ລິ້ງ ສຳຫລັບເຂົ້າຫາ

ກຳລັງຂອງອີຣັກ ທຳການຕໍ່ສູ້ ກັບກຸ່ມ ISIL ຢ່າງດຸເດືອດ ເພື່ອຍາດເອົາເມືອງ Tikrit ຄືນ (ສະໄລດ໌/ວີດີໂອ)


ພວກຕຳຫຼວດລັດຖະບານກາງອີຣັກ ທຳການລາດຕະເວນ ໃນເຂດຊານເມືອງ Abu Ghraid ນອກນະຄອນຫລວງ ແບັກແດດ, ວັນທີ 28 ມິຖຸນາ 2014 .

ພວກ​ເຮືອບິນ​ລົບ​ຂອງ​ອີຣັກ ​ໄດ້​ທຳ​ການ​ໂຈມ​ຕີໃນ​ຄືນ​ຜ່ານ​ມາ​ນີ້
ໃສ່​ເມືອງ Tikrit ​ທາງ​ພາກ​ເໜືອ​ຂອງ​ປະ​ເທດ ​ໃນ​ຂະນະ​ທີ່​ທຳ
​ການຕໍ່ສູ້​ ເພື່ອຍາດ​ເອົາ​ເມືອງ​ດັ່ງກ່າວ​ຄືນມາ​ຈາກ​ພວກຫົວ​ຮຸນ
​ແຮງ​ຊຸນ​ນີ ທີ່​ໄດ້​ປະກາດ​ຈັດ​ຕັ້ງ​ລັດ​ອິສລາມ​ຂຶ້ນ ​ໃນ​ຫລາຍໆ​
ເຂດ​ຂອງ​ອີຣັກ​ແລະ​ຊີ​ເຣຍ.

ການ​ສູ້​ລົບ​ກັນ​ໄດ້​ດຳ​ເນີນ​ສືບ​ຕໍ່​ມາຮອດ​ວັນ​ຈັນ​ມື້​ນີ້ ທີ່​ເມືອງ Tikrit
ຊຶ່ງ​ເປັນນຶ່ງ​ໃນ​ຫຼາຍໆຫົວ​ເມືອງ ​ທີ່​ພວກ​ຫົວ​ຕໍ່ສູ້​ຈາກ​ກຸ່ມ ISIL ໄດ້
​ເຂົ້າ​ຄວບ​ຄຸມ ຕັ້ງ​ແຕ່​ຕອນ​ລິເລີ້ມ​ການ​ໂຈມ​ຕີ​ຂອງ​ພວກ​ເຂົາໃນ
​ຕົ້ນເດືອນ​ມິຖຸນານີ້​ເປັນ​ຕົ້ນ​ມາ.

ໃນ​ວັນ​ອາທິດ​ວານ​ນີ້ ພວກ​ ISIL ​ໄດ້​ປະກາດ​ໃນ​ຖະ​ແຫຼ​ງການທີ່​ອັດ​ສຽງ​ໄວ້ ​ແລະ​ລົງ​ໃນ Internet ວ່າ ຫົວໜ້າ​ຂອງ​ຕົນ ຄື​ນາຍ Abu Bakr al-Baghdadi ​ເປັນ​ຫົວໜ້າ​ລັດ​ໃໝ່
ທີ່​ເອີ້ນ​ວ່າຄາ​ລີ​ເຟທ (caliphate) ຊຶ່ງ​ເປັນຄຳ​ສັບ​ປະວັດ​ສາດ ທີ່​ໝາຍ​ເຖິງ​ລັດ​ອະທິປະ​ໄຕ​ຂອງພວກ​ທີ່​ມີ​ຄວາມ​ເຫລື້ອມ​ໃສ​ຢ່າງ​ເຄັ່ງ​ຄັດໃນ​ສາສະໜາ​ອິສລາມ.

ກຸ່ມ ISIL ​ເຄີຍ​ເປັນ​ສາຂາ​ນຶ່ງ​ຂອງ​ເຄືອ​ຂ່າຍ al-Qaida ​ໃນ​ອີຣັກ ​ແຕ່ພວກ​ຜູ​ນຳ​ຂອງ​ກຸ່ມ​ al-Qaida ​ໄດ້​ປະກາດ​ຕັດ​ກຸ່ມ ISIL ​ອອກ​ຈາກ​ເຄືອ​ຂ່າຍ​ຂອງ​ຕົນ ໃນ​ຕົ້ນ​ປີ​ນີ້ ຍ້ອນ ກຸ່ມ ISIL ​ມີ​ຄວາມ​ປາດ​ຖະໜາ​ຢາກ​ຕັດສາສະໜາອະທິປະ​ໄຕ​ອອກ ​ແລະ​ບໍ່​ຍອມຮັບ​ຟັງຄຳ​
ສັ່ງ​ໃດໆ.


XS
SM
MD
LG