ລິ້ງ ສຳຫລັບເຂົ້າຫາ

ມືປືນ ລອບສັງຫານ ນ້ອງຊາຍ ປະທານ ສະພາແຫ່ງຊາດ ຊີເຣຍ (ສະໄລດ໌)


ແຜນທີ່ຊີເຣຍ
ໂທລະພາບຂອງທາງການຊີເຣຍລາຍງານວ່າ ນ້ອງຊາຍຂອງປະ
ທານ ສະພາແຫ່ງຊາດຊີເຣຍ ໄດ້ຖືກລອບສັງຫານ.

ອົງການຂ່າວ SANA ຂອງທາງການຊີເຣຍແຈ້ງວ່າ ທ່ານ Mo-
hammed Osama Laham ນ້ອງຊາຍ ຂອງປະທານສະພາ
ແຫ່ງຊາດຊີເຣຍທ່ານ Jihad Laham ໄດ້ຖືກຍິງຕາຍໃນຕອນ
ເຊົ້າວັນອັງຄານມື້ນີ້ ຂະນະທີ່ທ່ານ ຂັບລົດໄປເຮັດວຽກ ໃນນະ
ຄອນຫຼວງດາມັສກັສ.

ໃນມື້ວານນີ້ ພວກນັກເຄື່ອນໄຫວຊີເຣຍກຸ່ມນຶ່ງ ກ່າວວ່າ ການ
ໂຈມຕີດ້ວຍລົດລະເບີດສະຫຼະຊີບໄດ້ສັງຫານທະຫານຊີເຣຍ ແລະມືປືນທີ່ຈົງຮັກພັກດີຕໍ່ປະທານາທິບໍດີ Bashar al-Assad
50 ກວ່າຄົນ ທີ່ແຂວງຮາມາ ໃນພາກກາງຂອງປະເທດ.

ກຸ່ມສິ້ງຊອມສິດທິມະນຸດໃນຊີເຣຍ ທີ່ມີສຳນັກງານຢູ່ປະເທດອັງກິດ ກ່າວວ່າ ການໂຈມຕີ ໃນມື້ວັນຈັນວານນີ້ທີ່ບ້ານ Ziyara ແມ່ນດຳເນີນການໂດຍກຸ່ມແນວໂຮມ Al-Nusra ຊຶ່ງ ເປັນກຸ່ມຫົວຮຸນແຮງອິສລາມທີ່ໄດ້ຮັບແຮງດົນໃຈຫຼືການກະຕຸກຊຸກຍູ້ຈາກກຸ່ມກໍ່ການຮ້າຍ
ຂ້າມຊາດອາລກາອີດາ.

ໂຕເລກຜູ້ເສຍຊີວິດທີ່ວ່ານີ້ ແມ່ນຍັງບໍ່ໄດ້ຮັບການພິສູດຢ່າງເປັນອິດສະຫຼະເທື່ອ.

ກຸ່ມສິ້ງຊອມສິດທິມະນຸດໃນຊີເຣຍແລະໂທລະພາບຂອງທາງຊີເຣຍກ່າວວ່າ ມີຜູ້ເສຍຊີວິດ ຢ່າງນ້ອຍ 11 ຄົນ ແລະອີກຫຼາຍສິບຄົນໄດ້ຮັບບາດເຈັບ ໃນການໂຈມຕີດ້ວຍລະເບີດລົດ ທີ່ຄຸ້ມ Mezzeh ໃນນະຄອນຫຼວງດາມັສກັສ.

ນອກນັ້ນ ພວກນັກເຄື່ອນໄຫວຍັງເວົ້າວ່າ ມີພວກນັກລົບກະບົດຊີເຣຍ ບໍ່ຕໍ່າກວ່າ 20 ຄົນ ເສຍຊີວິດ ໃນການໂຈມຕີທາງອາກາດທີ່ແຂວງ Idlib ໃນພາກຕາເວັນຕົກສຽງເໜືອຂອງ ປະເທດ.

ບັນຫາຂັດແຍ້ງໃນຊີເຣຍ ພວມກ້າວເຂົ້າສູ່ເດືອນທີ 20 ຊຶ່ງເຮັດໃຫ້ມີຜູ້ເສຍຊີວິດໄປແລ້ວ ປະມານ 36,000 ຄົນ.

XS
SM
MD
LG