຖະ​ບານນັ້ນ.”


Anti-government protesters in Baghdad shut down roads and government offices in the Iraqi capital on Sunday, escalating a month-long string of rallies demanding political change.

Tens of thousands of demonstrators have gathered in recent days in Baghdad's Tahrir Square and across southern Iraq, shutting down markets, factories, schools and universities in protest of the political system in place since the 2003 U.S.-led invasion that toppled dictator Saddam Hussein.

Prime Minister Adel Abdul-Mahdi called for the shuttered places to be reopened, contending that the threat to oil facilities and closure of roads had cost Iraq "millions" of dollars and contributed to consumer price increases in the country.

"It's time for life to return to normal," the Iraqi leader said.

Thousands of students have skipped classes to join the protests, blaming the country's leaders for rampant corruption, high unemployment and poor public services. Syndicates of engineers, doctors and lawyers have all backed the protests.

The protesters on Sunday blocked roads around the main protest site with burning tires and barbed wire. At one roadblock, the demonstrators unfurled a banner saying, "Roads closed by order of the people."

Since early October, security forces have fired military-grade tear gas, rubber bullets and live ammunition at the protesters, killing at least 256 people. After a brief hiatus, the protests restarted again Oct. 25, with frequent clashes on two bridges leading to the heavily-fortified Green Zone, the headquarters of the government and home to several foreign embassies.

The government has proposed a string of reforms, including more jobs and social welfare plans, along with early elections once a new voting law is adopted.

But the protesters have continued to challenge the government.

"We decided on this campaign of civil disobedience because we have had it up to here with the government's lies and promises of so-called reform," Mohammad al-Assadi, a government employee on strike in the southern city of Nasiriyah, told Agence France Presse.

The protests are leaderless, without an organizational structure, and they are not unified.

However, they have drawn a wide swath of the population from across the country's sectarian and ethnic divides.
A move in Iraq's parliament to approve a bill to cancel privileges and bonuses for senior politicians, including the president, prime minister and Cabinet ministers, has done little to calm the marchers.

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ
XS
SM
MD
LG