ລິ້ງ ສຳຫລັບເຂົ້າຫາ

ວັນເສົາ, ໒໕ ພຶດສະພາ ໒໐໒໔

ໃນການປ່ຽນ ການພົວພັນກັບອາຟຣິກາ ຄືນໃໝ່ນັ້ນ ຝຣັ່ງພົບຄວາມຫຍຸ້ງຍາກ ໃນການ ແຍກຕົວອອກຈາກອະດີດກັບທະວີບນັ້ນ


ປະທານາທິບໍດີ ເອມມານູແອລ ມາກຣົງ ຂອງຝຣັ່ງຍົກໂປ້ໃຫ້ ພາຍຫລັງສິ້ນສຸດການຢ້ຽມຢາມມູນນິທິ Nelson Mandela ໃນນະຄອນຫລວງ Johannesburg ຂອງອາຟຣິກາໃຕ້ໃນວັນທີ 29 ພຶດສະພາ, 2021
ປະທານາທິບໍດີ ເອມມານູແອລ ມາກຣົງ ຂອງຝຣັ່ງຍົກໂປ້ໃຫ້ ພາຍຫລັງສິ້ນສຸດການຢ້ຽມຢາມມູນນິທິ Nelson Mandela ໃນນະຄອນຫລວງ Johannesburg ຂອງອາຟຣິກາໃຕ້ໃນວັນທີ 29 ພຶດສະພາ, 2021

ພາຍຫລັງໄດ້ຮ່າງໄລຍະໃໝ່ຂອງການພົວພັນລະຫວ່າງຝຣັ່ງກັບອາຟຣິກາແລ້ວ, ໂດຍການຮຽກຮ້ອງໃຫ້ມີການສະໜັບສະໜູນດ້ານເສດຖະກິດຢ່າງໃຫຍ່ຫຼວງ ແກ່ ທະວີບອາຟຣິກກາ ແລະການຢ້ຽມຢາມປະເທດຣວັນດາ ແລະອາຟຣິກາໃຕ້ ໃນອາທິດແລ້ວນີ້ແລ້ວ ປະທານາທິບໍດີ ເອມມານູແອລ ມາກຣົງ (Emmanuel Macron) ກໍໄດ້ກັບມາປະເທດເພື່ອປະເຊີນໜ້າກັບບັນຫາທີ່ຄຸ້ນເຄີຍແລະ ເປັນ ສ້ຽນໜາມ ຢູ່ໃນອະດີດອານານິຄົມຂອງຝຣັ່ງທັງຫລາຍ, ໂດຍໄດ້ເນັ້ນຢໍ້າເຖິງຄວາມທ້າທາຍ ຂອງການແຍກຕົວອອກຈາກອະດີດ.

ຢູ່ທາງໜ້າ ແລະໃຈກາງແມ່ນມາລີ, ທີ່ຖືກປະທະໂດຍການກໍ່ລັດຖະປະຫານຄັ້ງທີ 5 ແລ້ວ ນັບຕັ້ງແຕ່ໄດ້ຮັບເອກະລາດຈາກປາຣີ ໃນປີ 1960 ເປັນຕົ້ນມາ - ແລະເປັນຄັ້ງທີສອງໃນເວລາບໍ່ຮອດນຶ່ງປີ. ຢູ່ທາງທິດຕາເວັນອອກນັ້ນ, ປະເທດ ຊາດ (Chad) ຍັງບໍ່ສະຫງົບ ຍ້ອນການປ່ຽນແປງທາງດ້ານການເມືອງທີ່ມີການຖົກຖຽງກັນ, ທີ່ມີຂຶ້ນຫລັງການເສຍຊີວິດໃນເດືອນເມສາຂອງຜູ້ນຳທີ່ກໍາຕໍາແໜ່ງ ມາດົນນານ, ທ່ານ ອິດຣິສ ເດບີ (Idriss Deby). ທັງສອງປະເທດ ແມ່ນພັນ ທະມິດທີ່ສຳຄັນໃນການປະຕິບັດງານຕ້ານການກໍ່ການຮ້າຍຂອງຝຣັ່ງ ໃນເຂດແບ່ງກາງ ລະຫວ່າງເຂດທະເລຊາຍຊາຮາຣາ ກັບເຂດທີ່ບໍ່ແມ່ນທະເລຊາຍ ຫລື ຊາແຮລ (Sahel).

ໄປທາງໃຕ້ໆນັ້ນ, ປາຣີຢ້ານການມີອິດທິພົນທີ່ນັບມື້ນັບເພີ່ມຂຶ້ນ ຂອງຣັດເຊຍຢູ່ໃນສາທາລະນະລັດອາຟຣິກາກາງ - ຊຶ່ງຢູ່ໃນບັນດາອຳນາດຂອງຕ່າງປະເທດທີ່ ໃໝ່ກວ່າເກົ່າ - ລວມທັງບົດບາດທີ່ຖືກກ່າວຫາຂອງມົສກູໃນການກະຕຸ້ນໃຫ້ມີຄວາມຮູ້ສຶກຕ້ານກັບຝຣັ່ງ.

ນັກວິເຄາະບາງຄົນເວົ້າວ່າ, ຖ້າເອົາມາລວມເຂົ້າກັນແລ້ວສະພາບການປ່ຽນໄປເຫຼົ່ານີ້, ບວກກັບອະດີດທີ່ຕົກຄ້າງຂອງຝຣັ່ງໃນອາຟຣິກາ - ແລະໃນບາງກໍລະ ນີ, ການກະທຳຂອງມາກຣົງເອງ - ມັນອາດຈະເຮັດໃຫ້ເປັນການຍາກຂຶ້ນທີ່ຈະປະຕິບັດຕາມຄຳໝັ້ນສັນຍາຂອງທ່ານ ວ່າຈະເຮັດໃຫ້ມີການປ່ຽນແປງ.

ທ່ານ ອັງຕວນ ກລາສເຊີ (Antoine Glaser) ຜູ້ຊ່ຽວຊານດ້ານອາຟຣິກາກ່າວ ຕໍ່ສະຖານີໂທລະພາບ TV5 Monde ຂອງຝຣັ່ງວ່າ "ທ່ານເອມມານູແອລ ມາ-ກຣົງ ແມ່ນຖືກຕິດຢູ່ກັບສະພາບທີ່ຂັດແຍ້ງກັນ."

“ທ່ານຢາກອອກໄປຈາກສະພາບທີ່ຕິດພັນກັນລະຫວ່າງຝຣັ່ງກັບອາຟຣິກາ ໂດຍ ການຫັນໄປຫາປະເທດທີ່ໃຊ້ພາສາຝຣັ່ງ ເຊັນ ຣວັນດາ ແລະອາຟຣິກາໃຕ້,” ນັ້ນຄືຄໍາເວົ້າຂອງທ່ານໂດຍອ້າງອີງໃສ່ໂຍງໃຍທີ່ສັບສົນຫຍຸ້ງຍາກທາງດ້ານທຸລະກິດແລະຜົນປະໂຫຍດດ້ານການເມືອງກັບບັນດາອານານິຄົມເກົ່າຂອງຝຣັ່ງ, ແຕ່ວ່າ ທ່ານກໍໄດ້ຈົມລົງໄປຢູ່ກັບບັນດາປະເທດທີ່ໃຊ້ພາສາຝຣັ່ງ.”

ບໍ່ສະນັ້ນແລ້ວ, ທ່ານມາກຣົງກ່າວ ໃນຂະນະທີ່ທ່ານຊອກຫາວິທີໃໝ່ໆ ແລະສະ ຖານທີ່ໃໝ່ໆ ເພື່ອໃຊ້ອິດທິພົນຂອງຝຣັ່ງຢູ່ໃນທະວີບດັ່ງກ່າວ. ຢູ່ໃນກອງປະຊຸມສຸດຍອດເດືອນພຶດສະພາຜ່ານມາ ທີ່ປາຣີນັ້ນ, ທ່ານໄດ້ຮຽກຮ້ອງໃຫ້ ບັນດາປະ ເທດຮັ່ງມີມາລົງທຶນຢ່າງໃຫຍ່ໃນການຟື້ນຕົວທາງເສດຖະກິດໃນອາຟຣິກາ ຈາກການລະບາດຂອງພະຍາດໂຄວິດ-19 ແລະໄດ້ເວົ້າຢໍ້າຄໍາຮຽກຮ້ອງຂອງວໍຊິງຕັນຄືນໃຫ້ຍົກເລີກສິດທິບັດສຳລັບການເຮັດຢາວັກຊິນໂຄວິດ-19 ນັ້ນ. ໂຄວິດ-19 ແມ່ນພະຍາດທີ່ເກີດຈາກໄວຣັສໂຄໂຣນາ.

ອ່ານຂ່າວນີ້ເພີ້ມເປັນພາສາອັງກິດ

XS
SM
MD
LG