ລິ້ງ ສຳຫລັບເຂົ້າຫາ

ປະເທດ ໃນກຸ່ມ G7 ແລະ ອ່າວເປີເຊຍ ຈະ​ບໍລິຈາກເງິນ 1​.8 ຕື້​ໂດ​ລາ ​​​​ໃຫ້ ສປຊ


ຊາຍຊີເຣຍຄົນນຶ່ງ ອຸ້ມລູກສອງຄົນ ຂະນະທີ່ ລູກອີກສອງຄົນ ຍ່າງຕາມຫຼັງລາວ ຫຼັງຈາກເດີນທາງໄປເຖິງ ເມືອງທ່າ Piraeus ຂອງນະຄອນຫຼວງເອເທັນ ຈາກເກາະ Lesbos ຂອງກຣິສ ເມື່ອວັນພຸດ ທີ 30 ກັນຍາ 2015.

ຊາຍຊີເຣຍຄົນນຶ່ງ ອຸ້ມລູກສອງຄົນ ຂະນະທີ່ ລູກອີກສອງຄົນ ຍ່າງຕາມຫຼັງລາວ ຫຼັງຈາກເດີນທາງໄປເຖິງ ເມືອງທ່າ Piraeus ຂອງນະຄອນຫຼວງເອເທັນ ຈາກເກາະ Lesbos ຂອງກຣິສ ເມື່ອວັນພຸດ ທີ 30 ກັນຍາ 2015.

ຜູ້ນຳ​ຂອງ 7 ປະ​ເທດ​ທີ່​ພັດທະນາ​ແລ້ວ​ຂອງ​ໂລກ ພ້ອມ​ກັນ​ກັບ
ບັນດາປະ​ເທດ​ ໃນ​ເຂດ​ອ່າວ​ເປີ​ເຊຍ ​ໄດ້​ສັນຍາ​ວ່າ ຈະ​ບໍລິຈາກ
ເງິນ 1​.8 ຕື້​ໂດ​ລາ ໃຫ້ອົງການ​ຊ່ວຍ​ເຫຼືອຕ່າງໆ ຂອງ​ອົງການ
ສະຫະ​ປະຊາ​ຊາດ ​ເພື່ອ​ຊ່ວຍຮັບມື ກັບວິ​ກິດ​ການອົບ​ພະຍົບ
ທີ່​ຮ້າຍ​ແຮງ​ທີ່​ສຸດຂອງ​ໂລກ ນັບ​ຕັ້ງ​ແຕ່ສົງຄາມ​ໂລກ​ຄັ້ງທີສອງ
ເປັນຕົ້ນມາ.

ການ​ປະກາດ​ດັ່ງກ່າວມີ​ຂຶ້ນ​ໃນ​ວັນ​ອັງຄານ​ວານ​ນີ້ຫຼັງຈາກກອງ​
ປະຊຸມຂອງກຸ່ມ G7 ຢູ່​ນອກ​ຂອງ​ກອງ​ປະຊຸມ​ສະມັດຊາ​ໃຫຍ່ອົງ
ການ​ສະຫະ​ປະຊາ​ຊາດ ​ທີ່​ນະຄອນ New York. ຜູ້​ທີ່​ເຂົ້າຮ່ວມ
​ກອງ​ປະຊຸມ ຍັງ​ມີບັນດາ​ຜູ້ນຳ​ຈາກ​ປະ​ເທດ ​ໃນ​ເຂດ​ອ່າວ​ເປີ​ເຊຍ
​ແລະພ້ອມ​ດ້ວຍ ບັນດາ​ຜູ້ນຳ​ບາງ​ສ່ວນ ຈາກປະເທດ​ຢູ​ໂຣບ ທີ່​ກຳລັງຮັບ​ມື​ ກັບ​ການ​ຫລັ່ງ
ໄຫລ ​ເຂົ້າປະ​ເທດ ຂອງພວກ​ອົບພະຍົບ.

​ລັດຖະມົນຕີ​ຕ່າງປະ​ເທດ ເ​ຢຍຣະມັນ ທ່ານ Frank-Walter Steinmeier ກ່າວ​ຕໍ່​ບັນດາ​
ນັກ​ຂ່າ​ວ ວ່າ ເງິນ​ດັ່ງກ່າວ ສ່ວນ​ໃຫຍ່​ແມ່ນ​ມີ​ຈຸດປະສົງ​ທີ່​ຈະ​ໃຫ້​ອົງການ​ອົບ​ພະຍົບ ຂອງ​
ສະຫະ​ປະຊາ​ຊາດ ​ແລະໂຄງການ​ອາຫານ​ໂລກ. ​ຍັງ​ບໍ່ເປັນທີ່​ຈະ​ແຈ້ງ​ເທື່ອ​ວ່າ ​ເງິນ​ຈຳນວນ
1.8 ຕື້ນີ້ ​ແມ່ນ​ລວມ​ກັບ​ສັນຍາ ໃນການ​ໃຫ້ຄວາມຊ່ວຍ​ເຫຼືອກ່ອນ​ໜ້າ​ນີ້ ຫຼືບໍ່.

ໃນອີກດ້ານນຶ່ງ​ນັ້ນ​ ຍີ່ປຸ່ນ​ກໍໄດ້​ປະກາດ​ວ່າ ຕົນ​ຈະ​ໃຫ້ເງິນ 810 ລ້ານ​ໂດ​ລາ ​ເພື່ອ​ຊ່ວຍ
ພວກອົບ​ພະຍົບ ຈາກ ​ແລະຢູ່ພາຍ​ໃນ ​ຊີ​ເຣຍ ​ແລະ​ອີຣັກ ອັນ​ເປັນ​ແຫ​ລ່ງ​ທີ່ມາສຳຄັນຂອງ
ພວກອົບພະຍົບ ​ແລະຈະ​ອີກ 750 ລ້ານໂດ​ລາ ​ເພື່ອ​ນຳ​ໃຊ້ໃນການສ້າງ​ສັນຕິພາບ ຢູ່​ໃນ
ພາກຕາ​ເວັນ​ອອກ​ກາງ ​ແລະ ອາ​ຟຣິກາ.

​ໃນ​ວັນ​ພຸດ​ມື້​ນີ້ ​ເລຂາທິການ​ໃຫຍ່ ​ສະຫະ​ປະຊາ​ຊາດ ທ່ານ Ban Ki-moon ມີ​ກຳ​ນົດຈະ
ຖະ​ແຫລ​ງ ຢູ່​ທີ່ສອງກອງ​ປະຊຸມລະດັບ​ສູງ ເພື່ອ​ຮັບ​ມື​ກັບຄວາມວຸ້ນວາຍ ໃນໂລກ. ທຳອິດ
ທ່ານ​ຈະຖະແຫຼງຕໍ່ກອງປະຊຸມ ສະພາຄວາມໝັ້ນຄົງ ຫາລືກ່ຽວກັບການແກ້ໄຂ ບັນຫາຂັດ​
ແຍ້​ງຢູ່​ໃນ​ພາກຕາ​ເວັນ​ອອກ​ກາງ ​ແລະອາ​ຟຣິກາ​ເໜືອ ຊຶ່ງ​ເປັນ​ບ່ອນ​ທີ່ອົບ​ພະຍົບ ຈຳນວນ
ຫຼວງຫຼາຍ ພາກັນ​ຫລົບໜີມາ​ນັ້ນ. ​ແລະຕໍ່​ຈາກ​ນັ້ນ ທ່ານ​ຈະເປັນ​ເຈົ້າພາບ​ ຈັດກອງ​ປະຊຸມ​
ລະດັບ​ສູງ ​ທີ່ແນ​ໃສ່ເພື່ອ​ຈັດຕັ້ງໜ່ວຍງານ​ຮັບ​ມືກັບພວກ​ອົບ​ພະຍົບ ທີ່ພວມຫລັ່ງໄຫລ​ ເຂົ້າ​
ໄປ​ຢູ​ໂຣບ ເປັນຈຳນວນ ຫຼວງຫລາຍນັ້ນ.

ບັນດາ​ເຈົ້າໜ້າ​ທີ່ອົງການ​ສະຫະ​ປະຊາ​ຊາດ ກ່າວ​ວ່າ U.N. ​ແມ່ນ​ໄດ້​ເຮັດເກີນຂີດຈຳ​ກັດ
ຂອງ​ຕົນ​ ໃນຂະນະ​ທີ່​ຕົນບຸກບືນ​ເພື່ອ​ຊ່ວຍ​ເຫຼືອຜູ້ຄົນ ​ຈຳນວນ 60 ລ້ານ​ຄົນ ທີ່ຕ້ອງອົບພະຍົບ
ຫລົບໄພຍ້ອນບັນຫາ​ຂັດ​ແຍ້​ງ ຊຶ່ງ​ເປັນຈຳນວນທີ່ຫຼາຍທີ່ສຸດ ນັບ​ຕັ້ງ​ແຕ່​ສົງຄາມ​ໂລກ​ຄັ້ງ​ທີສອງ
ເປັນຕົ້ນມາ.

XS
SM
MD
LG