ບັນດາທ່ານຜູ້ຟັງທີ່ເຄົາລົບ ລາຍການຊົມຊົນຊາວລາວ ໃນທະວີບອາເມຣິກາມື້ນີ້, ພວກເຮົາມີການສຳພາດ ກັບນາງ ອາລານນີ ຄຳຈັນ, ນັກຮ້ອງ ລາວ ທີ່ອາໄສຢູ່ລັດ ເທັນເນັສຊີ ທາງພາກໃຕ້ຂອງ ສະຫະລັດ. ພວກເຮົາໄດ້ລົມກັບລາວ ກ່ຽວກັບ ການດຳລົງຊີວິດໃນ ສະຫະລັດ ພ້ອມກັບການເຮັດກິດ ຈະກຳໃນສັງຄົມລາວຢູ່ລັດດັ່ງກ່າວ. ເຊີນທ່ານຮັບຟັງກັບ ພຸດທະສອນ ໄດ້ໃນອັນດັບຕໍ່ໄປ.
SEE ALSO:
ຟັງລາຍງານ ວີໂອເອລາວ ສຳພາດນາງ ອາລານນີ ຄຳຈັນ ໃນລາຍການຊຸມຊົນຊາວລາວ ໃນທະວີບ ອາເມຣິກາລັດເທັນເນັສຊີ ເປັນທີ່ຮູ້ຈັກດີສຳລັບເພງປະເພດລູກທົ່ງ, ເຫຼົ້າວິສກີ ແລະ ນັກຮ້ອງຊື່ດັງ ໃນຕຳນານ ທ່ານ ແອລວິສ ເພຣັສລີ. ເມືອງເອກຂອງລັດດັ່ງກ່າວແມ່ນ ແນສວິລ, ລັດດັ່ງກ່າວມີປະຊາກອນອາໄສຢູ່ເກືອບ 7 ລ້ານຄົນ.
ນາງ ອາລານນີ ຄຳຈັນ, ເປັນລູກຂອງພໍ່ແມ່ຄົນ ລາວ ທີ່ໄດ້ອົບພະຍົບມາ ສະ ຫະລັດ ຕັ້ງແຕ່ເກີດຄວາມບໍ່ສະຫງົບໃນປະເທດ ລາວ.
ນາງ ອາລານນີ (ຂວາ) ຮ່ວມສະແດງຮ້ອງເພງໃນງານແຫ່ງນຶ່ງ.
SEE ALSO:
01 ອາລານນີ ແນະນໍາຕົນເອງ.ນາງ ອາລານນີ ໄດ້ອາໄສຢູ່ນຳພໍ່ແມ່ໃນເມືອງ ເຟຣສໂນ ຕັ້ງຕອນຍັງນ້ອຍ, ເຊິ່ງເມືອງດັ່ງກ່າວກໍມີຄົນ ລາວ ອາໄສຢູ່ຫຼາຍ, ແຕ່ດຽວນີ້ລາວໄດ້ຍ້າຍອອກຈາກເມືອງນັ້ນແລ້ວຍ້າຍໄປຢູ່ນະຄອນ ເມັມຟິສ ລັດເທັນເນສຊີ.
SEE ALSO:
02 ການອາໄສຢູ່ລັດ ເທັນເນັສຊີ.ປັດຈຸບັນນີ້ ອາລານນີ ແມ່ນບໍ່ໄດ້ແຕ່ງງານເທື່ອ ແຕ່ວ່າມີແຟນແລ້ວ, ລາວເວົ້າວ່າລາວຮູ້ຈັກກັນໃນສື່ສັງຄົມ ຫຼັງຈາກລົມກັນໄດ້ໄລຍະນຶ່ງກໍໄດ້ຄົບກັນ.
SEE ALSO:
03 ການພົບຄູ່ຮັກລັດ ເທັນເນັສຊີ ເປັນລັດນຶ່ງທີ່ມີຄົນລາວອາໄສຢູ່ຫຼາຍ, ເຂົາເຈົ້າຍັງຄົງຮັກສາວັດທະນະທຳລາວໄວ້ເປັນຢ່າງດີ, ແຕ່ລະປີຈະມີການຈັດເທດສະການສະເຫຼີມ ສະຫຼອງບຸນປະຈຳປີຕາມຮີດຄອງປະເທດນີ, ແລະ ຢູ່ລັດນັ້ນກໍມີວັດລາວຂະໜາດໃຫຍ່ດ້ວຍ.
ນາງ ອາລານນີ ແລະ ໝູ່ໄປຕັກບາດຢູ່ວັດລາວ.
SEE ALSO:
04 ຊຸມຊົນຄົນ ລາວ ໃນລັດເທັນເນັສຊີ.ອາຫານ ລາວ ຢູ່ລັດ ເທັນເນັສຊີ ແມ່ນຊອກກິນໄດ້ງ່າຍ, ເຄື່ອງປະກອບສຳລັບການແຕ່ງກິນແມ່ນຫາໄດ້ສະບາຍ, ພ້ອມກັນນັ້ນກໍມີຮ້ານອາຫານນຳດ້ວຍ. ແຕ່ ອາລານນີ ກໍແຕ່ງອາຫານລາວກິນເຊັ່ນກັນ, ລາວເວົ້າວ່າ
SEE ALSO:
05 ອາຫານທີ່ມັກ.ຖ້າຈະເວົ້າແລ້ວ ອາລານນີ ເປັນແມ່ຍິງທີ່ມີຄວາມເປັນລາວຫຼາຍ, ມັກທຸກຢ່າງທີ່ເປັນ ລາວ, ເຖິງແມ່ນຈະມາຢູ່ ສະຫະລັດ ຕັ້ງແຕ່ອາຍຸ 3 ປີ ອາລານນີ ໄດ້ຮຽນພາສາລາວ, ເວົ້າພາສາລາວນຳພໍ່ແມ່, ພໍຂຽນໄດ້ ແລະ ອ່ານ.
ປັດຈຸບັນນີ້ ອາລານນີ ເຮັດວຽກຢູ່ຮ້ານເສີມສວຍ ແລະ ເປັນນັກຮ້ອງ. ລາວມັກຮ້ອງເພງຢູ່ງານຕ່າງໆເຊັ່ນງານບຸນ, ຢູ່ກາຊີໂນ ແລະ ງານລ້ຽງ.
ນາງ ອາລານນີ ຂຶ້ນຮ້ອງເພງຢູ່ງານບຸນຂອງວັດລາວ.
SEE ALSO:
06 ອາຊີບ ແລະ ການຮ້ອງເພງ.ໃນທ້າຍປີນີ້ຊຸມຊົນລາວ ຈະຈັດເທດສະການເພງຊື່ວ່າ Sabaidee Fest ຢູ່ເມືອງ ນໍໂຄ ລັດ ຄາລິຟໍເນຍ. ອາລານນີ ກໍຈະໄດ້ຊ່ວຍ ແລະ ຮ້ອງເພງໃນງານດັ່ງກ່າວ. ງານທີ່ວ່ານີ້ຖ້າຖືກຈັດຂຶ້ນມັນກໍຈະເປັນງານທີ່ໃຫຍ່ທີ່ສຸດທີ່ຊຸມຊົນຄົນ ລາວ ຈັດຢູ່ໃນ ສະຫະລັດ.
SEE ALSO:
07 ເທດສະການເພງ Sabaidee Fest.ອາລານນີ ເປັນຄົນທີ່ຮັກວັດທະນະທຳລາວ, ຮັກໃນການຮ້ອງເພງ. ລາວເວົ້າວ່າເວລາຖືກຈ້າງໄປຮ້ອງໃນງານຕ່າງໆຄືງານບຸນຂອງວັດ ລາວກໍບໍ່ໄດ້ເອົາຄ່າແຮງຫຼາຍ, ເພາະວ່າຢາກມີສ່ວນຮ່ວມໃນການຊ່ວຍເຫຼືອໃນສັງຄົມລາວ. ແຕ່ຖ້າເປັນງານເອກະຊົນລາວກໍຈະເອົາຕາມຄວາມເໝາະສົມ. ລາວເວົ້າວ່າຢູ່ ສະຫະລັດ ມີນັກຮ້ອງລາວຫຼາຍ, ມີແຕ່ຄົນຮ້ອງເພງມ່ວນໆ, ເສບດົນຕີມ່ວນໆ. ນອກຈາກນັ້ນກໍມີນັກຮ້ອງທີ່ໄດ້ມາຕັ້ງຖິ່ນຖານໃໝ່ໃນ ສະຫະລັດ ເຊັ່ນກັນ.