ລິ້ງ ສຳຫລັບເຂົ້າຫາ

logo-print

ພວກ​ເຈົ້າ​ເມືອງ ໃນ ສ​ຫລ ຮຽກ​ຮ້ອງ ໃຫ້​ເອົາ​ມາດ​ຕະ​ການ​ໃໝ່ ເພື່ອຄວບ​ຄຸມ​ປືນ


ພວກ​ເດີນ​ຂະ​ບວນ ຖື​ປ້າຍ​ປະ​ທ້ວງ​ຕໍ່​ການ​ຢ້ຽມ​ຢາມ​ຂອງ​ປະ​ທາ​ນາ​ທື​ບໍ​ດີ​ດໍ​ໂນ​ລ ທ​ຣຳ ທີ່​ເມືອງ​ແອ​ລ​ປາ​ໂຊ ໃນ​ລັດ​ເທັກ​ຊັ​ສ.

ພວກ​ເຈົ້າ​ເມືອງ​ໃນ​ສະ​ຫະ​ລັດ ຫຼາຍກວ່າ 200 ທ່ານ ໄດ້​ຮຽກ​ຮ້ອງ​ໃນ​ວັນ​ພະ​ຫັດ​ວານນີ້ ໃຫ້​ສະ​ພາ​ສູງ​ສະ​ຫະ​ລັດ ກັບ​ຄືນ​ມາ​ຈາກ​ການ​ໄປ​ພັກ​ຮ້ອນ ເພື່ອ​ຮັບ​ຮອງເອົາ​ຮ່າງ​ກົດ​ໝາຍ​ຄວບ​ຄຸມ​ປືນ ຫຼັງ​ຈາກ​ໄດ້​ມີ​ການ​ຍິງ​ສັງ​ຫານ​ໝູ່ສອງ​ແຫ່ງໃນ​ວັນທ້າຍ​ອາ​ທິດ​ທີ່​ຜ່ານ​ມານີ້ ທີ່​ໄດ້​ສັງ​ຫານ 31 ຄົນ ຢູ່ລັດໂອໄຮໂອແລະເທັກຊັສ.

ກອງ​ປະ​ຊຸມ​ພວກ​ເຈົ້າ​ເມືອງ​ໃນ​ສະ​ຫະ​ລັດ ທີ່​ຕາງ​ໜ້າ​ໃຫ້​ແກ່​ເມືອງ​ຕ່າງໆ 214 ເມືອງ​ໃນ​ສະ​ຫະ​ລັດທີ່​ມີ​ທັງ​ພັກ​ຣີ​ພັບ​ບ​ລີ​ກັນ​ແລະ​ເດ​ໂມ​ແຄ​ຣັດ​ເປັນ​ເຈົ້າ​ເມືອງນັ້ນໄດ້​ຮຽກ​ຮ້ອງ​ໃຫ້​ທ່ານ​ມິ​ຈ ແມັກ​ຄອນ​ແນ​ລຜູ້​ນຳ​ສຽງ​ສ່ວນ​ຫຼາຍ​ຂອງ​ພັກ​ຣີ​ພັບ​ບ​ລີກັນ​ໃນ​ສະ​ພາ​ສູງ ແລະ​ທ່ານ​ຊັກ ຊູ​ເມີ ຜູ້​ນຳ​ຂອງ​ພັກ​ເດ​ໂມ​ແຄ​ຣັດ​ວ່າ ມັນ​ເປັນເລື້ອງ​ຮີບ​ດ່ວນ​ທີ່​ສະ​ພາ​ສູງຕ້ອງ​ໄດ້​ຮັບ​ຮອງ​ເອົາ​ມາດ​ຕະ​ການ ທີ່​ທາງ​ສະ​ພາ​ຕ່ຳ​ໄດ້​ໃຫ້​ການ​ອະ​ນຸ​ມັດ​ໄປ​ແລ້ວ ໃນ​ເດືອນ​ກຸມ​ພາ​ປີນີ້.

ຮ່າງ​ກົດ​ໝາຍ​ດັ່ງ​ກ່າວ​ຮຽກ​ຮ້ອງ​ໃຫ້​ກວດ​ປະ​ຫວັດ​ຕໍ່​ພວກ​ທີ່​ຈະ​ຊື້​ປືນ​ທັງ​ໝົດ​ແລະອາດ​ຈະ​ເພີ້ມ​ເວ​ລາ​ໃນ​ການ​ລໍ​ຖ້າ​ໄດ້​ຮັບ​ປືນຈາກສາມມື້ຂຶ້ນ​ເປັນສິບມື້ ເວ​ລາ​ມີການພົບ​ເຫັນ​ວ່າ​ມີ​ຄຳ​ຖາມ​ກ່ຽວ​ກັບ​ຜູ້​ທີ່​ຈະ​ຊື້​ປືນນັ້ນ.

ທ່ານ​ຊູ​ເມີ​ຍັງ​ໄດ້​ຮຽກ​ຮ້ອງ​ໃຫ້​ສະ​ພາ​ສູງ​ຮັບ​ຮອງ​ເອົາ​ຮ່າງ​ກົດ​ໝາຍ​ສະ​ບັບ​ນີ້ ແຕ່ທ່ານ​ແມັກ​ຄອນ​ແນ​ລ ໄດ້​ຂັດ​ຂວາງ​ບໍ່​ໃຫ້​ມີ​ການ​ລົງ​ຄະ​ແນນ​ສຽງ ຍ້ອນ​ວ່າ​ທ່ານຄັດ​ຄ້ານ​ຕໍ່​ຮ່າງ​ກົດ​ໝາຍ​ສະ​ບັບ​ດັ່ງ​ກ່າວ.

ພວກ​ເຈົ້າ​ເມືອງ ​ກ່າວ​ຢູ່​ໃນ​ຈົດ​ໝາຍ​ ທີ່​ມີ​ໄປ​ເຖິງ​ສະ​ມາ​ຊິກ​ສະ​ພາ​ສູງວ່າ “ໃນ​ປີ 2019 ນີ້​ມີ​ການ​ຍິງ​ສັງ​ຫານ​ໝູ່​ຫຼາຍກວ່າ 250 ເທື່ອ.” ເຂົາ​ເຈົ້າ​ກ່າວ​ວ່າ “ໂສກນາດ​ຕະ​ກຳ​” ທີ່​ເມືອງ​ແອ​ລ​ປາ​ໂຊ ຊຶ່ງ​ເປັນ​ເມືອງ​ຊາຍ​ແດນ​ຂອງ​ສະ​ຫະ​ລັດ​ຕິດກັບ​ເມັກ​ຊິ​ໂກ ​ໃນ​ລັດ​ເທັກ​ຊັ​ສ ແລະ​ເມືອງ​ເດ​ຕັນ ລັດ​ໂອ​ໄຮ​ໂອ ໃນ​ພາກ​ກາງຂອງ​ສະ​ຫະ​ລັດ​ນັ້ນ “ແມ່ນ​ເປັນ​ພຽງ​ເຄື່ອງ​ເຕືອນ​ຄວາມ​ຊົງ​ຈຳ​ຫຼ້າ​ສຸດທີ່​ປະ​ເທດ​ຂອງ​ພວກ​ເຮົາ​ບໍ່​ສາ​ມາດ​ລໍ​ຖ້າ​ໄດ້ ເພື່ອ​ໃຫ້​ລັດ​ຖະ​ບານ​ກາງ​ຂອງ​ພວກ​ເຮົາ​ເອົາບາດ​ກ້າວ​ທີ່​ຈຳ​ເປັນ ​ສຳ​ລັບ​ປ້ອງ​ກັນ​ບໍ່​ໃຫ້​ຜູ້​ຄົນທີ່​ບໍ່​ຄວນ​ຈະ​ມີ​ປືນ ຈາກ​ຄວາມ​ສາມາດ​ໃນ​ການ​ຊື້​ປືນ​ໄດ້.”

ປະ​ທາ​ນາ​ທິ​ບໍ​ດີດໍ​ທ​ຣຳທີ່​ໄປ​ຢ້ຽມ​ພວກ​ລອດ​ຊີ​ວິດ​ມາ​ໄດ້​ ພວກ​ເຈົ້າ​ໜ້າ​ທີ່​ຮັບ​ມື​ກັບເຫດ​ການ​ສຸກ​ເສີນ​ແລະ​ພວກ​ທ່ານ​ໝໍ ຈາກ​ການ​ຍິງ​ສັງ​ຫານ​ໝູ່ທັງ​ສອງ​ໃນ​ວັນ​ພຸດ​ຜ່ານ​ມາ ທີ່​ເມືອງ​ເດ​ຕັນ​ແລະ​ແອ​ລ​ປາ​ໂຊ ກ່າວ​ວ່າ ນີ້​ແມ່ນ “ຄວາມ​ຕ້ອງ​ການ​ທີ່ຍິ່ງ​ໃຫຍ່​ສຳ​ລັບ​ການກວດ​ປະ​ຫວັດ.” ແຕ່​ທ່ານ​ກໍ​ໄດ້​ໃຫ້​ຄວາມ​ເຫັນ​ແບບ​ດຽວ​ກັນນີ້ ເມື່ອ​ນຶ່ງ​ປີ​ກ່ອນ ຫຼັງ​ຈາກ​ພວກ​ນັກ​ຮຽນ ແລະ​ນາຍ​ຄູ 17 ຄົນ​ຖືກ​ຂ້າ​ຕາຍ ທີ່​ໂຮງ​ຮຽນ​ມັດ​ທະ​ຍົມ​ປາຍຢູ່​ລັດ​ຟ​ລໍ​ຣິ​ດາ ກ່ອນ​ທີ່​ຈະ​ປ່ຽນ​ໃຈໃນ​ການ​ຖືກ​ຄັດ​ຄ້ານຈາກ​ກຸ່ມ​ວິ້ງ​ເຕັ້ນ​ສະ​ໜັບ​ສະ​ໜຸນ​ປືນ ຄື​ອົງ​ການ​ປືນ​ຍາວ​ແຫ່ງ​ຊາດ.

ສະ​ມາ​ຄົມ​ປືນ​ຍາວ​ແຫ່ງ​ຊາດ NRA ໄດ້​ສະ​ແດງ​ການ​ຄັດ​ຄ້ານ​ຕໍ່​ທ່ານ​ທ​ຣຳ​ອີກ​ໃນ​ອາ​ທິດນີ້ ອີງ​ຕາມລາຍ​ງານ​ຂອງ​ໜັງ​ສື​ພິມ​ວໍ​ຊິງ​ຕັນ​ໂພ​ສ​ທ໌ ແລະ​ກ່າວ​ຕໍ່​ຜູ້​ນຳຂອງສະ​ຫະ​ລັດວ່າ ການກວດ​ປະ​ຫວັດ ຈະ​ບໍ່​ໄດ້​ຮັບ​ຄວາມ​ນິ​ຍົມ ​ໃນ​ໝູ່​ພວກ​ສະ ໜັບສະ​ໜຸນ ​ທີ່​ສຳ​ຄັນ​ຂອງ​ທ່ານ ຊຶ່ງ​ຫຼາຍໆ​ຄົນ​ໃນຈຳ​ນວນ​ນັ້ນ ແມ່ນ​ພວກ​ທີ່​ມີ​ປືນ ຢູ່​ໃນ​ເຂດ​ໃຈ​ກາງ​ຂອງ​ປະ​ເທດ.

More than 200 U.S. mayors demanded Thursday that the Senate return from its summer recess to approve gun control legislation in the aftermath of two mass shootings last weekend that killed 31 people in Texas and Ohio.

The U.S. Conference of Mayors, representing 214 cities with both Republican and Democratic leaders, told Senate Republican Majority Leader Mitch McConnell and Democratic leader Chuck Schumer that it was urgent for the Senate to approve the measures already passed by the House of Representatives in February.

That legislation calls for background checks for all gun purchasers and would extend the waiting period for gun transactions from three to 10 days when instant checks raise questions about would-be buyers.

Schumer has also urged Senate approval, but McConnell has blocked a vote because he opposes the measures.

"Already in 2019, there have been over 250 mass shootings," the mayors said in a letter to the lawmakers. They said the "tragic events" in the U.S.-Mexican border city of El Paso, Texas, and Midwest city of Dayton, Ohio, "are just the latest reminders that our nation can no longer wait for our federal government to take the actions necessary to prevent people who should not have access to firearms from being able to purchase them."

U.S. President Donald Trump, who visited Wednesday with survivors of the two shootings, first responders and health care workers in both Dayton and El Paso, said there is a "great appetite for background checks." But he also voiced the same sentiment a year ago after 17 students and teachers were gunned down at a Florida high school before backing off in the face of opposition by the country's top gun lobby, the National Rifle Association.

The NRA voiced its opposition to Trump again this week, The Washington Post reported, and told the U.S. leader that background checks would not be popular among his core base of political supporters, many of them gun owners in the country's heartland.

Trump also supports "red flag" legislation that would allow local authorities across the U.S., after a judicial review, to confiscate guns of those believed to be a danger to themselves or others. But the U.S. leader said he sees "no political appetite" for a ban on the sale of assault weapons like those the gunmen deployed in the country's latest carnage.

Trump largely stayed out of public sight during the visits to Dayton and El Paso, where some supporters gathered on the streets, but protesters also carried signs attacking his anti-immigrant views and lack of action on gun control.

In Dayton, police killed the attacker, a 24-year-old community college student, within 30 seconds of the start of his barrage of 41 shots with an assault rifle that killed nine, including his sister, and wounded 27. In El Paso, authorities have charged a 21-year-old man with targeting Hispanics in a hail of gunfire that killed 22 and injured two dozen.

Trump critics say his rhetoric against migrants helped foment the El Paso massacre. But he has dismissed the attacks, while criticizing those who have disparaged his immigration views.

The U.S. leader suggested that Beto O'Rourke, a former congressman from El Paso who has often attacked Trump as he seeks the Democratic presidential nomination to run against him in 2020, "should respect the victims & law enforcement - & be quiet!"

While Trump visited with survivors at an El Paso hospital, video footage shows him comparing the size of the crowd he drew at a rally in the city in February compared to a gathering where O'Rourke appeared the same night.

"That was some crowd," Trump said of his event. "We had twice the number outside. And then you had this crazy Beto. Beto had like 400 people in a parking lot, and they said his crowd was wonderful."

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG