ສານລັດຖະທຳມະນູນອິນໂດເນເຊຍ ໄດ້ຕັດສິນເຫັນພ້ອມ
ກັບຜົນການເລືອກຕັ້ງປະທານາທິບໍດີໃນເດືອນແລ້ວນີ້ ຊຶ່ງ
ເປັນການແຜ້ວທາງ ໃຫ້ແກ່ຜູ້ປົກຄອງ ນະຄອນ Jakarta
ທ່ານ Joko Widodo ເຂົ້າຮັບຕໍາ ແໜ່ງດັ່ງກ່າວ.
ສ່ວນທ່ານ Prabowo Subianto ທີ່ເສຍໄຊໃນການເລືອກ
ຕັ້ງປະທານາທິບໍດີ ໄດ້ກ່າວຫາວ່າ ມີການສໍ້ໂກງຄະແນນ
ສຽງຢ່າງໃຫຍ່ ໃນການປ່ອນບັດເມື່ອວັນທີ 9 ເດືອນກໍລະ
ກົດ ແລະໄດ້ຍື່ນຟ້ອງຕໍ່ສານລັດຖະທຳມະນູນອິນໂດເນເຊຍ.
ແຕ່ໃນວັນພະຫັດວານນີ້ ສານໄດ້ປະຕິເສດຢ່າງເປັນເອກກະສັນຕໍ່ການກ່າວຫາຂອງ ທ່ານ ການຕັດສີນດັ່ງກ່າວນີ້ ບໍ່ສາມາດຂໍອຸທອນໄດ້.
ຄະນະກຳມະການເລືອກຕັ້ງ ໄດ້ປະກາດວ່າ ທ່ານ Widodo ເປັນຜູ້ຊະນະ ໂດຍໄດ້ຮັບ
ຄະແນນສຽງ 53 ເປີເຊັນ ຊຶ່ງລື່ນທ່ານ Subianto ຫຼາຍກວ່າ 8 ລ້ານ ສຽງ. ບັນດາຜູ້ສັງເກດການທ້ອງຖິ່ນ ແລະສາກົນ ກ່າວວ່າ ບໍ່ມີຮ່ອງຮອຍທີ່ສຳຄັນໆ ໃນການເຮັດຜິດກົດ ລະບຽບແລະໄດ້ຍ້ອງຍໍການປ່ອນບັດຄັ້ງນີ້ວ່າ ເປັນບາດກ້າວທີ່ສຳຄັນອີກອັນນຶ່ງ ທີ່ສະ
ແດງໃຫ້ເຫັນເຖິງຄວາມເຂັ້ມແຂງປະຊາທິປະໄຕ ໃນອິນໂດເນເຊຍ.
