ເຈົ້າໜ້າທີ່ຍີ່ປຸ່ນກຸ່ມນຶ່ງ ເດີນທາງໄປຍັງພຽງຢ້າງໃນວັນຈັນມື້ນີ້
ເພື່ອໄປຮັບເອົາຂ່າວຫຼ້າສຸດ ກ່ຽວກັບການສືບສວນສອບສວນ
ຂອງເກົາຫຼີເໜືອ ກ່ຽວກັບຊະຕາກຳຂອງພວກພົນລະເມືອງຍີ່ປຸ່ນ
ທີ່ຖືກລັກຈັບໂຕໄປເມື່ອຫຼາຍທົດສະວັດຜ່ານມາ.
ໃນລະຫວ່າງການຢ້ຽມຢາມເປັນເວລາ 4 ມື້ ຄະນະຜູ້ຕາງໜ້າ
ຍີ່ປຸ່ນຈະທຳການພົບປະຫາລື ກັບຄະນະກຳມະການສືບສວນ
ສອບສວນພິເສດຂອງເກົາຫຼີເໜືອ ກ່ຽວກັບເລື້ອງການລັກພາໂຕ
ພົນລະເມືອງຍີ່ປຸ່ນນີ້.
ເກົາຫຼີເໜືອຍອມຮັບ ໃນການລັກພາໂຕພົນລະເມືອງຍີ່ປຸ່ນໄປ ໃນ
ລະຫວ່າງຊຸມປີ 1970ເພື່ອເອົາໄປເຝິກແອບພວກສາຍລັບຂອງຕົນ. ເກົາຫຼີເໜືອໄດ້ສົ່ງພົນ
ລະເມືອງຍີ່ປຸ່ນ 5 ຄົນກັບຄືນປະເທດ ແຕ່ກ່າວອ້າງວ່າ ສິບກວ່າຄົນໄດ້ເສຍຊີວິດໄປແລ້ວ. ຍີ່ປຸ່ນໄດ້ກົດດັນເພື່ອຢາກໄດ້ຂໍ້ມູນຕື່ມອີກ ກ່ຽວກັບຊະຕາກຳຂອງພວກທີ່ຖືກລັກຈັບໂຕໄປ ແລະບຸກຄົນອື່ນໆ ທີ່ທາງໂຕກຽວເຊື່ອວ່າ ໄດ້ຖືກລັກຈັບໂຕໄປເຊັ່ນກັນນັ້ນ.