ໄວລຸ້ນຊາວອອສເຕຣເລຍຄົນນຶ່ງເສຍຊີວິດ ລຸນຫຼັງດື່ມເຫຼົ້າທີ່ປົນເປື້ອນຢູ່ເມືອງ ວັງວຽງ, ສ.ປ.ປ ລາວ, ໃນສິ່ງທີ່ນາຍົກລັດຖະມົນຕີອອສເຕຣເລຍກ່າວໃນວັນ ພະຫັດມື້ນີ້ວ່າ ເປັນຝັນຮ້າຍຂອງຜູ້ປົກຄອງ, ແລະກະຊວງການຕ່າງປະເທດ ສະຫະລັດ ອອກມາຢືນຢັນວ່າ ຊາວອາເມຣິກັນຄົນນຶ່ງ ກໍເສຍຊີວິດໃນງານລ້ຽງ ດຽວກັນນີ້. ເຮັດໃຫ້ມີຜູ້ເສຍຊີວິດລວມເປັນ 4 ຄົນ.
ນາຍົກລັດຖະມົນຕີອອສເຕຣເລຍ ທ່ານ ແອນໂທນີ ອາລບານີຊີ ກ່າວຕໍ່ລັດ ຖະສະພາວ່າ ນາງ ບີອັງກາ ໂຈນ (Bianca Jones) ອາຍຸ 19 ປີ ເສຍຊີວິດ ຫຼັງຈາກຖືກຍົກຍ້າຍອອກຈາກປະເທດລາວ ເພື່ອໄປປິ່ນປົວຢູ່ໂຮງໝໍແຫ່ງນຶ່ງ ຂອງໄທ. ເພື່ອນຂອງນາງທີ່ມີອາຍຸ 19 ປີກໍເຊັ່ນກັນ, ຍັງຄົງຮັກສາໂຕຢູ່ໂຮງ ໝໍໃນປະເທດໄທ.
ທ່ານ ອາລບານີຊີ ກ່າວວ່າ “ນີ້ແມ່ນຄວາມຢ້ານກົວທີ່ຮ້າຍແຮງທີ່ສຸດຂອງຜູ້ປົກ ຄອງທຸກຄົນ ແລະເປັນຝັນຮ້າຍທີ່ບໍ່ມີໃຜຄວນຈະສູ້ທົນໄດ້, ພວກເຮົາຍັງຂໍໃຊ້ ໂອກາດເວລານີ້ເພື່ອກ່າວວ່າ ພວກເຮົາຄິດເຫັນ ນາງ ໂຮລລີ ໂບລສ໌ (Holly Bowles) ເພື່ອນຂອງ ນາງ ບີອັງກາ ທີ່ກໍາລັງຕໍ່ສູ້ເພື່ອຊີວິດຂອງນາງເອງ.”
ທ່ານ ຊອນ ໂບລສ໌ (Shaun Bowles) ກ່າວຕໍ່ບັນດານັກຂ່າວຢູ່ນອກໂຮງໝໍ ບາງກອກໃນມື້ກ່ອນໜ້ານັ້ນວ່າ ລູກສາວຂອງລາວຢູ່ໃນສະພາບທີ່ໜັກໜ່ວງ ແລະຢູ່ພາຍໃຕ້ເຄື່ອງຊ່ວຍຊີວິດຢູ່.
ທ່ານ ກ່າວວ່າ “ພວກເຮົາມີແຕ່ຢາກກ່າວຂອບໃຈທຸກໆຄົນຈາກບ້ານ ສໍາລັບ ການສະຫນັບສະຫນູນທັງໝົດ ແລະຄວາມຮັກທີ່ພວກເຮົາໄດ້ຮັບ. ແຕ່ໃນປັດຈຸ ບັນ, ພວກເຮົາກໍຍັງຢາກໃຫ້ປະຊາຊົນໃຫ້ຄວາມເຄົາລົບເຊັ່ນກັນ, ພວກເຮົາພຽງ ແຕ່ຕ້ອງການຄວາມເປັນສ່ວນໂຕ ເພື່ອໃຫ້ພວກເຮົາສາມາດໃຊ້ເວລາຫຼາຍເທົ່າ ທີ່ພວກເຮົາສາມາດຈະມີໄດ້ກັບ ນາງ ໂຮລລີ.”
ໃນຖະແຫຼງການຕໍ່ໜັງສືພິມ Melbourne Herald Sun, ຄອບຄົວຂອງ ນາງ ບີອັງກາ ໂຈນ ກໍໄດ້ຮ້ອງຂໍຄວາມເປັນສ່ວນໂຕໃນຄວາມເສົ້າໂສກຂອງພວກ ເຂົາເຈົ້າເຊັ່ນກັນ.
ຄອບຄົວຂຽນວ່າ “ນາງຖືກອ້ອມຮອບໄປດ້ວຍຄວາມຮັກ, ແລະພວກເຮົາກໍໄດ້ ຮັບການປອບໃຈດ້ວຍຄວາມຮູ້ສຶກວ່າ ວິນຍານທີ່ໜ້າເຫຼືອເຊື່ອຂອງນາງ ໄດ້ສໍາຜັດກັບຊີວິດຜູ້ຄົນຢ່າງຫຼວງຫຼາຍໃນຊ່ວງເວລາທີ່ນາງຢູ່ກັບພວກເຮົາ.”
“ພວກເຮົາຕ້ອງການສະແດງຄວາມຂອບໃຈຂອງພວກເຮົາຢ່າງເລິກເຊິ່ງ ສໍາລັບ ການສະຫນັບສະຫນູນອັນລົ້ນເຫຼືອ, ຄວາມຮັກ, ແລະການອະທິຖານທີ່ພວກເຮົາ ໄດ້ຮັບຈາກທຸກຄົນທົ່ວ ອອສເຕຣເລຍ.”
ກະຊວງການຕ່າງປະເທດອອກຢືນຢັນຕໍ່ອົງການຂ່າວ AP ໃນຖະແຫຼງການທາງອີເມລວ່າ ນັກທ່ອງທ່ຽວຊາວອາເມຣິກາຄົນນຶ່ງກໍເສຍຊີວິດເຊັ່ນກັນ ແຕ່ກ່າວວ່າ ຕົນບໍ່ມີຄວາມເຫັນໃດໆເພີ້ມເຕີມເພື່ອສະແດງຄວາມເຄົາລົບຕໍ່ຄອບຄົວຂອງຜູ້ເສຍຊີວິດ.
ພວກເຂົາກ່າວວ່າ ບັນດາເຈົ້າໜ້າທີ່ທ້ອງຖິ່ນ ກໍາລັງດໍາເນີນການສືບສວນສອບສວນ ແລະກ່າວຕື່ມວ່າ ສະຫະລັດ ກຳລັງດໍາເນີນໃຫ້ການຊ່ວຍເຫຼືອດ້ານກົງສຸນຢູ່.
ອ່ານຂ່າວດ້ານລຸ່ມນີ້ເປັນພາສາອັງກິດ
VIENTIANE, Laos (AP) — An Australian teenager has died after drinking tainted alcohol in Vang Vieng, Laos, in what Australia's prime minister on Thursday called every parent's nightmare, and the U.S. State Department confirmed an American also died in the same party town, bringing the death toll to four.
Australian Prime Minister Anthony Albanese told Parliament that 19-year-old Bianca Jones had died after being evacuated from Laos for treatment in a Thai hospital. Her friend, also 19, remains hospitalized in Thailand.
“This is every parent’s very worst fear and a nightmare that no one should have to endure,” Albanese said. "We also take this moment to say that we’re thinking of Bianca’s friend Holly Bowles who is fighting for her life."
Shaun Bowles told reporters outside Bangkok Hospital the day before that his daughter was in critical condition and on life support.
“We just like to thank everyone from back home for all of the support and love that we’re receiving,” he said. “But we’d also like the people to appreciate right now, we just need privacy so we can spend as much time as we can with Holly.”
In a statement to the Melbourne Herald Sun newspaper, Jones' family asked for privacy in their grief.
“She was surrounded by love, and we are comforted by the knowledge that her incredible spirit touched so many lives during her time with us,” the family wrote.
“We want to express our deepest gratitude for the overwhelming support, love, and prayers we’ve received from across Australia.”
The State Department confirmed to The Associated Press in an emailed statement that an American tourist had also died but said it had no further comment out of respect to the family.
It said local authorities were investigating and that the U.S. was providing consular assistance.
ຟໍຣັມສະແດງຄວາມຄິດເຫັນ