ທາງການແຂວງຫລວງພະບາງຈັດງານສະເຫລີມສະຫລອງ
ບຸນສົງການປີໃໝ່ປະຈໍາປີ 2554 ຢ່າງຍິ່ງໃຫຍ່ລະຫວ່າງ
ວັນທີ 10-18 ເມສາ ແລະຄາດວ່າຈະມີນັກທ່ອງທ່ຽວເຂົ້າຮ່ວມຫລາຍກວ່າ 2 ແສນຄົນ.
ເທດສະການບູນສົງການປືໃໝ່ລາວປະຈໍາປີ ພ.ສ. 2554 ຢູ່ເມືອມໍລະດົກໂລກຫລວງ
ພະບາງທີ່ໄດ້ເລື່ມຂ້ືນເມື່ອວັນທີ 10 ເມສາທີ່ຜ່ານມານີ້ແລະກໍ່ຍັງຈະດໍາເນີນຕໍ່ໄປຈົນເຖິງ
ວັນທີ 18 ເມສານັ້ນ ທາງການແຂວງຫລວງພະບາງກໍໄດ້ສະແດງຄວາມເຊື່ອໝັ້ນວ່າ
ຈະມີນັກທ່ອງທ່ຽວທັງຄົນລາວແລະ ຄົນຕ່າງຊາດຈໍານວນຫລາຍກວ່າ 2 ແສນຄົນທີ່ຈະ
ເດີນທາງເຂົ້າໄປທ່ອງທ່ຽວຢູ່ແຂວງຫລວງພະບາງໃນຕະຫລອດໄລຍະດັ່ງກ່າວ.
ນອກຈາກນີ້ເພື່ອເປັນການເຮັດໃຫ້ສາມາດບັນລຸເປົ້າໝາຍທີ່ວາງໄວ້ດັ່ງກ່າວໄດ້ຢ່າງແທ້ຈິງນັ້ນ
ກໍ່ເຮັດໃຫ້ແຂວງຫລວງພະບາງໄດ້ລົນນະລົງເພື່ອດຶງເອົາການມີສ່ວນຮ່ວມຂອງປະຊາຊົນລາວ
ເຂົ້າໃນກິດຈະການສົ່ງເສີມການທ່ອງທ່ຽວທາງດ້ານສີລະປະວັດທະນະທໍາ ແລະທໍາມະຊາດ
ໃຫ້ຫລາຍຂື້ນອີກດ້ວຍດັ່ງທີ່ເຈົ້າໜ້າທີ່ປະຈໍາຫ້ອງການທ່ອງທ່ຽວ ແຂວງຫລວງພະບາງໄດ້
ໃຫ້ການຢືນຢັນວ່າ:
ຂ. ຫຼວງພະບາງຈັດ ງານສະຫຼອງບຸນປີໃໝ່ລາວ ຢ່າງຍິ່ງໃຫຍ່ມະໂຫລານ
“ກິດຈະກໍານັ້ນພວກເຮົາບໍ່ສາ
ມາດປະລະປະຊາຊົນໄດ້ຈັ່ງ
ຊັ້ນການມີສ່ວນຮ່ວມຂອງ
ປະຊາຊົນກໍຄືຂອດຕັດສິນ
ຂອງການພັດທະນາການ
ທ່ອງທ່ຽວແລ້ວພວກເຮົາ
ໄດ້ຢືດຖືເອົາການທ່ອງທ່ຽວ
ແບບປະຊາຊົນມີສ່ວນ
ຮ່ວມນີ້ເປັນຫລັກໃນການ
ຂະຫຍາຍ ແລະການພັດ
ທະນາສົ່ງເສີມການທ່ອງທ່ຽວ
ຢູ່ແຂວງຫລວງພະບາງນີ້”.
ທັງນີ້ໂດຍທາງການແຂວງຫລວງພະບາງໄດ້ປະເມີນວ່າໃນແຕ່ລະວັນຈະມີການໃຊ້ຈ່າຍຂອງຄົນ
ລາວຄິດເປັນມູນຄ່າສະເລ່ຍ
ຫລາຍກວ່າ 200 ລ້ານກີບ
ສ່ວນການໃຊ້ຈ່າຍຂອງບັນດາ
ນັກທ່ອງທ່ຽວຄົນຕ່າງຊາດນັ້ນ
ກໍຄິດວ່າຈະມີມູນຄ່າເກີນກວ່າ
3 ແສນໂດລາໃນຕະຫລອດ
ງານບຸນ.
ສໍາລັບກິດຈະກໍາ ແລະກໍານົດການຕ່າງໆໃນຕະຫລອດງານບຸນສົງການປີໃໝ່ລາວ ຢູ່ແຂວງ
ຫລວງພະບາງໃນປີນີ້ກໍ່ເລີ່ມດ້ວຍງານຕະຫລາດນັດຢູ່ທີ່ເດີ່ນທາດຫລວງໃນວັນທີ 10 ເມສາ
ແລະຍັງຈະດໍາເນີນຕໍ່ໄປຈົນເຖິງມື້ວັນທີ 18 ເມສາ ອັນເປັນມື້ສຸດທ້າຍຂອງເທດສະການຕິດ
ຕາມດ້ວຍງານມະຫະກໍາດົນຕີທັງເພງລາວ ແລະເພງນານາຊາດໃນວັນທີ 11 ເມສາທີ່ຜ່ານມາ.
ຂະບວນແຫ່ນາງສັງຂານ ໃນໂອກາດສະເຫລີມສະ ຫລອງບຸນປີໃໝ່ລາວ ທີ່ເມືອງຫລວງພະບາງ
ສ່ວນວັນທີ 12-13 ເມສາກໍເປັນການຈັດງານປະກວດນາງສັງຂານໃນຕອນກາງຄືນຕໍ່ເນື່ອງດ້ວຍການລົງຕະຫລາດເຊົ້າ
ໃນວັນທີ 14 ເມສາເຊິ່ງເລີ່ມແຕ່ເວລາ 6ໂມງເຊົ້າເຖິງທ່ຽງ
ຄືນ ແລະຕອນບ່າຍຂອງມື້ດຽວກັນກໍ່ໄດ້ມີກິດຈະກໍາການ
ກໍ່ເຈດີຊາຍຢູ່ແຄມນໍ້າຂອງໃນເຂດເມືອງຈອມເພັດຕໍ່ເນື່ອງ
ດ້ວຍການແຂ່ງຂັນກິລາພື້ນເມືອງ ແລະການບາສີສູ່ຂວັນ.
ສໍາລັບໃນຕອນເຊົ້າຂອງວັນທີ 15 ເມສາ ນັ້ນກໍ່ຈະເປັນການຢ້ຽມຊົມວິຖີຊີວິດການເປັນຢູ່ ແລະ ສິນລະປະວັດທະນະທໍາຂອງໄທລື້ໂດຍຈະມີບຸກຄົນສໍາຄັນຂອງທາງການລາວເຂົ້າ
ຮ່ວມໃນພິທີບາສີຂອງຊາວໄທລື້ ສ່ວນໃນຕອນບ່າຍກໍ່
ເປັນການແຫ່ວໍ່ອອກຈາກວັດທາດນ້ອຍໄປວັດຊຽງທອງເພື່ອປະກອບພິທີກໍາທາງສາສະໜາ ແລະ ຕັກບາດໃນຕອນເຊົ້າຂອງວັນທີ 16 ເມສາກ່ອນທີ່ຈະແຫ່ວໍຈາກວັດຊຽງທອງກັບຄືນໄປວັດທາດນ້ອຍໃນຕອນແລງຂອງມື້ດຽວກັນນັ້ນ.
ໜຸ່ມສາວລາວພາກັນສົງພະທີ່ວັດ ແຫ່ງນຶ່ງໃນເມືອງຫລວງພະບາງ
ສ່ວນວັນທີ 17 ເມສາກໍຈະມີການອັນເຊີນພະບາງຈາກພິພິດຕະພັນພະຣາດຊະວັງໄປຍັງວັດໃໝ່ສຸວັນນະພູມເພື່ອໃຫ້ປະຊາຊົນຫົດສົງຈົນເຖິງວັນທີ 18 ເມສາກ່ອນທີ່ຈະອັນເຊີນພະບາງກັບໄປທີ່ຫໍພິພິດຕະພັນພະຣາດຊະວັງໃນຕອນແລງຂອງມື້ດຽວກັນອັນເປັນມື້ສຸດທ້າຍ
ຂອງການສະເຫລີມສະຫລອງ.