ລິ້ງ ສຳຫລັບເຂົ້າຫາ

logo-print

ໄພ​ທ​ຳ​ມະ​ຊາ​ດ ເຮັດ​ໃຫ້​ ເກີດ​ຄວາມ​ທຸ​ກຈົນ ​ເຖິງ​ສອງ​ເທົ່າ ຕໍ່​​ພວກເດັກ​ນ້ອຍ


ພວກ​ເດັກ​ນ​ອ້ຍ​ຢູ່​ໃນ​ຂົງເຂດທີ່​ມັກ​ຖືກ​ທຳ​ລາຍ​ໂດຍ​ໄພ​ຫາຍ​ຍະ​ນະ ມີ​ແນວ​ໂນ້ມທີ່​ຈະ
​ດຳ​ລົງ​ຊີ​ວິດຢູ່​ໃນ​ສະ​ພາ​ບ​ຄວາມ​ທຸກ​ຈົນ​ເປັນ​ເວ​ລາ​ຍືດ​ຍາວ​ໄປ ເຖິງ​ສອງ​ເທົ່າ ທຽບໃສ່
​ກັບ​ຢູ່​ເຂດ​ອື່ນ ອີງ​ຕາມ​ການ​ຄົ້ນ​ຄ​ວ້​າໃໝ່. ລາຍ​ງານ​ຈາກ​ສ​ະ​ຖານ​ບັນ​ພັດ​ທະ​ນາຕ່າງ
​ປະ​ເທດທີ່​ຕັ້ງຢູ່​ນະ​ຄອນ​ລອນດອນ, ປະ​ເທດ​ອັງ​ກິດ ໄດ້​ສຶກ​ສາເບິ່ງ​ຜົນ​ກະ​ທົບ​ຂອງ​
ໄພ​ທຳ​ມະ​ຊາດ ໃນ​ຫລາຍ​ຊ່ວງ​ຊີ​ວິດ​ຂອງ​ເດັກ​ນ້ອຍ​ຄົນ​ນຶ່ງຢູ່​ໃນ​ອິນ​ເດຍ ແລະ​ເຄັນ​ຢາ
ແລະ​ເຕືອນ​ວ່າ ການ​ປ່ຽນ​ແປງ​ຂອງດິນ​ຟ້າ​ອາ​ກາດກຳ​ລັງ​ເຮັດ​ໃຫ້​ເກີດເຫດ​ການດັ່ງ​
ກ່​າວ​ເລື້ອຍໆຂຶ້ນ ແລະ​ຮ້າ​ຍ​ແຮງ​ຂຶ້ນຫລາຍ ກວ່າ​ເກົ່າ. ເຮັນ​ຣີ ຣິດ​ຈ໌ແວ​ລ ມີ​ລາຍ​ງານ​
ເລື້ອງ​ນີ້ຊຶ່ງ ​ກິ່ງ​ສະ​ຫວັນ ຈະ​ນຳ​ມາ​ສ​ະ​ເໜີ​ທ່ານ.

ເມືອງ​ເທີ​ກາ​ນາ ຂອງ​ປະ​ເທດ​ເຄັນ​ຢາ ບ່ອນ​ທີ່ບໍ່​ມີຝົນ​ຕົກ​ຕໍ່​ໄປ​ອີກແລ້ວ. ຄວາມ​ແຫ້ງ
​ແລ້ງ​ກຳ​ລັງ​ສ້າງ​ຜົນ​ກະ​ທົບ​ຢ່າງ​ຮ້າຍ​ແຮງຕໍ່ຄົນ​ທີ່​ຢູ່​ໃນ​ສະ​ພາບ​ທີ່ທຸກ​ຈົນ.

ນາງ​ຄ​ຣິ​ສ​ຕິນ ຊ​າວ​ເມືອງ​ເທີ​ກາ​ນາ​ຄົນ​ນຶ່ງກ່າວ​ວ່າ “ເວ​ລາ​ພວກ​ເຮົາ​ຕື່ນ​ຂຶ້ນ​ມາ​ໃນ​ຕອນ
​ເຊົ້າ ລູກ​ຂອງ​ພວກເຮົາ​ບໍ່​ມີ​ຫຍັງ​ກິນ. ພວກເຂົາ​ພາ​ກັນ​ຢູ່​ຢ່າງ​ໂຫຍ​ຫີວໝົດ​ມື້ ແ​ລະ​ກິນ​
ພຽງ​ແຕ່​ໃນຕອນ​ແລງ ໃນກໍ​ລະ​ນີ​ທີ່​ພວກ​ເຮົາ​ມີ​ສະ​ບຽງ​ອາ​ຫານ ​ຄື​ດັ່ງ​ໝາກ​ສາ​ລີຖົງ​ນີ້
ໃຫ້​ເຂົາ​ກິນ. ນອກ​ເໜືອ​ຈາກນີ້​ໄປ​ກໍບໍ່​ມີ​ຫຍັງ​ອີກ​ທີ່​ຈະ​ກິນ.”

​ລາຍ​ງານຂອງສະ​ຖາ​ບັນ​ພັດ​ທະ​ນາ​ຕ່າງປະ​ເທດ ໄດ້​ເອົາ​ຂໍ້​ມູນກ່ຽວ​ກັບໄພ​ຫາຍ​ຍະ​ນະ​
ຕ່າງໆ, ການປ່ຽນ​ແປງດິນ​ຟ້າ​ອາກ​າດ,​ ແລະ​ຄວາມ​ທຸກ​ຈົນ​ຂອງ​ເດັກ​ນ້ອ​ຍ ມາ​ປະ​ສົມ
ເຂົ້າ​ກັນ​ ເປັນ​ເທື່ອທຳ​ອິດ.

ທ່ານ​ນາງ​ເອັມ​ມາ ໂລ​ແວ​ລ ຈາກ​ສະ​ຖາ​ບັນ​ພັດ​ທ​ະ​ນາ​ຢູ່ຕ່າງ​ປະ​ເທດ ກ່າວ​ວ່າ “ຕາມ​
ປົກ​ກະ​ຕິ​ແລ້ວຫຼັງ​ຈາກ​ເກີດໄພ​ຫາຍ​ຍະ​ນະ ພວກ​ເຮົາຈະ​ໄດ້​ຍິນຂ່າວ​ກ່ຽວ​ກັບຈຳ​
ນວນຄົນ​ທີ່​ເສຍ​ຊີ​ວິດ ຫຼື​ຄວາມເສຍທາງ​ເສດ​ຖະ​ກິດ ແຕ່​ວ່າ ​ພວກ​ເຮົາ​ບໍ່​ມັກຈະໄດ້
​ຍິນກ່ຽວ​ກັບ ຜົນ​ກະ​ທົບໃນໄລ​ຍະ​ຍາ​ວ​ຂອງໄພ​ຫາຍ​ຍະ​ນະ​ນັ້ນ ວ່າ​ມີຫຍັງແດ່.
ແລະ​ການ​ຄົ້ນ​ຄວ້າ​ນີ້ ​ເປັນ​ເລື້ອງ​ໜ້າ​ຕື່ນ​ເຕັ້ນ​ແທ້ໆ ເພາະ​ວ່າ ​ມັນ​ສຶກ​ສາເບິ່ງ​ຜົນ​ກະ​
ທົບ​
ຂອງ​ຄວາມ​ຫາຍ​ຍະ​ນະ ແລະ​ການ​ປ່ຽນ​ແປງ​ດິນ​ຟ້າ​ອາກາດຕໍ່​ຄວາມ​ເປັນ​ຢູ່
ຂອງເດັກ​ນ້ອຍ ແລະ​ຜົນຂອງ​ການ​ພັດ​ທະ​ນາ​ໃນໄລ​ຍະ​ຍາວ.”

ບັນ​ດາ​ນັກ​ຄົ້ນ​ຄວ້າ​ໄດ້​ວິ​ເຄາະ​ຜົນ​ກະ​ທົບ​ຂອງໄພ​ທຳ​ມະ​ຊາດຕໍ່​ພວກ​ເດັກ​ນ້ອຍ ແລະ
​ພວກເດັກ​ໄວ​ລຸ້ນ ຢູ່​ໃນຊ່ວງ​ຕ່າງໆ ​ຂອງ​ຊີ​ວິດ​ເຂົາ​ເຈົ້າ.

ທ່ານ​ນາງ​ເອັມ​ມາ ກ່າວ​ວ່າ “ໄພ​ຫາຍ​ຍະ​ນະ​ມີແນວ​ໂນ້ມ​ທີ່​ຈະສົ່ງ​ຜົນ​ກະ​ທົບ​ຕໍ່​ກຸ່ມທີ່​
ມີຄວາມ​ທຸກ​ຍາກ​ ຫລື​ສ່ຽງ​ຕໍ່​ຜົນ​ກະ​ທົບ​ໄດ້​ງ່າຍ. ແລະໄພ​ຫາຍ​ຍະ​ນະ ຍັງສາ​ມາດ
ເຮັດໃຫ້​ຄວາມບໍ່​ສະ​ເໝີ​ພາບ​ຢູ່​ໃນ​ສັງ​ຄົມ​ໄກ​ກັນ​ອອກ​ໄປ​ອີກ​ຕື່ມ. ເພາະ​ສະ​ນັ້ນ, ​ຖ້າ

​ຫາກຂ້າ​ພະ​ເຈົ້າຍົກ​ໂຕ​ຢ່າງມາ​ໃຫ້​ຟັງ,​ ຫຼັງ​ຈາກເກີດ​ໄພ​ຫາຍ​ຍະ​ນະ ຖ້າ​ຫາກ​ເດັກ​
ນ້ອຍຜູ້​ນຶ່ງ ຖືກບອກ​ໃຫ້ອອກໂຮງ​ຮຽນ ເພື່ອ​ມາຊ່ວຍ​ຄອບ​ຄົວ ແລະ​ວຽກ​ເຮືອນ ສະ​
ພາບ​ການອັນນີ້​ ອາດຈະ​ມີ​ຜົນ​ກະ​ທົບ​ຕໍ່ ​ຜົນການສຶ​ກ​ສາຂອງ​ພວກເຂົາ ຊຶ່ງ​ໃນ​ໄລ​
ຍະ​
ຍາວແລ້ວມັນອາດ​ຈະສົ່ງ​ຜົນຕໍ່ໂອ​ກາດໃນການ​ມີວຽກເຮັດ ງານ​ທຳຂອງ
ເຂົາ​ເຈົ້າ.

ການ​ສຶກ​ສາຄົນ​ຄວ້າ ຍັງ​ໄດ້ສຶກ​ສາ​ເບິ່ງ​ຜົນ​ກະ​ທົບ​ຂອງ​ເຫດ​ການ​ນ້ຳ​ຖ້ວມ​ຢູ່​ໃນ​ລັດ​ບີ
​ຮາ ປະ​ເທດ​ອິນ​ເດຍ. ໄດ້​ພົບວ່າ​ບັນ​ດາ​ແມ່​ທີ່ທຸກ​ຈົນ​ເປັນ​ເວ​ລາ​ອັນ​ຍືດ​ຍາວ​ໃນ​ເຂດທີ່​
ຖືກ​ໄພຫາຍ​ຍະ​ນະ​ ແມ່ນໄປ​ຫາໝໍເພື່ອກວດສຸ​ຂະ​ພາບ​ກ່ອນເກີດ​ລູກ ​ໜ້ອຍກວ່າຢູ່ ຄົນ
ທຸກ​ຈົນ​ທີ່ຢູ່ບ່ອນ​ອື່ນໆ. ການ​ເປັນພະ​ຍາດ​ຖອກ​ທ້ອງ​ຢ່າງ​ແຜ່​ຫລາຍ ກໍໄດ້ສູງກວ່າພວກ​
ຢູ່ເຂດ​ອື່ນ​ເຊັ່​ນ​ກັນ; ໃນ​ຂະ​ນະ​ທີ່​ພວກເດັກ​ນ້ອຍ​ໄວລຸ້ນ​ທີ່​ທຸກ​ຈົນທີ່​ເຂົ້າໂຮງ​ຮຽນຢູ່​ໃນ
ບ່ອນ​ທີ່​ມັກ​ມີໄພ​ທຳ​ມະ​ຊາດ​ເກີດ​ຂຶ້ນເປັນ​ປະ​ຈຳ ມີ​ຈຳ​ນວນ​ໜ້ອຍ​ກວ່າ​ຢູ່​ບ່ອນ​ອື່ນ.

ທ່ານ​ນາງ​ເອັມ​ມາ ໂລ​ແວ​ລ ກ່າວ​ອີກວ່າ “ມັ​ນ​ເປັນ​ເລື້ອງ​ທີ່​ສຳ​ຄັນ​ຫລາຍ​ທີ່​ລັດ​ຖະ​ບານ
ແລະ​ບັນ​ດາ​ຜູ້​ປະ​ຕິ​ບັດງານໃນ​ລະ​ດັບ​ໂລກໃຫ້ກາ​ນ​ຊ່ວຍ​ເຫລືອໃນການ​ສົ່ງ​ເສີມ​ລະ​
ບົບ​ ແລະ​ບໍ​ລິການທີ່​ສາ​ມາດໃຫ້​ການ​ສະ​ໜັບ​ສະ​ໜູນແກ່​ປະ​ຊາ​ຊົນ​ທີ່​ຕົກຢູ່​ໃນສະ​
ພາບ​ການ​ເຫລົ່າ​ນີ້.

ພວກ​ຂ​ຽນ​ລາຍ​ງານນີ້ ​ຮຽກ​ຮ້ອງ​ໃຫ້​ລັດ​ຖະ​ບານຂອງ​ບັນດາປະ​ເທດ ແລະ​ອົງ​ການ​ຊ່ວຍ
​ເຫຼືອ​ຕ່າງໆ ​ສ້າງຄວາມ​ສາມາດໃນ​ການ​ຕ້ານ​ທານ​ຕໍ່ໄພ​ທຳ​ມະ​ຊາດ ແລະເອົາ​ໃຈ​ໃສ່​ຕໍ່​
ຜົນ​ກະ​ທົບຂອງ​ມັນ ຕໍ່​ພວກ​ເດັກ​ນ້ອຍ​ຢູ່​ໃນ​ກຸ່ມ​ຊົນ​ທີ່​ມີຄວາມ​ທຸກ​ຈົນ​ທີ່​ສຸດ ແລະຢູ່​ໃນ
ສະ​ພາບ​ທີ່​ໄດ້​ຮັບ​ຜົນ​ກະ​ທົບ​ໄດ້ງ່າຍ​ທີ່​ສຸດ.

Children in disaster-prone regions are twice as likely to be living in chronic poverty, according to new research. The report from the London-based Overseas Development Institute looks at the impact of natural disasters across different stages of a child's life in India and Kenya, and warns that climate change is making such incidents more frequent and more intense. Henry Ridgwell reports.]]

Kenya's Turkana County where the rains no longer fall. The drought is having a devastating impact on the most vulnerable people.

Christine, Resident of Turkana County

"When we wake up in the morning, our children have nothing to eat. They stay hungry all day and eat only in the evening in the event that we have food stocks like this bag of maize. There is nothing else to eat."

The Overseas Development Institute report combines data on disasters, climate change and child poverty for the first time.

Emma Lovell, Overseas Development Institute

"Usually after a disaster we hear about the number of people who've died or economic losses, but we don't tend to hear about what the longer-term impacts of the disaster are. And this research is really exciting because it looks at the impact of disasters and climate change on child well-being and longer-term development outcomes."

The researchers analyzed the impact of natural disasters on children and adolescents at different stages of their life.

Emma Lovell, Overseas Development Institute

"Disasters are more likely to affect the most vulnerable groups. And disasters can also widen existing inequalities within society. So if I give an example, after a disaster if a child may be pulled out of school in order to help the family and household, this may have an impact on their educational achievement, which longer term may then influence their employment opportunities."

The study also looked at the impact of flooding events in Bihar state, India. It found that chronically poor mothers had fewer prenatal visits in disaster-prone areas than elsewhere. Diarrhea prevalence was also higher; while fewer poor adolescents were enrolled in school where natural disasters were common.

Emma Lovell, Overseas Development Institute

"It's essential that governments and global actors help to promote systems and services that can support people in these events."

The report's authors urge governments and aid agencies to build resilience against natural disasters and to take account of the impact on children in the poorest and most vulnerable populations.

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG