ອົງການສືບລັບກອງທັບຂອງເກົາຫຼີໃຕ້ ກ່າວຕໍ່ສະມາຊິກລັດຖະສະພາໃນວັນພຸດ ມື້ນີ້ວ່າ ເກົາຫຼີເໜືອ ມີທ່າອ່ຽງທີ່ຈະສຳເລັດການກະກຽມສຳລັບການທົດລອງອາວຸດນິວເຄລຍຄັ້ງທີ 7 ຂອງພວກເຂົາ, ແລະເບິ່ງຄືວ່າ ກຳລັງກະກຽມທີ່ຈະທົດ ລອງຍິງລູກສອນໄຟຂີປະນາວຸດໄລຍະໄກ ທີ່ສາມາດຍິງໄປຮອດ ສະຫະລັດ ໄດ້.
ໃນການພິຈາລະນາແບບປິດລັບ, ອົງການດັ່ງກ່າວຍັງເວົ້າອີກວ່າ ກອງກຳລັງທີ່ທັນສະໄໝຂອງທະຫານເກົາຫຼີເໜືອຈໍານວນນຶ່ງທີ່ຖືກສົ່ງໄປຍັງ ຣັດເຊຍ ອາດຈະໄປຮອດເຂດສູ້ລົບແນວໜ້າ ໃນຂະນະທີ່ກອງກຳລັງທະຫານກະກຽມເຄື່ອນຍ້າຍໄປຍັງຂົງເຂດ ເຄີສຄ໌ (Kursk), ບ່ອນທີ່ ຣັດເຊຍ ພະຍາຍາມຕ້ານການ ຕອບໂຕ້ຄືນຂອງກໍາລັງ ຢູເຄຣນ. ອີງຕາມສະມາຊິກສະພາສອງທ່ານທີ່ໄດ້ເຂົ້າຮ່ວມກອງປະຊຸມ.
ປະທານາທິບໍດີເກົາຫຼີໃຕ້ ທ່ານ ຢຸນ ຊຸກ ຢອລ ກ່າວຕໍ່ອົງການຂ່າວ AP ໃນຕົ້ນເດືອນນີ້ທີ່ທ່ານຄາດວ່າ ເກົາຫຼີເໜືອ ຈະທຳການເກາະຜິດຄັ້ງໃຫຍ່ເຊັ່ນ: ການທົດລອງອາວຸດນິວເຄລຍ ແລະທົດລອງລູກສອນໄຟຂີປະນາວຸດ ຂ້າມທະວີບ ໃນລະຫວ່າງໄລຍະການເລືອກຕັ້ງຂອງ ສະຫະລັດ, ເພື່ອກົດດັນ ວໍຊິງຕັນ ແລະບັນດາປະເທດພັນທະມິດຂອງພວກເຂົາ.
ຜູ້ນຳເກົາຫຼີເໜືອ ທ່ານ ກິມ ຈົງ ອຶນ ຍັງໄດ້ອວດອ້າງໂຄງການນິວເຄລຍທາງ ທະຫານຂອງທ່ານ ໃນຊ່ວງບໍ່ເທົ່າໃດເດືອນທີ່ຜ່ານມານີ້ອີກດ້ວຍ, ເຊິ່ງເປັນການ ທົດລອງລະບົບຂີປະນາວຸດຫຼາຍຮູບແບບ ພ້ອມທັງເປີດເຜີຍສະຖານທີ່ລັບ ເພື່ອຜະລິດທາດຢູເຣນຽມລະດັບອາວຸດໃນເດືອນກັນຍາທີ່ຜ່ານມານີ້.
ທາງອົງການສືບລັບເຊື່ອວ່າ ເກົາຫຼີເໜືອ ໄດ້ສຳເລັດການກຽມພ້ອມທີ່ຈະທຳ ການທົດລອງອາວຸດນິວເຄລຍ ຢູ່ສະຖານທີ່ທົດລອງຂອງຕົນໃນເມືອງ ພັງກາຍ-ຣີ (Punggye-ri) ທີ່ຕັ້ງຢູ່ທາງພາກຕາເວັນອອກສຽງເໜືອຂອງ ເກົາຫຼີເໜືອ, ເຊິ່ງການລະເບີດ ອາດຈະເກີດຂຶ້ນຢູ່ໃນອຸໂມງໝາຍເລກ 3, ກ່າວໂດຍ ທ່ານ ລີ ຊອງ ຄວຶນ (Lee Seong-kweun) ນຶ່ງໃນຈຳນວນສະມາຊິກສະພາທີ່ ເຂົ້າຮ່ວມການພິຈາລະນາ. ເກົາຫຼີເໜືອ ໄດ້ທົດລອງອາວຸດນິວເຄລຍຄັ້ງທີ 6 ຂອງ ແລະ ການທົດລອງຄັ້ງສຸດທ້າຍແມ່ນໃນປີ 2017.
ອົງການສືບລັບຍັງກ່າວອີກວ່າ ຕົນໄດ້ກວດພົບສັນຍານຕ່າງໆ, ລວມທັງການ ຕິດຕັ້ງພາຫະນະປ່ອຍ, ທີ່ ເກົາຫຼີເໜືອ ກໍາລັງກະກຽມຈະທົດລອງລູກສອນໄຟ ICBM ທີ່ຖືກອອກແບບມາເພື່ອຍິງເຂົ້າຫາແຜ່ນດິນໃຫຍ່ຂອງ ສະຫະລັດ, ອີງຕາມການກ່າວຂອງ ທ່ານ ລີ ແລະ ສະມາຊິກສະພາອີກຄົນນຶ່ງ ທ່ານ ປາກ ຊັນ-ວອນ (Park Sun-won), ອົງການສືບລັບທາງທະຫານຂອງ ເກົາຫຼີໃຕ້ ເຊື່ອວ່າ ການທົດລອງຍິງ ICBM ອາດຈະເກີດຂຶ້ນໃນເວລາໃດເວລານຶ່ງຂອງເດືອນພະຈິກນີ້.
ອ່ານຂ່າວດ້ານລຸ່ມນີ້ເປັນພາສາອັງກິດ
SEOUL, South Korea (AP) — South Korea’s military intelligence agency told lawmakers Wednesday that North Korea has likely completed preparations for its seventh nuclear test and appears to be preparing to test a long-range missile capable of reaching the United States.
In a closed-door hearing, the agency also said some advance units of North Korean troops sent to Russia may have arrived at battlefronts as the forces prepare to move to the Kursk region, where Russia has struggled to push back a Ukrainian incursion, according to two lawmakers who attended the meeting.
Earlier this month, South Korean President Yoon Suk Yeol told The Associated Press earlier this month that he expects North Korea to stage major provocations like nuclear and intercontinental ballistic missile tests around the U.S. election to dial up pressure on Washington and its allies.
North Korean leader Kim Jong Un has also flaunted his military nuclear program in recent months, testing various missile systems and disclosing a secretive facility for producing weapons-grade uranium in September.
The agency believes that North Korea has finished preparations to conduct a nuclear test at its testing ground in the northeastern town of Punggye-ri, with the detonation likely to be carried out at tunnel No. 3, said Lee Seong-kweun, one of the lawmakers who attended the hearing. North Korea conducted its sixth and last nuclear test in 2017.
The agency also said it’s detecting signs, including the placement of launch vehicles, that the North is preparing to test launch an ICBM designed to reach the U.S. mainland, said Lee and Park Sun-won, another lawmaker. The agency believes the ICBM test could take place sometime in November.