ລິ້ງ ສຳຫລັບເຂົ້າຫາ

ນັກວິທະຍາສາດ neutrino ໄດ້ຮັບລາງວັນ ໂນແບລ ຂະແໜງຟີສິກ ໃນປີນີ້


ບັນດາສາສະດາຈານ Anne L'Huillier (ຊ້າຍ-ຂວາ) Goran K. Hansson ແລະ Olga Botner ສະມາຊິກ ສະພາໂນແບລ ກ່າວຕໍ່ບັນດານັກຂ່າວ.

ບັນດາສາສະດາຈານ Anne L'Huillier (ຊ້າຍ-ຂວາ) Goran K. Hansson ແລະ Olga Botner ສະມາຊິກ ສະພາໂນແບລ ກ່າວຕໍ່ບັນດານັກຂ່າວ.

ທ່ານ Takaaki Kajita ​ແລະ ທ່ານ Arthur Macdonald ​ໄດ້
ຊະນະລາງ ວັນໂນ​ແບ​ລ ຂະ​ແໜງ Physics ຂອງ​ປີ 2015 ໃນ​
ການ​ຄົ້ນ​ພົ​ບ neutrino oscillations ທີ່​ສະ​ແດງ​ໃຫ້​ເຫັນ​ວ່າ
neutrinos ອັນເປັນອະນຸພາກທີ່ມີຫຼາຍທີ່ສຸດເປັນອັນດັບສອງ
ຢູ່​ໃນຈັກກະວານ ໃກ້​ກັບ photons ທີ່ເປັນມວນສານນັ້ນ.

ຄະນະ​ກຳ​ມະ​ການລາງວັນ​ໂນ​ແບ​ລ ກ່າວ​ຢູ່​ໃນ​ຖະ​ແຫລ​ງການ
​ວ່າ ການ​ຄົ້ນຄວ້າ ຂອງ ທ່ານ Kajita ທີ່ມະຫາວິທະຍາ​ໄລ
Tokyo ​ແລະ ທ່ານ Macdonald ​ທີ່ ມະຫາວິທະຍາ​ໄລ
Queen ທີ່​ປະ​ເທດ Canada ​ໄດ້​ປ່ຽນ​ຄວາມ​ເຂົ້າ​ໃຈ​ຂອງ​
ໂລກ​ກ່ຽວກັບເລື້ອງ​ການ​ເຮັດ​ວຽກຢ່າງເລິກ​ແລບຂອງສະສານ.

​ໃນວັນ​ຈັນວານ​ນີ້ ຄະນະ​ກຳ​ມະ​ການລາງວັນໂນ​ແບ​ລ ​ກໍໄດ້​ປະກາດບັນດາ​ຜູ້​ຊະນະ​ລາງ​
ວັນດັ່ງກ່າວໃນຂະແໜງ​ຢາ​ປົວ​ພະຍາດ ຊຶ່ງໄດ້​ແກ່​ນັກວິທະຍາ ສາດຈາກໄອຣ໌​ແລນ ຍີ່​ຢຸ່ນ
​ແລະ​ຈີນ.

ທ່ານ Jan Andersson, Juleen Zierath ແລະ Hans Forssberg, ສະມາຊິກ ສະຖາບັນ Karolinska Institute Nobel ທີ່ນະຄອນ Stockholm.

ທ່ານ Jan Andersson, Juleen Zierath ແລະ Hans Forssberg, ສະມາຊິກ ສະຖາບັນ Karolinska Institute Nobel ທີ່ນະຄອນ Stockholm.

ທ່ານ William Campbell ຈາກ ​ໄອ​ຣ໌​ແລນ ​ແລະ​ທ່ານ Satoshi Omura ຈາກ ຍີ່ປຸ່ນ ​
ໄດ້ແບ່ງປັນ​ລາງວັນ​ໃນ​ການ​ຄົ້ນ​ພົບ ການ​ປິ່ນປົວ​ໃໝ່​ແກ່ ການ​ຕິດ​ແປດທີ່​ເກີດ​ຈາກ ບັນ
ດາ​ພະຍາດ​ໂຕ​ກົມ.

​ແລະ​ ທ່ານນາງ Tu Youyou ຈາກຈີນ ໄດ້​ຄົ້ນ​ພົບ​ຢາ ທີ່ມີ​ຄວາມ​ສຳຄັນໃນ​ການ​ຫລຸດ​
ຜ່ອນອັດຕາການຕາຍຂອງຄົນເຈັບ ທີ່ໄດ້ຮັບຄວາມເຈັບປວດຈາກໄຂ້ຍຸ່ງ ແລະທ່ານ
ນາງກໍ​ຈະ​ແບ່ງປັນ​ລາງວັນນີ້​ເຊັ່ນ​ດຽວ​ກັນ.

ລາງວັນ​ໂບແບ​ລ ໄດ້​ມີການມອບ​ໃຫ້​ແຕ່ລະ​ປີ​ໃນ​ຂະແໜງຢາ​ປົວ​ພະຍາດ ​ຟິຊິກ ​ເຄມີ
ວັນນະ​ຄະ​ດີ ສັນຕິພາບ ​ແລະ​ ວິທະຍາສາດ​ເສດຖະກິດ. ​ເງິນ​ລາງວັນ​ນີ້ ແມ່ນມາຈາກ
ມໍລະດົກ​ຕົກ​ທອດ​ມາ​ ຂອງນັກ​ຜະ​ລິດ​ຄິດ​ສ້າງຊາວ​ສະ​ວິດ ທ່ານ Alfred Nobel ​ແລະ
ລາງວັນນີ້ ເລີ້ມມາຕັ້ງແຕ່ປີ 1901 ໄດ້ກາຍມາເປັນລາງ ວັນສຳລັບຜູ້ທີ່ປະສົບຄວາມ
ສຳເລັດສຸດ​ຍອດ ໃນແຕ່ລະດ້ານ ​ຂອງທຸກໆ​ປີ.

XS
SM
MD
LG