ປະທານາທິບໍດີທີ່ຖືກເລືອກ ທ່ານ ດໍໂນລ ທຣໍາ ໄດ້ແຕ່ງຕັ້ງ ທ່ານນາງ ຊູຊີ ໄວສ໌ (Susie Wiles), ຜູ້ຈັດການທີ່ແທ້ຈິງໃນການໂຄສະນາຫາສຽງທີ່ເຮັດໃຫ້ທ່ານໄດ້ຮັບໄຊຊະນະ, ເປັນຫົວຫນ້າຄະນະທີ່ປຶກສາຂອງທໍານຽບຂາວໃນລັດຖະບານຂອງທ່ານ, ເຊິ່ງເປັນແມ່ຍິງຄົນທໍາອິດທີ່ຖືບົດບາດທີ່ມີອິດທິພົນດັ່ງກ່າວ, ອີງຕາມລາຍງານຂອງອົງການຂ່າວ AP.
ທ່ານນາງ ໄວສ໌ ໄດ້ຮັບການຍ້ອງຍໍຢ່າງກວ້າງຂວາງທັງພາຍໃນ ແລະພາຍນອກການດໍາເນີນງານຂອງ ທ່ານ ທຣໍາ ວ່າເປັນຜູ້ດໍາເນີນງານຫາສຽງທີ່ມີລະບຽບວິໄນ ແລະປະຕິບັດການໄດ້ດີທິ່ສຸດຂອງທ່ານ ພ້ອມທັງຖືກມອງວ່າ ເປັນຜູ້ທີ່ເໝາະສົມກັບຕໍາແໜ່ງດັ່ງກ່າວນີ້. ສ່ວນໃຫຍ່ ທ່ານນາງຈະຫຼີກລ້ຽງຈາກການເປັນຈຸດສົນໃຈ, ແມ່ນແຕ່ຈັບໄມໂຄຣໂຟນ ທ່ານນາງກໍຍັງປະຕິເສດທີ່ຈະກ່າວຄໍາເຫັນໃດໆໃນຂະນະທີ່ ທ່ານ ທຣໍາ ສະເຫຼີມສະຫຼອງໄຊຊະນະຂອງທ່ານໃນຕອນເຊົ້າວັນພຸດແລ້ວນີ້. ທ່ານນາງຄັດຄ້ານຕໍາແໜ່ງທາງການຂອງຜູ້ຈັດການການໂຄສະນາຫາສຽງ ເພື່ອຫຼີກເວັ້ນບໍ່ໃຫ້ເປັນເປົ້າໝາຍ ເນື່ອງຈາກປະຫວັດຂອງ ທ່ານ ທຣໍາ ທີ່ມັກຈະວົນວຽນກັບບຸກຄົນຢູ່ໃນຕໍາແໜ່ງດັ່ງກ່າວ.
ການແຕ່ງຕັ້ງ ທ່ານນາງ ໄວລສ໌ ເປັນການຕັດສິນໃຈທີ່ສໍາຄັນຄັ້ງທໍາອິດຂອງ ທ່ານ ທຣໍາ ໃນຖານະປະທານາທິບໍດີທີ່ຖືກເລືອກ ແລະອາດຈະເປັນການທົດສອບຄັ້ງສໍາຄັນຂອງລັດຖະບານທ່ານ, ເນື່ອງຈາກທ່ານ ຕ້ອງສ້າງທີມງານເພື່ອຊ່ວຍບໍລິຫານລັດຖະບານກາງຂະໜາດໃຫຍ່ຢ່າງໄວວາ. ທ່ານນາງ ໄວລສ໌ ບໍ່ມີບົດບາດຫຼາຍໃນຄະນະລັດຖະບານກາງ, ແຕ່ມີຄວາມສໍາພັນທີ່ໃກ້ຊິດກັບປະທານາທິບໍດີຄົນໃໝ່.
ໃນການໂຄສະນາຫາສຽງ, ທ່ານນາງ ໄວລສ໌ ສາມາດດໍາເນີນການໄດ້ໃນສິ່ງທີ່ຄົນອື່ນບໍ່ສາມາດເຮັດໄດ້ຫຼາຍປານໃດ ເຊັ່ນ ຊ່ວຍຄວບຄຸມແຮງກະຕຸ້ນຂອງ ທ່ານ ທຣໍາ ໂດຍບໍ່ແມ່ນການຕໍາໜິ ຫຼື ສັ່ງສອນ, ແຕ່ດ້ວຍການໄດ້ຮັບຄວາມເຄົາລົບຈາກທ່ານ ແລະສະແດງໃຫ້ທ່ານເຫັນວ່າ ທ່ານເຮັດໄດ້ດີຂຶ້ນເມື່ອທ່ານປະຕິບັດຕາມຄໍາແນະນໍາຂອງທ່ານນາງ ຫຼາຍກ່ວາໝິ່ນປະໝາດມັນ.
ເມື່ອ 8 ປີກ່ອນ, ທ່ານ ທຣໍາ ໄດ້ປະຖິ້ມການວາງແຜນຢ່າງລະມັດລະວັງຂອງທີມງານໃນການຫັນປ່ຽນຂອງທ່ານ ແລະທໍາການຈ້າງຜູ້ຊ່ວຍການໂຄສະນາຫາສຽງ, ສະມາຊິກໃນຄອບຄົວ ແລະສະມາຊິກຂອງພັກຣີພັບບລີກັນຫຼາຍຄົນແທນ, ເຊິ່ງໃຊ້ເວລາສ່ວນໃຫຍ່ໃນປີທໍາອິດຂອງການດໍາລົງຕໍາແໜ່ງ ເຂົ້າໃນການຕໍ່ສູ້ທີ່ຄອບງໍາການລາຍງານຂ່າວຂອງລັດຖະບານຊຸດໃຫມ່. ບັນດານັກຊ່ຽວຊານຫຼາຍຄົນພິຈາລະນາວ່າ ມັນເປັນຄວາມຜິດພາດຂັ້ນພື້ນຖານ ທີ່ເຮັດໃຫ້ປະທານາທິບໍດີທີ່ຫາກໍເຂົ້າມາວໍຊິງຕັນໃໝ່ ແລະລັດຖະບານຊຸດໃໝ່ ຕ້ອງພາກັນຂ້ອງຄາໃນເວລາສາບານໂຕເຂົ້າຮັບຕຳແໜ່ງ.
ທ່ານ ທຣໍາ ມີຫົວໜ້າຄະນະທີ່ປຶກສາສີ່ຄົນ, ລວມທັງຜູ້ນຶ່ງທີ່ເຮັດຫນ້າທີ່ຮັກສາການເປັນເວລານຶ່ງປີ ໃນຄະນະລັດຖະ ບານສະໄໝທໍາອິດຂອງທ່ານ, ໂດຍເປັນສ່ວນນຶ່ງຂອງການປ່ຽນແປງບຸກຄະລາກອນຄັ້ງໃຫຍ່ທີ່ສຸດໃນປະຫວັດສາດ. ຜູ້ຊ່ວຍລະດັບສູງຫຼາຍຄົນໄດ້ຖືກໄລ່ອອກໂດຍ ທ່ານ ທຣໍາ ໃນສະໄໝທໍາອິດຂອງທ່ານ ເນື່ອງຈາກບໍ່ພໍໃຈທີ່ຖືກເຮັດໃຫ້ຮູ້ສຶກວ່າ ຖືກຄວບຄຸມ ຫຼື ຖືກດູຖູກ, ໃນຂະນະທີ່ຄົນອື່ນໆ ກໍຖືກດຶງເຂົ້າໄປພົວພັນໃນຄວາມຂັດແຍ້ງທາງດ້ານອຸດົມການພາຍໃນຂອງຫ້ອງການປະທານາທິບໍດີທີ່ແຕກແຍກກັນ.
ອ່ານຂ່າວດ້ານລຸ່ມນີ້ເປັນພາສາອັງກິດ
President-elect Donald Trump has named Susie Wiles, the defacto manager of his victorious campaign, as his White House chief of staff, the first woman to hold the influential role.
Wiles is widely credited within and outside Trump’s inner circle for running what was, by far, his most disciplined and well-executed campaign, and was seen as the leading contender for the position. She largely avoided the spotlight, even refusing to take the mic to speak as Trump celebrated his victory early Wednesday morning. She resisted the formal title of campaign manager, avoiding becoming a target, given Trump’s history of cycling through people in that role.
Wiles’ hire is Trump’s first major decision as president-elect and one that could be a defining test of his incoming administration, as he must quickly build the team that will help run the massive federal government. Wiles doesn’t bring much federal government experience to the role, but has a close relationship with the president-elect.
On the campaign, Wiles was able to do what few others have been able to: help control Trump’s impulses — not by chiding him or lecturing, but by earning his respect and showing him that he was better off when he followed her advice than flouting it.
Eight years ago, Trump tossed the careful planning of his transition team and instead hired a motley assortment of campaign aides, family members and Republican insiders who spent the better part of his first year in office engaged in infighting that dominated news coverage of the new administration. It was what many experts consider a foundational mistake that hamstrung a president who was new to Washington and government upon his swearing in.
Trump went through four chiefs of staff — including one who served in an acting capacity for a year — during his first administration, part of a record-setting personnel churn. Many top aides were cast out by Trump in his first term, who resented being made to feel managed or condescended to, while others got caught up in ideological spats within the factionalized West Wing.