ລິ້ງ ສຳຫລັບເຂົ້າຫາ

ນາຍົກ ອີຣັກ ເຫັນ​ດີ ດຳ​ເນີນ​ຄະ​ດີ ​ຜູ້​ບັນຊາ​ການ ​ທະຫານ​ ອີຣັກ


ກຳລັງຮັກສາຄວາມປອດໄພ ປ້ອງກັນສຳນັກງານໃຫຍ່ ຂອງພວກເຂົາຕໍ່ການໂຈມຕີໂດຍພວກ ຫົວຮຸນແຮງ ລັດອິສລາມ ຖ່າມກາງພະຍຸຂີ້ຊາຍ ໃນທາງພາກຕາເວັນອອກຂອງ ເມືອງຫຼວງ Ramadi, ແຂວງ Anbar, ອີຣັກ, 14 ພຶດສະພາ, 2015.

ກຳລັງຮັກສາຄວາມປອດໄພ ປ້ອງກັນສຳນັກງານໃຫຍ່ ຂອງພວກເຂົາຕໍ່ການໂຈມຕີໂດຍພວກ ຫົວຮຸນແຮງ ລັດອິສລາມ ຖ່າມກາງພະຍຸຂີ້ຊາຍ ໃນທາງພາກຕາເວັນອອກຂອງ ເມືອງຫຼວງ Ramadi, ແຂວງ Anbar, ອີຣັກ, 14 ພຶດສະພາ, 2015.

ວັນ​ອາທິດ​ມື້​ນີ້ ນາຍົກລັດຖະມົນຕີ ອີຣັກ ທ່ານ Haider al-Abadi ​ໄດ້​ເຫັນ​ດີ​ກັບ​ການແນະນຳ​ຂອງ​ກຳ​ມະ​ທິການສືບສວນ ສອບ​ສວນ ເພື່ອດຳ​ເນີນ​ຄະ​ດີ​ຜູ້​ບັນຊາ​ການ​ທະຫານ​ ອີຣັກ ທີ່​ໄດ້​ຖອນ​ໂຕ​ອອກ​ຈາກ ​ເມືອງ Ramadi ​ໃນ​ຕົ້ນ​ຂອງ​ປີ​ນີ້ ​ໃນ​ຂະນະ​ທີ່​ເມືອງ​ດັ່ງກ່າວ​ໄດ້​ຕົກ​ໄປ​ຢູ່​ໃນ​ການ​ຄອບ​ຄອງ​ຂອງ​ພວກ​ຫົວ​ຮຸນ​ແຮງ ລັດ​ອິສລາມ.

ການ​ຍຶດ​ໄດ້ເມືອງຫຼວງ​ຂອງ ​ແຂວງ Anbar ຢູ່ພາກຕາເວັນຕົກ
ຂອງອີຣັກ ແມ່ນ​ເປັນໄຊ ຊະນະຄັ້ງໃຫຍ່ຂອງພວກ​ຫົວ​ຮຸ​ນ​ແຮງ
ລັດ​ອິສລາມ. ເຮັດໃຫ້ພວກເຂົາຄວບຄຸມເມືອງທີ່ ສຳຄັນ 125
ກິໂລແມັດ ຫ່າງຈາກນະຄອນຫຼວງ ແບກແດັດ ແລະ ກໍ່ໃຫ້ເກີດ
ການທົບທວນຄືນຄຳຖາມ ກ່ຽວກັບຄວາມສາມາດຂອງກຳລັງຮັກສາຄວາມປອດໄພ
ຂອງ ອີຣັກ. ການສູນເສຍນີ້ແມ່ນສິ່ງທີ່ໄດ້ກະຕຸຸ້ນໃຫ້ລັດຖະມົນຕີປ້ອງ​ກັນ​ປະ​ເທດ
ສະຫະລັດ ທ່ານ Ash Carter ກ່າວວ່າ ທ່ານໄດ້ສອບຖາມກ່ຽວກັບ ຄວາມປະສົງ
ຂອງທະຫານ ອີຣັກ ຮ່ວມກັບ ບັນດາທະຫານບ້ານ ຕໍ່ສູ້ກັບກຸ່ມ ລັດອິສລາມ ຢູ່ພື້ນດິນ ໃນຂະນະທີ່ແນວໂຮມນຳພາ ໂດຍສະຫະລັດ ໂຈມຕີເປົ້າໝາຍ ພວກຫົວຮຸນແຮງຈາກ
ທາງອາກາດນັ້ນ.

ປະເທດອີຣັກ ຕັ້ງແຕ່ໄດ້ເລີ່ມເປີດການປະຕິບັດການມາ ເພື່ອຍຶດຄືນ ພື້ນທີ່ຂອງແຂວງ
Anbar, ​ແຕ່ວ່າ​ພວກ​ຫົວ​ຮຸນ​ແຮງ​ກໍ​ຍັງ​ຄວບ​ຄຸມ​ພື້ນ​ທີ່​ສ່ວນ​ໃຫຍ່​ລວມທັງ​ເມືອງ​ Ramadi
ນັ້ນ​ຢູ່. ການ​ຕັດສິນ​ໃຈ​ຂອງ​ທ່ານ Abadi ເພືື່ອໃຫ້ບັນດານາຍ​ທະຫານປະເຊີນໜ້າກັບ
ສານທະຫານ ຕາມດ້ວຍການປະຕິຮູບຫຼາຍຄັ້ງ ທີ່ທ່ານໄດ້ ປະກາດໃນສັບປະດາທີ່
ຜ່ານມາ ໃນການພະຍາຍາມທີ່ຈະຕໍ່ສູ້ກັບ ການສໍ້ລາດບັງຫຼວງ ແລະ ການວິພາກວິຈານ
ກ່ຽວກັບຄວາມບໍ່ມີ ປະສິດທິພາບຂອງລັດຖະບານ. ການ​ເຄື່ອນ​ໄຫວດັ່ງກ່າວນັ້ນ, ໄດ້
ຖືກຮັບຮອງ​ເຫັນ​ດີໂດຍ ຫ້ອງຄນະລັດຖະບານ ແລະ ສະພາ, ລວມມີການລົບລ້າງ
ຫຼາຍຕຳແໜ່ງຂອງຮອງ ນາຍົກ ລັດຖະມົນຕີ ແລະ ຮອງປະທານາທິບໍດີ ຫຼາຍຄົນນຳ.

ພ້ອມກັບຢຸດການໃຫ້ໂຄຕ້າຂອງ ບັນດາພັກ ແລະ ສະມາຊິກ ພັກໃນເວລາການເລືອກ
ບັນດາເຈົ້າໜ້າທີ່. ໃນວັນເສົາວານນີ້, ການລະເບີດຫຼາຍຄັ້ງອ້ອມຮອບນະຄອນຫຼວງ
ແບກແດັດ ໄດ້ເຮັດໃຫ້ 22 ຄົນເສຍຊີວິດ ແລະ 80 ຄົນໄດ້ຮັບ ບາດເຈັບ.

ການໂຈມຕີຮ້າຍແຮງແມ່ນເກີດຈາກການລະເບີດລົດເກັງຢູ່ຮ້ານຕົວ ແທນຈຳໜ່າຍລົດ
ໃນຊຸມຊົນ Habibiya ນິກາຍ Shi'ite ສ່ວນໃຫຍ່ ທີ່ເຮັດໃຫ້ 13 ຄົນເສຍຊີວິດ. ພື້ນທີ່
ດັ່ງກ່າວ ແມ່ນບ່ອນດຽວກັບເຫດ ການລະເບີດລົດບັນທຸກໃຫຍ່ ຢູ່ຕະຫຼາດຜັກ ໃນວັນ
ພະຫັດທີ່ຜ່ານ ມາ, ເຮັດໃຫ້ 67 ຄົນເສຍຊີວິດໃນການໂຈມຕີຄັ້ງໜຶ່ງທີ່ແຮງທີ່ສຸດໃນ
ນະຄອນຫຼວງ ແບກແດັດ ໃນໜຶ່ງທົດສະວັດ.

XS
SM
MD
LG