ປະທານພັກທີ່ໄດ້ຮັບການແຕ່ງຕັ້ງໃໝ່ຂອງຫວຽດນາມ ມີກໍານົດຢ້ຽມຢາມ ຈີນ ໃນອາທິດໜ້າ

ຜູ້ນຳຂັ້ນສູງຂອງຫວຽດນາມ ທ່ານ ໂຕ ລໍາ (To Lam) ຈະໄປຢ້ຽມຢາມ ຈີນ ໃນອາທິດໜ້າ, ເຊິ່ງເປັນການຢ້ຽມຢາມຕ່າງປະເທດຄັ້ງທຳອິດຂອງທ່ານ ນັບຕັ້ງ ແຕ່ທ່ານໄດ້ຮັບການແຕ່ງຕັ້ງເປັນເລຂາທິການໃຫຍ່ພັກຄອມມູນິສຫວຽດນາມ ໃນຕົ້ນເດືອນສິງຫານີ້, ອີງຕາມການກ່າວຂອງເຈົ້າໜ້າທີ່ສາມຄົນທີ່ລຶ້ງເຄີຍກັບ ເລື່ອງນີ້ ຕໍ່ອົງການຂ່າວ Reuters.

ການ​ເຄື່ອນ​ໄຫວ​ດັ່ງກ່າວ ​ຈະເປັນການ​ຢືນຢັນ​ເຖິງ​ສາຍ​ພົວພັນ​ອັນ​ໃກ້​ຊິດ​ລະຫວ່າງ​ສອງ​ປະ​ເທດ​ບ້ານ​ໃກ້​ເຮືອນ​ຄຽງ​ພັກ​ຄອມ​ມູນິສ​, ເຊິ່ງ​ໄດ້ຮັບການ​ພັດທະນາ​ການພົວພັນເປັນຢ່າງ​ດີ​ໃນດ້ານ​ເສດຖະກິດ ແລະ​ການ​ຄ້າ ​ເຖິງ​ແມ່ນຈະ​ເກີດ​ການ​ປະ​ທະ​ກັນ​ເປັນ​ບາງ​ຄັ້ງ​ຄາວ​ຢູ່ຂົງ​ເຂດ​ທະ​ເລ​ຈີນ​ໃຕ້​ທີ່​ອຸດົມ​ໄປດ້ວຍ​ພະລັງງານ, ແລະ ​ເປັນ​ເສັ້ນທາງ​ການ​ຄ້າ​ທາງ​ນ້ຳ​ທີ່​ສຳຄັນ​ທີ່​ປັກ​ກິ່ງ​ອ້າງ​ເອົາເປັນຂອງຕົນ​ເກືອບ​ທັງ​ໝົດ ອັນໄດ້ສ້າງຄວາມບໍ່ພໍໃຈໃຫ້ຫຼາຍໆ​ປະ​ເທດຢູ່​ໃນ​ພາກ​ພື້ນກໍຕາມ.

ທ່ານ ລໍາ ​ຜູ້ເຊິ່ງເປັນທັງປະທານປະເທດ ຂອງ​ປະ​ເທດທີ່ຕັ້ງຢູ່ໃນເ​ອເຊຍ​ຕາ​ເວັນ​ອອກ​ສ່ຽງ​ໃຕ້ແຫ່ງນີ້, ມີ​ແຜນ​ຈະເດີນທາງ​ໄປ​ຮອດ​ຈີນ​ໃນ​ວັນ​ທີ 18 ສິງຫາ, ໂດຍທ່ານຈະທໍາການພົບປະກັບປະທານປະເທດຈີນ ທ່ານ ສີ ຈິ້ນຜິງ ແລະ ເຈົ້າໜ້າທີ່ຄົນອື່ນໆໃນຊ່ວງເວລາສອງມື້ຕໍ່ມາ, ອີງຕາມເຈົ້າ​ໜ້າ​ທີ່​ຫວຽດນາມ 2 ທ່ານ ​ແລະ ​ເຈົ້າ​ໜ້າ​ທີ່​ນະຄອນ ຮ່າ​ໂນ້ຍ ທີ່​ປະຕິ​ເສດ​ທີ່ຈະລະບຸຊື່ໂຕເອງ ເນື່ອງຈາກ​ການ​ເດີນທາງ​ດັ່ງກ່າວ​ຍັງບໍ່​ໄດ້​ຖືກ​ປະກາດ​ຢ່າງ​ເປັນ​ທາງ​ການ.

ກະ​ຊວງ​ການ​ຕ່າງ​ປະ​ເທດ ​ຈີນ ​ແລະ​ ຫວຽດ​ນາມ ​ບໍ່​ໄດ້​ຕອບ​ສະ​ໜອງໃດໆຕໍ່ການຮ້ອງຂໍ​ຄຳເຫັນ.

ໃນ​ຖາ​ນະ​ເປັນ​ປະ​ທານປະເທດນັບຕັ້ງ​ແຕ່​ເດືອນ ​ພຶດ​ສະ​ພາ ເປັນຕົ້ນມາ​, ທ່ານ ລໍາ ອາຍຸ 67 ປີ​, ໄດ້ເດີນທາງ​ໄປ​ຢ້ຽມ​ຢາມ ​ລາວ ​ແລະ ​ກໍາ​ປູ​ເຈຍ​, ເຊິ່ງສອດ​ຄ່ອງ​ກັບ​ບັນ​ດາ​ຜູ້ນໍາລຸ້ນ​ກ່ອນ​. ນອກນັ້ນ, ທ່ານ​ຍັງ​ໄດ້​ພົບ​ປະ​ກັບ​ປະທານາທິບໍດີ​ລັດ​ເຊຍ ທ່ານ ວະລາດີເມຍ ປູຕິນ ທີ່​ໄດ້ເດີນທາງມາ​ຢ້ຽມຢາມ​ຮ່າ​ໂນ່ຍ​ໃນ​ເດືອນ​ມິຖຸນາ​ທີ່ຜ່ານ​ມາ, ​ແລະ​ໄດ້​ລົມກັນທາງໂທລະສັບ​ກັບ​ ທ່ານ ປູ​ຕິນ ໃນ​ອາທິດ​ແລ້ວ​ນີ້ ພາຍຫຼັງ​ໄດ້​ຮັບ​ການ​ແຕ່ງຕັ້ງ​ເປັນ​ຫົວໜ້າ​ຄະນະພັກ.

ນີ້ ​ຈະ​ແມ່ນ​ການ​ຢ້ຽມຢາມ​ຕ່າງປະ​ເທດ​ຄັ້ງ​ທຳ​ອິດ​ ນັບຕັ້ງ​ແຕ່​ທ່ານ​ໄດ້​ເຂົ້າ​ດຳລົງ​ຕຳ​ແໜ່​ງ​ເປັນ​ຫົວໜ້າ​ພັກ​ໃນ​ວັນ​ທີ 3 ສິງຫາ ທີ່ຜ່ານມາ, ພາຍຫຼັງ​ການ​ເສຍ​ຊີວິດ​ຂອງ​ທ່ານ​ເລຂາທິການ​ໃຫຍ່ ທ່ານ ຫງວຽນ ​ຟູ ຈອງ ​ເມື່ອ​ສອງ​ອາທິດ​ແລ້ວນີ້ ລຸນຫຼັງດໍາລົງຕໍາແໜ່ງມາເປັນເວລາຍາວນານຫຼາຍປີ.

​ປະ​ເທດ​ບໍ່​ມີ​ຜູ້​ນຳສູງສຸດ, ​ແຕ່ຜູ້ນໍາຄົນຫຼ້າສຸດ ​ທ່ານ ຈອງ ​ໄດ້​ເຕົ້າ​ໂຮມ​ອຳນາດ ເຂົ້າໃນ​ກຳມື​ຂອງ​ຫົວໜ້າ​ພັກ.

ອ່ານຂ່າວດ້ານລຸ່ມນີ້ເປັນພາສາອັງກິດ

HANOI, Aug 12 (Reuters) - Vietnam's top leader To Lam will visit China next week in his first foreign trip since his appointment as general secretary of the ruling Communist Party earlier in August, three officials familiar with the matter told Reuters.

The move would confirm the close ties between the two communist-run neighbours, which have well developed economic and trade relations despite occasionally clashing over boundaries in the energy-rich South China Sea, a crucial commercial waterway that Beijing claims almost in its entirety - irking several countries in the region.

Lam, who is also the state president of the Southeast Asian nation, is planning to arrive in China on Aug. 18. He will meet with President Xi Jinping and other officials over the following two days, said two Vietnamese officials and one Hanoi-based diplomat, declining to be identified as the trip has not been officially announced.

The Chinese and Vietnamese foreign ministries did not reply to requests for comment.

As state president since May, Lam, 67, has already visited Laos and Cambodia, in line with predecessors. He also met Russia's President Vladimir Putin who visited Hanoi in June, and had a phone call with him last week after his appointment as head of the party.

It would be the first foreign trip since he was named party chief on Aug. 3, following the passing of long-serving general secretary Nguyen Phu Trong two weeks earlier.

The country has no paramount leader, but the late Trong consolidated powers in the hands of the head of the party.