ລິ້ງ ສຳຫລັບເຂົ້າຫາ

logo-print

ການ​ປ່ອຍ​ຕົວ​ ພວກນັກຂ່າວ ຊາວມຽນມາ ມີ​ຂຶ້ນ ພ້ອມດ້ວຍ​ການ​ເຕືອນ


ມຽນມາ ໄດ້ປ່ອຍຕົວພວກນັກຂ່າວ 2 ຄົນ ໃນ​ວັນ​ອັງ​ຄານ​ວານ​ນີ້ ຊຶ່ງ​ ​ມີ​ຂຶ້ນແບບບໍ່​ໜ້າ​
ເຊື່ອ​ ແລະໜ້າ​ຍິນ​ດີສຳ​ລັບ​ຄອບ​ຄົວ ແລະ​ພວກ​ທີ່​ສະ​ໜັບ​ສະ​ໜຸນ​ເຂົາ​ເຈົ້າ, ແຕ່​ວ່າ ​
ພວກ​ທີ່​ສະ​ໜັບ​ສະ​ໜຸນ​ເສ​ລີ​ພາບ​ໃນການ​ສື່ຂ່າວ ບໍ່​ເຊື່ອວ່າ​ການກະ​ທຳ​ດັ່ງ​ກ່າວ
ແມ່ນໝາຍ​ຄວາມ​ວ່າ ໄດ້​ມີການ​ປ່ຽນ​ແປງ​ທີ່​ແທ້​ຈິງເກີດ​ຂຶ້ນຢູ່​ໃນ​ປະ​ເທດແຫ່ງນັ້ນ. ​
ນັກ​ຂ່າວທັງ​ສອງຄົນໄດ້​ຮັບ​ການນິ​ລະ​ໂທດ​ກຳ ຫຼັງ​ຈາກ​ໄດ້ຕິດ​ຄຸກມາ​ເປັນ​ເວ​ລາ
ຫຼາຍກວ່າ 500 ມື້ ຍ້ອນ​ໄດ້ໄປເອົາ​ຂ່າວ​ກ່ຽວ​ກັບ​ການ​ປະ​ຫັດ​ປະຫານ​ຂອງ​ລັດ​ຖະ​ບານ​
ຕໍ່​ຊາວມຸ​ສ​ລິມ​ໂຣ​ຮິງ​ຢາ. ໄບ​ຣ​ອັນ ແພນ​ເດັນ ມີລາຍ​ງານ​ເພີ້ມ​ຕື່ມກ່ຽວ​ກັບ​ເລື້ອງນີ້
ຊຶ່ງວັນ​ນະ​ສອນ ​ຈະ​ນຳມາ​ສະ​ເໜີ​ທ່ານ​ ໃນ​ອັນ​ດັບ​ຕໍ່​ໄປ.

ພວກນັກຂ່າວຂອງອົງ​ການ​ຂ່າວຣອຍເຕີ​ຣ໌ ທ່ານວາ ໂລນ ແລະ ທ່ານໂຈ ຊໍ ອູ ໂອບກອດ
ຄອບ​ຄົວ​ຂອງ​ພວກ​ເຂົາ​ເຈົ້າ ຫຼັງ​ຈາກ​ໄດ້​ຖືກ​ປ່ອຍ​ຕົວ​ໃນ​ວັນ​ອັງ​ຄານ​ວານ​ນີ້. ບັນ​ດາ
ເພື່ອນ​ຮ່ວມ​ງານ​ຂອງເຂົາ​ເຈົ້າ ຢູ່​ທີ່ອົງ​ການ​ຂ່າວ​ຣອຍ​ເຕີ​ຣ໌ ​ກໍ​ພ​າ​ກັບ​ຊົມ​ຊື່ນຍິນ​ດີກັບ​ຂ່າວ
ທີ່​ໄດ້ຄອງຄອຍ​ຖ້າ​ໄດ້​ຍິນມາ ​ແຕ່​ດົນ​ນັ້ນ.

ທ່ານ Steve Adler ຫົວ​ໜ້າ​ບັນ​ນາ​ທິ​ການຂອງ​ອົງ​ການ​ຂ່າວຣອຍເຕີ​ຣ໌ ກ່າວ​ວ່າ “ນັບ​ຕັ້ງ​
ແຕ່​ມີ​ການ​ຖືກ​ຈັບ​ພວກເຂົາ​ເຈົ້າ​ໃນ 511 ມື້ ກ່ອນ​ນັ້ນເປັນ​ຕົ້ນ​ມາ ພວກ​ເຂົາ​ເຈົ້າ ກໍໄດ້​
ກາຍ​ມາ​ເປັນ​ສັນ​ຍາ​ລັກຂອງເສ​ລິ​ພາບ​ໃນ​ການສື່​ຂ່າວ ຢູ່​ທົ່ວ​ໂລກ. ພວກ​ເຮົາ​ຍິນ​ດີ​
ຕ້ອນ​ຮັບ​ການ​ກັບ​ມາ​ຂອງ​ພວກ​ເຂົາ​ເຈົ້າ.”

ນັກຂ່າວຂອງອົງ​ການ​ຂ່າວຣອຍເຕີ​ຣ໌ສອງ​ຄົນ​ດັ່ງ​ກ່າວແມ່ນຖືກ​ຕິດ​ຄຸກຍ້ອນ​ຖືກ​ກ່າວ​ຫາ​
ວ່າໄດ້​ລະ​ເມີດກົດ​ໝາຍ​ກ່ຽວ​ກັບ​ຄວາມ​ລັບ​ຂອງປະ​ເທດ, ຊຶ່ງ​ເປັນການ​ກ່າວ​ຫາ ​ທີ່​ເຊື່ອ
​ກັນຢ່າງກວ້າງ​ຂວາງວ່າ ​ເປັນ​ເລື້ອງເສກ​ສັນ​ປັ້ນ​ແຕ່ງ​ຂຶ້ນ​ມາ ແລະຖືກ​ໃຊ້​ເພື່ອ​ລົງ​ໂທດ​
ພວກ​ກ່ຽວທີ່​ໄດ້​ລາຍ​ງານ​ກ່ຽວ​ກັບ​ການ​ສັງ​ຫານຊາວມຸ​ສ​ລິມ​ ໂຣ​ຮິງ​ຢາ ໂດຍ​ກອງ​ກຳ​ລັງ
ຮັກ​ສາ​ຄວາມ​ສະ​ຫງົບຂອງ​ມຽນ​ມາ ໃນ​ປີ 2017.

ທ່ານ Phil Robertson ຈາກອົງ​ການ​ສິ້ງ​ຊອມ​ສິດ​ທິ​ມະ​ນຸດ Human Rights Watch
​ກ່າວ​ວ່າ: “ມັນ​ກໍ​ນັບ​ວ່າເປັນທີ່ຈະ​ແຈ້ງ​ແລ້ວ​ວ່າ ພວກ​ເຂົາ​ເຈົ້າ​ບໍ່​ໄດ້​ເຮັດ​ຫຍັງ​ຜິດເລີຍ.
ນີ້​ແມ່ນ​ເລື້ອງ​ຂອງ​ລັດ​ຖະ​ບານ​ ແລະ​ຝ່າຍທະ​ຫານທີ່​ພະ​ຍາ​ຍາມລົງ​ໂທດ​ພວກ​ທີີ່​ຕຳ​ໜິ,
ຜູ້ທີ່​ກ້າທີ່​ຈະ​ລາຍ​ງານ​ກ່ຽວ​ກັບ​ເລື້ອງທີ່​ພວກ​ເຂົາບໍ່​ມັກ.”

ການ​ກົດ​ດັນ​ຈາກປະ​ເທດ​ຕາ​ເວັນ​ຕົກ​ທີ່​ມີປະຊາ​ທິ​ປະ​ໄຕ ແລະ​ກຸ່ມ​ສະ​ໜັບ​ສະ​ໜຸນ
ເຂົາ​ເຈົ້າ ອາດ​ຈະ​ໄດ້​ຊ່ອຍຮັບປະ​ກັນເຮັດ​ໃຫ້​ມີການ​ປ່ອຍ​ຕົວ​ຂອງ​ພວກ​ກ່ຽວ, ພ້ອມ​ທັງ​
ພວກ​ນັກ​ໂທດ​ຫຼາຍ​ພັນ​ຄົນ ຊຶ່ງ​ເປັນ​ສ່ວນ​ນຶ່ງຂອງປະ​ເພ​ນີ​ການ​ນິ​ລະ​ໂທດ​ກຳ​ ປະ​ຈຳ​ປີ​.

ທ່ານ Christopher Walker ຈາກ​ອົງ​ການ National Endowment for Democracy
​ກ່າວ​ວ່າ “ຂ້າ​ພະ​ເຈົ້າ​ຄິດ​ວ່າ, ມັນ​ເຖິງ​ຂັ້ນ​ວ່າ, ພວກ​ເຮົາທຸກ​ຄົນ, ແນ່ນອນຢູ່ໃນ​ສັງ​ຄົມ​
ແບບ​ມີປະ​ຊາ​ທິ​ປະ​ໄຕ ສາ​ມາດ​ທີ່​ຈະ​ໃຫ້​ການສະ​ໜັບ​ສະ​ໜຸນ ແກ່​ການ​ອອກ​ຂ່າວຢ່າງ
ອິດ​ສະ​ຫຼະ ແລະ​ສື່ທີ່​ມັນ​ເກີດ​ຜົນ​ປະ​ໂຫຍດ​ຕໍ່​ພວກ​ເຮົາ ເພາະ​ວ່າ ໃນ​ທີ່​ສຸດພວກ​ເຮົາກໍ​
ຈະ​ມີ​ການ​ປົກ​ຄອງ​ຂອງລັດ​ຖະ​ບານ​ທີ່ມີ​ຄວາມ​ຮັບ​ຜິດ​ຊອບ ແລະມີຫລັກ​ນິ​ຕິ​ຫຼາຍ​ຂຶ້ນ
ແລະ​ຜົນໄດ້​ຮັບ​ທີ່​ດີຂຶ້ນກວ່າ​ເກົ່າ.”

ແຕ່​ວ່າ ການ​ປ່ອຍ​ຕົວ​ຂອງ​ພວກ​ນັກ​ຂ່າວ​ດັ່ງ​ກ່າວກໍມີ​ຂຶ້ນພ້ອມ​ກັບ​ການ​ເຕືອນ​ຕໍ່​ພວກ​
ນັກ​ຂ່າວ​ທັງ​ຫຼາຍທີ່​ເຮັດ​ວຽກ​ເກັບ​ກຳ​ຂ່າວຢູ່ໃນ​ສະ​ພາບທີ່​ຈຳ​ກັດການ​ສື່​ຂ່າວ​ໃນ​ລະ​ດັບ
ສູງແຫ່ງ​ນັ້ນ.

ທ່ານ Daniel Bastard ນັກ​ຂ່າວ​ຈາກ​ອົງ​ການ​ຂ່າວທີ່​ໄຮ້​ພົມ​ແດນ ຫຼື Reporters
Without Borders ກ່າວ​ວ່າ “ຂໍ້​ຄວາມ​ຈາກລັດ​ຖະ​ບານ​ມຽນ​ມາ ກໍ​ຄື​ໂອ​ເ, ພວກ​ເຮົາ
ລ້ວນ​ແລ້ວ​ແຕ່​ແມ່ນ​ມະ​ນຸດ. ພວກ​ເຮົາ​ຊາບ​ດີ​ວ່າ ​ທ່ານຕ້ອງ​ການພົບກັບ​ຄອບ​ຄົວ​ຂອງ​ທ່ານອີກຕໍ່​ໄປ, ແຕ່ວ່າ ຢ່າກ້າ​ທີ່​ຈະ​ຂ້າມເສັ້ນຂີດ​ໄວ້​ນັ້ນ​ອີກຕໍ່​ໄປ.”

​ກໍ​ລະ​ນີ​ຂອງ​ການ​ຕິດ​ຄຸກ​ຂອງ​ພວກ​ນັກ​ຂ່າວ​ຣອຍ​ເຕີ​ຣ໌ ໃນ​ມຽນ​ມາ ແມ່ນເປັນ​ພຽງ​ນຶ່ງ​ໃນ
​ຈຳ​ນວນ​ວິ​ທີການ​ໂຈມ​ຕີ ແລະຂົ່ມ​ຂູ່ເທົ່າ​ນັ້ນ ທີ່ເອົາ​ມາ​ໃຊ້ນັບ​ມື້​ນັບ​ຫລາຍ​ຂຶ້ນ​ ຕໍ່ພວກ
​ນັກ​ຂ່າວ.

ນັກ​ຂ່າວ Susan Repucci ຈາກ​ອົງ​ການ​ຂ່າວ Freedom House ກ່າວ​ວ່າ
“ມັນ​ເປັນ​ພຽງ​ຢົດ​ນ້ຳ​ຢົດ​ນຶ່ງ ໃນຄຸ​ນ້ຳຂອງ​ການ​ຈັບກຸມ​ແລະ​ການ​ສັງ​ຫານຂອງ​ພວກ​
ນັກ​ຂ່າວທີ່​ໃຫຍ່ໃນ​ທົ່ວ​ໂລກ ແລະ​ນັ້ນ​ມັນ​ແມ່ນການ​ຕໍ່​ສູ້ທີ່​ພວກ​ເຮົາ​ຈະ​ຕ້ອງ​ສືບ​ຕໍ່
ຕໍ່​ສູ້​ໄປເລື້ອຍໆ.”

ອົງ​ການ​ສະ​ຫະ​ປະ​ຊາ​ຊາດ ກ່າວ​ວ່າ ການ​ນິ​ລະ​ໂທດ​ກຳ​ນີ້ ບໍ່​ໄດ້​ໝາຍ​ເຖິງ​ຄວາມ​ຄືບ​ໜ້າ​
ທີ່​ສຳ​ຄັນ​ໃນ​ເລື້ອງ​ສິດ​ໃນ​ການ​ປາກ​ເວົ້າ​ໃນ​ມຽນ​ມາເລີຍ...ຊຶ່ງເປັນ​ປະ​ເທດ​ທີ່​ກຳ​ລັງ​ຂ້າມ
​ຜ່ານຈາກ​ການ​ມີ​ລັດ​ຖະ​ບານ​ທາງ​ທະ​ຫານ ໄປສູ່​ການ​ປົກ​ຄອງ​ ການ​ມີ​ລັດ​ຖະ​ບານທີ່​ນຳ​ພາ​ໂດຍພົນ​ລະ​ເຮືອນ.

ອ່ານ​ຂ່າວ​ນີ້​ເພີ້ມ​ຕື່ມ​ເປັນ​ພາ​ສາ​ອັງ​ກິດ

Myanmar's release of two journalists on Tuesday came as a welcome surprise to families and supporters, but free press advocates are skeptical the move means real change has come to the nation. The journalists were granted amnesty after spending more than 500 days in prison for covering the government crackdown on Rohingya Muslims. VOA's Brian Padden reports.

Reuter's journalists Wa Lone and Kyaw Soe Oo embraced their families after being released from prison on Tuesday. Their colleagues at Reuters also celebrated the long anticipated news.

Steve Adler, Editor-in-chief, Reuters News Agency: "Since their arrest five hundred and eleven days ago they have become symbols of the importance of press freedom around the world. We welcome their return."

The two Reuters journalists were jailed for allegedly violating state secrecy laws, charges that were widely believed to be falsified and used to punish them for reporting on the killing of Rohingya Muslims by Myanmar security forces in 2017.

Phil Robertson, Human Rights Watch: "It's quite clear that they did nothing wrong here. This is all about the government and the military trying to persecute critics who dare report stories that they don't like."

Pressure from Western democracies and advocacy groups may have helped secure their release, along with thousands of other prisoners as part of an annual amnesty tradition.

Christopher Walker, National Endowment for Democracy:
"I think, to the extent, all of us, certainly in democratic societies can help support independent journalism and media it redounds to our benefit, because ultimately, we'll have more accountable governance and the rule of law and better outcomes."

But their release also comes with a warning to all journalists that work in this highly restricted media environment.

Daniel Bastard, Reporters Without Borders: "Myanmar government's message is that okay, we are human. We know you need to meet with your family again, but don't dare to cross the line anymore."

The case of jailed Reuters reporters in Myanmar is just one of a growing number of assaults and intimation tactics used against journalists.

Susan Repucci, Freedom House: "It is only one drop in a huge bucket of arrests and murders of journalists around the world. And it's definitely a battle that we have to keep fighting."
The United Nations says this reprieve does not indicate significant free speech progress in Myanmar...a country still in transition from a military to civilian led government.

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ
XS
SM
MD
LG