ລິ້ງ ສຳຫລັບເຂົ້າຫາ

ມະຫາອຳນາດ ຂອງໂລກ ເປີດປະຊຸມ ກ່ຽວກັບ ອະນາຄົດ ທາງການເມືອງ ຂອງ ຊີເຣຍ


ພວກ​ນັກ​ການ​ທູດ​ຈາກ 17 ປະ​ເທດ ບວກ​ກອົງການ​ສະຫະ​ປະ
ຊາ​ຊາດ ​ແລະສະຫະພາບ​ຢູ​ໂຣບ​ ​ໄດ້​ເປີດ​ການ​ເຈລະຈາ​ ທີ່​ນະ
ຄອນວຽນ​ນາ ກ່ຽວ​ກັບ​ອະນາຄົດ ທາງ​ດ້ານ​ການ​ເມືອງ​ຂອງ​ຊີ​
ເຣຍ.

ການ​ປະຊຸມ ຊຶ່ງ​ເປັນ​ເທື່ອ​ທຳ​ອິດ​ໃນ​ທຳນອງ​ນີ້ ​ແມ່ນ​ມີ​ຮວມທັງ​
ຣັດ​ເຊຍແລະ​ອີຣ່ານ​ເຂົ້າຮ່ວມ​ ສອງ​ປະ​ເທດ​ທີ່​ເຄີຍ​ໃຫ້ການ​ສະ
ໜັບສະໜຸນ ​ແກ່​ປະທານາທິບໍດີ Bashar al-Assad ມາ​ເປັນ
​ເວລາ​ດົນ​ນານ​ແລ້ວນັ້ນ.

ທ່ານ Daniel Serwer ອາຈານ​ສອນ​ ກ່ຽວ​ກັບ​ການ​ຄຸ້ມ​ຄອງ​ບັນ
ຫາ​ຂັດ​ແຍ້​ງ ຂອງມະຫາວິທະຍາ​ໄລ​ Johns Hopkins ກ່າວ​ວ່າ ຈະ​ບໍ່​ມີ​ການ​ແກ້​ໄຂ​ທາງ
ດ້ານ​ການ​ເມືອງ ​ຕໍ່​ບັນຫາ​ສົງຄາມ​ຢູ່​ໃນ​ຊີ​ເຣຍ ​ໂດຍ​ປ​າສະ​ຈາກ​ອີຣ່ານ. ທ່ານ​ກ່າວຕື່ມ​ວ່າ ​
ແຕ່​ນັ້ນ ​ກໍບໍ່​ໄດ້​ໝາຍ​ຄວາມ​ວ່າ ມັນ​ຈະ​ມີ​ຂຶ້ນກັບ​ອີຣ່ານ​ແຕ່​ຢ່າງ​ໃດ​ເລີຍ.

ແຜນທີ່ຂອງສະຖາບັນສຶກສາສົງຄາມ

ແຜນທີ່ຂອງສະຖາບັນສຶກສາສົງຄາມ

ການ​ເຈລະຈາ​ດັ່ງກ່າວ​ນີ້ ຍັງ​ຮວມທັງ​ຄູ່​ປໍ​ລະ​ປັກ​ຂອງ​ອີຣ່ານ ຄື​ຊາ​ອຸ​ດີ ອາ​ຣາ​ເບຍ ຊຶ່ເປັນ
​ປະ​ເທດ​ທີ່​ມີ​ທ່າ​ທີ​ແບບ​ດຽວ​ກັນ​ກັບ​ສະຫະລັດ​ທີ່​ວ່າ ປະທານາທິບໍດີ Assad ຈະ​ຕ້ອງ​ບໍ່​ມີ
ສ່ວນ​ຮ່ວມ​ໃດໆ ​ໃນ​ການ​ແກ້​ໄຂ​ບັນຫາ​ທາງ​ດ້ານ​ການ​ເມືອງ ​ໄລ​ຍະ​ຍາວ ຕໍ່​ສົງຄາມ​ກາງ
ເມືອງທີ່ດຳເນີນມາ ເປັນເວລາສີ່ປີເຄິ່ງຢູ່ໃນຊີເຣຍ ທີ່ເຮັດໃຫ້ມີຜູ້ເສຍຊີວິດ ຫຼາຍພັນຄົນ ເກີດວິກິດການອົບພະຍົບແລະຊ່ອງຫວ່າງໃນດ້ານຄວາມໝັ້ນຄົງທີ່ອຳນວຍໃຫ້ພວກຫົວ
​ຮຸນ​ແຮງລັດ​ອິສລາມ ສ້າງຕັ້ງທີ່ ໝັ້ນຂອງ​ຕົນ​ຢູ່​ໃນ​ປະ​ເທດ​ດັ່ງກ່າວ​ໄດ້.

ທ່ານ John Kerry ລັດຖະມົນຕີ​ການ​ຕ່າງປະ​ເທດ​ສະຫະລັດ ກ່າວ​ໃນ​ວັນ​ສຸກ​ມື້ນີ້ຂະນະ
​ທີ່​ທ່ານ​ຈະ​ເຂົ້າຮ່ວມ​ການ​ເຈລະຈາ​ກັບ​ລັດຖະມົນຕີ​ການ​ຕ່າງປະ​ເທດ​ອີ​ຈິບວ່າ​ ຂ້າພະເຈົ້າ
ຫວັງ​ວ່າ​ພວກ​ເຮົາ​ຈະ​ພົບ​ເຫັນ​ຊ່ອງ​ທາງ ​ເພື່ອ​ກ້າວ​ເດີນ​ໄປ​ໜ້າ.​ ມັນຫຍຸ້ງຍາກ​ຫລາຍ.

ສ່ວນ​ລັດຖະມົນຕີ​ການ​ຕ່າງປະ​ເທດ​ເຢຍຣະມັນທ່ານ Frank-Walter Steinmeier ກ່າວ​
ຕໍ່​ພວກ​ນັກ​ຂາວ​ວ່າ ມັນ​ຈະ​ເປັນ​ໄປ​ບໍ່​ໄດ້ ​ທີ່​ຈະ​ແກ້​ໄຂ​ບັນຫາທັງ​ໝົດ​ ແລະ​ຜົນ​ປະ​ໂຫຍ​ດທີ່​
ເປັນ​ຮູບ​ປະ​ທຳ​ຂອງ​ບັນຫາຂັດ​ແຍ້​ງພາຍ​ໃນ​ເວລາ​ຂ້າມ​ຄືນ​ແຕ່​ທ່ານ​ກໍ​ກ່າວ​ໃນ​ກອງ​ປະຊຸມ​
ໃນ​ວັນ​ສຸກ​ມື້ື້ນີ້ວ່າ ມັນ​ເປັນ​ບາດກ້າວ​ທີ່​ສຳຄັນ.

ສ່ວນ​ລັດຖະມົນຕີການຕ່າງປະ​ເທດ​ຝຣັ່ງ ທ່ານ Laurent Fabius ​ເວົ້າວ່າ ມັນ ​ເປັນ​ບາດ
ກ້າວ ​ຂັ້ນທຳ​ອິດ​ ການ​ຕໍ່ສູ້​ຕ້ານ​ກຸ່ມ​ລັດ​ອິສລາມ ​ແລະ​ ກຸ່ມຫົວ​ຮຸນ​ແຮງ Jabhat al-Nusra ​ໃນ​ຊີ​ເຣຍ ຈະ​ຕ້ອງ​ດຳ​ເນີນ​ໄປ​ ແບບ​ມີ​ປະສິດທິ​ຜົນ​ຫຼາຍຂຶ້ນ ທ່ານ​ກ່າວ​ວ່າ ຫລັງ​ຈາກ​ນັ້ນ ການ​ໂອນ​ອຳນາດ​ທາງ​ດ້ານ​ການ​ເມືອງ​ຕ້ອງ​ໄດ້​ມີ​ການຈັດຕັ້ງ.

ເປັນ​ທີ່​ສັງ​ເກດ​ໄດ້​ວ່າ ບໍ່​ໄດ້​ເຂົ້າຮ່ວມ​ໃນການ​ເຈລະ​ຈາ ກ່ຽວ​ກັບ​ອະນາຄົດ​ທາງ​ດ້ານການ​ເມືອງຊີ​ເຣຍ ​ໃນ​ວັນ​ສຸກ​ມື້ນີ້ ກໍ​ແມ່ນ​ຜູ້ຕາງໜ້າ​ ຂອງ​ລັດຖະບານ​ຊີ​ເຣຍ ​ແລະ​ບັນດາ​ກຸ່ມ​ທີ່
ນິຍົມ​ແນວທາງ​ປານ​ກາງຂອງ​ປະ​ເທດ​ດັ່ງກ່າວ.

XS
SM
MD
LG