ບັນດາໜ່ວຍກູ້ໄພ ຢູ່ພາກກາງປະເທດຈີນ ຍັງສືບຕໍ່ໃນວັນອັງ
ຄານມື້ນີ້ເພື່ອຊອກຫາຜູ້ລອດຊີວິດມາໄດ້ ຫລັງຈາກເຮືອໂດຍ
ສານທີ່ບັນທຸກ 450 ຄົນ ໄດ້ຫລົ້ມ ລະຫວ່າງທີ່ເກີດລົມພາຍຸ ຢູ່
ແມ່ນຳ້ຢັງຊີ.
ອົງການຂ່າວຊິນຫົວຂອງທາງການຈີນ ກ່າວວ່າ ແລະມີພຽງແຕ່
15 ຄົນໄດ້ຖືກຊ່ວຍຊີວິດໄວ້ໄດ້ ແລະອີກຫ້າສົບໄດ້ຄົ້ນພົບມາ
ຮອດປັດຈຸບັນນີ້. ລົມແຮງ ແລະ ຝົນຕົກໜັກໄດ້ເປັນອຸບປະສັກ
ຂັດຂວາງຕໍ່ການຊອກຫາຄົນອຶ່ນໆ.
ສາມຊົບໄດ້ພົບເຫັນ ຢູ່ລຸ່ມແມ່ນຳ້ທີ່ Yueyang ໃນແຂວງ
Hunan ປະມານ 50 ກິໂລແມັດຫ່າງຈາກບ່ອນເຮືອຫລົ້ມ ອີງຕາມໜັງສືພິມປະຊາຊົນລາຍວັນ.
ໜ່ວຍກູ້ໄພກຳລັງປະຕິບັດງານຢູ່ບ່ອນເຮືອຫລົ້ມ
ຜູ້ໂດຍສານຫລາຍຄົນເຊື່ອວ່າ ຍັງຕົກຄ້າງຢູ່ທາງໃນຂອງເຮືອ. ພວກກູ້ໄພລາຍງານວ່່າ ໄດ້ຍິນສຽງຮ້ອງໃຫ້ຂໍຄວາມຊ່ວຍເຫລືອຈາກທາງຂອງເຮືອທີ່ຫລົ້ມ ອີງຕາມລາຍງານຂອງສື່ມວນຊົນທາງການຈີນ.
ທະຫານຫລາຍກວ່າ 1,000 ຄົນ ແລະ ເຮືອ 48 ລຳ ກຳລັງພົວພັນໃນການ ປະຕິບັດງານກູ້ໄພ ອີງຕາມໜັງສືພິມປະຊາຊົນລາຍວັນ.
ສາເຫດທີ່ຫາໃຫ້ເຮືອຫຼົ້ມຄັ້ງນີ້ຍັງບໍ່ເປັນທີ່ແຈ້ງຂາວເທື່ອ. ເຮືອດາວຕາເວັນອອກ ຫລື Dongfangzhixing ແລ່ນອອກຈາກເມືອງ Nanjing ໄປຫາເມືອງ Chongqing ຢູ່ທາງພາກຕາເວັນຕົກສຽງໃຕ້ຂອງປະເທດຈີນແລະໄດ້ຫລົ້ມຢ່າງກະທັນຫັນ ໃນອັນທີ່ກ່າວກັນວ່າ ເປັນລົມຫົວກຸດຂະໜາດໃຫຍ່.
ນາຍົກລັດຖະມົນຕີ Li Keqiang ກຳລັງຕິດຕາມເບິ່ງຄວາມພະຍາຍາມກູ້ໄພດ້ວຍຕົນເອງ ແລະໃນຕອນເຊົ້າວັນອັງຄານ ໄດ້ໄປເຖິງບ່ອນກູ້ໄພ ພ້ອມດ້ວຍ ຄະນະເຈົ້າໜ້າທີ່ຂອງສະພາປົກຄອງລັດ ອີງຕາມອົງການຂ່າວຊິນຫົວ.
ປະທານ ປະເທດ Xi Jinping ໄດ້ສັ່ງໃຫ້ ພະຍາຍາມກູ້ໄພ ‘ເຖິງທີ່ສຸດ” ເພື່ອ ຊ່ວຍຜູ້ໂດຍສານ ຊຶ່ງສ່ວນຫລາຍເຊື່ອວ່າມີອາຍຸລະຫວ່າງວ 50 ຫາ 80 ປີ ອີງຕາມສື່ມວນຊົນຂອງທາງການ.
ຈີນເລັ່ງຊອກຫາ ພວກລອດຊີວິດ ຈາກເຮືອຫຼົ້ມ
ບັນດາຍາດຕິພີ່ນ້ອງຂອງຜູ້ຫາຍສາບ ສູນ ພາກັນລໍຖ້າຢ່າງກະວົນກະວາຍ ເພື່ອຮັບຟັງຂ່າວກ່ຽວກັບຄົນຮັກຂອງເຂົາເຈົ້າ ແລະຕ້ອງການຄຳຕອບຕໍ່ການພະຍາ ຍາມກູ້ໄພທີ່ເບິ່ງຄືວ່າເປັນໄປດ້ວຍຄວາມຊັກຊ້ານັ້ນ.
ທ່ານ Chen Guifu ທີ່ມີສະມາຊິກຄອບຄົວຫ້າຄົນ ຢູ່ໃນເຮືອ ກ່າວວ່າ “ມື້ເຊົ້ານີ້ພວກເຮົາເຫັນຢູ່ອິນເຕີແນັດ ເຮືອໄດ້ປີ້ນຂວ້ຳ. ມັນເກີດຂື້ນໃນເວລາ 11 ໂມງ ຕອນແລງ ມື້ຄືນນີ້. ກ່ອນອື່ນພວກເຮົາພະຍາຍາມຕິດຕໍ່ຫາຄອບຄົວຂອງພວກເຮົາ. ພວກເຮົາໂທຫາໝົດທຸກຄົນ ແຕ່ບໍ່ມີໃຜຕອບ.”
ໂທລະພາບ CCTV ຂອງທາງການຈີນລາຍງານວ່າ ເຮືອທີ່ເປັນເຈົ້າຂອງໂດຍ ບໍລິສັດຂົນສົ່ງ Chongqing ຕາເວັນອອກ ທີ່ນຳພາການທ່ອງທ່ຽວຢູ່ໃນເຂດ ເຂື່ອນສາມໜ້າຜາ ກ່າວວ່າ ເຮືອລຳນີ້ ສາມາດບັນທຸກຜູ້ໂດຍສານ 534 ຄົນ.
Your browser doesn’t support HTML5
China Ship Sinks