ອາຊະຍາກຳໃນ ສະຫະລັດ ແມ່ນນຶ່ງໃນບັນຫາທີ່ນຳໜ້າໝູ່ໃນຄວາມຄິດຂອງບັນດາຜູ້ລົງຄະແນນສຽງໃນການເລືອກຕັ້ງປະທານາທິບໍດີຂອງປີນີ້. ນັກຂ່າວວີໂອເອ ສກັອດ ສເຕີນ ຈະພາເຮົາໄປເບິ່ງວິທີທີ່ທ່ານ ໂຈ ໄບເດັນ ແລະ ທ່ານ ດໍໂນລ ທຣຳ ແກ້ໄຂບັນຫາທີ່ວ່ານັ້ນ.
ອາຊະຍາກຳແມ່ນນຶ່ງໃນຫຼາຍບັນຫາທີ່ກະຕຸ້ນໃຫ້ບັນດາຜູ້ລົງຄະແນນສຽງເລືອກຂັ້ນຕົ້ນອອກໄປໃຊ້ສິດໃນລັດ ນິວຢອກ, ບ່ອນທີ່ທ່ານ ໂຈ ໄບເດັນ ແລະ ດໍໂນລ ທຣຳ ມີຊື່ໃນບັດຄະແນນສຽງຂອງພັກພວກເພິ່ນ ເຖິງແມ່ນຈະໄດ້ຮັບການສະເໜີຊື່ທີ່ອາດເປັນໄປໄດ້ສຳລັບຕຳແໜ່ງປະທານາທິບໍດີແລ້ວກໍຕາມ.
ຜູ້ອາໄສຢູ່ລັດ ນິວຢອກ, ນາງ ໂກລດາລີ, ຜູ້ທີ່ໄດ້ຂໍບໍ່ໃຫ້ເຜີຍໜ້າຂອງລາວໃນກ້ອງ, ກ່າວວ່າລາວຮູ້ສຶກປອດໄພໜ້ອຍລົງ.
ນາງ ໂກລດາລີ ກ່າວວ່າ “ຂ້ອຍມີແຕ່ຮູ້ສຶກວ່າມັນມີແຕ່ກຳລັງ ແລະ ກິດຈະກຳທີ່ບໍ່ໄດ້ຢູ່ຫັ້ນມາກ່ອນ, ທັງຄົນຜູ້ທີ່ອາດກໍ່ອາຊະຍາກຳ ແລະ ຜູ້ທີ່ອາດຢ້ານຜູ້ທີ່ເຮັດ.”
ຜູ້ລົງຄະແນນສຽງ ນາງ ເອມີ ແພລເລັດເທຍຣີ ເວົ້າວ່າຄວາມເປັນຫ່ວງ ກ່ຽວກັບ ອາຊະຍາກຳເຮັດໃຫ້ລາວລະມັດລະວັງຫຼາຍກວ່າເກົ່າ ກ່ຽວກັບ ບ່ອນທີ່ລາວໄປ.
ນາງ ເອມີ ແພລເລັດເທຍຣີ ກ່າວວ່າ “ຂ້ອຍຮູ້ສຶກປອດໄພຫຼາຍເວລາຂີ່ລົດໄຟໃຕ້ດິນ. ຂ້ອຍຮູ້ວ່າມັນມີອາຊະຍາກຳຫຼາຍຂຶ້ນ. ຂ້ອຍເຫັນມັນໃນຂ່າວ. ຂ້ອຍຍັງບໍ່ໄດ້ປະສົບມັນດ້ວຍຕົນເອງ, ສະນັ້ນຂ້ອຍຮູ້ວ່າມັນມີແທ້, ແຕ່ຂ້ອຍຮູ້ສຶກວ່າຂ້ອຍປອດໄພ ແລະ ມີຄວາມຮັບຜິດຊອບ ແລະ ຮູ້ທີ່ຈະຫຼີກລ່ຽງບາງສະຖານະການທີ່ອາດເປັນຕາຢ້ານສຳລັບຂ້ອຍ, ຂ້ອຍຈະບໍ່ເປັນຫຍັງ.”
ໃນການເລືອກຕັ້ງນີ້, ທ່ານ ທຣຳ ແມ່ນໄດ້ໂຄສະນາຫາສຽງໃນຖານະເປັນຜູ້ລົງແຂ່ງຂັນທີ່ “ຮັກສາລະບຽບກົດໝາຍ” ໂດຍປະຕິຍານທີ່ຈະເສີມສ້າງຄວາມແຂງແກ່ນໃຫ້ຕຳຫຼວດໃນທ້ອງຖິ່ນ.
ທ່ານໄດ້ເດີນທາງໄປລັດ ນິວຢອກ ໃນອາທິດແລ້ວນີ້ ລຸນຫຼັງເຈົ້າໜ້າທີ່ຄົນນຶ່ງຖືກຂ້າຕາຍໃນລະຫວ່າງການຢຸດກວດລົດຢູຸ່ຖະໜົນ.
ທ່ານ ດໍໂນລ ທຣຳ, ຜູ້ທີ່ຄາດວ່າຈະຖືກສະເໜີຊື່ລົງແຂ່ງຂັນເອົາຕຳແໜ່ງປະທານາທິບໍດີຂອງພັກຣີພັບບລີກັນກ່າວວ່າ “ພວກເຮົາຕ້ອງຢຸດມັນ. ພວກເຮົາຕ້ອງເອົາລະບຽບກົດໝາຍກັບຄືນມາ. ພວກເຮົາຕ້ອງເຮັດຫຼາຍຢ່າງແຕກຕ່າງກັນເພາະວ່າອັນນີ້ມັນບໍ່ໄດ້ຜົນ. ມັນໄດ້ເກີດຂຶ້ນຫຼາຍເທື່ອໂພດ.”
ການຢັ່ງຫາງສຽງ Harvard CAPS-Harris ໃນເດືອນແລ້ວນີ້ໄດ້ສະແດງໃຫ້ເຫັນບັນດາຜູ້ລົງຄະແນນສຽງ ສະຫະລັດ ພິຈາລະນາອາຊະຍາກຳ ແລະ ຢາເສບຕິດເປັນນຶ່ງໃນບັນຫາລະດັບສູງສຸດທີ່ປະເທດກັບລັງປະເຊີນຢູ່, ສຳຄັນກວ່າປະກັນສຸຂະພາບ, ລັດທິກໍ່ການຮ້າຍ ແລະ ສະພາບອາກາດປ່ຽນແປງ,
ເຖິງແມ່ນວ່າຂໍ້ມູນຂອງອົງການ FBI ຄັ້ງຫຼ້າສຸດໄດ້ສະແດງໃຫ້ເຫັນວ່າອາຊະຍາກຳຄວາມຮຸນແຮງໃນ ສະຫະລັດ ໄດ້ຫຼຸດລົງປີກາຍນີ້ທົ່ວປະເທດທັງໃນເມືອງໃຫຍ່ ແລະ ນ້ອຍກໍຕາມ.
ທ່ານ ໄບເດັນ ຊີ້ການຫຼຸດລົງຂອງຕົວເລກການກໍ່ອາຊະຍາກຳທີ່ວ່ານັ້ນດັ່ງກັບ ຫຼັກຖານຄວາມສຳເລັດໃນການບັງຄັບໃຊ້ກົດໝາຍຂອງລັດຖະບານ. ການໂຄສະນາຫາສຽງຂອງທ່ານແມ່ນກຳລັງຕ້ານຢັນການໂຈມຕີຂອງທ່ານ ທຣຳ ກ່ຽວກັບ ອາຊະຍາກຳ ດ້ວຍການເຊື່ອມໂຍງທ່ານໃສ່ວັນທີ 6 ມັງກອນ 2021, ເຊິ່ງແມ່ນການໂຈມຕີຫໍລັດຖະສະພາ ສະຫະລັດ ທີ່ໄດ້ຂັດຂວາງການຢັ້ງຢືນຜົນການເລືອກຕັ້ງປະທານາທິບໍດີຂອງລັດຖະສະພາ, ເຊິ່ງແມ່ນການແຂ່ງຂັນທີ່ທ່ານ ທຣຳ ໄດ້ຜ່າຍແພ້.
ການໂຄສະນາຫາສຽງຂອງທ່ານ ໄບເດັນ ໄດ້ລວມເອົາບັນດາເຈົ້າໜ້າທີ່ບັງຄັບໃຊ້ກົດໝາຍຜູ້ທີ່ຢູ່ຫໍລັດຖະສະພາໃນມື້ນັ້ນ.
ສິບເອກ, ອາກີລີໂອ ໂກແນລ໌, ອະດີດຕຳຫຼວດຫໍລັດຖະສະພາ ສະຫະລັດ ກ່າວວ່າ “ເຈົ້າບໍ່ຕ້ອງສົງໄສສິ່ງທີ່ໄດ້ເກີດຂຶ້ນຕໍ່ປະຊາທິປະໄຕ ແລະ ລັດຖະທຳມະນູນຂອງພວກເຮົາຖ້າທ່ານ ທຣຳ ຖືກເລືອກອີກຄັ້ງນຶ່ງ. ລາວໄດ້ບອກພວກເຮົາ. ລາວໄດ້ສະແດງໃຫ້ເຮົາເຫັນ. ແລະ ວັນທີ 6 ມັງກອນ ຈະເບິ່ງຄືກັບການຊ້ອມຖ້າພວກເຮົາບໍ່ສາມາດເພິ່ງພາອາໄສພັກຣີພັບບລີກັນຂອງທ່ານ ທຣຳ ເພື່ອປ້ອງກັນລັດຖະທຳມະນູນ ໃນເມື່ອເຂົາເຈົ້າຢູ່ຝ່າຍຕໍ່ຕ້ານກົດໝາຍ ແລະ ຄວາມເປັນລະບຽບ ແລະ ລະບຽບກົດໝາຍ.”
ການໂຄສະນາຫາສຽງຂອງທ່ານ ໄບເດັນ ກ່າວວ່າ ກົດໝາຍ ແລະ ຄວາມເປັນລະບຽບຮຽບຮ້ອຍຂອງທ່ານ ທຣຳ ແມ່ນຖືກທຳລາຍໂດຍການຟ້ອງຮ້ອງຄວາມຜິດທາງອາຍາຫຼາຍຄັ້ງຂອງທ່ານ. ທ່ານ ທຣຳ ເວົ້າວ່າຂໍ້ກ່າວຫາທີ່ວ່ານັ້ນແມ່ນການແຊກແຊງການເລືອກຕັ້ງຈາກຄະນະຕຸລາການທີ່ຖືກໃຊ້ “ເປັນອາວຸດ.”
Crime was among the issues motivating primary voters Tuesday in New York, where Joe Biden and Donald Trump were on their parties’ ballots despite already securing their presumptive nominations for president.
New Yorker Goldalee, who asked that we not show her face on camera, says she feels less safe.
“I just have a sense that there’s just an energy and an activity that wasn’t there before, both with people who might commit crimes and people who might be afraid of those who do.”
Voter Amy Pellettieri says concerns about crime make her more careful about where she goes.
“I feel very safe riding the subway. I know crime is up. I see it on the news. I haven’t personally witnessed it myself, so I know it is there, but I feel like if I am safe and responsible and know to avoid certain situations that could be scary for me, I’ll be OK.”
In this election, Trump is campaigning as a “law and order” candidate vowing to strengthen local police.
He was in New York last week at the wake for an officer killed during a traffic stop.
"We have to stop it. We have to get back to law and order. We have to do a lot of things differently because this is not working. This is happening too often."
A Harvard CAPS-Harris Poll last month showed U.S. voters see crime and drugs as among the top issues facing the country, more important than health care, terrorism and climate change …
… even though the latest FBI data shows that violent crime in the United States dropped last year across the country in both large cities and small.
Biden points to those declining crime numbers as evidence of his administration’s success with law enforcement. His campaign is pushing back against Trump's attacks over crime by…
… linking him to the January 6, 2021, attack on the U.S. Capitol that disrupted Congress's certifying the presidential election, a race that Trump lost.
A Biden campaign event included law enforcement officers who were at the Capitol that day.
"You don't have to wonder what will happen to our democracy and our Constitution if Trump is elected again. He's telling us. He has shown us. And January 6th will look like a rehearsal if we cannot depend on Trump Republicans to defend the Constitution since they also sided against law and order and the rule of law."
The Biden campaign says Trump’s law and order claims are undermined by his multiple felony indictments. Trump says those charges are election interference from a “weaponized” judiciary.
ຟໍຣັມສະແດງຄວາມຄິດເຫັນ