ລິ້ງ ສຳຫລັບເຂົ້າຫາ

logo-print

ຈຳນວນແມ່ຍິງອາເມຣິກັນພາກັນສະໝັກຮັບໃຊ້ໃນໜ້າທີ່ການເມືອງເພີ່ມຂຶ້ນ


ຢູ່​ທົ່ວ​ສະຫະລັດ ຂະ​ບວນການ #ຂ້ອຍ​ກໍ​ຄື​ກັນ ​ແລະ​ການ​ເດີນ​ຂະ​ບວນ ຂອງພວກ​ແມ່
ຍິງ​ ກຳລັງ​ປ່ຽນ​ປ່ຽນ​ແປງ​ການ​ອະພິປາຍ​ດ້ານການ​ເມືອງ​ຂອງ​ປະ​ເທດ ​ແລະ​ກະຕຸ້ນໃຫ້
​ພວກແມ່ຍິງ​ ຈຳນວນຫຼາຍເປັນປະຫວັດການ ​ລົງ​ສະໝັກແຂ່ງຂັນເອົາຕຳແໜ່ງທາງ
ການ​ເມືອງ ຢູ່​ໃນການ​ເລືອກ​ຕັ້ງກາງສະ​ໄໝທີ່​ສຳ​ຄັນ ຂອງປີ​ນີ້. ນັກ​ຂ່າວວີ​ໂອ​ເອ ປະ
ຈຳ​ສະພາ​ຕໍ່າ ​ແຄັ​ດ​ເທີ​ລິນ ກິບສັນ ມີ​ລາຍ​ງານ​ກ່ຽວ​ກັບບັນດາ​ຜູ້​ສະໝັກ​ແມ່ຍິງ​ລຸ້ນ​ໃໝ່
ທີ່ນຳ​ເອົາ​ແນວ​ຄິດ​ໃໝ່ໆ​ເຂົ້າ​ມາ​ທ້າ​ທາຍ ​ເພື່ອ​ທັບ​ມ້າງຂີດຈຳກັດຕໍ່​ພວກແມ່ຍິງນັ້ນ. ​
ກິ່ງ​ສະຫວັນ ຈະ​ນຳ​ເອົາລາຍລະອຽດ ກ່ຽວກັບເລື່ອງນີ້ ມາສະ​ເໜີ​ທ່ານ.

ການ​ເດີນ​ຂະ​ບວນຂອງພວກແມ່ຍິງໃນປີ​ກາຍ​ນີ້ ໄດ້​ກະຕຸກຊຸກຍູ້ ໃຫ້​ນາງ ອາລີ​ສັນ
ກອລເບຣດ ລົງສະໝັກແຂ່ງຂັນ. ນາງກ່າວກ່ຽວກັບເລື່ອງນີ້ວ່າ:

“ຂ້າພະ​ເຈົ້າ​ມີ​ປະສົບ​ການ​ກ່ຽວກັບຊີວິດ​ຄື​ກັນ. ຂ້າພ​ະ​ເຈົ້າ​ເຂົ້າ​ໃຈໃນ​ອັນ​ທີ່ຄົນ​ທຳ​
ມະ​ດາ​ສາມັນ ພາກັນ​ປະ​ເຊີນ​ໜ້າ​ຢ່າງ​ໃດ?

ການ​ຕັດສິນ​ໃຈ​ຂອງ​ນາງ ​ເພື່ອ​ທ້າ​ທາຍສະມາຊິກ​ສະພາ​ຕໍ່າ​ພັກຣີພັບ​ບລິ​ກັນ ​ໄດ້​ມີ​ຂຶ້ນ
​ບໍ່ເທົ່າໃດ​ອາທິດ​ຕໍ່​ມາ ຫຼັງ​ຈາກ​ສະມາຊິກສະພາທ່ານນີ້ ​ໄດ້ປະຕິເສດ​ຕໍ່​ຄຳ​ ຮ້ອງຂໍ​ຂອງ
​ນາງ ​ທີ່ໃຫ້ຮັກສາເງິນ​ຊ່ວຍ​ເຫຼືອສຳລັບຈ່າຍ​ຄ່າ​ປະກັນ​ໄພ​ສຸຂະພາບ.

ນາງກອລ​ເບຣດ ​ກ່າວ​ວ່າ “ທ່ານ​ເວົ້າ​ວ່າ ຂ້າພ​ະ​ເຈົ້າຄິດ​ວ່າ​ຄົນ​ສ່ວນ​ໃຫຍ່ບໍ່ສົນໃຈ
ດອກຖ້າ​ຫາກ​ແມ່ຍິງ​ຈ່າ​ຍຄ່າ​ປະກັນ​ໄພ​ສຸຂະພາບແພງແດ່ໜ້ອຍນຶ່ງ. ​ແລະ​ຂ້າພະ
​ເຈົ້າ​ຄິດ​ວ່າພວກ​ແມ່ຍິງ​ພາກັນ​ສົນ​ໃຈເລື່ອງນີ້.”

ນາງກອລ​ເບຣດ ທີ່ລ້ຽງລູກໂດຍບໍ່ມີຜົວ ແລະເກັ່ງໃນເລື່ອງສື່ສັງຄົມສະ​ໄໝໃໝ່ ພ້ອມ
ດ້ວຍປະສົບການ 10 ປີໃນການເຮັດວຽກກັບລັດຖະບານກ່າວວ່າ ການທີ່ ຈະຕໍ່ສູ້ກັບ
ນັກການເມືອງ ທີ່ຜ່ານປະສົບການມານັ້ນ ບໍ່ເຄີຍຢັບຢັ້ງນາງໄວ້ເລີຍ.

ນາງກອລ​ເບຣດ ກ່າວວ່າ “ຂ້າພະເຈົ້າຄິດວ່າ ພວກຜູ້ຊາຍເຫລົ່ານີ້ມີຫຍັງແດ່ທີ່ຈະ
ມາສະເໜີໃຫ້? ເຂົາເຈົ້າໄດ້ເຮັດຫຍັງມາ? ຄຸນນະວຸດທິຂອງເຂົາເຈົ້າແທ້ໆແລ້ວ
ມີຫຍັງແດ່?”

ແຕ່ບັນດານັກຄົ້ນຄວ້າກ່າວວ່າ ນັ້ນແມ່ນນິໄສທີ່ບໍ່ຄ່ອຍປົກກະຕິ ຂອງພວກນັກ ການເມືອງແມ່ຍິງ​.

ນາງເຈັນນິເຟີ ລໍແລັສ ຈາກມະຫາວິທະຍາໄລອາເມຣິກັນ ກ່າວວ່າ “ເວລາ ພວກແມ່
ຍິງ ແລະພວກຜູ້ຊາຍ ມີປະສົບພະການໃນການເຮັດວຽກຄືກັນ ແລະ ເຂົາເຈົ້າມີ
ເປົ້າໝາຍ​ໃນຄວາມເຊື່ອໝັ້ນວ່າ ພວກເຮົາຄາດໝາຍຫຼາຍທີ່ສຸດຈາກ ຜູ້ສະໝັກ
ສ່ວນໃຫຍ່ ພວກຜູ້ຊາຍພາກັນແຍງແຫວ່ນເບິ່ງ ແລະກ່າວວ່າ “ແມ່ນ ແລ້ວ ຂ້າພະ
ເຈົ້າມີຄຸນນະວຸດທິ ລົງສະໝັກແຂ່ງຂັນເອົາຕຳແໜ່ງ” ແລະແມ່ຍິງ ປະມານ 20
ເປີເຊັນ ມີທ່າທາງວ່າ ຈະສະແດງຄວາມສົງໄສໃນຕົນເອງ.”

ແລະຢູ່ໃນທົ່ວໂລກ ສະຫະລັດແມ່ນຍັງຫລ້າຫລັງ 103 ປະເທດຢ່າງຫຼວງຫຼາຍ ໃນ
ການມີສະມາຊິກສະພາແມ່ຍິງ ເປັນຍ້ອນເຫດຜົນຫຍັງ? ບັນດາປະເທດທີ່ມີອັດຕາເປີ
ເຊັນສູງ ເຊັ່ນວ່າ ຄິວບາ ເມັກຊິໂກ ແລະອາຟຣິກາໃຕ້ ແມ່ນມີໂຄຕ້າ ຫລືລະບົບພັກທີ່
ເຂັ້ມແຂງໃນການເລືອກເອົາບັນດາຜູ້ສະໝັກແມ່ຍິງ.

ນາງລໍແລັສກ່າວວ່າ “ພວກເຮົາມີລະບົບຜູ້ສະໝັກທີ່ບໍລິຫານງານໃຫ້ແກ່ຕົນເອງ ຢູ່
ໃນສະຫະລັດ ຊຶ່ງໝາຍຄວາມວ່າ ທ່ານຖືກປ່ອຍປະໄວ້ ​ໃຫ້ຢູ່ຕາມລຳພັງຕົນ ເອງ ແລະພວກແມ່ຍິງທີ່ບໍ່ເຫັນແມ່ຍິງຄົນອື່ນໆຈຳນວນຫຼວງຫລາຍຢູ່ໃນວົງການ ເມືອງ ພວກແມ່ຍິງທີ່ຍັງມີລາຍໄດ້ໜ້ອຍກວ່າພວກຜູ້ຊາຍ ພວກແມ່ຍິງທີ່ບໍ່ສ່ວນ ພົວພັນ
ກັບການເມືອງ ອາດຈະເຫັນວ່າເປັນຍາກທີ່ຈະລົງສະໝັກແຂ່ງຂັນ.”

ແລະໃນຂະນະທີ່ຄື້ນຟອງການລາອອກຂອງສະມາຊິກສະພາໄດ້ຖືກເປີດເຜີຍໃຫ້ຮູ້ ຫວ່າງມໍ່ໆມານີ້ ພວກແມ່ຍິງຜູ້ທີ່ໄດ້ໂດດຂ້າມສິ່ງກີດຂວາງຕ່່າງໆເພື່ອເອົາຊະ ນະການ
ເລືອກຕັ້ງນັ້ນ ແມ່ນປະເຊີນໜ້າກັບບັນຍາກາດທີ່ຍາກລຳບາກ ຢູ່ໃນລັດຖະສະພາ.

ນາງທຸລຊີ ກັບບາດ ທີ່ສັງກັດພັກເດໂມແຄຣັດ ກ່າວວ່າ “ນັບເປັນເວລານານມາແລ້ວ ທີ່ພວກລ່ວງລະເມີດທາງເພດ ໄດ້ພາກັນຢູ່ຢ່າງເສລີ ທີ່ຕຶກລັດຖະສະພາ ຊຶ່ງເປັນ
ບ້ານເຮືອນຂອງປະຊາຊົນ ໃນຂະນະທີ່ຜູ້ລອດມາໄດ້ຈາກການລວນລາມ ທາງເພດ ແລະການໂຈມຕີ ໄດ້ຖືກໂດດດ່ຽວ ຖືກດູໝິ່ນ ແລະເຮັດໃຫ້ລະອາຍ ເພື່ອບໍ່ໃຫ້ເວົ້າ
ຫຍັງອອກມາ. ພໍແລ້ວ ພໍແລ້ວ.”

ແຕ່ວ່າການສົນທະນາໄດ້ເລີ້ມໂດຍ ຂະບວນການ #ຂ້ອຍກໍຄືກັນ ບໍ່ໄດ້ເປັນ
ພຽງແຕ່ຝ່າຍດຽວ.

ນາງເຈັນນີເຟີ ຮິກກິນ ຈາກອົງການແມ່ຍິງດຽວນີ້ ກ່າວວ່າ “ຂ້າພະເຈົ້າບໍ່ເຄີຍ ຖືວ່າ ຂະບວນການ #ຂ້ອຍກໍຄືກັນ ເປັນພັກການເມືອງໃດນຶ່ງ. ຂ້າພະເຈົ້າຄິດ ວ່າເປັນ
ການຈັດຕັ້ງທາງເພດ.”

ນາງຮິກກິນ ຮັບຮູ້ວ່າ ເປັນກຸ່ມຕໍ່ຕ້ານປະທານາທິບໍດີທຣໍາ ທີ່ກະຕຸ້ນໃຫ້ພວກແມ່ ຍິງພັກເດໂມແຄຣັດ ພາກັນລົງສະໝັກແຂ່ງຂັນ. ແຕ່ນາງກ່າວວ່າ ພັກຣີພັບບລິ ກັນກໍຍິນດີຕ້ອນຮັບພວກແມ່ຍິງ ທີ່ເປັນຜູ້ສາມາດແກ້ໄຂບັນຫາ ແລະຕ້ອງການ ໂອກາດທີ່ຈະປັບປ່ຽນວໍຊິງຕັນ.

ນາງຮິກກິນກ່າວວ່າ “ຄວາມຫຼາກຫລາຍໃນການເຂົ້າເປັນສະມາຊິກໃນພັກຂອງ ພວກເຮົາເບິ່ງຄືວ່າ ແມ່ນຈຸດເພັ່ງເລັງແລະບູລິມະສິດສຳລັບລັດຖະສະພາຊຸດນີ້ ບາງທີ່ອາດຫຼາຍ ກ່ອນນັ້ນ ເພື່ອໃຫ້ມີແມ່ຍິງ ເຂົ້າຮ່ວມໂຕະ ໃນການເຈລະຈາ
ກ່ຽວກັບບັນຫາ ຊັບຊ້ອນຕ່າງໆ ​ເຊັ່ນວ່າເລື່ອງຄົນເຂົ້າເມືອງ ຫລືຂະບວນການ
#ຂ້ອຍກໍຄືກັນ ແລະການລວນລາມທາງເພດ ແຜ່ກະຈາຍຢູ່ວໍຊິງຕັນ ຢ່າງໃດ?

ຄວາມຮູ້ສຶກທີ່ດັງກ້ອງໄປທົ່ວທັງສອງພັກ.

ນາງກອລ​ເບຣດ ກ່າວວ່າ “ຖ້າຫາກວ່າຕ້ອງການເວລາ ມັນແມ່ນ ດຽວນີ້.”

ໂອກາດໃໝ່ ທີ່ອາດຈະປ່ຽນແປງໂສມໜ້າ ແລະປະເພນີຂອງລັດຖະສະພາ
ກໍໄດ້.

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ
XS
SM
MD
LG