ລິ້ງ ສຳຫລັບເຂົ້າຫາ

logo-print

ອັງໂກລາ ລົງຄະແນນສຽງ ໃນການເລືອກຕັ້ງ ຄັ້ງປະຫວັດສາດ


ຜູ້ລົງຄະແນນສຽງຄົນໜຶ່ງປ່ອນບັດທີ່ສະຖານີປ່ອນບັດເລືອກຕັ້ງໃນນະຄອນຫຼວງ ລູອານດາ, ອັງໂກລາ, 23 ສິງຫາ, 2017.

ປະຊາຊົນ ອັງໂກລາ ໄດ້ປ່ອນບັດເລືອກຕັ້ງໃນວັນພຸດທີ່ຜ່ານ ມາ ສຳລັບການເລືອກຕັ້ງ
ຄັ້ງທຳອິດໃນຮອບຫຼາຍທົດສະວັດ ທີ່ບໍ່ລວມຊື່ປະທານາທິບໍດີ Jose Eduardo dos
Santos ເຊິ່ງດຳລົງຕຳແໜ່ງມາ ເປັນເວລາດົນນານ. ພັກການເມືອງທີ່ກຳລັງປົກຄອງ
ປະເທດໄດ້ ຖືກຄາດໝາຍຢ່າງກວ້າງຂວາງວ່າ ຈະຍັງຄົງຮັກສາອຳນາດໄວ້ໄດ້ຄືເກົ່າ,
ແຕ່ຜູ້ລົງຄະແນນສຽງບາງຄົນ ໄດ້ສະແດງໃຫ້ເຫັນ ຢ່າງຈະແຈ້ງວ່າ ເຂົາເຈົ້າປ່ອນບັດ
ເລືອກຕັ້ງເພື່ອການປ່ຽນແປງ. ນັກຂ່າວວີໂອເອ Anita Powel ມີລາຍງານຈາກນະ
ຄອນຫຼວງ Luanda, ເຊິ່ງ ພຸດທະສອນ ຈະນຳລາຍລະອຽດມາສະເໜີທ່ານໃນອັນດັບ
ຕໍ່ໄປ.

ໃນວັນພຸດມື້ກ່ອນນີ້, ປະທານາທິບໍດີຂອງປະເທດ ອັງໂກລາ ທີ່ກຳລັງຈະອອກບຳນານ
ໄດ້ເຮັດສິ່ງທີ່ທ່ານບໍ່ເຄີຍໄດ້ເຮັດມາໃນຫຼາຍທົດສະວັດຄື ທ່ານໄດ້ລົງຄະແນນສຽງ
ເລືອກເອົາຄົນອື່ນ.

ຫຼັງຈາກ 9 ໂມງເຊົ້າຕາມເວລາໃນທ້ອງຖິ່ນ, ປະທານາທິບໍດີ Jose Eduardo dos
Santos, ໄດ້ເດີນທາງຜ່ານທາງເຂົ້າຂອງສະຖານທີ່ປ່ອນບັດຂອງນະຄອນຫຼວງ
Luanda ຢ່າງຊ້າໆໃນເວລາ 10 ໂມງ 45, ທີ່ໂຮງຮຽນກົດໝາຍ ເຊິ່ງຖືກຕັ້ງຊື່ຕາມ
ປະທານາທິບໍດີ ຄົນທຳ ອິດຂອງປະເທດ. ທ່ານ Dos Santos ໄດ້ເຂົ້າດຳລົງຕຳ
ແໜ່ງຫຼັງ ຈາກທ່ານ Agostinho Neto ໄດ້ເສຍຊີວິດໃນປີ 1979.

ຫຼັງຈາກທ່ານ Dos Santos ໄດ້ປ່ອນບັດແລ້ວ, ທ່ານ ແລະ ຜູ້ຕິດຕາມຂອງທ່າ ກໍໄດ້
ຍ່າງອອກໄປຢ່າງຊ້າໆ. ທ່ານບໍ່ໄດ້ເວົ້ານຳສື່ ມວນຊົນ, ແລະ ບໍ່ໄດ້ສົນໃຈ ກັບຄຳຖາມ
ຂອງນັກຂ່າວວີໂອເອ ກ່ຽວກັບ ວ່າທ່ານໄດ້ລົງຄະແນນສຽງໃຫ້ໃຜ. ແຕ່ກ່ອນໜ້ານີ້
ທ່ານ dos Santos ໄດ້ປະກາດຕົວເລືອກຂອງທ່ານອອກມາຢ່າງຈະແຈ້ງ.

ທ່ານໄດ້ກ່າວຕໍ່ຄົນຈຳນວນຫຼວງຫຼາຍ ໃນລະຫວ່າງການຊຸມນຸມກ່ອນ ການເລືອກຕັ້ງ
ກ່ຽວກັບ ພັກຂະບວນການປົດປ່ອຍປະຊາຊົນ ອັງໂກ ລາ ຫຼື MPLA ທີ່ກຳລັງປົກຄອງ
ປະເທດວ່າ “ຂ້າພະເຈົ້າມາທີ່ນີ້ ເພື່ອ ສະໜັບສະໜູນຜູ້ລົງແຂ່ງຂັນຂອງພວກເຮົາ."

ຜູ້ທີ່ຖືກເລືອກໃຫ້ສືບທອດຕຳແໜ່ງແທນທ່ານ, ເຊິ່ງແມ່ນລັດຖະມົນຕີ ປ້ອງກັນປະເທດ
ທ່ານ Joao Lourenco ນັ້ນ ເບິ່ງຄືວ່າ ຈະໄດ້ຊະນະ ໃນການເລືອກຕັ້ງ. ພັກ MPLA
ໄດ້ຖືກທຳນາຍວ່າ ຈະຊະນະໃນການ ເລືອກຕັ້ງສະພານິຕິບັນຍັດ, ຜູ້ລົງແຂ່ງຂັນຕຳ
ແໜ່ງສູງສຸດຂອງເຂົາເຈົ້າ, ທ່ານ Lourenco, ຕໍ່ໄປ ຈະໄດ້ກາຍເປັນປະທານາທິບໍດີ.

ປະທານາທິບໍດີຄົນຕໍ່ໄປ ຈະສືບທອດຕຳແໜ່ງໃນປະເທດທີ່ອາໄສ ນໍ້າມັນ ແລະ ການ
ນໍາເຂົ້າ ສິນຄ້າຕ່າງໆ, ແລະ ມີບັນຫາການຫວ່າງ ງານ ແລະ ອັດຕາເງິນເຟີ້ສູງ ເຊິ່ງ
ຮ້າຍແຮງຫຼາຍຈົນອັດຕາແລກປ່ຽນ ເງິນຕາໃນຕະຫຼາດມືດ ມີລະດັບສອງເທົ່າຂອງ
ອັດຕາທາງການ.

ທ່ານ Dos Santos ໄດ້ກ່າວຫາການສໍ້ລາດບັງຫຼວງ ທີ່ປາກົດໃຫ້ເຫັນ ກະຈ່າງແຈ້ງ
ຢ່າງຊໍ້າແລ້ວຊໍ້າອີກ, ແລະ ລູກຂອງທ່ານກໍໄດ້ດຳເນີນ ວິສາຫະກິດຂອງລັດຖະບານ
ທີ່ມີອຳນາດຢ່າງຫຼວງຫຼາຍ. ໃນເວລາດຽວກັນ, ປະຊາຊົນ ອັງໂກລາ ສ່ວນໃຫຍ່ແມ່ນ
ດຳລົງຊີວິດຢູ່ດ້ວຍຄວາມທຸກຍາກ ແລະ ບໍ່ມີການບໍລິການຂັ້ນພື້ນຖານ.

ຄວາມບໍ່ພໍໃຈ ກ່ຽວກັບ ຄວາມບໍ່ຍຸຕິທຳນີ້ ໄດ້ຜັກດັນໃຫ້ປະຊາຊົນ ອັງໂກລາ ຕ້ອງ
ອອກດຳເນີນການ, ລວມທັງ ນາງ Esperanca Francisco Domingos.

ນາງ Domingos ກ່າວວ່າ “ມື້ນີ້ແມ່ນມື້ທຳອິດທີ່ຂ້າພະເຈົ້າໄດ້ລົງຄະ ແນນສຽງ ເພາະ
ວ່າ ຂ້າພະເຈົ້າບໍ່ເຄີຍມີຄວາມສົນໃຈໃນການລົງຄະ ແນນສຽງ ແລະ ຂ້າພະເຈົ້າກໍບໍ່
ເຄີຍຮູ້ຄຸນຄ່າຂອງການລົງຄະແນນສຽງ ມາກ່ອນ. ແລະ ມື້ນີ້, ຂ້າພະເຈົ້າໄດ້ມາປ່ອນ
ບັດເພື່ອການປ່ຽນແປງ. ຂ້າພະເຈົ້າໄດ້ລົງຄະແນນສຽງເພື່ອການປ່ຽນແປງຍ້ອນທຸກ
ຄົນ ເວົ້າວ່າ ພວກເຮົາຕ້ອງລົງຄະແນນສຽງເພື່ອການປ່ຽນແປງ, ພວກເຮົາ ປ່ອນບັດ
ເພື່ອການປ່ຽນແປງ. ລາວໄດ້ກ່າວເພີ່ມເຕີມວ່າ ແລະ ຖ້າເບິ່ງ, ໃນຂະນະທີ່ເວລາຜ່ານ
ໄປ ຊີວິດຂອງພວກເຮົາຈະປ່ຽນແປງ ຫຼືບໍ່. ເພາະວ່າພວກເຮົາບໍ່ໄດ້ເຫັນການປ່ຽນແປງ
ໃດໆ ແລະ ພວກເຮົາກໍທຸກຍາກລຳບາກຫຼາຍ.”

ຄົນອື່ນໆ, ຄືນາງ Maria Boaventura ອາຍຸ 62 ປີ, ລາວມີຄວາມ ຮູ້ສຶກໃນແງ່ບວກ
ຫຼາຍຂຶ້ນ ໃນເວລາທີ່ລາວໄດ້ປ່ອນບັດ.

ນາງ Maria Boaventura ກ່າວວ່າ “ຂ້ອຍຄິດວ່າ ມັນມີຄວາມຫວັງ ຫຼາຍຂຶ້ນກວ່າເກົ່າ,
ເບິ່ງຄືວ່າ ມັນຈະມີຄວາມໂປ່ງໃສຫຼາຍກວ່າເກົ່າ.”

ບັນດາຜູ້ລົງຄະແນນສຽງກ່າວວ່າ ພວກເຮົາກໍໄດ້ພະຍາຍາມຫາຈຸດສິ້ນ ສຸດ ຂອງການ
ສໍ້ລາດບັງຫຼວງທີ່ເຫັນວ່າມີລະດັບສູງນັ້ນ. ທ່ານ Adolfo Macuanga ອາຍຸ 65 ປີ ໄດ້
ກ່າວປະນາມ ການໃຊ້ຊີວິດທີ່ຟຸມເຟືອຍ ຂອງຄອບຄົວທ່ານ dos Santos.

ທ່ານ Macuanga ເວົ້າວ່າ “ລູກຊາຍຂອງທ່ານ dos Santos ໄດ້ ຊື້ໂມງໜ່ວຍລະ
5,000 ໂດລາໃນນະຄອນຫຼວງ ລອນດອນ ປະເທດ ອັງກິດ. ແລະ ພວກເຮົາຜູ້ທີ່ໄດ້ຕໍ່
ສູ້ເພື່ອປະເທດຂອງເຮົານັ້ນ, ພວກ ເຮົາໄດ້ຫຍັງແດ່? ບໍ່ໄດ້ຫຍັງເລີຍ.”

ພັກການເມືອງ 6 ພັກ ໄດ້ປຶກສາຫາລືກັນຢ່າງລະອຽດອ່ອນ, ດ້ວຍທ່ານ Lourenco
ໄດ້ສັນຍາວ່າ ຈະເຮັດໃຫ້ເສດຖະກິດມີຄວາມຫຼາກຫຼາຍ, ແລະ ພັກຝ່າຍຄ້ານ UNITA
ທີ່ມີຄວາມສຳຄັນ ໄດ້ສັນຍາວ່າ ຈະປາບປາມການສໍ້ລາດບັງຫຼວງ ແລະ ຕ້ອນຮັບການ
ລົງທຶນຈາກຕ່າງປະເທດ.

ແນວໃດກໍຕາມ, ສຳລັບປະຊາຊົນ ອັງໂກລາ ແລ້ວ, ການເລືອກຕັ້ງ ໃນຄັ້ງນີ້ ກໍຈະເປັນ
ໂອກາດໃໝ່ ທີ່ຈະເຮັດໃນສິ່ງທີ່ທ່ານປະທານາທິບໍ ດີ ໄດ້ເຮັດຄື ລົງຄະແນນສຽງໃຫ້ຜູ້
ໃໝ່.

ທ່ານ Joao Malungo ອາຍຸ 55 ປີກ່າວວ່າ “ມັນແມ່ນການເລືອກຕັ້ງ ທີ່ມີຄວາມທະເຍີ
ທະຍານສູງ, ແລະລາວໄດ້ກ່າວເພີ່ມເຕີມວ່າ ລາວຮູ້ ສຶກເປັນກຽດທີ່ໄດ້ລົງຄະແນນສຽງ
ໃນປະເທດຂອງລາວ."

ບັນດາເຈົ້າໜ້າທີ່ໄດ້ກ່າວວ່າ ຜົນຄະແນນສຽງແມ່ນຄາດວ່າ ຈະຖືກປະກາດໃຫ້ຊາບ
ໃນມື້ຕໍ່ໄປ ຫຼັງຈາກການເລືອກຕັ້ງ.

ອ່ານລາຍງານນີ້ຕື່ມເປັນພາສາອັງກິດ

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ
XS
SM
MD
LG