ລາຍການກະຈາຍສຽງຂອງວີໂອເອລາວ ວັນທີ 16 ສິງຫາ 2022

ວີໂອເອພາກພາສາລາວ ກະຈາຍສຽງທຸກໆວັນ ເປັນເວລາ 30 ນາທີ. ພວກເຮົາສະເໜີຂ່າວ ຂໍ້ມູນ ແລະລາຍງານທີ່ໜ້າສົນໃຈ ກ່ຽວກັບເຫດການທີ່ເກີດຂຶ້ນໃນປະເທດລາວ ສະຫະລັດອາເມຣິກາ ເອເຊຍແລະຂົງເຂດອື່ນໆຂອງໂລກ ຕະຫລອດທັງບົດຮຽນພາສາອັງກິດ ແລະລາຍການເພງຕາມຄຳຂໍຂອງທ່ານຜູ້ຟັງ. ຫົວຂໍ້ຂ່າວສຳຄັນສຳລັບມື້ນີ້ມີ: ຢູເຄຣນ ຮຽກຮ້ອງມາດຕະການລົງໂທດໃໝ່ ທ່າມກາງຄວາມເປັນຫ່ວງ ກ່ຽວກັບການລະດົມຍິງໃສ່ໂຮງໄຟຟ້ານິວເຄລຍ, ກຸ່ມຕາລີບານ ສະຫຼອງຂີດໝາຍການປົກຄອງປະເທດໄດ້ນຶ່ງປີ ທ່າມກາງການຕຳໜິວິຈານ ກ່ຽວກັບສິດທິ ແລະ ການລ່ວງລະເມີດອື່ນໆ ແລະປະຊາຊົນອັຟການິສຖານ ຫຼາຍລ້ານຄົນກຳລັງປະເຊີນກັບ ໄພຫາຍະນະດ້ານອາຫານ.