ລິ້ງ ສຳຫລັບເຂົ້າຫາ

logo-print

ທ່າມກາງການລະບາດ ຂອງໄວຮັສໂຄໂຣນາ ພວກຄົນງານຕ່າງດ້າວ ຢູ່ໄທ ໄດ້ສູ້ຊົນເພື່ອໃຫ້ມີຄຸນສົມບັດ ໃນການໄດ້ຮັບການຊ່ອຍເຫຼືອ


ເຊີນຊົມວີດີໂອ ລາຍງານກ່ຽວກັບເລື້ອງນີ້ ເປັນພາສາອັງກິດ

ໃນຄວາມພະຍາຍາມທີ່ຈະຊ່ອຍເຫຼືອພວກທີ່ຫວ່າງງານ ໃນລະຫວ່າງທີ່ພະຍາດໂຄວິດ-19 ກຳລັງແຜ່ລະບາດຢູ່ນັ້ນ ລັດຖະບານໄທ ໄດ້ນຳສະເໜີໃຫ້ການຊ່ອຍເຫຼືອດ້ານສະຫວັດດີການສັງຄົມ. ຫາກແຕ່ຕ້ອງມີຄຸນສົມບັດພຽບພ້ອມ ທີ່ຈະໄດ້ຮັບການຊ່ອຍເຫຼືອ ດ້ວຍເຫດນີ້ຈຶ່ງໄດ້ເຮັດໃຫ້ພວກທີ່ຕ້ອງການຄວາມຊ່ອຍເຫຼືອຫຼາຍທີ່ສຸດນັ້ນ ຖືກຍົກເວັ້ນ ລວມທັງພວກແຮງງານຕ່າງດ້າວຫຼາຍລ້ານຄົນ ຊຶ່ງຕ້ອງມີບັນຊີທະນາຄານໄທ ແລະຕ້ອງປະກອບສ່ວນ ຢ່າງໜ້ອຍໃນໄລຍະ 6 ເດືອນ ຈຶ່ງຈະມີສິດໄດ້ຮັບການຊົດເຊີຍ. ສະຕີບວ໌ ແຊນຟອດ ລົມກັບພວກຄົນງານຫຼາຍຄົນໃນລາຍງານເລື້ອງນີ້ຈາກຈັງຫວັດຊຽງໃໝ່ຂອງໄທ ຊຶ່ງໄຊຈະເລີນສຸກ ຈະນຳລາຍລະອຽດ ມາສະເໜີທ່ານ ໃນອັນດັບຕໍ່ໄປ.

ຢູ່ທີ່ພາກເໜືອຂອງໄທແຫ່ງນີ້ ກໍມີຮ່ອງຮອຍ ຂອງການຟື້ນຕົວຄືນ ຫຼັງການລະບາດຂອງພະຍາດໂຄວິດ ໃນຂະນະທີ່ເສດຖະກິດກຳລັງຈະເຄື່ອນໄປໜ້າຢ່າງຊ້າໆ. ແຕ່ວຽກງານສຳລັບພວກແຮງງານຕ່າງດ້າວ ກໍຍັງຄົງມີຢູ່ເຊັ່ນເດີມ ຢ່າງໜ້ອຍໃນເວລານີ້.

ສຳລັບພວກຄົນຫວ່າງງານຊາວຕ່າງປະເທດ ເຊັ່ນ ນາງ ມາ ວິນ ຜູ້ເປັນແມ່ລ້ຽງລູກຕາມລຳພັງ ເງິນຄ່າສະຫວັດດີການສັງຄົມຂອງລັດຖະບານ ເປັນເລື້ອງທີ່ຍິນດີສຳລັບເງິນສົງເຄາະໃນເດືອນນີ້ ແຕ່ມັນໄດ້ແກ່ຍາວມາດົນເກີນໄປແລ້ວ ແລະຄິດສະເລ່ຍແລ້ວ ປະມານ 20 ເປີເຊັນຕ່ຳກວ່າຄູ່ຮ່ວມງານຂອງນາງ ທີ່ເປັນຄົນໄທ.

ແມ່ທີ່ມີລູກ 2 ຄົນຜູ້ນີ້ ໄດ້ຮັບເງິນເດືອນເຄິ່ງນຶ່ງ ຫຼັງຈາກໄດ້ເຮັດວຽກມາໄດ້ 14 ປີ ໃນສູນເບິ່ງແຍງຊ້າງ ແລະຈ່າຍພາສີຕະຫຼອດມາ ດຽວນີ້ກຳລັງປະເຊີນກັບໜີ້ສິນຫຼາຍຂຶ້ນນັບມື້ ແລະເອກະສານເຮັດວຽກກໍໄດ້ໝົດອາຍຸແລ້ວ.

ນາງ ມາ ວິນ ແຮງງານຕ່າງດ້າວ ຊາວກະຫລ່ຽງມຽນມາ ເວົ້າວ່າ “ຫຼັງຈາກທີ່ຂ້ອຍໄດ້ກູ້ຢືມເງິນ ເພື່ອຕໍ່ວີຊາຂອງຂ້ອຍ ບໍ່ດົນຕໍ່ຈາກນັ້ນມາ ວຽກຂອງຂ້ອຍກໍໄດ້ປິດລົງ. ດຽວນີ້ ຂ້ອຍບໍ່ສາມາດຈ່າຍເງິນຄືນໃຫ້ແກ່ນາຍຈ້າງຂອງຂ້ອຍ ເພາະວ່າ ຂ້ອຍບໍ່ມີວຽກທີ່ຈະໄປເຮັດ ໃນເວລານີ້.”

ພວກຊາວມຽນມາລີ້ໄພຢູ່ຕ່າງປະເທດ ແລະອົງການທີ່ບໍ່ຂຶ້ນກັບລັດຖະບານ ໄດ້ປະກອບສ່ວນ ດ້ວຍການບໍລິຈາກ ໃນລະຫວ່າງເວລາສັບສົນຫຍຸ້ງຍາກນີ້ ໂດຍສະເພາະຢູ່ໃນເຂດຊົນນະບົດຕ່າງໆທີ່ບໍ່ຄ່ອຍໄດ້ຮັບຄວາມສົນໃຈຫຼາຍປານໃດ.

ແຕ່ບັນດາຜູ້ສັງເກດການຫຼາຍຄົນ ກ່າວວ່າ ຄັນມີຂໍ້ມູນຫຼາຍຂຶ້ນ ແລະຄວາມສັບສົນຫຍຸ້ງຍາກໜ້ອຍລົງ ຈາກທັງລັດຖະບານໄທ ແລະມຽນມາ ກໍຈະເປັນບາດກ້າວໄປໜ້າທີ່ດີ.

ທ່ານຈອນ ອາດີຣີກາ ຈາກອົງການກຸສົນເມດຕາ ກ່າວວ່າ “ໃນຖານະເປັນແຮງງານຕ່າງດ້າວ ພວກເຂົາເຈົ້າບໍ່ສາມາດອ່ານພາສາໄທ ພວກເຂົາເຈົ້າບໍ່ສາມາດເວົ້າໄດ້ຢ່າງຖືກຕ້ອງ ສະນັ້ນແລ້ວໃນກໍລະນີນີ້ ຜູ້ປະສານງານຂອງພວກແຮງງານ ແລະສະຖານທູດ ຄວນສະໜອງນາຍພາສາໃຫ້ ໄປສູນອົບພະຍົບແຕ່ລະບ່ອນ ເພື່ອສະໜອງພວກນາຍພາສາ ແລະການແປພາສາ ເພື່ອວ່າ ຄົນງານຈະເຂົ້າໃຈໄດ້ດີຂຶ້ນ ລັດຖະບານຊ່ອຍພວກເຂົ້າເຈົ້າ ໃຫ້ໄດ້ຮັບເງິນສະຫວັດດີການສັງຄົມ ແລະການຊ່ອຍເຫຼືອດ້ານອື່ນໆ ທີ່ພວກເຂົາເຈົ້າຄວນໄດ້ຮັບ.”

ພວກຄົນງານຕ່າງດ້າວຫຼາຍຄົນ ໄດ້ຍື່ນຄຳຮ້ອງເມື່ອສອງສາມເດືອນຜ່ານມານີ້ ໂດຍກ່າວອ້າງເຖິງການປະຕິຕໍ່ພວກເຂົາ ຕ່ຳກວ່າມາດຕະຖານ ແລະຄ່າຈ້າງທີ່ບໍ່ເປັນທຳ ບົນພື້ນຖານສັນຊາດຂອງພວກເຂົາເຈົ້າ.

ແລະດຽວນີ້ ໃນຂະນະທີ່ ໃບອະນຸຍາດໃຫ້ເຮັດວຽກ ແລະສັນຍາຈ້າງທັງຫຼາຍ ກໍໄດ້ໝົດອາຍຸ ສຳລັບພວກຄົນງານຕ່າງດ້າວຫຼາຍຄົນ ດັ່ງນັ້ນ ພວກທຸລະກິດທັງຫຼາຍຈຶ່ງເປັນຫ່ວງວ່າ ຈະເກີດການຂາດເຂີນແຮງງານທີ່ໃກ້ຈະເກີດຂຶ້ນ ອັນຈະເປັນຜົນທີ່ບັນດານັກວິເຄາະ ກ່າວວ່າ ສາມາດຫລີກເວັ້ນໄດ້.

ທ່ານນາງ ສຸການ ຕາ ສຸກພັດຕາ ຢູ່ມູນນິທິການພັດທະນາສົ່ງເສີມສິດທິມະນຸດ ກ່າວເປັນພາສາໄທວ່າ “ປະເທດໄທ ຄວນອະນຸຍາດໃຫ້ພວກຄົນງານຕ່າງດ້າວ ຕໍ່ອາຍຸໃບອະນຸຍາດເຮັດວຽກຂອງພວກເຂົາເຈົ້າ ແລະເອກະສານຕ່າງໆ ໂດຍບໍ່ໃຫ້ກັບຄືນໄປມຽນມາ ເພື່ອຈະເຮັດບົດບັນທຶກຄວາມເຂົ້າໃຈໃໝ່ ຫຼື MOU. ຖ້າບໍ່ດັ່ງນັ້ນແລ້ວ ພວກເຂົາເຈົ້າຈະຕ້ອງໄດ້ໃຊ້ຈ່າຍເງິນຫລວງຫຼາຍ ໃນຂະນະດຽວກັນ ກໍບໍ່ສາມາດມີລາຍຮັບເຂົ້າມາ ໃນລະຫວ່າງວິກິດການດັ່ງກ່າວ.”

ໃນຂະນະທີ່ການຈຳກັດດ້ານການເດີນທາງ ຜ່ອນຄາຍລົງຢູ່ໃນຂົງເຂດ ພວກນັກເຄື່ອນໄຫວເພື່ອແຮງງານ ຫວັງວ່າ ລັດຖະບານ ຍັງຈະຫລຸດຜ່ອນກົດລະບຽບຕ່າງໆ ໃຫ້ແກ່ພວກຄົນງານຕ່າງດ້າວ ແລະຄອບຄົວຂອງພວກເຂົາເຈົ້າທີ່ອາໄສຢູ່ໃນໄທ.

ອ່ານຂ່າວນີ້ຕື່ມ ເປັນພາສາອັງກິດ

In an effort to help the unemployed during the onset of COVID 19, the Thai government introduced social security benefits. But the qualifications needed to receive the aid have excluded the most vulnerable - including millions of migrants. A Thai bank account and at least six months of contributions is required to be eligible for compensation. Steve Sandford talks to workers for this report from Chiang Mai, Thailand.

Here in Thailand's’ north, there are signs of post-COVID recovery as the economy slowly moves ahead. But work for migrants remains at a standstill - at least for now.

For unemployed foreign workers like single mom Ma Win, a government social security payment was a welcome benefit this month - but long overdue and about 20% less than her Thai co-workers.

The mother of two - who received a payment of half a months' wage after 14 years of working in an elephant camp and paying taxes - now faces mounting debt and expired work papers.

(Ma Win, Karreni Migrant (Female in Burmese)
“Right after I borrowed the money to extend my visa, then my job was shut down. Now I cannot pay back the money to my boss because I don’t have a job to go to right now.”

Myanmar exiles and NGOs have pitched in with donations during the tough times, especially in the rural areas that get less attention.

But many observers say more information and less complications by both the Thai and Myanmar governments would be a good step forward.

(Johny Adhirika, Metta Charity)
“As a migrant worker they cannot read Thai, they cannot speak properly so in that case the labor attache and the embassy should provide the translator to go to the different camps, to provide translators and translation so that the worker will understand better] the government assists to get their social benefits and other assistance they should get.”

Many migrant workers have filed claims in the last few months citing substandard treatment and unfair pay, based on their nationality.

And now, as work permits and temporary employment contracts expire for many migrants, businesses worry that a labor shortage is looming - an outcome that analysts say, can be avoided.

(Sukarn Ta Sukphata, Human Rights Development Foundation (Female in Thai))
“Thailand should allow migrants to renew their work permits and documents without returning to Myanmar to do a new MOU (memorandum of understanding). Otherwise they will have to spend a lot of money while unable to earn an income during the crisis.”

As travel restrictions ease in the region, labor advocates are hoping that the government will also loosen up regulations for migrant workers and their families living in Thailand.

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG