ອະດີດນາຍົກລັດຖະມົນຕີ Burkina Faso ທ່ານ Roch Marc Christian Kabore ໄດ້ຊະນະການເລືອກຕັ້ງປະທານາທິບໍດີຂອງປະເທດ ດ້ວຍຄະແນນສຽງຫຼາຍກ່ວາເຄິ່ງ ຊຶ່ງໄດ້ເປັນປະທານາທິບໍດີຄົນທຳອິດຂອງປະເທດອາຟຣິກາຕາເວັນຕົກ ໃນຮອບຫຼາຍທົດສະວັດ.
ເຈົ້າໜ້າທີ່ເລືອກຕັ້ງ ໄດ້ກ່າວໃນວັນຈັນວານນີ້ ວ່າ ທ່ານ Kabore
ແມ່ນນາຍົກລັດຖະມົນຕີພາຍໃຕ້ການອຳນາດການປົກຄອງທີ່ມີ
ອິດທິພົນ ຂອງທ່ານ Blaise Compaore ກ່ອນທີ່ ແຍກຈະແຍກ
ໂຕອອກຈາກການປົກຄອງດັ່ງກ່າວ ໂດຍໄດ້ຊະນະການເລືອກຕັ້ງ
ປະທານາທິ ບໍດີໃນຮອບທຳອິດ ດ້ວຍຄະແນນສຽງ 53 ເປີເຊັນ.
ໃນຄຳປາໄສ ຫຼັງຈາກໄດ້ມີການປະກາດຜົນການເລືອກຕັ້ງແລ້ວນັ້ນ ທ່ານ Kabore ໄດ້ປະ ຕິຍານຕົນວ່າ ຈະເລີ້ມເຮັດວຽກໃນທັນທີທັນໄດ. ຂ່າວໂທລະພາບໄດ້ສະແດງໃຫ້ເຫັນວ່າ ພວກທີ່ສະໜັບສະໜຸນທ່ານ Kabore ໄດ້ໂຮມຊຸມນຸມກັນຢູ່ຕາມຖະໜົນຫົນທາງ ໂບກທຸງ ຊາດໄປມາ ແລະບີບແກລົດ ເພື່ອສະແດງອອກເຖິງຄວາມປຶ້ມປິຕິຍິນດີ ໃນການສະຫຼອງໄຊຊະນະຄັ້ງນີ້.
ຜົນການນັບຄະແນນສຽງໃນຂັ້ນຕົ້ນສະແດງໃຫ້ເຫັນວ່າ ຄູ່ແຂ່ງທີ່ມີຄະແນນສຽງໃກ້ຄຽງ
ທ່ານ ທີ່ສຸດ ຄືທ່ານ Zephirin Diabre ໄດ້ຄະແນນສຽງບໍ່ຮອດ 30 ເປີເຊັນ ອົງການຂ່າວຂອງຝຣັ່ງ ລາຍງານມາຈາກນະຄອນ Ouagadougou ເມືອງຫຼວງຂອງປະເທດວ່າ ທ່ານ Diabre ໄດ້ກ່າວທີ່ສຳນັກງານພັກຂອງທ່ານວ່າ ສະແດງຄວາມຍິນດີຕໍ່ຜູ້ທີ່ໄດ້ຮັບໄຊຊະນະ ບໍ່ດົນກ່ອນການເຜີຍຜົນຂອງການລົງຄະແນນສຽງ.
ຜູ້ມີສິດປ່ອນບັດລົງຄະແນນສຽງທີ່ຈົດທະບຽນຈຳນວນ 5 ລ້ານຄົນແມ່ນມີສິດໃນການເລືອກ ເອົາຜູ້ສະມັກ 14 ຄົນທີ່ລົງແຂ່ງຂັນເປັນປະທານາທິບໍດີ. ການລົງຄະແນນສຽງ ຕົ້ນຕໍແມ່ນໄດ້ຈັດຕຽມໄວ້ສຳຫຼັບເດືອນຕຸລາຜ່ານມານີ້ ແຕ່ກໍໄດ້ຊັກຊ້າ ຍ້ອນມີການກໍ່ລັດຖະປະຫານ.
ທ່ານ Compaore ໄດ້ຖືກໂຄ່ນລົ້ມໃນການກໍ່ລັດຖະປະຫານປີ 2014. ທ່ານໄດ້ໃຊ້ກຳລັງຍຶດອຳນາດ ໃນປີ 1987 ແລະໄດ້ຮັບໄຊຊະນະການເລືອກຕັ້ງອີກ 4 ຄັ້ງ ຊຶ່ງທັງ 4 ຄັ້ງ ຕ່າງກໍໄດ້ມີການຖົກຖຽງໂຕ້ແຍ້ງກັນ.
Burkina Faso ຊຶ່ງສ່ວນໃຫຍ່ໄດ້ຖືກນຳພາໂດຍພວກຜະເດັດການ ຊຶ່ງເຂົ້າຍຶດເອົາອຳນາດດ້ວຍກຳລັງ ນັບຕັ້ງແຕ່ໄດ້ຮັບເອກກະລາດ ໃນຊຸມປີ 1960 ເປັນຕົ້ນມາ.
