ລິ້ງ ສຳຫລັບເຂົ້າຫາ

logo-print

ມື້​ທີ​ສອງ​ ຂອງ​ການ​ເປີດ​ໃຫ້ຖາມ​ຄຳ​ຖາມ ຢູ່​ໃນ​ການ​ດຳ​ເນີນ​ຄະ​ດີ​ຕໍ່ ປ. ທ​ຣຳ ຈະ​ຕັດ​ສິນ​ວ່າ​ ຈະ​ໃຫ້​ມີ​​ພະ​ຍານ​ມາ​ໃຫ້​ການ ຫລືບໍ່


ປະ​ທານ​ສານ​ສູງ​ສຸດຂອງ​ສະ​ຫະ​ລັດ, ທ່ານ John Roberts ອ່ານ​ຄຳ​ຖາມຢູ່​ໃນ​ການ​ດຳ​ເນີນ​ຄະ​ດີ​ຕໍ່ ປ. ທ​ຣຳ ໃນ​ວັນ​ທີ 29 ມັງ​ກອນ, 2020 ຢູ່​ສະ​ພາ​ສູງຂອງ​ສະ​ຫະ​ລັດ…

ສະ​ພາ​ສູງ​ຂອງ​ສະ​ຫະ​ລັດຈະ​ໃຊ້​ມື້​ສຸດ​ທ້າຍ​ຂອງວັນ​ພະ​ຫັດມື້ນີ້ເພື່ອ​ຖາມທີມງານ ປ້ອງກັນຂອງປະ​ທາ​ນາ​ທິ​ບໍ​ດີ​ສະ​ຫະ​ລັດ, ທ່ານ​ດໍ​ໂນ​ລ ທ​ຣຳ ແລະ​ບັນ​ດາ​ສະ​ມາ​ຊິກ​ສະ​ພາ​ຕ່ຳທີ່​ດຳ​ເນີນຄະດີຟ້ອງຮ້ອງຕໍ່ປະທານາທິບໍດີ ໃນ​ຂະ​ນະ​ທີ່​ການ​ຕັດ​ສິນ​ກ່ຽວ​ກັບ​ການ​ອະ​ນຸ​ຍາດ​ໃຫ້​ພະ​ຍານເຂົ້າ​ມາ​ໃຫ້​ການ​ມືດ​ມົນຢູ່.

ການ​ດຳ​ເນີນ​ຂັ້ນ​ຕອນນີ້​ ຈະ​ຈົບ​ລົງ​ໄດ້​ໄວ​ປານ​ໃດ​ນັ້ນແມ່ນ​ຂຶ້ນ​ກັບ​ວ່າ ສຽງ​ສ່ວນ​ຫລາຍ​ຂອງ​ພັກຣີ​ພັບ​ບ​ລິ​ກັນ ຈະ​ອະ​ນຸ​ມັດ​ຕາມ​ຄຳ​ຮ້ອງ​ຂອງ​ພວກ​ສັງ​ກັດ​ພັກ​ເດ​ໂມ​ແຄ​ຣັດ ໃຫ້​ໄດ້​ຟັງ​ຄຳ​ໃຫ້​ການ ​ຈາກ​ພວກ​ເຈົ້າ​ໜ້າ​ທີ່​ຂອງ​ລັດ​ຖະ​ບານ​ ຫລືບໍ່.

ບັນ​ຫາ​ດັ່ງ​ກ່າວ​ໄດ້​ຄອບ​ງຳ​ໄລ​ຍະ​ທຳ​ອິດ​ຂອງ​ວັນ​ພຸດວານ​ນີ້, ຊຶ່ງ​ໃນ​ນັ້ນບັນ​ດາສະ​ມາ​ຊິກສະ​ພາ​ສູງພາ​ກັນ​ຍົກຄຳ​ຖາມຂຶ້ນ​ມາ.

ຈຸດ​ສົນ​ໃຈແມ່ນ​ທ່ານຈອນ ໂບ​ລ​ຕັນ ອະ​ດີດ​ທີ່​ປຶກ​ສາ​ດ້ານ​ຄວາມ​ໝັ້ນ​ຄົງ​ແຫ່ງ​ຊາດ ຜູ້​ຂຽນ​ປຶ້ມທີ່​ຍັງ​ບໍ່​ທັນ​ນຳ​ອອກ​ມາ​ເຜີຍ​ແຜ່​ເທື່ອທີ່​ເວົ້າ​ວ່າ ທ່ານ ທ​ຣຳ​ໄດ້​ເວົ້າ​ສູ່​ທ່ານ​ຟັງ​ວ່າ ​ທ່ານກຳ​ລັງ​ກັກ​ເງິນຊ່ວຍ​ເຫລືອ​ທາງ​ທະ​ຫານ​ແກ່​ຢູ​ເຄ​ຣນຈຳ​ນວນ 391 ລ້ານ ໂດ​ລາ​ໄວ້ ຈົນ​ກວ່າ​ ປະ​ທາ​ນາທິ​ບໍ​ດີ ໂວໂລດິ​ເມຍ ເຊ​ເລັນ​ສ​ກີ (Volodymyr Zelenskiy) ຈະ​ປະ​ກາດ​ການ​ສືບ​ສວນ​ດ້ານ​ການ​ສໍ້​ລ​າດ​ບັງ​ຫລວງ​ຕໍ່​ທ່ານ​ໂຈ ໄບ​ເດັນ, ຄູ່​ແຂ່ງເປັນ​ປະ​ທາ​ນາ​ທິ​ບໍ​ດີ​ຂອງທ່ານ​ຈາກ​ພັກພັກ​ເດ​ໂມ​ແຄ​ຣັດ ອອກ​ມາຢ່າງ​ເປີ​ດ​ເຜີຍ​ເສຍ​ກ່ອນ.

ພວກສັງກັດພັກເດໂມແຄຣັດຢືນ​ຢັດ​ວ່າ​ທ່ານ ໂບ​ລ​ຕັນ ແລະ​ຄົນ​ອື່ນໆ ​ອີກຕ້ອງ​ໄດ້​ຖືກ​ຮຽກ​ມາ​ເປັນ​ພະ​ຍານ. ພວກສັງກັດພັກຣີ​ພັບ​ບ​ລິ​ກັນເກືອບ​ໝົດ​ທຸ​ກ​ຄົນທີ່ ເວົ້າ​ວ່າ ທ່ານ​ທ​ຣຳ​ບໍ່​ໄດ້​ເຮັດ​ຫຍັງ​ຜິດ​ໃນ​ການ​ກັກ​ເງິນຊ່ວຍ​ເຫລືອ​ແກ່​ຢູ​ເຄ​ຣນໄວ້​ນັ້ນ ​ແມ່ນບໍ່​ຢາກ​ໃຫ້ທ່ານ ໂບ​ລ​ຕັນ ຫລື ​ຄົນໃດ​ທັງ​ນັ້ນ ຖືກ​ສັ່ງ​ໃຫ້ເຂົ້າ​ມາ​ໃຫ້​ການ ຫລື ໃຫ້​ມີ​ການ​ເອົາ​ຫລັກ​ຖານ​ໃໝ່​ອັນ​ໃດ​ເຂົ້າມາ​ອີກ.

ອີງ​ຕາມ​ການ​ໃຫ້​ການ​ຢູ່​ໃນ​ການ​ສືບ​ສວນ​ໃນ​ການຟ້ອງຮ້ອງຕໍ່ປະທານາທິບໍດີ ຂອງ​ສະ​ພາ​ຕ່ຳນັ້ນ ທ່ານ ໂບ​ລ​ຕັນ ໄດ້​ຍົກ​ຄວາມ​ເປັນ​ຫ່ວງ​ຂອງ​ທ່ານກ່ຽວ​ກັບ ການທີ່​ທ່ານ​ທ​ຣຳ​ກັກ​ເງິນຊ່ວຍ​ເຫລືອ​ແກ່​ຢູ​ເຄ​ຣນໄວ້ ແລະ​ຂໍ​ໃຫ້​ມີ​ການ​ສືບ​ສວນ​ຕໍ່​ທ່ານ​ໄບ​ເດັນ​ນັ້ນ ​ຂຶ້ນ​ມາ​ລົ​ມ​ກັບ​ເຈົ້າ​ໜ້າ​ທີ່​ຫລາຍ​ຄົນ​ຢູ່​ໃນ​ທຳ​ນຽບ​ຂາວ, ຈົນ​ໃນ​ຈຸດ​ນຶ່ງ​ເອີ້ນ​ວ່າ​ມັນ​ເປັນ “ການ​ຊື້​ຂາຍ​ຢາ​ເສບ​ຕິດ” ທີ່​ທ່ານບໍ່​ຢາກ​ມີ​ສ່ວນ​ຮ່ວມ​ນຳ.

ທ່ານ ອາ​ດາມ ຊິ​ຟ (Adam Schiff) ສັງກັດພັກເດໂມແຄຣັດຈາກ​ຄະ​ນະ​ກຳ​ມະ​ການ​ດ້ານ​ສືບລັບ​ຂອງ​ສະ​ພາ​ຕ່ຳ ໄດ້​ຂໍ​ຮ້ອງ​ໃຫ້​ພ​ວກສະ​ມາ​ຊິກສະ​ພາ​ສູງທຳ​ການ​ຕັດ​ສິນເບິ່ງຄວາມ​ໜ້າ​ເຊື່ອ​ຖື​ຂອງ​ທ່ານ ໂບ​ລ​ຕັນ​ດ້ວຍ​ຕົວ​ຂອງ​ເຂົາ​ເຈົ້າ​ເອງ.

ທ່ານ​ກ່າວ​ວ່າ "ເມື່ອ​ທ່ານ​ມີ​ພະ​ຍານ​ທີ່​ເໝາະ​ສົມ​ຢ່າງ​ຈະ​ແຈ້ງ​ທີ່​ສຸດ​ເຊັ່ນ ທ່ານ ຈອນ ໂບ​ລ​ຕັນ ຜູ້​ທີ່​ເຂົ້າ​ໄປ​ໃນ​ໝາ​ກ​ຫົວ​ໃຈ​ຂອງ​ການ​ປະ​ພຶດ​ຜິດຂອງ​ປະ​ທາ​ນາ​ທິ​ບໍ​ດີ​ຢ່າງ​ຮ້າຍ​ແຮງທີ່​ສຸດ ແລະ​ແບບບໍ່​ດີ​ຢ່າງ​ໃຫຍ່, ຜູ້ທີ່ສະ​ໝັກ​ໃຈ​ທີ່​ຈະ​ເຂົ້າ​ມາ​ໃຫ້​ການ​ ແລ້ວກັບຖືກ​ປະ​ຕິ​ເສດບໍ່​ໃຫ້ມາ….ເປັນ​ເລື້ອງ​ທີ່​ແປກ​ປະ​ຫລາດ​ໃນນາມ​ທີ່​ເປັນ​ຄະ​ນະ​ຕຸ​ລາ​ການ​ທີ່​ທ່ຽງ​ທຳ."

ແຕ່​ວ່າ​ທ​ະ​ນາຍ​ຄວາມ​ຄົນ​ນຶ່ງ​ຂອງ​ທ່ານ ທ​ຣຳ, ຮອງ​ທີ່​ປຶກ​ສາທາງ​ດ້ານ​ກົດ​ໝາຍ ​ຂອງ​ທຳ​ນຽບ​ຂາວ, ທ່ານ ປາ​ທ​ຣິກ ຟີ​ລ​ບິນ (Patrick Philbin) ໄດ້​ກ່າວ​ຫາ​ສະ​ພາ​ຕ່ຳ​ທີ່​ຄວບ​ຄຸມ​ໂດຍພັກເດໂມແຄຣັດວ່າ ໄດ້​ອະ​ນຸ​ມັດສອງ​ກະ​ທົງ ​ໃນ​ການ ຟ້ອງຮ້ອງຕໍ່ທ່ານທ​ຣຳ “ແບບ​ຟ້າວ​ຟັ່ງ, ເຮັດ​ບໍ່​ແລ້ວ, ເຮັດ​ຝ່າຍ​ດຽ​ວ” ແລະ​ເວົ້າ​ວ່າ​ການ​ຮຽກ​ເອົາ​ພະ​ຍານ​ມາ​ດຽວນີ້ "ອາດ​ຈະ​ແກ່​ຍາວ​ການ​ດຳ​ເນີນ​ຄະ​ດີ​ຂອງສະ​ພາ​ສູງ​ອອກ​ໄປ​ອີກ ເປັນ​ເວ​ລາ​ຕັ້ງ​ຫລາຍ​ເດືອນກໍ​ເປັນ​ໄດ້."

ອ່ານ​ກ່ຽວ​ກັບ​ຂ່າວນີ້​ເພີ້ມ​ເປັນ​ພາ​ສາ​ອັງ​ກິດ​ຢູ່​ລຸ່ມນີ້

The U.S. Senate will spend a final day Thursday questioning President Donald Trump’s defense team and the House lawmakers prosecuting his impeachment case, as a decision looms about allowing witnesses.

How quickly the proceedings come to a close will be determined by whether the Republican-majority will approve a request from Democrats to hear from key administration officials. The issue dominated Wednesday’s first session, during which senators submitted written questions.

The spotlight was on John Bolton, the former national security adviser who wrote in a yet-to-be-published book that Trump told him he was withholding $391 million in military aid to Ukraine until President Volodymyr Zelenskiy publicly announced a corruption investigation into Democratic presidential challenger Joe Biden.

Democrats insist Bolton and others must be called as witnesses. Most Republicans, who say Trump did nothing wrong in freezing the aid to Ukraine, do not want Bolton or anyone else subpoenaed or any new evidence entered.

According to testimony during the House of Representatives’ impeachment investigation, Bolton voiced his concerns about Trump withholding the aid and asking for the Biden investigation to several White House officials, at one point calling it a “drug deal” he wanted no part of.

Democrat Adam Schiff of the House Intelligence Committee appealed to the senators to judge Bolton’s credibility for themselves.

“When you have a witness as plainly relevant as John Bolton who goes to the heart of the most serious and most egregious of the president’s misconduct, who has volunteered to come and testify, to turn him away ... is deeply at odds with being an impartial juror.”

But a Trump lawyer, deputy White House counsel Patrick Philbin, accused the Democrat-controlled House of approving two articles of impeachment against Trump in a “hurried, half-baked, partisan fashion” and that to call witnesses now “could drag (the Senate trial) on for months.”

“The real question is what is the precedent that is going to be set for what is an acceptable way for the House of Representatives to bring an impeachment of a president of the United States to this chamber?” Philbin asked.

NSC: Book can’t be published

A top official at the National Security Council wrote a letter to Bolton’s attorney last week that the book cannot be published in its current form because she says it contains a significant amount of classified information, including some that is top secret. She said the NSC is still reviewing the manuscript.

Bolton’s lawyer released an e-mail response to the NSC Wednesday, disputing its assessment.

The Senate plans to vote Friday whether to allow Bolton and other relevant witnesses to testify. Fifty-one votes are needed, which means at least four Republicans would have to join the 47 Democrats and independents. Republican Senate Majority Leader Mitch McConnell conceded Tuesday that he may not have the votes to prevent the subpoenas.

The Senate will decide whether to convict Trump on two articles of impeachment and remove him from office — abuse of power and obstructing Congress.

Reelection in ‘public interest’

Trump attorney Alan Dershowitz argued that even if Trump did ask President Zelenskiy for a political favor in exchange for aid, it is not impeachable.

“Every public official that I know believes that his election is in the public interest ... and if a president did something that he believes will help him get elected, in that public interest, that cannot be the kind of quid pro quo that results in impeachment,” he said.

Several legal scholars called his argument nonsense.

Trump has steadfastly insisted he did nothing wrong. Republicans say he released the aid to Ukraine without Zelenskiy launching the Biden investigation, proving there was no reciprocal quid pro quo deal with Kyiv.

The president’s lawyers say he had the authority to hold up the aid because of concern about corruption in Ukraine and the insistence that Europe pitch in more to help Ukraine fight Russian-backed separatists.

However the debate plays out over witnesses, Trump remains almost certain to be acquitted.

A two-thirds vote in the 100-member Senate is needed to convict Trump and remove him from office. But with Republicans holding a 53-47 majority and no Republican calling for his ouster, Trump is all but assured of being exonerated.

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG